ოზურგეთის გენდერული საკონსულტაციო საბჭოს მორიგი სხდომა დაეთმო ადგილობრივი საჭიროებების კვლევის შედეგების შეჯამებას. სულ ჩატარდა 4 ფოკუს-ჯგუფი, 4 ჩაღრმავებული ინტერვიუ და გამოკითხულ იქნა 200 ადამიანი.
კვლევის მონაწილეებმა ერთხმად აღნიშნეს, რომ დაფიქსირდა რესპონდენტების ინფორმირებულობის დაბალი დონე ბიუჯეტის პროგრამებთან დაკავშირებით. მათ ხაზი გაუსვეს მუშაობის გაძლიერების აუცილებლობას ბიუჯეტის ფორმირების პროცესში მოსახლეობის მაქსიმალური ჩართვისათვის. ეს ადგილობრივი თვითმმართველობის მხრიდან უნდა იყოს უზრუნველყოფილი. განსაკუთრებით დიდი ყურადღება არის გასამახვილებელი ქალთა ჩართვაზე სოფლის განვითარების პროგრამის ფარგლებში ჩატარებულ შეხვედრებში, სადაც მოსახლეობა თავის საჭიროებებს აფიქსირებს.
კვლევის შედეგების საბოლოო ანგარიში წარდგენილი იქნება ადგილობრივი თვითმმართველობის წინაშე.
სანატორიუმი„მეტალურგი“, „კოლხეთი“, „სამგურალი“, ახალიდასახლება - წყალტუბოში, დევნილთა ამ კოლექტიურ ცენტრებში ჩაატარეს5 ვორკშოპიახალგაზრდებმა, რომლებიც ტრენინგზე გაეცნენადვოკატირებისპრინციპებს.
ვორკშოპების დროს მონაწილეებმა დაასახელეს თავიანთ კოლექტიურცენტრებშიარსებული უამრავიპრობლემა: ცუდი საცხოვრებელიპირობები, ელექტროენერგიისმაღალიგადასახადი, უპატრონოძაღლებისპრობლემა, გაუმართავისაკანალიზაციოსისტემის პრობლემა, ტერიტორიისდაბინძურება, არასაკმარისიგარეგანათება, ბავშვთა გასართობი მოედნების არარსებობა...
ვორკშოპების მონაწილეებმა გადაწყვიტეს, თავად დაიწყონ ადვოკატირება ადგილობრივ თვითმმართველობასთან თანამშრომლობით არსებული პრობლემების მოგვარების მიზნით.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)
რა სირთულეები ახლდა გამოკითხვის პროცესს, რა გამოცდილება მიიღეს და რამდენად კმაყოფილი არიან მიღებული შედეგებით - სენაკის ქალთა საინიციატივო ჯგუფის შეხვედრაზე ამ უკუკავშირით მონაწილეებმა ერთმანეთს საკუთარი პოზიციები გაუზიარეს:
- არ მქონდა არანაირი გამოცდილება, პირველად ჩავერთე გამოკითხვის პროცესში და მივიღე საოცარი პრაქტიკა, სხვანაირად შევხედე იმ პრობლემებს, რომლებიც ქალებს აწუხებთ.
- სირთულეები ახლავს ფოკუს-ჯგუფის ჩატარებას. ჯგუფის მართვა, ფასილიტაცია არ ყოფილა ადვილი, თუმცა მოვახერხე, რომ ყველა მონაწილე აქტიურად ყოფილიყო ჩართული პროცესში.
აზრთა გაცვლა-გამოცვლის შემდეგ მონაწილეებმა შესაბამისი რეკომენდაციებიც მიიღეს, რაც მათ ტექნიკურ უნარ-ჩვევებს კიდევ უფრო გააძლიერებს.
გაზეთ „ხონელში“ სტატია დაიბეჭდა პროექტის „განხეთქილების დაძლევა - ხალხთაშორისი ინიციატივები კონფლიქტის მოგვარებისთვის“ ფარგლებში წარმართულ აქტიურ მუშაობაზე ხონის მუნიციპალიტეტში.
ხონში სამი საინიციატივო ჯგუფია - ორში ქალები არიან გაერთიანებულნი, ერთი კი ახალგაზრდულია. სტატიის ავტორია ქალთა ერთ-ერთი ჯგუფის წევრი, ჟურნალისტი გურანდა ცაგურია, რომელიც აქტიურადაა ჩართული სამუშაო პროცესში.
