სენაკის ქალთა საინიციატივო ჯგუფის წევრებმა ონლაინ შეხვედრაზე პრობლემების ანალიზის საფუძველზე ადვოკატირების გეგმებზე იმუშავეს. გეგმებში ყველა აქტივობა გაწერილია და განსაზღვრულია მოსალოდნელი რისკები. მონაწილეები მიიჩნევენ, რომ სწორად გაწერილი ადვოკატირების გეგმა ხელს შეუწყობს პრობლემების ეფექტიან მოგვარებას.
ივლისში ჯგუფის მუშაობის სტრატეგიაში პრიორიტეტები შეიცვალა: ძლიერი წვიმის შედეგად დევნილთა დასახლებაში ახალი პრობლემები გაჩნდა, რაც მათ სამოქმედო გეგმაში აისახა.
სიტუაციის შეფასების მიზნით შეგროვდა ინფორმაციები, ფოტო და ვიდეომასალები, კომუნიკაცია შედგა პასუხისმგებელ პირებთან.
ადვოკატირების პროცესში ადგილობრივი თვითმმართველობა აქტიურად არის ჩართული, იგეგმება სამინისტროების ჩართვაც, რათა სტიქიის შედეგად წარმოქმნილი პრობლემები დროულად მოგვარდეს.
პროექტი ხორციელდება გაეროს ქალთა ორგანიზაციის
მხარდაჭერით
პრობლემების ხე, ქალთა საინიციატივო ჯგუფის ძლიერი და სუსტი მხარეები, შესაძლებლობები და პრობლემების მოგვარებასთან დაკავშირებული რისკები - ამ საკითხებზე ისაუბრეს მორიგ საინფორმაციო შეხვედრაზე ზუგდიდის ქალთა საინიციატივო ჯგუფის წევრებმა.
მათ გამოკვეთეს პრიორიტეტული პრობლემები, განიხილეს მათი მოგვარების გზები და დაიწყეს მუშაობა ადვოკატირების გეგმაზე.
პროექტი ხორციელდება გაეროს ქალთა ორგანიზაციის
მხარდაჭერით
ზუგდიდის ქალთა საინიციატივო ჯგუფის წევრებთან მორიგი ონლაინ საინფორმაციო შეხვედრა გაიმართა.
შეხვედრის მონაწილეებმა გაიხსენეს პრობლემები, რომელთა ადვოკატირება უკვე მოხდა. მათ ასევე განიხილეს პრიორიტეტული პრობლემები და მათგან განსაკუთრებით აქტუალურები ამოარჩიეს.
საინიციატივო ჯგუფის წევრებმა ისაუბრეს პრობლემების მოგვარების გზებზე და კონკრეტული აქტივობების შესრულებაზეც დაიწყებენ მუშაობას.
პროექტი ხორციელდება გაეროს ქალთა ორგანიზაციის
მხარდაჭერით
წყალტუბოს ქალთა საინიციატივო ჯგუფმა მოსახლეობის ჩართულობით აფხაზეთის ქუჩაზე სანიაღვრე არხები მოაწესრიგა. დევნილთა ჩასახლებაში ახალგაზრდების ინიციატივით, ქალთა საინიციატივო ჯგუფის და მოსახლეობის მხარდაჭერით დასახლებაში ჯვარი დაიდგა და პატარა სამლოცველო სივრცე გამოიყო. თვითმმართველობის მხარდაჭერით დასახლებაში ორი გადამწვარი ტუმბო შეიცვალა, რაც საკანალიზაციო სისტემის გადავსებას იწვევდა.
ქალთა საინიციატივო ჯგუფი მიყვება ძველი პრობლემების ადვოკატირებას და პარალელურად, სწავლობს ახალ საჭიროებებს.
პროექტი ხორციელდება გაეროს ქალთა ორგანიზაციის
მხარდაჭერით
ქუთაისის ქალთა საინიციატივო ჯგუფი პრობლემების აქტიურ ადვოკატირებას ეწევა და ამასთან ერთად, ახალი საჭიროებების გამოვლენაზე მუშაობს. საინიციატივო ჯგუფის ლიდერი დევნილთა ჩასახლებების წარმომადგენლებთან ინდივიდუალურ შეხვედრებს მართავს, სწავლობს პრობლემებს და ახდენს მათ პრიორიტეტიზაციას, რათა შესაბამისი სამსახურების ჩართულობით დროულად მოაგვაროს პრობლემები და გააუმჯობესოს დევნილთა მდგომარეობა.
