ციფრული რესურსცენტრი ძალადობის მსხვერპლთათვის

იურიდიული, ფსიქოლოგიური თუ სხვა სახის დახმარება, დასაქმების პერსპექტივა თუ სოციალური მეწარმეობის მხარდაჭერის პროგრამები.

მართლაც აქ ყველა კითხვაზე გიპასუხებენ, საჭირო რჩევებს მოგცემენ - სახლიდან გაუსვლელად.

ეს ყველაფერი ონლაინ ხდება. ახალ ვებგვერდზე, რომლის სახელწოდებაა „ძალადობის მსხვერპლთა სერვისების ციფრული რესურსცენტრი“.

ამ პლატფორმაზე თავმოყრილია შემდეგი ინფორმაცია: სერვისები ძალადობის მსხვერპლთათვის, კანონმდებლობა, ეროვნული რეფერალური მექანიზმი, პუბლიკაციები (ანგარიშები და კვლევები), მობილური აპლიკაციები და ცხელი ხაზის ნომრები, პასუხები სხვადასხვა კითხვაზე, სიახლეები.

ვებგვერდის მიზანია ქალთა მიმართ ძალადობისა და ოჯახში ძალადობის წინააღმდეგ ბრძოლისა და მსხვერპლთა (დაზარალებულთა) დასაცავად არსებული ყველა სახის სერვისის ხელმისაწვდომობის გაუმჯობესება.

ვებგვერდი შეიქმნა ფონდი „სოხუმის“ მიერ კანადის გენდერული თანასწორობის ფონდის მხარდაჭერით და ამჟამად მუშაობს სატესტო რეჟიმში.

http://gbvdigitalresourcecenter.ge/

ეს ინფორმაცია მომზადდა WAVE-ის გაზეთისთვის (WAVE არის არასამთავრობო ორგანიზაციათა ევროპული ქსელი, რომელიც ეხმარება ძალადობისგან დაზარალებულთ.

პროექტი ხორციელდება  გენდერული თანასწორობის ფონდის მხარდაჭერით (კანადა)