შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ხონი მესამე ქალაქია ქუთაისისა და წყალტუბოს შემდეგ, სადაც ქალთა საინიციატივო ჯგუფები ჩამოყალიბდა. ისინი ადამიანური უსაფრთხოების თემაზე ჩატარებული ვორკშოპებიდან შეირჩნენ. მონაწილეებმა შეავსეს სპეციალური ანკეტები, სადაც დააფიქსირეს მოტივაცია, რატომ სურთ მოხვდნენ საინიციატივო ჯუფში.
ამ ჯგუფში 6 ქალიფ, რომელსაც აქვს კომუნიკაციის უნარი, პრობლემებზე მუშაობის გამოცდილება.
სამივე ქალაქის საინიციატივო ჯგუფის წევრები სპეციალურ ტრენინგს გაივლიან, რის შემდეგაც გაგრძელდება მუშაობა პრობლემების ადვოკატირებით.
19-26 მაისს პროექტის მონაწილეები, 4 ქვეყნის (უკრაინა, საქართველო, სომხეთი და ჩრდილოეთ კავკასია) წარმომადგენლები შეხვდნენ ერთმანეთს კიევში, რათა შეესწავლათ, როგორ მუშაობენ უკრაინაში მოქმედი არასამთავრობო ორგანიზაციები კონფლიქტური ადგილებიდან იძულებით გადაადგილებულ ადამიანებთან. ვიზიტში მონაწილეობდა 16 ძირითადი მონაწილე, 4 კოორდინატორი და პროექტის დირექტორი გერმანიიდან.
მონაწილეებმა შესაძლებლობა ჰქონდათ, გაცნობოდნენ უკრაინაში მოქმედი 11 ორგანიზაციის მუშაობას. მაღალ დონეზე იყო ორგანიზებული შეხვედრების როგორც სამუშაო, ისე კულტურულ-საგანმანათლებლო ნაწილი. ისინი ჰარმონიულად ავსებდნენ ერთმანეთს.
ინტეგრაცია, განსახლება, შემწეობისა და კომპენსაციის გაცემა, მშვიდობის მშენებლობის და ნდობის აღდგენის პროგრამები - ასეთი იყო შეხვედრებზე განხილული ძირითადი საკითხები.
საგანმანათლებლო ვიზიტმა აჩვენა თანამშრომლობის აუცილებლობა არა მარტო ადგილებზე, არამედ მსგავსი პრობლემების და ინტერესების მქონე ქვეყნებთან. ამ პროგრამის მეშვეობით მონაწილეებმა გაიგეს, რომ მშვიდობისა და ნდობის აღდგენა ერთ-ერთი უმთავრესი ამოცანაა და მის გადაწყვეტაში სამოქალაქო საზოგადოება აქტიურ მონაწილეობას უნდა იღებდეს.
პროექტი ხორციელდება ორგანიზაცია DRA - ქართულ-რუსული გაცვლა - მხარდაჭერით (გერმანია)
სენაკის გენდერული საკონსულტაციო საბჭოს 26-ე სხდომაზე განხილულ იქნა საბჭოს წევრების მიერ ჩატარებული ადგილობრივი გენდერული საჭიროებების კვლევის შედეგები. მათ წარმოადგინეს მოკლე ანგარიშები და აღნიშნეს სამიზნე ჯგუფების ძირითადი საჭიროებები.
საუბარი იყო საბჭოს მიმდინარე პროექტზეც, რომელიც სენაკის მუნიციპალიტეტის 14 ტერიტორიულ ერთეულში ხორციელდება - უკვე გაიმართა 10 ვორკშოპი სოფლებში შექმნილ გენდერულ საინიციატივო ჯგუფებთან. პროექტი გრძელდება და მისი შემდგომი ეტაპი მიმართულია სოფლის ახალგაზრდობის ჩართვისკენ ოჯახში ძალადობის პრევენციის პროცესში.