პროექტი ხორციელდება გაეროს ქალთა ორგანიზაციის
მხარდაჭერით
პრობლემა, რომლის ადვოკატირებას იწყებს ხონის ქალთა საინიციატივო ჯგუფი, უკავშირდება ბინათამესაკუთრეობის ამხანაგობას. ეს ინსტიტუტი უკვე წლებია, არის დევნილთა დასახლებაში, უკვე რეგისტრირებულია 16 ბინათმესაკუთრეთა ამხანაგობა. თუმცა არ არსებობს პროგრამა ადგილობრივი თვითმმართველობის ბიუჯეტში, რომელიც საშუალებას მისცემს ამხანაგობებს, თანამონაწილეობით განახორციელონ სხვადასხვა ინფრასტრუქტურული პროექტი.
საკითხის აქტუალიზაციის კუთხით ამ ეტაპზე შეხვედრები გაიმართა მოსახლეობასთან. დროული და წარმატებული ადვოკატირებისთვის ქალთა საინიციატივო ჯგუფი მჭიდრო კომუნიკაციაშია ადგილობრივ თვითმმართველობასთან.
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფი ძველი პრობლემების ადვოკატირების პარალელურად ახალი პრობლემების იდენტიფიცირებასაც ახდენს. ჯგუფის წევრებმა რამდენიმე პრობლემას შორის ყველაზე აქტუალური შეარჩიეს: ერთ-ერთ საცხოვრებელ კორპუსში გაბზარულია ღია აივანი და სახიფათო სიტუაციას ქმნის. საკითხზე უკვე დაიწყო მოკვლევა. შეგროვდა ფოტო და ვიდეომასალები, გროვდება ხელმოწერები. პრობლემაზე მუშაობა ადვოკატირების გეგმის მიხედვით გაგრძელდება: შეგროვებული ფოტომასალებით და ხელმოწერებით ჯგუფის წევრები თვითმმართველობის წარმომადგენლებთან შეხვედრას გეგმავენ.
პროექტი ხორციელდება გაეროს ქალთა ორგანიზაციის
მხარდაჭერით
დევნილთა თემში არსებული საჭიროებების გამოვლენა და შესაბამის უწყებებთან ადვოკატირება - ქუთაისის ქალთა საინიციატივო ჯგუფის მთავარი საქქმიანობაა.
ამჟამად ჯგუფი ადვოკატირებას უწევს ინფრასტრუქტურულ პრობლემებს, რომლებიც გამოიკვეთა დევნილთა სამ ჩასახლებაში.
ადგილობრივი თვითმმართველობის სამსახურის წარმომადგენლები ადგილზე გაეცნენ პრობლემებს და, შესაძლებლობების ფარგლებში, დახმარება აღუთქვეს.
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფმა ახალი პრობლემების ადვოკატირება დაიწყო. ჯგუფის წევრებმა აქტიური სამუშაოები ჩაატარეს მოსახლეობასთან, რათა პრობლემების პრიორიტეტულობა გაერკვიათ. ინფორმაციის შეგროვების შედეგად სწორედ ის პრობლემები შეირჩა, რომელთა მოგვარება ადგილობრივი თვითმმართველობის პრეროგატივაა.
ადვოკატირებისთვის არჩევანი ორ საკითხზე შეჩერდა: ეზოს კეთილმოწყობა და ბავშვთა სტადიონის შემოღობვა. სამუშაო ჯგუფმა ადვოკატირების გეგმა უკვე შეადგინა, გეგმის მიხედვით ამ საკითხზე თვითმმართველობას უკვე მიეწოდა ინფორმაცია ხელმოწერებთან ერთად. ადვოკატირების პროცესი პასუხის შესაბამისად გაგრძელდება.
პროექტი ხორციელდება გაეროს ქალთა ორგანიზაციის
მხარდაჭერით
წყალტუბოში, აფხაზეთის ქუჩის რამდენიმე კორპუსი სავალალო მდგომარეობაშია, საჭიროა მათი გადახურვა. წყალტუბოს ქალთა საინიციატივო ჯგუფი აგრძელებს პრობლემის ადვოკატირებას - ადგილობრივი თვითმმართველობის და აფხაზეთის ავტონომიური რესპუბლიკის მთავრობის წარმომადგენლებისგან მიღებულ პასუხებზე დაყრდნობით, პრობლემა ძალიან მალე გადაიჭრება.
საინიციატივო ჯგუფის ორგანიზებით ხშირად ასუფთავებენ დასახლების მიმდებარე ტერიტორიას სარეველა ბალახებისგან, დასასრულს უახლოვდება სანიაღვრე არხის გაჭრის პროცესიც.
ჯგუფის ინიციატივით დასახლების ბავშვები სტუმრად იმყოფებოდნენ ოტია იოსელიანის სახლ-მუზეუმში, სადაც მათ წარმოადგინეს ლიტერატურული კომპოზიცია აფხაზეთის თემასთან დაკავშირებით.
ქალთა საინიციატივო ჯგუფი განაგრძობს დევნილთა თემის პრობლემების გამოვლენას და ადვოკატირებას მათი მოგვარებისთვის.
პროექტი ხორციელდება გაეროს ქალთა ორგანიზაციის
მხარდაჭერით