წყალტუბოში, ზუგდიდსა და სენაკში შექმნილი ქალთა ადვოკატირების ჯგუფების მიერ გამოვლენილი საჭიროებების ადვოკატირებისათვის სამოქალაქო ინიციატივების მხარდაჭერა მოხდა. კერძოდ: სენაკის დევნილთა დასახლებაში ბინებს არ ჰქონდათ აბრები ნომრების გამოსახულებით, რაც ხშირად პრობლემას ქმნიდა (მაგ., სასწრაფო სამედიცინო დახმარების გამოძახების დროს). სოფელ კოკის (ზუგდიდის მუნიციპალიტეტი) სკოლის ეზოში არ იყო ძელსკამები, რომლითაც მშობლები და ბავშვები ისარგებლებდნენ. წყალტუბოს დევნილთა ახალ დასახლებაში კი ქალებმა გამოავლინეს პრობლემა, რომ კორპუსებში არ იყო საინფორმაციო დაფები, სადაც განთავსდებოდა საჭირო ინფორმაცია (მაგ., ცხელი ხაზის შესახებ).
ამ ინიციატივების განხორციელება უზრუნველყოფს უსაფრთხო და ქალებისათვის ადაპტირებულ გარემოს.
პროექტი ხორციელდება გენდერული თანასწორობის ფონდის მხარდაჭერით (კანადა)
ქსელური შეხვედრა ონლაინ ფორმატით გაიმართა. მასში მონაწილეობდნენ „მშვიდობის ელჩი ქალებისა და გოგონების ქსელის“ წევრები ქუთაისის, ხონის, წყალტუბოს, სენაკის, ზუგდიდის მუნიციპალიტეტებიდან.
შეხვედრის მონაწილეებმა მოისმინეს პრობლემათა ადვოკატირების კუთხით არსებული სიტუაციის ანალიზი ცალკეული მუნიციპალიტეტების მიხედვით.
ქსელის ლიდერებმა გააჟღერეს თავიანთ თემებში არსებული პრიორიტეტული პრობლემები, რომელთა გამოვლენაზეც ჯგუფის წევრებთან ერთად იმუშავეს.
შეხვედრის მონაწილეებმა ერთად იმსჯელეს არსებულ შესაძლებლობებზე. საერთო მოსაზრებით, ყველა რესურსი აქტიურად იქნება გამოყენებული იდენტიფიცირებული პრობლემების მოსაგვარებლად.
პროექტი ხორციელდება გაეროს ქალთა ორგანიზაციის
მხარდაჭერით
ხონის ქალთა ქსელის მორიგი შეხვედრა ადვოკატირების საკითხებს დაეთმო. ჯგუფის წევრებმა კიდევ ერთხელ განიხილეს საჭიროებათა კვლევის დოკუმენტი და მასში ასახული რეკომენდაციები.
აქტიური დისკუსიის შედეგად გამოვლინდა პრობლემები, რომლებზეც ჯგუფი მუშაობდა, მაგრამ სასურველ შედეგს ვერ მიაღწია. გადაწყდა, რომ ეს პრობლემები კვლავ დადგეს დღის წესრიგში და მაქსიმალურად გადაიხედოს წინაღობები, რომელთაც ეფექტიან ადვოკატირებას შეუშალეს ხელი - ეს არის დევნილთა დასახლებაში არსებული ამორტიზირებული შენობების პრობლემა, ასევე - აფთიაქის, ქსელური მარკეტის და საწრეტი არხების არარსებობის პრობლემა. ჯგუფმა შეიმუშავა გეგმები, რომელთა მიხედვითაც წარიმართება ადვოკატირების პროცესი.
პროექტი ხორციელდება გაეროს ქალთა ორგანიზაციის
მხარდაჭერით
ქალთა ფონდი „სოხუმის“ ოფისში I ჯგუფის წევრებთან შეხვედრა გაიმართა. მათ ისაუბრეს, თუ როგორ აქტიურად აგრძელებენ მუშაობას თავიანთ თემებში პრობლემების ადვოკატირების კუთხით. ქალები სამოქალაქო ჩართულობის ფორმებს იყენებენ, ხვდებიან დეპუტატებს, ტერიტორიული ერთეულების წარმომადგენლებს, სხვადასხვა სამსახურის ხელმძღვანელებს და ამ გზით დევნილთა თემებში სოციალური პირობების გაუმჯობესებას ცდილობენ.
