იანვარი მოკლე სამუშაო თვე იყო. მეორე შემაფერხებელი ფაქტორიც გამოჩნდა - სეზონური გრიპის ვირუსი. ამის მიუხედავად, ყველა დაგეგმილი შეხვედრა ჩატარდა ახალგაზრდობის გაძლიერების ცენტრების წევრებთან. მუშაობა ჩვეულ რიტმში გაგრძელდა - 5 ტრენინგი ადგილებზე გაიმართა, 5 კი - ონლაინ ფორმატში.
ეს იყო საინტერესო, აქტიური და დასამახსოვრებელი ტრენინგები მონაწილეებისთვის: აქტუალური თემების განხილვა, გულახდილი საუბრები საკუთარ პრობლემებზე. პარალელურად დაიწყო ლიდერების მზადება შემაჯამებელი შეხვედრებისთვის. ეს განსაკუთრებით საინტერესო ეტაპია მათ ცხოვრებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიური ინტერაქციის ფონზე ჩატარდა ტრენინგი ზუგდიდში, რომელსაც ესწრებოდნენ დევნილი ლიდერი ქალები, ამხანაგობების თავმჯდომარეები ბარამიას და ლაღიძის ქუჩებიდან.
მონაწილეებმა გაიგეს მტკიცებულებებზე დაფუძნებული ადვოკატირების არსი, გააანალიზეს პროცესი პრობლემის იდენტიფიცირებიდან - მოგვარებამდე. SWOT ანალიზის გამოყენებით შეაფასეს საკუთარი რესურსები, ძლიერი და სუსტი მხარეები, იმსჯელეს მოსალოდნელ რისკებზე.
ტრენინგის მონაწილეებმა კონკრეტული პრობლემები შეარჩიეს და შეადგინეს სამოქმედო გეგმები.
მონაწილეთა უკუკავშირიდან:
„ვისწავლეთ ადვოკატირების გეგმის გაწერა და პასუხისმგებლობების გადანაწილება.“
„ამ უნარ-ჩვევებს პრაქტიკაში გამოვიყენებთ ჩვენს თემებში პრობლემათა ადვოკატირებაზე მუშაობისას.“
მუშაობა მიმდინარეობს ცენტრ „აფხაზეთთან“ პარტნიორობით, პროექტის „კონფლიქტების ტრანსფორმაციის მხარდაჭერა სამხრეთ კავკასიაში და მოლდოვაში“ ფარგლებში.
იანვრიდან ქალთა მხარდაჭერის ცენტრებმა აქტიურად დაიწყეს საინფორმაციო შეხვედრების ჩატარება. 10 ცენტრის მობილიზატორების დახმარებით 150-ზე მეტმა ადამიანმა მიიღო ინფორმაცია ძალადობის მსხვერპლთა დახმარების სერვისებსა და მუნიციპალურ პროგრამებზე.
ინფორმირების პროცესმა ხელი შეუწყო ახალი ოჯახების იდენტიფიცირებას. თვის განმავლობაში 10 რისკის ჯგუფის მქონე გამოვლინდა. მათთან მუშაობა აქტიურად მიმდინარეობს. ბენეფიციარები უკვე სარგებლობენ ქალთა ფონდი „სოხუმის“ უფასო სერვისებით: იღებენ ფსიქოლოგისა და იურისტის კონსულტაციებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
უკრაინიდან ჩამოსულ ოჯახებთან იანვარში აქტიურად მუშაობდა ქალთა ფონდი „სოხუმის“ ფსიქოლოგი. მას 16 ლტოლვილთან ჰქონდა შეხვედრა - ჩატარდა ფსიქორეაბილიტაციური მუშაობა: ანამნეზის შეგროვება, უარყოფითი ემოციებისგან გათავისუფლება. ზრდასრულებთან ერთად ფსიქოლოგი აქტიურად მუშაობდა სამ მოზარდთან. მათ აწუხებთ ჰიპერაქტიურობის, მარტოობის და ახალ გარემოში ადაპტაციის პრობლემები. ფსიქოთერაპიული სესიების შედეგები თანდათან ვლინდება და უკრაინელების სულიერი მდგომარეობაც უჯობესდება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
საახალწლო არდადეგების შემდეგ ახალგაზრდულმა თეატრმა მუშაობა განაახლა.
იანვარში თოჯინების თეატრმაც გამართა წარმოდგენა და ფორუმ-თეატრმაც.
ქუთაისის მე-2 საჯარო სკოლაში თოჯინების თეატრის წარმოდგენა გაიმართა. დაწყებითი კლასების მოსწავლეებს მოეწონათ სპექტაკლი და დისკუსიაშიც ხალისიანად ჩაერთნენ. ისაუბრეს საყვარელ გმირებზე, მეგობრობაზე, ერთმანეთის დახმარებაზე.