იმისათვის, რომ პირველწყაროდან გაეგოთ ჩატარებული კვლევის შედეგების და ახალი პროექტის მიმდინარეობის შესახებ, სხდომაზე მოწვეულნი იყვნენ ჩვენი პარტნიორი მედიასაშუალებების - გაზეთ „კოლხეთის“, ტელეკომპანია „ეგრისის“ და რადიო „ძველი ქალაქის“ (ქუთაისი) ჟურნალისტები. ისინი გაესაუბრნენ საბჭოს წევრებს და უახლოეს ხანებში ეს აქტივობები მედიაში გაშუქდება.
- მოლოდინს გადააჭარბა სენაკის 6 საბავშვო ბაღში ჩატარებულმა ვორკშოპებმა ოჯახში ძალადობის, გენდერისა და ეკოსანიტარიის თემებზე. ეს თემები საინტერესო აღმოჩნდა მონაწილეებისთვის და ამავე დროს აჩვენა, რომ მათ არა აქვთ სათანადო ინფორმაცია, - ასეთი იყო დალი ქაჩიბაიას, გენდერული საკონსულტაციო საბჭოს პროექტის „სამოქალაქო განათლება გენდერული თანასწორობისა და ჯანსაღი გარემოსათვის სენაკის სკოლამდელი აღზრდის გაერთიანებაში“ კოორდინატორის შეფასება.
5 ქვეყნის (უკრაინა, საქართველო, სომხეთი, რუსეთი, გერმანია) წარმომადგენლებმა, პროექტის მონაწილეებმა საგანმანათლებლო ვიზიტი განახორციელეს 25-30 ივლისს საქართველოში. ისინი შეხვდნენ 10 ორგანიზაციის წარმომადგენლებს: ქუთაისში - „განათლების, დასაქმებისა და განვითარების ცენტრი“, ახალგაზრდა იურისტთა ასოციაციის ქუთაისის ფილიალი, პედაგოგთა კავშირი „განათლება და სამყარო“; თბილისში - იგპ ქალთა ასოციაცია „თანხმობა“, დანიის ლტოლვილთა საბჭო, ცენტრი „აფხაზეთი; გორში - ორგანიზაცია „განთიადი“; ფოთში - „ლაზიკა“; ზუგდიდში - „საუნჯე“; ბათუმში - „განვითარებისა და განათლების ცენტრი“.
შეხვედრის თემა: „გამოცდილების გაზიარება იძულებით გადაადგილებულ პირთა და ლტოლვილთა ინტეგრაციის წარმატებული პრაქტიკის სფეროში“.
მონაწილეებს შესაძლებლობა ჰქონდათ, გაცნობოდნენ საქართველოში მოქმედი არასამთავრობო ორგანიზაციების მრავალფეროვან საქმიანობას: დევნილთა სოციალურ-ეკონომიკური ინტეგრაციის გრძელვადიანი პროგრამების დანერგვა, იგპ-თა საინფორმაციო და სამართლებრვი მხარდაჭერა, დევნილთა მიმართ სტრატეგიის შემუშავება, დევნილთა პრობლემების ადვოკატირება, მუშაობა ახალგაზრდობასთან ადგილობრივ საზოგადოებაში ინტეგრაციისთვის, განსახლება, დასაქმება.
მონაწილეებმა მიიღეს არა მარტო ზოგადი ინფორმაცია, არამედ პასუხი მათთვის საინტერესო კითხვებზე. მათ შეხვედრები სასარგებლოდ შეაფასეს და აღნიშნეს, რომ ქართველ პარტნიორთა გამოცდილებას თავიანთ მუშაობაში გამოიყენებენ.
პროექტი ხორციელდება ორგანიზაცია DRA - ქართულ-რუსული გაცვლა - მხარდაჭერით (გერმანია)
31 იანვარს სენაკის საკრებულოს სხდომათა დარბაზში გაიმართა გენდერული საკონსულტაციო საბჭოს ორი პროექტის „ოჯახში ძალადობის პრევენცია სენაკის მუნიციპალიტეტში“ და „ახალი ცნობიერებით - არაძალადობრივი საზოგადოების შენებისაკენ“. პრეზენტაციაზე მოწვეულნი იყვნენ საკრებულოს თავმჯდომარე და მოადგილე, გამგეობის წარმომადგენლები, სკოლამდელი აღზრდის დაწესებულებათა გაერთიანების ხელმძღვანელი, საბავშვო ბაღების პედაგოგები, გენდერული საკონსულტაციო საბჭოს წევრები.
