ფონდმა „სოხუმმა“ 18-19 ივლისს ბათუმში, სასტუმრო „რადისონ ბლუ ივერიაში“ ტრენინგი გამართა თემაზე „ადამიანური უსაფრთხოების მონიტორინგი“.
ტრენინგში მონაწილეობდა 40 ქალი ხუთი სამიზნე მუნიციპალიტეტიდან: ქუთაისი, წყალტუბო, ხონი, სენაკი, ზუგდიდი.
ტრენინგი პარალელურად ორ ჯგუფში მიმდინარეობდა. ორგანიზაციის წარმომადგენლებთან ერთად მონაწილეებმა ისაუბრეს ადამიანური უსაფრთხოების არსზე და შეაფასეს მისი მნიშვნელობა კონფლიქტის გადაჭრაში.
მონაწილეებმა ინტერესით განიხილეს კიბერუსაფრთხოების და მედიაწიგნიერების საკითხები.
თემების განხილვას თან ახლდა თემატური და სახალისო სავარჯიშოები. მუშაობა საინტერესოდ წარიმართა, რადგან ყველა მონაწილე აქტიურად იყო ჩართული.
მონაწილეების თქმით, ტრენინგის ორი დღე ინფორმაციით სავსე და პროდუქტიული იყო.
პროექტი ხორციელდება გაეროს ქალთა ორგანიზაციის
მხარდაჭერით
ონლაინ ჩატარდა შეხვედრა ზუგდიდის ქალთა ქსელის წევრებთან. მუშაობის ახალი ეტაპი მოიაზრებს „ქალთა და ახალგაზრდობის მშვიდობის ელჩების ქსელის“ გაფართოებას, ქსელის წევრების შესაძლებლობების გაძლიერებას და მათი ინიციატივების მხარდაჭერას. ქალებმა კიდევ ერთხელ მოახდინეს პრობლემების იდენტიფიცირება და განიხილეს თავიანთი თემებისთვის მნიშვნელოვანი საკითხები. მათ, ასევე, მიეწოდათ ინფორმაცია დაგეგმილი ტრენინგის შესახებ, რომელიც ადამიანურ უსაფრთხოებას ეხება და ხუთი მუნიციპალიტეტიდან 40 ქალის ჩართვას გულისხმობს.
პროექტი ხორციელდება გაეროს ქალთა ორგანიზაციის
მხარდაჭერით
ხონის ქალთა ქსელის წევრებთან ონლიან ფორმატში ჩატარდა საინფორმაციო შეხვედრა. ქსელის წევრებმა გამოკვეთეს ადგილობრივი თემის მნიშვნელოვანი პრობლემები, რომლებსაც ქალთა ფონდი „სოხუმის“ მხარდაჭერით, სამოქალაქო ინიციატივების ფარგლებში გადაჭრიან.
შეხვედრაზე მოხდა პრობლემების რანჟირება პრიორიტეტების მიხედვით. გადაწყდა, რომ ქსელის წევრები თავიანთ გადაწყვეტილებას დევნილთა თემს გააცნობენ, რის შემდგომაც შეიმუშავებენ განაცხადს და წარადგენენ დასაფინანსებლად.
პროექტი ხორციელდება გაეროს ქალთა ორგანიზაციის
მხარდაჭერით
ქუთაისის ქალთა ქსელის წევრებმა ონლაინ შეხვედრაზე მოახდინეს პრობლემების იდენტიფიცირება. განიხილეს საკითხები, რომლებიც მნიშვნელოვანია მათ თემში. მათი აქტიურობა ხელს შეუწყობს თემის გაძლიერებას და ქალთა ინიციატივების მხარდაჭერას.
ქუთაისელი ქალები ოთხი მუნიციპალიტეტის წარმომადგენლებთან ერთად მონაწილეობას მიიღებენ ტრენინგზე, რომელიც ადამიანურ უსაფრთხოებას ეხება და ბათუმში ჩატარდება.
