ბაღდათის ქალთა მხარდაჭერის ცენტრი - კამპანიის აქტიური მონაწილე
16-დღიანი კამპანიის აქტიური მონაწილე გახდა ბაღდათის ქალთა მხარდაჭერის ცენტრი. მან მუნიციპალიტეტის გენდერული თანასწორობის საბჭოსთან ერთად მოაწყო შეხვედრა ძალადობის თემაზე. შეხვედრაზე მოწვეული იყო კრიზისული ცენტრის იურისტი, რომელმაც მსხვერპლთა დახმარების კუთხით არსებულ სერვისებზე და სამართლებრივ მექანიზმებზე ისაუბრა.
კამპანიის ფარგლებში სოფლებში გაიმართა ძალადობის თემაზე შექმნილი ფილმის ჩვენება და დისკუსიები - დაესწრნენ საჯარო მოხელეები, სამოქალაქო აქტივისტები, პედაგოგები, მოზარდების მშობლები.
ქალთა მიმართ ძალადობა ბოროტებაა და საზოგადოება ამ ბოროტებას წინ უნდა აღუდგეს - ასეთი იყო მონაწილეთა საერთო მოსაზრება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)