ფორუმ-თეატრმა ქალაქის ცენტრში წარმოადგინა სცენა ემიგრაციაზე. რამდენიმე მაყურებელი გაღიზიანდა, რადგან მათი ოჯახის წევრებიც ემიგრაციაში არიან, თუმცა აღნიშნეს, რომ ეს აქტუალური პრობლემაა და ახალგაზრდებს სწორი ხედვა აქვთ...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
რა მექანიზმები არსებობს ძალადობის მსხვერპლის დახმარებისა და გაძლიერების კუთხით; რა საკითხებში უნდა ვითანამშრომლოთ ბავშვთა უფლებების დაცვისა და მხარდაჭერის განყოფილებასთან, სოციალურ მუშაკებთან; როგორია საზოგადოების წევრების ვალდებულება ქალთა მიმართ და ოჯახში ძალადობის პრევენციის საკითხებში; როგორ შევქმნათ მოზარდების ირგვლივ ჯანსაღი, ჰარმონიული გარემო - ძირითადად, ამ საკითხებზე შედგა საუბარი ჩოხატაურის მუნიციპალიტეტში, ჯვარცხმის თემში ჩატარებულ შეხვედრაზე.
შეხვედრა უშუალო, პოზიტიურ, ინტერაქტიულ გარემოში გაიმართა. მას თემში მერის წარმომადგენელი, ქალთა ფონდი „სოხუმის“, ჩოხატაურის ბავშვთა უფლებების დაცვის და მხარდაჭერის სამსახურის წარმომადგენლები და თემის აქტიური ქალები ესწრებოდნენ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ინფორმაციის გაცვლის შეხვედრა გაიმართა თეკლათის (სენაკის მუნიციპალიტეტი) საჯარო სკოლაში - სკოლის დირექციის, პედაგოგების და მშობლების მონაწილეობით.
ქალთა ფონდი „სოხუმის“ წარმომადგენლებმა საგანმანათლებლო დაწესებულებების, ბავშვთა უფლებების დაცვის და მხარდაჭერის განყოფილების თანამშრომლებთან და გენდერული თანასწორობის საბჭოს წევრებთან ერთად ისაუბრეს არაერთ საჭირბოროტო საკითხზე, რომლებიც ეხება ქალთა მიმართ/ოჯახში ძალადობას, ძალადობის პრევენციას, მოზარდების ოჯახების ფსიქოსოციალურ მდგომარეობას.
ასევე გაიმართა ქალთა ფონდი „სოხუმის“ კვლევის - „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“ წარდგენა. კვლევის რეკომენდაციებში მნიშვნელოვანი ადგილი უჭირავს პასუხისმგებელი ადგილობრივი რგოლების კოორდინაციას და ინფორმაციის გაცვლას, სკოლებთან თანამშრომლობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წალენჯიხის მერიის სამსახურების, გენდერული თანასწორობის საბჭოს, საბავშვო ბაღების ადმინისტრაციის და ჯანდაცვის სამსახურის წარმომადგენლები შეიკრიბნენ მუნიციპალიტეტის საკრებულოს სხდომათა დარბაზში. ქალთა ფონდმა „სოხუმმა“ აქ ჩაატარა მრგვალი მაგიდა - გენდერულ საბჭოსთან განხორციელებული ერთობლივი მცირე პროექტის პრეზენტაცია. პროექტის ფარგლებში გაიმართა ტრენინგები და საინფორმაციო შეხვედრები საერთაშორისო კამპანიის „16 აქტიური დღე ქალთა მიმართ ძალადობის წინააღმდეგ“ დროს. ამას გარდა მოხდა ქალთა საჭიროებების შესწავლა წალენჯიხის მუნიციპალიტეტში და გამოიცა კვლევის ანგარიში.
შეხვედრაზე ისაუბრეს იმაზე, რაც გაკეთდა და განსაკუთრებული აქცენტი გაკეთდა აქტიური თანამშრომლობის გაგრძელებაზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ხობის მუნიციპალიტეტის მერიის საკონფერენციო დარბაზში ქალთა ფონდი „სოხუმის“ წარმომადგენლებმა გენდერული თანასწორობის საბჭოსთან ერთად საინფორმაციო შეხვედრა გამართეს.
შეხვედრის მიზანი იყო ქალთა მიმართ და ოჯახში ძალადობის საკითხების რეფერირების ადგილობრივ სტრუქტურებს შორის კოორდინაციის და ინფორმაციის გაცვლის სისტემის ხელშეწყობა.
შეხვედრას ესწრებოდნენ მერიის ბავშვთა უფლებების დაცვის და მხარდაჭერის განყოფილების და მუნიციპალიტეტში მოქმედი ა(ა)იპი-ების წარმომადგენელები. ისაუბრეს ოჯახში ძალადობის პრევენციაზე, ძალადობის რისკ-ჯგუფებზე, ყველაზე მოწყვლადი ოჯახების საჭიროებების იდენტიფიცირებასა და სოციალური პარტნიორობის ადგილობრივი სისტემის აუცილებლობაზე, ინტერსექტორული რესურსების გაერთიანების საკითხებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სასწავლო პროექტები ქალთა ფონდი „სოხუმის“ განსაკუთრებული ხელწერაა. ქუთაისის ყოფილი მუსიკალური სკოლა-ინტერნატის შენობაში მცხოვრები დევნილი ქალები ახალ უნარებს დაეუფლნენ.
მათ მიიღეს კომპიუტერული უნარების (Windows, Ms. Word, Ms. Excel, Ms. PowerPoint, Internet Explorer, Skype, E-mail) საბაზისო ცოდნა და კურსის ბოლოს სერთიფიკატები გადაეცათ. კომპიუტერული კურსი ხელს შეუწყობს ბენეფიციარებს კომუნიკაციაში, დასაქმებასა და თვითრეალიზებაში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)