ერთობლივი კომპლექსური ყოველდღიური ინტენსიური ფსიქორეაბილიტაციური მუშაობა მიმდინარეობდა ქალთა ფონდი „სოხუმის“ სარეაბილიტაციო ცენტრში ორ ქალთან. ერთი მათგანს 4 მცირეწლოვანი შვილი ჰყავს, მეორე კი ორი ბავშვის დედაა.
ახალგაზრდა ქალები ოჯახში ძალადობის მსხვერპლები არიან, ბავშვობიდან ტრავმირებულები, სოციალურად დაუცველები. მართალია, თავიანთ მუნიციპალიტეტში იღებენ გარკვეულ დახმარებას და მხარდაჭერას, მაგრამ კომპლექსური მუშაობაც აუცილებელი იყო მათთვის.
სარეაბილიტაციო ცენტრში ორი კვირის მანძილზე მათი რამდენიმე პრობლემა მოგვარდა, გაირკვა სხვა პრობლემების მოგვარების გზებიც. ქალებთან და ბავშვებთან მუშაობაში ჩართულები იყვნენ სოციალური მუშაკი, იურისტი და ფსიქოლოგი.
- არ გვაქვს სიტყვები, რომლითაც გამოვხატავდით მადლობას ჩვენთვის უჩვეულოდ ნათელი დღეებისთვის - თქვეს ქალებმა გამომშვიდობებისას. მათთან კომუნიკაცია გაგრძელდება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