ჯგუფები მარტში ჩამოყალიბდნენ და მას მერე მთელი ძალისხმევით მუშაობენ. ასე იყო მაისშიც: ახალგაზრდებს ონლაინ ტრენინგი ჩაუტარდათ აფხაზეთის კონფლიქტის წარმოშობის მიზეზებზე. ქალებთან კი საინფორმაციო შეხვედრები გაიმართა. შეკრებილებმა ისაუბრეს საჭიროებების კვლევაზე - როგორ დაგეგმეს საქმიანობა, რა გამოუვიდათ, მუშაობისას რა აღმოჩნდა რთული და ა.შ. ეს ქალთა ჯგუფების მიერ ჩატარებული პირველი კვლევა იყო, მათ კარგი გამოცდილება მიიღეს და, რაც მთავარია, მომზადდება დოკუმენტი, შეფასდება ქალთა საჭიროებები, შემუშავდება რეკომენდაციები და წარედგინება ადგილობრივ თვითმმართველობას.
ფონდი „სოხუმის“ თბილისის წარმომადგენლობის ხელმძღვანელმა ეკატერინე გამახარიამ მონაწილეობა მიიღო ეუთოს კონფლიქტის ციკლის უმაღლესი დონის სემინარის მორიგ სესიაზე.
შეხვედრის მთავარი საკითხი იყო, თუ როგორ მუშაობს ეუთო კონფლიქტის სრული ციკლის განმავლობაში ინკლუზიური და გენდერული სამართლიანობის მისაღწევად.
ღონისძიება გახსნა პეტრა ტატერმან ადორფმა, ფონდი Kvinna till Kvinna-ს გენერალურმა მდივანმა (შვედეთი).
პანელური დისკუსიისას სიტყვით გამოვიდნენ: ლილიანა პალიხოვიჩი (ეუთოს მოქმედი თავმჯდომარის სპეციალური წარმომადგენელი გენდერულ საკითხებში), ნინა პოტარსკაია (ეროვნული კოორდინატორი უკრაინიდან, ქალთა საერთაშორისო ლიგა მშვიდობისა და თავისუფლებისთვის), იგო როგოვა (კოსოვოს ქალთა ქსელის აღმასრულებელი დირექტორი) და ეკატერინე გამახარია (კულტურულ-ჰუმანიტარული ფონდი „სოხუმის“ თბილისის წარმომადგენლობის ხელმძღვანელი).
ფონდი „სოხუმის“ თბილისის წარმომადგენლობის ხელმძღვანელი ეკატერინე გამახარია მონაწილეობდა ეუთოს კონფლიქტის ციკლის უმაღლესი დონის სემინარის (კონფერენციის) გახსნაში - ჰელგა შმიდთან (შვედეთის საგარეო საქმეთა მინისტრი), ენ ლინდესთან (ეუთოს გენერალური მდივანი), მარჩინ პრჟიდაცთან (სახელმწიფო უსაფრთხოების მინისტრის მოადგილე ამერიკის, აზიისა და აღმოსავლეთის პოლიტიკის საკითხებში) და მიროსლავ ჯენთასთან (გენერალური მდივნის თანაშემწე ევროპაში, ცენტრალურ აზიასა და ამერიკაში) ერთად სიტყვით გამოვიდა თემაზე: „ინკლუზიური პროცესების ძირითადი გამოწვევები, შესაძლებლობები და მასში ქალთა სამოქალაქო საზოგადოების ჩართულობა“.
ეკატერინე გამახარიამ მოკლედ ისაუბრა მშვიდობის მშენებლობის განხორციელების პროცესში ქალთა ორგანიზაციების როლსა და წვლილზე, ხაზი გაუსვა სამშვიდობო პროცესებში ქალთა მონაწილეობის რამდენიმე მნიშვნელოვან ფაქტორს. ამასთან, მან აქცენტი გააკეთა არსებულ გამოწვევებსა და ბარიერებზე, რომლებიც სათანადო ყურადღებას და რეაგირებას საჭიროებს.
„ადგილობრივ თვითმმართველობებში ელექტრონული სერვისების განვითარება მოქალაქეთათვის ელექტრონული სერვისების ხელმისაწვდომობის გაუმჯობესების მიზნით“ – ამ თემაზე გაიმართა მრგვალი მაგიდა ლანჩხუთის მუნიციპალიტეტის მერიაში. შეხვედრაში მონაწილეობა მიიღეს ადგილობრივი თვითმმართველობის, არასამთავრობო სექტორის, მასმედიის, სასწავლო დაწესებულებების წარმომადგენლებმა.
