პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
შეხვედრები ამომრჩევლის რჩევის აპლიკაციის გასაცნობად
10 ივლისიდან 20 ივლისამდე პერიოდში - ხურჩა, კოკი, შამგონა, ინგირი (ზუგდიდის მუნიციპალიტეტი) - ეს სოფლები მოიცვა ამომრჩევლის რჩევის აპლიკაციის გასაცნობად გამართულმა შეხვედრებმა, რომლებიც ფონდი „სოხუმის“ ქალთა საინიციატივო ჯგუფის წევრებმა ჩაატარეს.
შეხვედრებს მცირე ჯგუფებში სხვადასხვა ასაკობრივი კატეგორიის მოქალაქეები ესწრებოდნენ. მათ ინტერესი გამოხატეს პროექტის მიერ გათვალისწინებული სიახლის მიმართ, აქტიური უკუკავშირი დაამყარეს და გამოკვეთეს საკითხები, რომელთა მიმართ პოლიტიკური პარტიების დამოკიდებულება აინტერესებთ. ერთ-ერთ მწვავე პრობლემად დასახელდა მიგრაცია.