17 იანვარს გაიმართა სამოქალაქო ორგანიზაციების საერთო ფორუმის რიგით მეორე შეხვედრა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
ფორუმის მონაწილეებმა განიხილეს და მიიღეს სამოქალაქო საზოგადოების ორგანიზაციების (სსო) საერთო ფორუმის დებულება. ლანჩხუთისა და ოზურგეთის მუნიციპალიტეტების სამოქალაქო საზოგადოებების ორგანიზაციების წარმომადგენლებმა გააკეთეს პრეზენტაცია თავიანთ მუნიციპალიტეტებში საჯარო მმართველობის არსებული მდგომარეობის შესახებ.
შეხვედრის მონაწილეებს ჰქონდათ შესაძლებლობა, დაესვათ კითხვები და გაეზიარებინათ თავიანთი მოსაზრებები.
პროექტი ხორციელდება ევროკავშირის მხარდაჭერით
14 იანვარს ფონდი „სოხუმის“ ოფისში გაიმართა პარტნიორი ორგანიზაციების მორიგი შეხვედრა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში, რომელიც დაფინანსებულია ევროკავშირის მიერ.
პროექტის შემსრულებლებმა განიხილეს საერთო ფორუმის შეხვედრისა და საჯარო მმართველობის რეფორმის საგზაო რუკის მონიტორინგის თემაზე მორიგი ტრენინგის საკითხები.
ზუგდიდის მუნიციპალიტეტის საკრებულოს სხდომათა დარბაზში გაიმართა საკოორდინაციო შეხვედრა, რომელშიც მონაწილეობდნენ სამეგრელო-ზემო სვანეთის სამხარეო ადმინისტრაციის და რეგიონის 7 მუნიციპალიტეტის წარმომადგენლები, გენდერული საბჭოს წევრები, სოციალური და ჯანდაცვის სამსახურის უფროსები.
შეკრებილებმა ისაუბრეს სამხარეო ადმინისტრაციის მნიშვნელობაზე მუნიციპალური გენდერული საბჭოების მუშაობის კოორდინაციის საქმეში, შესაბამის ნაციონალურ სტრუქტურებთან საჭირო ინფორმაციის მიწოდებაზე.
გამოიკვეთა მთავარი - მუნიციპალური გენდერული თანასწორობის საბჭოების მიერ გენდერული პოლიტიკის დანერგვის მნიშვნელობა და ქალთა მიმართ/ოჯახში ძალადობის პრევენციის და მსხვერპლთა დაცვის მიმართულებით მუშაობის აუცილებლობა.
დეკემბერში ფონდი „სოხუმის“ ფსიქოლოგმა ჯგუფური შეხვედრები გამართა რეგიონებში.
ოზურგეთისა და ლანჩხუთის საბავშვო ბაღებში საუბარი იყო თემაზე „7 წლამდე ასაკის ბავშვების ფსიქოლოგიური აღზრდის თავისებურებები“. გამოვლინდნენ პრობლემური ბავშვები. მეთოდისტები და პედაგოგები ადგილობრივ ფსიქოლოგთან განაგრძობენ მუშაობას.
ფოთის ორ საბავშვო ბაღში ჩატარებული არტსესიის შემდეგ გამოიკვეთა 13 ბავშვი - ოჯახში ძალადობის რისკით, დაბალი თვითშეფასებით და აგრესიული ხასიათით. ბავშვების ნახატები გადაეცა ფსიქოლოგს შემდგომი მუშაობისთვის.
სენაკსა და ხონში მოეწყო 4 ინდივიდუალური კონსულტაცია, ქუთაისში კი 10 ბენეფიციარი განაგრძობს ფსიქოთერაპიულ კურსს.
ვანის მუნიციპალიტეტში სამუშაო შეხვედრა გაიმართა პროექტის „გურიის, იმერეთის, რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. ფონდი „სოხუმის“ წარმომადგენელი შეხვდა სამოქალაქო საზოგადოების ორგანიზაციებს - საინიციატივო ჯგუფი „თანადგომა“ და „მოქალაქეთა აქტიურობა ეფექტური მმართველობისა და სამართლიანობისთვის“. განხილული იქნა ტრენინგის შედეგად მიღებული ინფორმაციები და საერთო ფორუმისთვის შემუშავებული დებულება. ორგანიზაციებს გაეწია კონსულტაცია პროექტის ფარგლებში დაგეგმილ აქტივობებთან დაკავშირებით.
