ხონი მესამე ქალაქია ქუთაისისა და წყალტუბოს შემდეგ, სადაც ქალთა  საინიციატივო ჯგუფები ჩამოყალიბდა. ისინი ადამიანური უსაფრთხოების თემაზე ჩატარებული ვორკშოპებიდან შეირჩნენ. მონაწილეებმა შეავსეს სპეციალური ანკეტები, სადაც დააფიქსირეს მოტივაცია, რატომ სურთ მოხვდნენ საინიციატივო ჯუფში.

ამ ჯგუფში 6 ქალიფ, რომელსაც აქვს კომუნიკაციის უნარი, პრობლემებზე მუშაობის გამოცდილება.

სამივე ქალაქის საინიციატივო ჯგუფის წევრები სპეციალურ ტრენინგს გაივლიან, რის შემდეგაც გაგრძელდება მუშაობა პრობლემების ადვოკატირებით.

ტელეკომპანია „ეგრისის“ ეთერში გავიდა სენაკის გენდერული საკონსულტაციო საბჭოს საქმიანობის შემაჯამებელი გადაცემა.

გადაცემის პირველი ნაწილი ეხებოდა სენაკის გენდერული საკონსულტაციო საბჭოს მიერ სენაკში ჩატარებულ კონფერენციას. აღნიშნულთან დაკავშირებით ცალკე მომზადდა სპეციალური სიუჟეტი. 

გადაცემის მეორე ნაწილში საუბარი იყო საბჭოს სამწლიანი საქმიანობის  რეზულტატებზე, რამაც თვალსაჩინო გახადა გენდერული მიდგომების აუცილებლობა მუნიციპალიტეტის განვითარებისთვის.

გადაცემის დასასრულს გამოითქვა იმედი, რომ გენდერული საკონსულტაციო საბჭო კვლავაც გააგრძელებს თავის საქმიანობას, როგორც  ახალი ინსტიტუციური მექანიზმი.

დღეს პორტალ „გურიის მოამბის“ გადაცემა „მთავარ თემაში“ ოზურგეთის გენდერული საბჭოს თავმჯდომარემ ლელა ნაცვალაძემ და საბჭოს მოადგილემ ლალი სიჭინავამ სამწლიანი მუშაობის შედეგები შეაფასეს.

გადაცემის სტუმრებმა იმ პროექტების მნიშვნელობას გაუსვეს ხაზი, რამაც ბოლო წლების განმავლობაში გენდერულ საკითხებში საზოგადოებაში ცნობიერების ამაღლება და მზარდი ინტერესი გამოიწვია. 

საბჭოს ხელმძღვანელებმა მათ სავიზიტო ბარათად გამორჩეული პროექტი „კიბო განაჩენი არ არის“  დაასახელეს.

საუბარი იყო რეგიონებს შორის მჭიდრო თანამშრომლობასა და ადგილობრივი ხელსუფლების როლზე სხვადასხვა პროექტების განხორციელების საქმეში.

როგორც ლელა ნაცვალაძემ აღნიშნა, ამ ეტაპზე საბჭოს 9 პროექტი აქვს განხორციელებული, სამომავლოდ კი, იმ მიმართულებით გაგრძელდება მუშაობა, რა საჭიროებებიც საზოგადოებასთან თანამშრომლობისას გამოკვეთება.

აგვისტოში ფონდი „სოხუმის“ ერთ-ერთმა ფსიქოლოგმა სამი შეხვედრა ჩაატარა.

პირველი - 16 აგვისტოს, წყალტუბოში, დევნილთა კოლექტიურ ცენტრ  „მედეაში“.

მეორე - 18 აგვისტოს, ფოთის ქალთა მხარდაჭერის ცენტრში.

მესამე -  24 აგვისტოს, ხონის  ქალთა მხარდაჭერის ცენტრში.

დამსწრეთა შორის იყვნენ როგორც დევნილი, ისე ადგილობრივი მოსახლეობის წარმომადგენლები - ახალგაზრდა და ხანდაზმული ქალბატონები. მათ მოისმინეს საუბარი ოჯახური ურთიერთობების განვითარების 10 ეტაპსა და თანმხლები კრიზისების შესახებ, შემოთავაზებული ოჯახის ფსიქოთერაპიის ამერიკული სკოლის დამფუძნებლის ვირჯინია სატირის მიერ. ასევე - 8 საშიში სიპტომის შესახებ, რომელიც გვაფრთხილებს ურთიერთობებში კრიზისის დადგომის შესახებ.

როგორც შეხვედრების მონაწილეებმა აღნიშნეს, ფსიქოლოგის რჩევები დაეხმარება მათ  ოჯახური კრიზისის დაძლევაში და ჰარმონიის მიღწევაში.

2000 წლის 12 აგვისტოს ცივილიზებულმა სამყარომ პირველად აღნიშნა ახალგაზრდობის საერთაშორისო დღე.

ამ დღეს მიუძღვნეს სამობილიზაციო შეხვედრები ფონდი „სოხუმის“ ქალთა მხარდაჭერის ცენტრებმა - ქუთაისში, ხონში, წყალტუბოში, სენაკში, ფოთში და ზუგდიდის მუნიციპალიტეტის სოფლებში - ხურჩასა და კოკში. შეხვედრების მონაწილეებმა ისაუბრეს ახალგაზრდების პრობლემებზე, თაობათა შორის ურთიერთობებზე.

წელს ახალგაზრდული დეპარტამენტების მიერ ჩატარდა სხვადასხვა ღონისძიება, რომელიც მიეძღვნა ახალგაზრდობის საერთაშორისო დღეს. შეხვედრების მონაწილეებმა აღნიშნეს, რომ ასეთი ტიპის ღონისძიებები მნიშვნელოვანია რეგიონის ახალგაზრდებისთვის.

