ფონდ „სოხუმში“ მომზადდა „კვლე­ვა სა­მე­დი­ცი­ნო და­წე­სე­ბუ­ლე­ბის წარ­მო­მად­გენ­ლე­ბის  რო­ლი და ჩარ­თუ­ლო­ბა ქალ­თა მი­მართ და ოჯახ­ში ძა­ლა­დო­ბის გა­მოვ­ლე­ნის, მას­ზე რე­ა­გი­რე­ბის და რე­ფე­რი­რე­ბის პრო­ცეს­ში“. მასში მოცემულია სა­მე­დი­ცი­ნო პერსონალის და­მო­კი­დე­ბუ­ლე­ბა ქალ­თა მი­მართ/ოჯახ­ში ძა­ლა­დო­ბის სა­კი­თხე­ბის მი­მართ, მათი ხედ­ვა გა­მო­სავ­ლის შე­სა­ხებ და კვლევის შედეგად შემუშავებული რეკომენდაციები.

გადმოწერა

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

აპრილში სამობილიზაციო შეხვედრების თემა იყო „ადვოკატირება და მისი ეტაპები“. ქალთა მხარდაჭერის ცენტრის მობილიზატორებმა არაერთხელ გაიარეს ტრენინგები ამ თემაზე. ეს ლოგიკურია, რადგან მათ ხშირად უწევთ სხვადასხვა ინსტანციაში მისვლა პრობლემების მოგვარების მიზნით. ამჯერად ბენეფიციარებს აუხსნეს, როგორ შეუძლიათ ადვოკატირება, რა საფეხურები უნდა გაიარონ. მოიყვანეს კონკრეტული მაგალითები, მიეწოდათ ინფორმაცია მუნიციპალიტეტში არსებულ სერვისებზე. 9 მუნიციპალიტეტში 27 შეხვედრა ჩატარდა.

ხონის, სენაკის, ფოთის, წყალტუბოს, ოზურგეთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში გაიმართა ფსიქოლოგის საკონსულტაციო შეხვედრები  და სესიები ბენეფიციარებთან. აპრილში ის 13 ოჯახურ წყვილთან მუშაობდა, მათგან სამი ახალია. სასიხარულოა, რომ ხუთმა წყვილმა უკვე გააუმჯობესა ურთიერთობები და შეიცვლა ოჯახური კლიმატი.

აქტიური მუშაობა მიმდინარეობს ქუთაისში, სადაც ფსიქოთერაპიული კონსულტაციების მიღებას განაგრძობს 13 ბენეფიციარი.

გრძელდება შეხვედრები ოჯახურ წყვილებთან. აპრილში სამმა წყვილმა ისარგებლა ფსიქოლოგისა და კონფლიქტოლოგის კონსულტაციით. შეხვედრები ოჯახში შექმნილი კონფლიქტური სიტუაციების ადრეულ სტადიაში პრევენციას გულისხმობს. შეხვედრებზე გამოყენებული მეთოდები ეხმარება წყვილებს კონფლიქტის გამომწვევი რისკების დაძლევაში.  

თერჯოლის ქალთა მხარდაჭერის ცენტრის მცირე პროექტის ფარგლებში გრძელდება შეხვედრების ციკლი მუნიციპალიტეტის სხვადასხვა თემის წარმომადგენლებთან.

აპრილში შეხვედრები ჩატარდა სოფელ ზედა სიმონეთში, ჩხარსა და ჭოგნარში თემაზე „ძალადობა - საზოგადოების პასუხისმგებლობა, მოქალაქეობრივი ვალდებულება“.

შეხვედრებს უძღვებოდნენ თერჯოლის მუნიციპალიტეტის გენდერული თანასწორობის საბჭოს წევრები: ნინო დოლაკიძე და რუსუდან კოვზირიძე. მონაწილეებმა მიიღეს ინფორმაცია ძალადობის გამომწვევ მიზეზებსა და პრევენციის მეთოდებზე.

სენაკის ქალთა მხარდაჭერის ცენტრის მცირე პროექტის ფარგლებში შეხვედრა ჩატარდა მერის წარმომადგენელთან ნოსირში. ამ სოფლის უფროსკლასელებთან კი გაიმართა ვორკშოპი თემაზე „ალკოჰოლი და მისი მავნე ზეგავლენა“. მუშაობამ ახალგაზრდების აქტიურობის ფონზე ჩაიარა. დამსწრე პედაგოგებმა დააფიქსირეს მსგავსი შეხვედრების და ჯანსაღი ცხოვრების პროპაგანდის მნიშვნელობა. შეხვედრის ბოლოს ჩამოყალიბდა საინიციატივო ჯგუფი, რომელიც პროექტის ფარგლებში დაგეგმილ აქტივობებში მიიღებს მონაწილეობას.

