სენაკში, ზუგდიდში, ქუთაისში ახალგაზრდებმა დისკუსია გამართეს შემდეგ საკითხზე „ქალთა მიგრაცია - კავშირი ოჯახურ კონფლიქტებთან“.
დისკუსიისას დაფიქსირდა, რომ მიგრაცია ხშირად ხელს უწყობს ოჯახში კონფლიქტების განვითარებას. მონაწილეებმა არაერთი ცოცხალი ისტორია გაიხსენეს, ასეთი ოჯახებიდან გამოსულ ბავშვებს როგორ უჭირთ მეგობრებთან კომუნიკაცია.
- როცა ოჯახში დედის ფუნქცია სხვას აქვს შეთავსებული, მაგალითად, მამას ან ბებია-ბაბუას, ურთიერთობაში პრობლემები ხშირად იქმნება, რადგან დედის დეფიციტს ვერავინ ავსებს. ასეთი ბავშვები შინაგანად ჩაკეტილები ხდებიან და აგრესიას სხვადასხვა ფორმით ავლენენ, - მიიჩნევენ ახალგაზრდები.
მონაწილეებმა მიიღეს რეკომენდაციები, როგორ დაეხმარონ თანატოლებს კონფლიქტური სიტუაციების დაძლევაში.
ძალადობის პრევენცია ახალგაზრდებში, დაცვის მექანიზმები და საზოგადოების როლი - ამ აქტუალურ თემას მიეძღვნა ახალგაზრდული კლუბების საინფორმაციო შეხვედრები, რომლებიც გაიმართა სენაკის მესამე საჯარო სკოლაში, ქუთაისის ბავშვთა სახლში და სოფელ დიდი ნეძში (ზუგდიდის მუნიციპალიტეტი). შეხვედრები
მონაწილეები დაინტერესდნენ თემის განხილვით. აქტიურად ჩაერთნენ დისკუსიაში.
„ჩემთვის აქტუალური ძალადობის თემა, სტატისტიკა შემაშფოთებელია და ამიტომ საჭიროა მსგავსი შეხვედრების უფრო ფართო მასშტაბით ჩატარება,“ - აღნიშნა ერთ-ერთმა მონაწილე გოგონამ.
წყალტუბოს, ოზურგეთის და ხონის მუნიციპალიტეტების მოსწავლეებთან ჩატარდა ახალგაზრდული კლუბების საინფორმაციო შეხვედრები. შეხვედრების თემა - ძალადობის პრევენცია ახალგაზრდებში, დაცვის მექანიზმები და საზოგადოების როლი. მონაწილეებმა ისაუბრეს ძალადობის მიზეზებზე, ოჯახისა და საზოგადოების როლზე მოზარდის ჩამოყალიბებაში.
დისკუსია ახალგაზრდებისთვის გულახდილობის და სითამამის სივრცე აღმოჩნდა. ისინი აქტიურად ჩაერთნენ, იმსჯელეს ცხოვრებისეული მაგალითების მიხედვით.
ქალთა მიგრაცია, კავშირი ოჯახურ კონფლიქტებთან და მისი მოგვარების მექანიზმები - ამ საკითხებზე გაიმართა დისკუსია წყალტუბოში, ხონსა და ოზურგეთში ახალგაზრდებთან გამართულ ვორკშოპებზე.
მონაწილეებმა დააფიქსირეს, რომ ქალთა მიგრაცია სერიოზული პრობლემაა ყველა რეგიონში. მიგრაციაში მყოფი ქალის ოჯახში ხშირია კონფლიქტი. მონაწილეებს შორისაც აღმოჩნდნენ ისეთები, რომელთა ოჯახის წევრი საზღვარგარეთ იმყოფება სამუშაოდ. ისინი განსაკუთრებული ინტერესით საუბრობდნენ ამ საკითხზე.
- ქალთა მიგრაცია სეროზულ პრობლემებს ქმნის ოჯახში, ასეთ ოჯახებში გაზრდილი ბავშვები გაუცხოვებას, სულიერი სიახლოვის დეფიციტს განიცდიან. მათ განსაკუთრებული მხარდაჭერა სჭირდებათ, რათა შეძლონ საზოგადოებაში ინტეგრირება, - მიიჩნევენ ახალგაზრდები.
ტრეფიკინგი როგორც ძალადობის ფორმა, მისი მიზეზები, სტატისტიკა, ტრეფიკინგის მსხვერპლის პრობლემები, პრევენციული ზომები - ეს თემები განიხილეს ფონდი „სოხუმის“ ახალგაზრდულ კლუბებში - ქუთაისის ახალგაზრდულ ცენტრში, სოფელ ღვანკითში (თერჯოლის მუნიციპალიტეტი) და ოზურგეთის ერთ-ერთ საჯარო სკოლაში.
მონაწილეებმა ისაუბრეს სოციალურ პრობლემებზე, რომელმაც გამოიწვია მიგრაცია და მასთან ერთად - ტრეფიკინგი. ტრეფიკინგი განიხილეს, როგორც განვითარების სერიოზული საფრთხე. აქცენტები გაკეთდა სამართლებრივი დაცვის მექანიზმებზე.