ოზურგეთის დემოკრატიული ჩართულობის ცენტრში გამართულ ამომრჩეველ ქალთა კლუბის სხდომას ესწრებოდნენ ქალაქ ოზურგეთის საკრებულოს დეპუტატი ირინა საჯაია და გენდერული საკონსულტაციო საბჭოს  წევრები.

როგორც აღინიშნა, პროექტი დასრულდა. პროექტის ბოლოს შემფასებელს აქვს სურვილი, შეხვდეს და გაესაუბროს კლუბის აქტივისტებს. ოზურგეთლებმა უკვე დაიწყეს მზადება ამ შეხვედრისთვის - გაიხსენეს მუშაობის შედეგები, იმსჯელეს  ძლიერ და სუსტ მხარეებზე, გამოწვევებსა და  შესაძლებლობებზე.

მათთვის მთავარი ის არის, რომ ახალი პროექტის ფარგლებში ამომრჩეველ ქალთა კლუბის საქმიანობა გრძელდება.  ამიტომ ქალბატონებმა სამომავლოდ გასაკეთებელი საქმეებიც დაგეგმეს.

სენაკის ცენტრალურ პარკში გაიმართა ფორუმ-თეატრის წარმოდგენები. თავიდან არავინ შეუერთდა ახალგაზრდა მსახიობებს, მაგრამ შემდეგ თანდათანობით შეიკრიბნენ მაყურებლები.

დიდი ხმაური გამოიწვია ოჯახური ძალადობის სცენამ, დისკუსიაც შედგა. მაყურებელთა უმრავლესობამ განაცხადა, რომ მსგავსი რამ ნაკლებად ხდება ცხოვრებაში, რასაც არ დაეთანხმნენ მსახიობები და რეჟისორი. საინტერესო იყო ხალხის აზრის გაგება, რადგან სენაკის ცენტრში ეს იყო პირველი წარმოდგენა.

ქუთაისის გენდერული საკონსულტაციო საბჭოს პროექტი „გენდერული ცნობიერების ფორმირება სკოლამდელი ასაკის ბავშვებში“ მორიგ ეტაპზეა. პროექტის მიზანია არაძალადობრივი, გენდერულად მგრძნობიარე თაობის აღზრდის ხელშეწყობა.

პროექტის ფარგლებში თოჯინების ჩრდილების თეატრის მიერ მომზადდა სპექტაკლი. სცენარად გამოყენებულია ნაწარმოები „გოგონა ზურმუხტის ქვეყნიდან“. სპექტაკლი სიყვარულს, მეგობრობას, თანასწორობას, პატრიოტიზმს ქადაგებს. მთავარი პერსონაჟი გოგონა - პირიმზე ცდილობს, დაბრუნდეს საკუთარ ქვეყანაში, სადაც ყველა ერთმანეთის თანასწორია, სადაც  ადამიანები ერთმანეთის შესაძლებლობებს პატივს სცემენ.

სპექტაკლი ამსხვრევს საზოგადოებრივ სტერეოტიპებს თანასწორობასთან მიმართებაში. პირველ ჩვენებას დაესწრნენ ფონდი „სოხუმის“ წარმომადგენლები, გენდერული საბჭოს წევრები.

პროექტიდან გამომდინარე, სპექტაკლის ჩვენებები დაგეგმილია ქუთაისში, ხონსა და წყალტუბოში.

სხდომაზე მოხდა იმ პროცესების განხილვა, რომლებიც იგეგმება ადგილობრივი თვითმმართველობის ბაზაზე საბჭოების შექმნისათვის.

უკვე დაწყებულია მუშაობა ამ კუთხით. საკითხი გავა ქალაქ ოზურგეთის საკრებულოს სხდომაზე, რის შემდგომაც მომდევნო წლის ბიუჯეტისათვის განხილული იქნება გენდერული მრჩევლის შტატის დანერგვა. ადგილობრივი თვითმმართველობა ამ მიმართულებით აქტიურად თანამშრომლობს გენდერულ საკონსულტაციო საბჭოსთან.

გადაწყდა, რომ საბჭო ყველა კომისიას გააცნობს მის მიერ მომზადებულ ბიუჯეტის გენდერულ ანალიზს, რისთვისაც დაინიშნა სპეციალური შეხვედრები.

ფონდი „სოხუმის“ წარმომადგენლები 20-22 აგვისტოს, წყალტუბოში  ორგანიზაცია PIN-ის მიერ ორგანიზებულ ტრენინგს დაესწრნენ, რომელიც ხონისა და გორის მუნიციპალიტეტების მრჩეველთა საბჭოებისა და  პარტნიორი ორგანიზაციების წარმომადგენლებისთვის ჩატარდა.

ტრენინგის მიზანი იყო სტრატეგიული დაგეგმარების უნარების გაღრმავება; ადგილობრივი სოციალური პოლიტიკის სტრატეგიული მიმართულებებისა და ამოცანების, სოციალური პოლიტიკის განვითარების კუთხით არსებული გამოცდილების, გამოწვევების განსაზღვრა ადგილორივი სოციალური ჩართულობის სტრატეგიის დოკუმენტის შესაქმნელად.

PIN-ის პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ - დაფინანსებულია ევროკავშირის და ჩეხეთის საგარეო საქმეთა სამინისტროს მიერ.

პროექტი ხორციელდება ჩეხური ორგანიზაცია „ადამიანი გაჭირვებაში“ - PIN მხარდაჭერით