პროექტი ხორციელდება ევროკავშირის მხარდაჭერით
მეწარმე ქალთა ფონდმა 17 დეკემბერს ამბროლაურის მუნიციპალიტეტში ჩაატარა შეხვედრა ადგილობრივი პარტნიორი სამოქალაქო საზოგადოების ორგანიზაციების „რაჭა-ლეჩხუმისა და ქვემო სვანეთის რეგიონული ჰაბი - აფხაზინტერკონტი“ და „რაჭა-ლეჩხუმის და ქვემო სვანეთის თვითმმართველობის რესურსცენტრი“ წარმომადგენლებთან. შეხვედრაზე საუბარი იყო ტრენინგის შედეგად მიღებულ ცოდნაზე, მონიტორინგის შესრულების მექანიზმებზე, ურთიერთთანამშრომლობის მემორანდუმზე, ასევე ორგანიზაციებს გაეწია კონსულტაცია პროექტში დაგეგმილ სამომავლო საქმიანობებზე.
შეხვედრები ჩატარდა პროექტის „გურიის, იმერეთის, რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. პროექტი ხორციელდება კულტურულ-ჰუმანიტარული ფონდი „სოხუმი“, მეწარმე ქალთა ფონდთან და იმერეთის მეცნიერთა კავშირ „სპექტრთან“ პარტნიორობით და დაფინანსებულია ევროკავშირის მიერ.
პროექტი ხორციელდება ევროკავშირის მხარდაჭერით
სამხარეო ადმინისტრაციის როლი მუნიციპალური გენდერული თანასწორობის საბჭოების მუშაობის კოორდინაციის საქმეში, საბჭოების წინაშე არსებული გამოწვევების შესახებ ინფორმაციის შეგროვების და შესაბამისი ნაციონალური სტრუქტურებისათვის ამ ინფორმაციის მიწოდების მნიშვნელობა.
სწორედ ამ საკითხებს მიეძღვნა საკოორდინაციო შეხვედრა ოზურგეთის საკრებულოს სხდომათა დარბაზში, რომელიც გურიის სამხარეო ადმინისტრაციასთან თანამშრომლობით ჩატარდა. შეხვედრაში მონაწილეობა მიიღეს სამი მუნიციპალიტეტის (ოზურგეთი, ლანჩხუთი, ჩოხატაური) სახელმწიფო სტრუქტურების წარმომადგენლებმა.
შეხვედრაზე განხილულ იქნა გენდერული თანასწორობის საბჭოების მიერ მუნიციპალური გენდერული პოლიტიკის დანერგვის (მათ შორის - ქალთა მიმართ და ოჯახში ძალადობის) კუთხით განხორციელებული საქმიანობა და დაისახა ამოცანები მომავალი თანამშრომლობისთვის.
პროექტი ხორციელდება ორგანიზაცია Brot für die Welt - Evangelischer
Entwicklunsdienst მხარდაჭერით (გერმანია)
საინიციატივო ჯგუფი „თანასწორობა ახლა“ და შშმ პირთა კავშირი „რწმენა და იმედი“ - სამოქალაქო საზოგადოების ამ ორგანიზაციებთან გაიმართა შეხვედრა ბაღდათის მუნიციპალიტეტში. მონაწილეებმა ისაუბრეს გასულ თვეს ჩატარებული ტრენინგის ფარგლებში მიღებულ ინფორმაციებზე და მის პრაქტიკულ გამოყენებაზე. ასევე განიხილეს მორიგ შეხვედრაზე მისაღები დებულება.
პროექტი ხორციელდება ევროკავშირის მხარდაჭერით
თერჯოლის მუნიციპალიტეტში ჩატარდა შეხვედრები, რომლებშიც მონაწილეობდნენ სამოქალაქო საზოგადოების ორგანიზაციები: ინვალიდთა ასოციაცია და საქართველოს ა(ა)იპ ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“.
ორივე შეხვედრა იყო ნაყოფიერი, რადგან საუბარი შეეხო სამომავლო გეგმებს, მონიტორინგში მონაწილე სამუშაო ჯგუფებს, მემორანდუმს. კარგი შეფასება მიეცა ტრენინგს, რომელიც ნოემბერში გაიმართა სამოქალაქო საზოგადოების ორგანიზაციების წარმომადგენლებისთვის: „ტრენინგი იყო საინტერესო, დინამიური და დახვეწილი. ყველა ინფორმაცია - საჭირო და გამოსადეგი“.
ახლო ხანებში დაიგეგმა თერჯოლის მერთან შეხვედრა - პროექტის გაცნობის მიზნით.
პროექტი ხორციელდება ევროკავშირის მხარდაჭერით
11დეკემბერს მეწარმე ქალთა ფონდმა ცაგერის მუნიციპალიტეტში მომუშავე პარტნიორ ორგანიზაციებთან „ა/აიპი ქალთა უფლებებისა და გენდერული თანასწორობის ცენტრი“ და „აქტიური მოქალაქე - ანგარიშვალდებული ხელისუფლება“ - პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში ყოველთვიური შეხვედრა ჩაატარა. განხილული იყო ტრენინგების შედეგად მიღებული ინფორმაციები, შემუშავებული დებულება და ურთიერთთანამშრომლობის მემორანდუმი. ორგანიზაციებს გაეწიათ კონსულტაცია პროექტის ფარგლებში.