საინიციატივო ჯგუფების წევრები აღნიშნავენ:
„რომ არა ეს პროექტი, ჩვენ არც არავინ მოგვისმენდა..“
„ის, რომ მოგვისმინეს, მერიაში შეტანილი წერილის პასუხად, შესაბამისი სამსახურიდან დაგვირეკეს, პრობლემის მოგვარებას დაგვპირდნენ - ეს, აშკარად, ფონდი „სოხუმის“ და ამ პროექტის დამსახურებაა.“
„ძირითადად, საოჯახო საქმეებით ვიყავი დაკავებული. ასე მეგონა, ჩემი ძალები უკვე ამოვწურე. ამ პროექტში ჩართვამ გამააქტიურა და ძველებური მოტივაცია დამიბრუნა.“
ჯგუფის წევრები ახალი პრობლების იდენტიფიცირებასაც ახდენენ. მათ სჯერათ თავიანთი შესაძლებლობების, იციან ადრესატების სწორად შერჩევა და აქტუალური საკითხების სწორად წარდგენაც. იმედი აქვთ, რომ წელს მოუგვარებელი მათი პრობლემები მომდევნო წლის ბიუჯეტის ფარგლებში მოგვარდება.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქალთა ფონდი „სოხუმის“ ოფისში დევნილი ქალებისა და გოგონების მონაწილეობით გაიმართა გაერთიანებული შეხვედრა, რომლის მთავარ მიზანს ადვოკატირების პროცესში მიღწეული წარმატებების და გამოწვევების გაზიარება წარმოადგენდა.
შეხვედრის მონაწილეებმა ისაუბრეს, როგორ შეუძლიათ სამოქალაქო აქტიურობით რეალური ცვლილებების მიღწევა. მიუხედავად იმისა, რომ პრობლემების მნიშვნელოვანი ნაწილი ჯერ კიდევ მოუგვარებელია, ისინი იმედს არ კარგავენ.
„ვხედავთ, რომ მიზნობრივი ადვოკატირებით გარკვეული შედეგები უკვე მივიღეთ. ამიტომ გვჯერა, რომ მომავალში უფრო მნიშვნელოვანი პრობლემებიც მოგვარდება,“ - აღნიშნა ერთ-ერთმა მონაწილემ.
შეხვედრაზე განსაკუთრებული ყურადღება ინფრასტრუქტურული საჭიროებების გადაჭრას მიენიჭა, რაც, მონაწილეთა თქმით, დევნილთა თემებისთვის კრიტიკულად მნიშვნელოვანია.
მობილიზებული ჯგუფები მზად არიან, მომდევნო წლის მუნიციპალურ ბიუჯეტში მათი პრობლემების გათვალისწინებისთვის უფრო მეტად იაქტიურონ. შეხვედრამ კიდევ ერთხელ დაარწმუნა ისინი, რომ ერთიანობა და სამოქალაქო პასუხისმგებლობა არის ძალა, რომელსაც შეუძლია სოციალური ბარიერების გადალახვა.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
ქუთაისის საინიციატივო ჯგუფის წევრებთან საინფორმაციო შეხვედრა გაიმართა. აქტიური ქალების ანგარიშზე არაერთი მოგვარებული პრობლემაა და ამიტომაც სჯერათ, რომ გუნდურობით, პასუხისმგებლობით, გაუმჯობესებული უნარ-ჩვევებით, კიდევ ბევრ საჭირბოროტო საკითხს მოაგვარებენ თავიანთ დასახლებებში, კერძოდ:
- ჭომა, ლესელიძის №3 პირველი კორპუსი - სახურავიდან წყლის საწრეტების პრობლემა.
- ილიაჭავჭავაძის №58 - საბავშვო ატრაქციონების გაახლება
- გურამ გაბესკირიას ქუჩა, კოტეჯი №2 - სანიაღვრე სისტემის პრობლემა და გზის დაგება
საინიციატივო ჯგუფის წევრები სწორედ ამ პრობლემების ადვოკატირებისთვის ემზადებიან.
მათ იმსჯელეს თავიანთ ძლიერ და სუსტ მხარეებზე, შესაძლებლობებზე, რისკებზე (SWOT ანალიზის მიხედვით) და კარგად ესმით ადვოკატირების პროცესში სამოქალაქო ჩართულობის მნიშვნელობა.
პროექტი ხორციელდება გაეროს ქალთა ორგანიზაციის
მხარდაჭერით
ქალები და გოგონები მნიშვნელოვან როლს ასრულებენ სოციალური ცვლილებების მიღწევაში. სამოქალაქო ჩართულობის სხვადასხვა ფორმის გამოყენებით, მათ მოახერხეს საზოგადოების ყურადღების მიპყრობა და შესაბამისი უწყებებისგან მოითხოვეს კონკრეტული ნაბიჯები, რათა გაუმჯობესდეს დევნილთა სოციალური მდგომარეობა.