პროექტი ხორციელდება გაეროს ქალთა ორგანიზაციის
მხარდაჭერით
სენაკში ჩატარებული საინფორმაციო შეხვედრა ქალთა ინიციატივების გამოვლენას ისახავდა მიზნად. მონაწილეებმა ისაუბრეს პრობლემებზე, რომლებიც დევნილთა თემებში განსაკუთრებით აქტუალურია. პრობლემათა რანჟირების პროცესში მთელი ჯგუფია ჩართული. იდენტიფიცირების შემდეგ ქალთა ინიციატივების მხარდაჭერა იგეგმება, რაც პრობლემებით გამოწვეული მოსალოდნელი რისკების შერბილებას გულისხმობს.
შეხვედრა ჩატარდა პროექტის „მშვიდობის ელჩი ქალებისა და ახალგაზრდა ქალების ქსელის“ ფარგლებში. პროექტი მიზნად ისახავს ქსელის შესაძლებლობების გაძლიერებას და ქალთა ინიციატივების მხარდაჭერას დევნილთა თემებში.
პროექტი ხორციელდება გაეროს ქალთა ორგანიზაციის
მხარდაჭერით
ივნისში დაიწყო კოალიციური პროექტის „დევნილი და კონფლიქტით დაზარალებული ქალები და ახალგაზრდები ქალების, მშვიდობისა და უსაფრთხოების დღის წესრიგის ადგილობრივ დონეზე ლოკალიზებისათვის“ მეორე ეტაპი. პროექტი ხორციელდება გაეროს ქალთა ორგანიზაციის მხარდაჭერით, დიდი ბრიტანეთის მთავრობის კონფლიქტების სტაბილურობისა და უსაფრთხოების ფონდის ფინანსური რესურსით.
წინა საპროექტო პერიოდში შეიქმნა დევნილ ქალთა ქსელი. ახალი პროექტი მოიაზრებს „ქალთა და ახალგაზრდობის მშვიდობის ელჩების ქსელის“ შესაძლებლობების გაძლიერებას და გაფართოებას. ასევე - ქსელის წევრების ინიციატივების მხარდაჭერას, რაც მიზნად დაისახავს დევნილთა და კონფლიქტით დაზარალებული ქალების და გოგონების სოციალურ-ეკონომიკური პირობების გაუმჯობესებას, მათი საჭიროებების ადვოკატირებას და შესაბამის პროგრამებსა და ბიუჯეტებში ჩართვას.
პროექტის მიზნებისა და დაგეგმილი აქტივობების გაცნობისათვის საინფორმაციო შეხვედრები ჩატარდა ქუთაისში, წყალტუბოში, ხონში, სენაკსა და ზუგდიდში. შეხვედრებში მონაწილეობდნენ „ქალთა და ახალგაზრდობის მშვიდობის ელჩების ქსელის“ წევრები. შეხვედრებზე ასევე მოხდა ამ თემებისთვის მნიშვნელოვანი პრობლემების იდენტიფიცირება.
პროექტი ხორციელდება გაეროს ქალთა ორგანიზაციის
მხარდაჭერით
სიუჟეტში შეჯამდა მუშაობა პროექტში „ქალები, მშვიდობა, უსაფრთხოება, გაეროს რეზოლუცია 1325-ის სამოქმედო გეგმის ადგილობრივ დონეზე განხორციელების ხელშეწყობა“.
ვიდეოჩანაწერში წარმოდგენილია პროექტში ჩართული ხუთივე მუნიციპალიტეტი - ქუთაისი, წყალტუბო, ხონი, სენაკი და ზუგდიდი. ამ მუნიციპალიტეტებში აქტიურად მოქმედებდა საინიციატივო ჯგუფები. ამ ჯგუფების წარმომადგენელი ქალები საუბრობენ, თუ რა მისცა მათ პროექტმა და ქსელურმა მუშაობამ. ისინი მაყურებელს უზიარებენ თავიანთ წარმატებებს, იმას, თუ რა შედეგებს მიაღწიეს და როგორ ჩამოყალიბდნენ ლიდერებად, რომელთაც შეუძლიათ პრობლემების გამოვლენა, ადვოკატირება და მოგვარება თავიანთი თემის უკეთესი საცხოვრებელი პირობებისთვის.
