დეკემბერში წყალტუბოსა და ფოთის ქალთა მხარდაჭერის ცენტრებში, ასევე ხონის რაიონის სოფელ გოჩა ჯიხაიშში ჩატარდა ფსიქოლოგის კონსულტაცია. წყალტუბოში გაიმართა ინდივიდუალური შეხვედრები ახალგაზრდებთან, ხონსა და ფოთში ბენეფიციარებთან კონსულტაციები წინასწარ დაგეგმილი თემით წარიმართა: როგორ გავაცნობიეროთ ფსიქოლოგიური პრესი და ფსიქოლოგიური ძალადობა იმისათვის, რომ არ გავხდეთ მსხვერპლი - ოჯახში ქალთა მიმართ ძალადობის პრევენციისათვის. ქალებმა მიიღებს იმ უნარები და ცოდნა, რომელიც ხელს შეუწყობს მათ დამკვიდრებას ოჯახსა თუ საზოგადოებაში.
1 ივლისს წყალტუბოს კოლექტიურ ცენტრ „მედეაში“ ჩატარდა ფსიქოლოგის კონსულტაცია. შეხვედრას ესწრებოდნენ მხოლოდ დევნილი ქალბატონები. თემა შერჩეული იყომათი ინიციატივით - ბავშვთა მიმართ ძალადობა და მისი ნეგატიური შედეგები ბავშვთა ქცევასა და ფსიქო-ემოციურ სფეროზე.8 და 13 ივლისს ხონისა და ფოთის ქალთა მხარდაჭერის ცენტრებში გაიმართა კონსულტაციები. დამსწრეთა შორის იყვნენ ახალგაზრდა და ხანდაზმული ქალბატონები, დევნილებიც და ადგილობრივი მცხოვრებნიც. კონსულტაციის თემა იყო - ოჯახში ძალადობის ნეგატიური გავლენა მცირეწლოვან ბავშვებსა და მოზარდებზე ბავშვთა მიმართ ძალადობის პრევენციისათვის.
ქალბატონები დიდი ინტერესით უსმენდნენ ფსიქოლოგს, მოყავდათ მაგალითები საკუთარი გამოცდილებიდან. შეხვედრების დასასრულს მონაწილეებმა მადლიერება გამოთქვეს კონსულტაციისათვის და აღნიშნეს, რომ განხილული თემა და მიღებული რეკომენდაციები მათთვის აუცილებელი და სასარგებლო იყო.
ქუთაისის, სენაკისა და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში გაიმართა ჯგუფური ფსიქოლოგიური შეხვედრები ძირითადი თემით - ქალთა სოლიდარობა.
ქალების მეგობრობის პრინციპებიც ისეთივეა, როგორც ნებისმიერ ახლო ურთერთობაში: გულწრფელობა, გახსნილობა, პრობლემათა განხილვა, სიმპათია და პატივისცემა, სხვების მოსმენის ნიჭი და მიღება ისეთად, როგორიც არის.
ამას გარდა ჩატარდა ინდივიდუალური კონსულტაციები ოჯახში ფსიქოლოგიური ძალადობის პრობლემებზე. ქალებმა ყურადღებით მოისმინეს ფონდი „სოხუმის“ ფსიქოლოგის კომპეტენტური რჩევები.
ქუთაისის, სენაკის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში გაიმართა ფსიქოლოგიური ჯგუფური კონსულტაციები 29 ქალბატონის მონაწილეობით. ამ შეხვედრების ძირითადი თემა იყო გამოუვალი მდგომარეობა. გამოუვალი მდგომარეობა გამოსავლის არარსებობა კი არა, მისი ადგილსამყოფელის არცოდნაა.
მიიჩნევა, რომ ნებისმიერი სიტუაციიდან ყოველთვის არსებობს გამოსავალი. როგორც ფსიქოლოგმა განუმარტა შეხვედრების მონაწილეებს, გამოუვალი მდგომარეობა ჩიხია, საითკენაც ვუბიძგებთ ჩვენს თავს. უნდა ვიცოდეთ, რომ ყველაფერი ჩვენს ხელშია, არ უნდა დავკარგოთ ცხოვრების იმედი და ცხოვრებაც აივსება აზრით, წარმატებით, ბედნიერებით.
წყალტუბოს ქალთა მხარდაჭერის ცენტრში გაიმართა ფსიქოლოგიური ჯგუფური შეხვედრა 22-70 წლის ასაკის დევნილ ქალებთან. შეხვედრის თემა წინასწარ იყო დაგეგმილი, მაგრამ საუბარი ახალგაზრდა დედების ინტერესის მიხედვით წარიმართა: რატომ არიან ჩვენი პატარები აგრესიულები, რატომ არ ესმით ჩვენი, რატომ გვსაყვედურობენ უფროსები, რომ არასწორად ვზრდით შვილებს, რას ნიშნავს სწორი აღზრდა...
ფსიქოლოგმა უპასუხა ახალგაზრდა დედების ყველა შეკითხვას. შეხვედრა ინტერაქტიულ სტილში ჩატარდა.
12 ჯგუფური ფსიქოლოგიური შეხვედრა ჩატარდა 88 ქალბატონის მონაწილეობით ქუთაისის დევნილთა კოლექტიურ ცენტრებში.
დამსწრეებმა მიიღეს სასარგებლო ინფორმაციები და რჩევები ფსიქოლოგიური პრესინგის პრობლემის და საოჯახო ურთიერთოებებში კრიზისის თაობაზე. ქალების თხოვნით გაიმართა ინდივიდუალური კონსულტაციები სხვადასხვა თემაზე.