საკრებულოს ხელმძღვანელობამ პოზიტიურად შეაფასა პროექტები. ისინი იმედოვნებენ, რომ გენდერული თანასწორობის საბჭო, რომელიც საკანონმდებლო ცვლილების თანახმად შეიქმნება საკრებულოში, იმავე მიმართულებით განაგრძობს მუშაობას და გენდერულ საკონსულტაციო საბჭოზე არანაკლებ აქტიური იქნება.
ამ ეტაპზე საბჭო თანამშრომლობს სენაკის ამომრჩეველ ქალთა კლუბთან, რომელიც აქტიურად მუშაობს სენაკში გენდერული კუთხით.
პროექტი ხორციელდება აშშ საელჩოს მხარდაჭერით
20 ივნისი ლტოლვილთა და იძულებით ადგილნაცვალ პირთა საერთაშორისო დღეა. ქუთაისში, თიბისი გალერეაში ამ დღეს ფონდ „სოხუმთან“ არსებულმა გაერთიანებამ „გოგონები და ქალები დემოკრატიის განვითარებისთვის“ მოაწყო არასამთავრობო ორგანიზაციების საქმიანობის პრეზენტაცია და მონაწილეთა ნამუშევრების გამოფენა.
ამ დღეს არასამთავრობო ორგანიზაციებთან, დევნილთა სტრუქტურებთან და საგანმანათლებლო დაწესებულებებთან ერთად სწორედ დევნილთა თემის წარმოჩენა მოხდა - მისი ყოველდღიურობით, მიღწევებით...
შეხვედრას ესწრებოდნენ ქუთაისის საკრებულოს დეპუტატები, პარტნიორი ორგანიზაციების და მასმედიის წარმომადგენლები.
18 მაისს წყალტუბოს მუნიციპალიტეტის გამგეობის სააქტო დარბაზში ჩატარდა პროექტის „გაუმჯობესებული პირობები დევნილთა თემისათვის“ შედეგების პრეზენტაცია.
პრეზენტაციას ესწრებოდნენ ადგილობრივი თვითმმართველობის წარმომადგენლები. დევნილმა ახალგაზრდებმა ისაუბრეს პროექტის ფარგლებში ჩატარებული ვორკშოპების შედეგად დევნილთა კოლექტიურ ცენტრებში გამოვლენილი პრობლემების შესახებ. ადგილობრივი თვითმმართველობის წარმომადგენლებმა გამოხატეს მზადყოფნა, ჩაატარონ მონიტორინგი, შეისწავლონ პრობლემები და გამონახონ მათი მოგვარების გზები.
ფონდმა „სოხუმმა“ დაიწყო პროექტი „გაუმჯობესებული პირობები დევნილთა თემისათვის“. პროექტის არეალია წყალტუბოს მუნიციპალიტეტი.
წყალტუბოს საკრებულოს სხდომათა დარბაზში ჩატარდა საინფორმაციო შეხვედრა -პროექტის პრეზენტაცია.
პროექტის ფარგლებში დაგეგმილია:
- წყალტუბოს მუნიციპალიტეტის 3 საბავშვო ბაღის (#1, #2 და კოპიტნარის) აღჭურვა ინვენტარით
- არაფორმალური განათლება დევნილთა თემისათვის
- დევნილთა რესურს-ცენტრის ჩამოყალიბება
- დევნილთა პრობლემების წამოწევა ადგილობრივ თვითმმართველობაში
მონაწილეები - ადგილობრივი თვითმმართველობის წარმომადგენლები დაინტერესდნენ პროექტით და გამოხატეს მზადყოფნა მომავალი თანამშრომლობისთვის.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)