პროექტი ხორციელდება გაეროს ქალთა ორგანიზაციის
მხარდაჭერით
ქუთაისში, სასტუმრო „გელათი რეზიდენსში“ გაიმართა შემაჯამებელი შეხვედრა პროექტის „ქალები და ახალგაზრდები - ქალები, მშვიდობა, უსაფრთხოების დღის წესრიგის ადგილობრივ დონეზე იმპლემენტაციისათვის“ ფარგლებში,
შეხვედრას ესწრებოდნენ ლიდერი და აქტივისტი ქალები ხუთი სამიზნე მუნიციპალიტეტიდან: ქუთაისი, ხონი, სენაკი, წყალტუბო, ზუგდიდი.
შეკრებილებმა კიდევ ერთხელ შეაფასეს პროექტის დინამიკა, შეაჯამეს მიღწეული შედეგები, ისაუბრეს ქსელური მუშაობის ეფექტიანობაზე.
ყურადღება გამახვილდა გამოწვევებზე და ჯერ კიდევ ადვოკატირების პროცესში მყოფ პრობლემებზე.
შეხვედრის მოპნაწილეთა უკუკავშირი:
„ეს იყო მნიშვნელოვანი პროექტი ჩემთვის, რადგან გამიხსნა გზა საზოგადოებრივი ასპარეზისკენ, ჩავერთე სხვადასხვა პროექტში.“
„23 წლის ასაკში დავრწმუნდი, რომ ქალთა ძალისხმევას ძალიან დიდი მნიშვნელობა აქვს იმ პრობლემებზე მუშაობისას, რომლებიც მნიშვნელოვანია თემისთვის და განსაკუთრებით - ქალებისთვის“
„ვიყავი „კუთხეში მდგარი ლიდერი“, დღეს კი თავისულფად შემიძლია წარვსდგე დიდი აუდიტორიის წინაშე და თამამად ვთქვა, რომ მე ამ პროექტმა გამზარდა.“
„პროექტმა დაგვანახა ქსელური მუშაობის ძალა და ეფექტი, რაც დაგვეხმარა ყოფითი პრობლემების ადვოკატირებაში და სოციალური პროფილის გაუმჯობესებაში.“
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფის წევრებმა გეგმით გათვალისწინებული მორიგი შეხვედრა გამართეს. შეხვედრის მონაწილეებმა საკუთარი საქმიანობა შეაფასეს. იდენტიფიცირებული საკითხების სიას გადახედეს და ჯერ კიდევ მოუგვარებელი პრობლემების პერსპექტივებზე ისაუბრეს.
მონაწილეთა აზრით, გუნდური მუშაობა, გენდერული სენსიტიურობა, კარგად გაწერილი ადვოკატირების გეგმა დაეხმარა მათ სხვადასხვა პრობლემის მოგვარებაში. მიღებული გამოცდილებით, გრძელვადიან პრობლემებზე მუშაობა მომავალშიც გაგრძელდება.
პროექტი ხორციელდება გაეროს ქალთა ორგანიზაციის
მხარდაჭერით
ზუგდიდის ქალთა საინიციატივო ჯგუფის წევრები მორიგ შეხვედრაზე შეიკრიბნენ. სიამაყით აღინიშნა იმ მოგვარებულ საკითხებზე, რაც ქალთა ფონდი „სოხუმის“ დახმარებით შეძლეს.
განსაკუთრებით გამოიყო პრობლემა, რომელიც ორგანიზაციის სახელით სხვადასხვა სამინისტროსა და უწყების წინაშე გაჟღერდა. კერძოდ, ჯგუფის ერთ-ერთი წინადადება იყო და უკვე მოგვარდა: აფხაზეთის გამყოფ ხაზთან მამაკაცებთან ერთად ქალი პოლიციელებიც დგანან და ენგურის გამშვები პუნქტის გადაკვეთისას ქალებს სწორედ ისინი ამოწმებენ. ამით ბევრი უხერხულობა მოიხსნა.
ყოველი ახალი მოგვარებული პრობლემა მეტი მუშაობის სტიმულია ქალთა საინიციატივო ჯგუფისთვის.
პროექტი ხორციელდება გაეროს ქალთა ორგანიზაციის
მხარდაჭერით