ქუთაისში, თერჯოლაში, ოზურგეთში ახალგაზრდებთან ვორკშოპები გაიმართა, განხილვის თემა იყო ბულინგი. მონაწილეებმა იმ მიზეზებზე ისაუბრეს, რომლებიც ხელს უწყობს ახალგაზრდებში აგრესიის მატებას. ერთ-ერთი მიზეზი ის არის, რომ ცოცხალი ურთიერთობები დაიკარგა და კომუნიკაცია ძირითადად ხორციელდება ონლაინ. ეს ამკვიდრებს ცივ, უემოციო ურთიერთობებს. ახლო მეგობრებიც კი ერთმანეთს კარგად არ იცნობენ. მიზეზებს შორის დასახელდა კონფლიქტები ოჯახში, მშობლების მიგრაცია. მონაწილეთა აზრით, სახელმწიფომ მეტად უნდა იზრუნოს სოციალური პრობლემების მოსაგვარებლად - ეს ხელს შეუწყობს ჰარმონიას ოჯახსა და საზოგადოებაში.
ხონის, სენაკის და სოფელ ქვიანის (ლანჩხუთის მუნიციპალიტეტი) სკოლებში ჩატარდა ახალგაზრდული კლუბების საინფორმაციო შეხვედრები თემაზე „ტრეფიკინგი როგორც ძალადობის ერთ-ერთი ფორმა, მიზეზები, დაცვის მექანიზმები ძალადობის პრევენციისთვის“.
შეხვედრებზე აქტიური ჯგუფები შეიკრიბა, რომლებმაც ასისტენტთან ერთად გააანალიზეს ეს პრობლემა, ისაუბრეს რისკებზე, კანონზე, დაცვის მექანიზმებზე.
როგორც ერთ-ერთმა მონაწილემ აღნიშნა, მსგავსი პრობლემების განხილვა სითამამეს აძლევს თითეულ მათგანს და, რაც მთავარია, მათ შეუძლია ინფორმაციები გადასცენ სხვებს, განსაკუთრებით - თანატოლებს.
ყველა შეხვედრა დიალოგის ფორმატით წარიმართა. მონაწილეებს ჰქონდათ საკუთარი აზრის დაფიქსირების საშუალება. შეხვედრის დროს ნაჩვენები იყო ვიდეორგოლები, რომლებშიც ასახულია ძალადობის საკითხები და ემსახურება მონაწილეების მეტ ჩართულობას და ინფორმირებას. ვაჟებს მოსწონთ შეხვედრები და მიაჩნიათ, რომ არაფორმალურ განათლებას დიდი მნიშვნელობა აქვს.
მორიგი შეხვედრები გაიმართა ხონის (6 ივნისი), სენაკის (7 ივნისი) და ქუთაისის (8 ივნისი) მუნიციპალიტეტის სკოლებში. შეხვედრები ხელს უწყობს ვაჟების ჩამოყალიბებას არამოძალადე პიროვნებებად.
ბულინგის თემა განსაკუთრებული ინტერესით განიხილეს ახალგაზრდებმა ხონში, სენაკსა და ლანჩხუთში.მონაწილეებმა რეალური ფაქტები გაიხსენეს და მათი ანალიზი გააკეთეს.
- მქონია შემთხვევა, როცა „მოძალადე“ ვყოფილვარ, თუმცა ეს გაუაზრებლად მომხდარა. ზედმეტსახელით ხშირად მივმართავ ჩემს მეგობარს, იმასაც არ წყინს. ახლა ვხვდები, რომ ისიც ვერ აცნობიერებს, რომ ბულინგის მსხვერპლია. სამოქალაქო გაკვეთილზე განვიხილავთ ამ თემას, მაგრამ საკმარისი არ არის.
- ჩვენ არ ვაფასებთ ჩვენს ქცევებს, არ ვფიქრობთ იმაზე, რას გრძნობს ჩვენი მეგობარი, რომელიც უკვე მიეჩვია ზედმეტსახელს. ბულინგის შედეგები წლების შემდეგაც შეიძლება გამოჩნდეს.
მონაწილეების აზრით, რომ ბულინგის თემა სერიოზულია. მარტო სკოლას ან ოჯახს არ შეუძლია ამ პრობლემის მოგვარება. ყველა ერთად უნდა მოქმედებდეს და საწყის სტადიაში უნდა ხდებოდეს მისი პრევენცია.
„ტრეფიკინგის თემაზე ჩვენ არავინ გვესაუბრება, თუმცა გაზრდილი მიგრაციის პირობებში ყოველი ჩვენგანი შეიძლება გახდეს ტრეფიკინგის მსხვერპლი. ამიტომ ეს შეხვედრა მნიშვნელოვანია პრევენციის თვალსაზრისით“, - ასეთი იყო ახალგაზრდული კლუბების საინფორმაციო შეხვედრების მონაწილეთა საერთო მოსაზრება.
ტრეფიკინგი როგორც ძალადობის ფორმა, მისი მიზეზები, სტატისტიკა, ტრეფიკინგის მსხვერპლის პრობლემები, პრევენციული ზომები - ეს თემები აქტუალური და საინტერესო აღმოჩნდა ახალგაზრდებისთვის. მათ ნახეს თემატური ფილმი და აქტიურად ჩაერთნენ დისკუსიაში. საუბრობდნენ სოციალურ პრობლემებზე, მიგრაციაზე, დაცვის მექანიზმებზე, გამოსავალზე.
შეხვედრები ჩატარდა ფოთის, ცხუნკურის (წყალტუბოს მუნიციპალიტეტი) და განმუხურის (ზუგდიდის მუნიციპალიტეტი) ახალგაზრდებთან.