18 აპრილს, ფონდი „სოხუმის“ თბილისის წარმომადგენლობის ოფისში გაიმართა შეხვედრა შვედური საერთაშორისო ორგანიზაციის Kvinna till Kvinna-ს პარტნიორი ორგანიზაციების წარმომადგენლებთან ისრაელიდან. ისინი დეტალურად გაეცნენ ფონდი „სოხუმის“ საქმიანობის მიმართულებებს და მუშაობის გამოცდილებას. თბილისის ოფისის წარმომადგენლებმა კოლეგებს გაუზიარეს ფონდის ხანგრძლივი მუშაობის პროცესში განხორციელებული პროექტები, მიღწეული წარმატებები და საქმიანობის გზაზე ჯერ კიდევ არსებული გამოწვევები. ისრაელის არასამთავრობო ორგანიზაციების წარმომადგენლებმა ისაუბრეს თავიანთი ორგანიზაციების გამოცდილებაზე გენდერული თანასწორობის, ქალთა ეკონომიკური თუ პოლიტიკური გაძლიერების, გენდერულ ძალადობასთან ბრძოლის და მშვიდობის მშენებლობის მიმართულებით. ორგანიზაციებმა ხაზი გაუსვეს, რომ აღმოაჩინეს ძალიან ბევრი მსგავსება მათი და ფონდი „სოხუმის“ მუშაობის მიდგომებში და აქტივობებში და გამოთქვეს მომავალში შეხვედრების და თანამშრომლობის სურვილი.  

ქალთა საინიციატივო ჯგუფის წევრები ქუთაისში აქტიურად ატარებენ საინფორმაციო შეხვედრებს. მოსახლეობის ინფორმირება ხდება შემდეგ საკითხებზე: სოციალური პრობლემები და კონფლიქტები, კონფლიქტების ადრეული პრევენცია GREWS (გენდერზე ორიენტირებული კონფლიქტების ადრეული მოგვარების სისტემა) ელემენტების გამოყენებით, სამოქალაქო საზოგადოების როლი.

ინფორმირების თვალსაზრისით ეს შეხვედრები მნიშვნელოვანია. მონაწილეები აანალიზებენ, რომ მათმა პრობლემებმა შესაძლოა კონფლიქტები გამოიწვიოს, ამიტომაც აუცილებელია დროული ჩარევა და კონფლიქტების განვითარების რისკების შემცირება.

ინფორმირების პარალელურად, საინიციატივო ჯგუფი უკვე იდენტიფიცირებული პრობლემის მოგვარებაზე მუშაობს ადგილობრივ ხელისუფლებასთან ერთად.

აპრილში ტრადიციული შეხვედრები გაიმართა ვაჟებთან ფოთის,  თერჯოლის, სენაკის, წყალტუბოს, ზუგდიდის, ოზურგეთის, ქუთაისის, ლანჩხუთის, ხონის  მუნიციპალიტეტებში.

შეხვედრაზე განხილული იყო ვაჟკაცობის ცნება და გენდერული თანასწორობის საკითხი. ბიჭები აქტიურად ჩაერთნენ სამუშაო პროცესში: იყო როლური თამაშები, დისკუსიები. ვაჟების აზრით, ოჯახური კონფლიქტების გამომწვევი მიზეზი, უმთავრესად, ქვეყნის მძიმე ეკონომიკური მდგომარეობაა. შეხვედრის ბოლოს, უკუკავშირის დროს მონაწილეები აღნიშნავდნენ, რომ ძალადობას და უთანასწორობას ცოდნით, ინფორმირებით, სწორი სამართლებრივი მეთოდებით უნდა დავუპირისპირდეთ.

ამ ჯგუფებთან მუშაობა კიდევ გაგრძელდება.

საბავშვო ბაღებს ეხება ფოთის ქალთა მხარდაჭერის ცენტრის მცირე პროექტი. აპრილში საინფორმაციო შეხვედრები ჩატარდა 1-ლ და მე-3 ბაგა-ბაღებში პედაგოგებისა და მშობლების მონაწილეობით. მათ გარდა ჩართულნი იყვნენ ფოთის სოციალური სააგენტოს სოციალური მუშაკი, უბნის ინსპექტორი, იურიდიული ბიუროს იურისტი და ბავშვთა ფსიქოლოგი.  მონაწილეებს მიეწოდათ ინფორმაცია იმის შესახებ, თუ რა ფორმით უნდა იყვნენ პედაგოგები ჩართულნი ოჯახში ძალადობის ფაქტების გამოვლენაში, როგორ მოახდინონ რისკის ქვეშ მყოფი მოზარდების იდენტიფიკაცია და ფაქტებზე დროული რეაგირება. ორივე ბაღში შეიქმნა ძალადობის ფაქტებზე რეაგირების ჯგუფები.