სახლი ლამაზ მწვანე ეზოში - ქალებისთვის

Haven House 1964 წელს გახსნილი პირველი ქალთა თავშესაფარია კალიფორნიაში, რომელიც ალბათ ლამაზ მწვანე ეზოში იდგა. ისეთივე, როგორც ჩვენი სარეაბილიტაციო/კრიზისული ცენტრია ქუთაისის ერთ-ერთ კოლორიტულ უბანში. აქ ყველა კუთხეში სიმყუდროვეა, ისეთი, რომ შეხვალ და დამშვიდდები.

აქ შეუძლია მოხვდეს ქალი, რომელიც რთულ პირობებში იმყოფება, მაგრამ არ აქვს ძალადობის მსხვერპლის სტატუსი და ამის გამო ვერ მიიღებენ თავშესაფარში. სანამ სათანადო პროცედურებს გაივლის, ქალს შეუძლია ამ არაჩვეულებრივ გარემოში დაჰყოს გარკვეული ხანი.

სოციალური მუშაკი, ფსიქოლოგი და იურისტი ძალადობაგამოვლილ ქალს სამომავლო გზის გარკვევაში ეხმარებიან: უმსუბუქებენ მდგომარეობას. თუ საჭიროა, ამზადებენ საჭირო საბუთებს.

ქალებს აქვთ შესაძლებლობა, შეისწავლონ ახალი პროფესიული უნარ-ჩვევები, რაც შემოსავლის მიღებაში დაეხმარებათ. ეს ყველაფერი უფრო აქტიურს, ძლიერს, თავდაჯერებულს გახდის ქალს, გაარკვევს თავის უფლებებში და ის შეძლებს კიდეც თავისი და შვილების უფლებების დაცვას.

მსოფლიოს რუკაზე, სადაც ძალადობის მსხვერპლი ქალებისა და მათი შვილებისთვის ათასობით იმედის წერტილი ანთია, ერთი ჩვენიცაა - ლამაზი და გამორჩეული ქუთაისური ეგზოტიკით და სოხუმური ყავის განუმეორებელი არომატით.

 

სარეაბილიტაციო სახლზე - ჩვენს ბლოგში

http://blogofwomanfundsukhumi.tilda.ws/thelittleladyofthebighouse?fbclid=IwAR3c9ebChw7mNpeqsxzB0PMnb2abzH1jxLImCIf1dWpp9LjmQrKDRlI_00M

 

სასარგებლო ბმულები

სოციალური ქსელები