ქუთაისში, ჭავჭავაძის 58-ში დევნილთა საინიციატივო ჯგუფის წევრ ქალებთან და გოგონებთა მორიგი შეხვედრა გაიმართა. მათ გააჩნიათ საჭირო უნარ-ჩვევები გრძელვადიანი მუშაობისთვის. ძველ, იდენტიფიცირებულ საკითხებთან ერთად, თემის წინაშე ახალი პრობლემებიც იჩენს თავს. ჯგუფის წევრები ოპტიმისტურად არიან განწყობილნი და იმედოვნებენ, რომ მათი აქტიურობის შედეგად ქალაქის ახალ ბიუჯეტში გაითვალისწინებენ დევნილთა პრობლემების მოგვარებას.
„ჩვენი მიზანია არა მხოლოდ ყურადღების მიპყრობა, არამედ ისეთი ნაბიჯების გადადგმა, რაც ჩვენს თემს რეალურ სარგებელს მოუტანს,“ - აცხადებს ჯგუფის ერთ-ერთი აქტიური წევრი.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
გაგრძელდა პროექტი, რომელშიც ჩართულები არიან ბავშვები უკრაინიდან, ასევე სხვა ეროვნების მოსწავლეები 17 წლამდე.
პროექტის მონაწილეთა ნაწილი დიდი ინტერესით სწავლობს ქართულ და ინგლისურ ენებს, ნაწილს ხატვის ნიჭი აქვს და პროფესიონალთან ერთად ცდილობს, დახვეწოს ტექნიკა. ზოგიერთები კი საცურაო აუზზე დადიან და ცურვას სწავლობენ. მსურველებს ასევე აქვთ შესაძლებლობა, გაიარონ ფსიქოთერაპია ფსიქოლოგთან და მონაწილეობა მიიღონ სპორტულ-გასართობ ღონისძიებაში „მხიარული სტარტები“.
ქართულის, ინგლისურის, ხატვის და ცურვის კურსები ოქტომბრიდან დაიწყო, ნოემბრიდან კი დაემატა შეხვედრები ფსიქოლოგთან. პროექტში უკვე ჩართულია 54 ბავშვი.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
9 ნოემბერს, ფონდ ,,სოხუმის ,, ოფისში შეფასებითი ვორკშოპი გაიმართა. ქუთაისის, წყალტუბოს, ხონის, სენაკის, ზუგდიდისა და წალენჯიხის ქალთა საინიციატივო ჯგუფებმა ოთხწლიანი მუშაობის შედეგები შეაფასეს. რა გავლენმა იქონია საპროექტო მიმართულებებით განხორციელებულმა საქმიანობამ საზოგადოებასა და ქვეყანაზე, რა შეიცვალა მათ თემში-ამ მიმართულებით იმუშავეს ცალკეულმა ჯგუფებმა. ოთხწლიან მუშაობას პოზიტიური შედეგები მოჰყვა, რომელიც ჯგუფის წევრებმა სხვადასხვა მიმართულებით მიიღეს. მათ წინადადებებში მომავალი პროექტის კონტურები გამოიკვეთა, რომელიც , პირველ რიგში, სამშვიდობო მიმართულებით მუშაობის გაძლიერებას გულისხმობს. შეფასებისას მონაწილეებმა დადებითი სიტყვები არ დაიშურეს. „ოთხი წელი ძალიან დიდი დროა იმისთვის, რომ შეიცვალო! ჩვენ ვგრძნობთ ამ ცვლილებას, ჩვენ გარემოზეც მოვახდინეთ გავლენა და ამიტომ, ვფიქრობ, ამ პროექტმა კარგი საქმე გააკეთა. “ „ინფორმირება, სამშვიდობო თემის გააქტიურება, ადვოკატირება - ამ ყველაფერში ჩვენ ყველანი ერთნაირად ვიყავით ჩართულები.“ „გავძლიერდით და შევძელით სხვების გაძლიერება. გავააქტიურეთ ისეთი თემები, რომელზეც მანამდე არ საუბრობდნენ. “- ეს პროექტში ჩართულთა მოკლე შეფასებებია. შეხვედრა განხორციელდა პროექტის- „განხეთქილების დაძლევა ხალხთაშორისი ინიციატივები კონფლიქტის მოგვარებისთვის“ ფარგლებში, რომელიც USAID -ის მიერ არის დაფინანსებული.