პროექტის კურატორი ორგანიზაციის „იმერეთის მხარის მეცნიერთა კავშირ „სპექტრის“ ასისტენტმა თამარ მოსეშვილმა ხაზი გაუსვა სამოქალაქო საზოგადოების ჩართულობის მნიშვნელობას საჯარო მმართველობის რეფორმის საგზაო რუკის მონიტორინგში. პროექტის პარტნიორი ორგანიზაციის - „საქართველოს სასოფლო დარბაზის“ ხელმძღვანელმა ამირან გიგინეიშვილმა ყურადღება გაამახვილა პროექტის ფარგლებში შემუშავებულ „ელექტრონულ მენეჯერზე“. მეორე პარტნიორი ორგანიზაციის - „ლანჩხუთის საინფორმაციო ცენტრის“ ხელმძღვანელმა დავით გოგიჩაიშვილმა, ადგილობრივი თვითმმართველობის წარმომადგენლებმა და მონაწილე სტეიქჰოლდერებმა კი ისაუბრეს მოქალაქეთათვის ელექტრონული სერვისების ხელმისაწვდომობის ეტაპობრივი განვითარების მნიშვნელობაზე.
„ქართულ-აფხაზური კონფლიქტის წინაისტორია, შემდგომი განვითარება და შედეგები“- ამ თემაზე გაიმართა ონლაინ ტრენინგები სენაკის, წყალტუბოს, კოკის (ზუგდიდის მუნიციპალიტეტი) ახალგაზრდულ საინიციატივო ჯგუფებთან.
მონაწილეებმა მოისმინეს, რა უძღოდა კონფლიქტის დაწყებას და როგორ განვითარდა მოვლენები. ქრონოლოგიის განხილვის პროცესში ისინი სვამდნენ შეკითხვებს: რატომ ვერ მოხერხდა სიტუაციის მართვა, ვინ იყო დამნაშავე, რატომ მივედით ამ შედეგამდე.
ტრენერმა ქეთი ვასაძემ მონაწილეებს განუმარტა, რამდენად მნიშვნელოვანია სამშვიდობო საქმიანობაში ნდობის აღდგენა, რა ნაბიჯები უნდა გადაიდგას ამ მიმართულებით.
დასასრულს მონაწილეებმა საკუთარი განწყობა უკუკავშირით გამოხატეს:
„საინტერესო იყო ჩემთვის კონფლიქტის ეტაპების განხილვა. მშვიდობის მშენებლობას ყოველთვის აქვს აზრი, ახალგაზრდების როლი დავინახე, შეგვიძლია ნდობის აღდგენის კუთხით უფრო მეტად ვიყოთ ჩართულები“.
საზოგადოების სხვადასხვა ჯგუფის წარმომადგენლებს ხვდებიან ფონდი „სოხუმის“ ქალთა მხარდაჭერის ცენტრების მობილიზატორები. საინფორმაციო შეხვედრები უკვე გაიმართა ქობულეთის, ზუგდიდის, თერჯოლის, ბაღდათის, ვანის მუნიციპალიტეტებში. შეხვედრების მონაწილეებმა მოისმინეს ინფორმაცია ძალადობის პრობლემაზე, მსხვერპლთა დახმარების და მხარდაჭერის კუთხით არსებულ პროგრამებზე. მათ ასევე აქცენტი გააკეთეს თემში არსებულ პრობლემებზე და მათი მოგვარების გზებზე. მობილიზატორებმა ჩაინიშნეს საკითხები, რომელთა ადვოკატირებასაც დაიწყებენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
14 ახალი ორგანიზაცია შეიქმნა პროექტის ფარგლებში. პროექტმა ხელი შეუწყო არა მარტო მათ რეგისტრაციას, არამედ წარმატებულ სტარტსაც: პირველი პროექტების დაწერაც შეძლეს და პირველი გრანტებიც მიიღეს.
მათთვის განსაკუთრებული მნიშვნელობა აქვს სწავლებას. წყალტუბოში ჩატარებულ ორდღიან შეხვედრაზე ამ ორგანიზაციების წარმომადგენლებმა განიხილეს შესაძლებლობების განვითარებისა და პროექტების მართვის საკითხები (ორგანიზატორი - იმერეთის მხარის მეცნიერთა კავშირის „სპექტრი“).
განსაკუთრებული ყურადღება დაეთმო სამოქალაქო საზოგადოების ორგანიზაციების ინსტიტუციურ განვითარებას, ფონდების მოძიებას, ორგანიზაციულ და ფინანსურ მართვას, პროექტების შემუშავებასა და განხორციელებას.