ტრეინინგ-სემინარები (105)
ტრენინგები (train - სწავლება) - ინტერაქტიური სწავლების ერთ-ერთი სახეა. კატეგორიაში ასახულია პროექტების ფარგლებში გამართული ტრენინგები, ასევე ტრენინგები ფონდი „სოხუმის“ თანამშრომლების მონაწილეობით.
დაიწყო სენაკის გენდერული თანასწორობის საბჭოსა და ფონდი „სოხუმის“ ერთობლივი პროექტი „ადგილობრივი თვითმმართველობასთან თანამშრომლობა - გენდერული თანასწორობისა და ოჯახში ძალადობის პრობლემის პრევენციისათვის“.
პროექტის ფარგლებში დაგეგმილი 4 ტრენინგიდან პირველი 4 ოქტომბერს გაიმართა საკრებულოს დარბაზში. ტრენინგში აქტიური მონაწილეობა მიიღეს სოფლებში მერის წარმომადგენლებმა და თემის მაჟორიტარებმა. ტრენინგზე განხილული იყო აქტუალური საკითხები: გენდერული ძალადობა და ადგილობრივი თვითმმართველობის როლი ძალადობის პრევენციის და მსხვერპლის დახმარების საქმეში.
ძალადობისაგან დაცვის ეროვნული ქსელის ორგანიზებით, ფონდმა „სოხუმმა“, რომელიც ამ ქსელის წევრია, თავის ოფისში ჩაატარა ტრენინგი იმერეთის პრობაციის ბიუროს ოფიცრებისთვის.
ქალთა მიმართ ძალადობის პრობლემის აქტუალობა, კანონის აღსრულების მექანიზმები. მსხვერპლთან და მოძალადესთან მუშაობის სპეციფიკა, პრობლემები, გამოწვევები, გამოსავლის გზები, - ტრენინგი, ძირითადად, ამ მიმართულებით წარიმართა.
მონაწილეები გაეცნენ ქალთა მიმართ ძალადობის სკრინინგ-ინსტრუმენტის გზამკვლევს. იმუშავეს პრაქტიკულ სავარჯიშოზე, რაც მიზნად ისახავდა მსხვერპლის იდენტიფიცირებას სპეციალურად შემუშავებული კითხვარის მეშვეობით.
პრობაციის ბიუროს ოფიცრები მალე ჩაერთვებიან ქალი მსჯავრდებულების სკრინინგის პროგრამაში ძალადობის შემთხვევების გამოსავლენად, რაც მსხვერპლთა მხარდაჭერას და მათ ფსიქო-სოციალურ რეაბილიტაციას ითვალისწინებს.
ერევანში გაიმართა ტრენინგ-სემინარი თემაზე „სტრატეგიული მშვიდობისმყოფელობის ინსტრუმენტები ქალთა მონაწილეობის ხელშესაწყობად სამშვიდობო საქმიანობაში“. აქ შეიკრიბნენ შვედეთის ქალთა ფონდის Kvinna till Kvinna-ს მხარდაჭერით მომუშავე პარტნიორული ორგანიზაციების (მათ შორის - კონფლიქტური რეგიონების) წარმომადგენლები. განხილულ იქნა კონფლიქტის გენდერულად მგრძნობიარე ანალიზის საკითხები. ორგანიზაციებმა გააკეთეს თავიანთი პროექტების პრეზენტაციები. ფონდმა „სოხუმმა“ წარმოადგინა უკვე დასრულებული პროექტი „ინკლუზიური მიდგომები ადამიანური უსაფრთხოების სფეროში“. მონაწილეები ინტერესით გაეცნენ ინკლუზიური მიდგომის არსს, მუშაობის მეთოდებსა და შედეგებს.
ერევნის შეხვედრა იყო სივრცე ნაცნობობისთვის, გამოცდილებისა და სამომავლო გეგმების გაზიარებისთვის.
ფონდი „სოხუმის“ ორგანიზებით 12-15 აპრილს, ბორჯომში ჩატარდა ტრენინგი დასავლეთ საქართველოს 9 მუნიციპალიტეტის (ქუთაისი, წყალტუბო, ხონი, თერჯოლა, სენაკი, ზუგდიდი, ფოთი, ოზურგეთი, ლანჩხუთი) თვითმმართველობის წარმომადგენელთათვის თემაზე „კომპლექსური მიდგომები ადგილობრივი ბიუჯეტის ფორმირებაში: გენდერული, სოციალური, პროგრამული და სამოქალაქო ბიუჯეტირება“. მონაწილეებმა განიხილეს ადგილობრივი ხელისუფლების გენდერულ პოლიტიკასთან დაკავშირებული საკითხები, შეადგინეს სამოდელო ადგილობრივი გენდერული პროგრამები პროგრამული ბიუჯეტის პრინციპით. მათთვის განსაკუთრებით საინტერესო გამოდგა მონაწილეობითი ბიუჯეტირების პრაქტიკა.
როგორ უნდა მოხდეს პრობლემების რანჟირება და მიზეზ-შედეგობრივი კავშირის დამყარება; როგორ შეიძლება კარგი საპროექტი იდეის ქცევა კარგ საპროექტო განაცხადად; რა შეცდომებს უშვებენ ყველაზე ხშირად ორგანიზაციები პროექტების წარდგენისას - ტრენინგზე ეს და ბევრი სხვა სასარგებლო და საინტერესო საკითხი იქნა განხილული.
ტრენინგი თემაზე „ფონდების მოძიების უნარ-ჩვევები და საპროექტო წინადადებების შემუშავება“ გაიმართა 19-22 აპრილს ბორჯომში. მასში მონაწილეობდა ფონდი „სოხუმის“ თანამშრომელთა ნაწილი, რომლებიც პროექტებზე მუშაობენ. ტრენინგი ჩაატარა ბელგიიდან მოწვეულმა სპეციალისტმა მარინა გურბომ.
8-10 თებერვალს წყალტუბოში ჩატარდა ტრენინგი თემაზე „თვითმმართველობის ბიუჯეტის თანამონაწილეობითი მონიტორინგი“. მასში მონაწილეობა მიიღეს სამიზნე ორგანიზაციებმა, მათ შორის ფონდი „სოხუმის“ წარმომადგენლებმა. ტრენინგზე მიღებულ ცოდნას ორგანიზაციები გამოიყენებენ თავიანთი მუნიციპალიტეტების ბიუჯეტის სოციალური ნაწილის მონიტორინგისა და შესაბამისი რეკომენდაციების მომზადებისთვის. პროექტს ახორციელებენ ჩეხური ორგანიზაცია „ადამიანი გაჭირვებაში“ და საქართველოს სტრატეგიული კვლევების და განვითარების ცენტრი.
(PIN პროექტი „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში საქართველოში“ დაფინანსებულია ევროკავშირის და ჩეხეთის საგარეო საქმეთა სამინისტროს მიერ).
პროექტი ხორციელდება ჩეხური ორგანიზაცია „ადამიანი გაჭირვებაში“ PIN მხარდაჭერით
„დიზაინი და პროექტის მართვა“ - ასეთი იყო სენაკში გენდერული საკონსულტაციო საბჭოს
წევრებისა და სამოქალაქო საზოგადოების აქტივისტებისათვის გამართული ტრენინგის თემა.
მონაწილეები გაეცნენ ფანდრაიზინგის ტექნოლოგიებს, პროექტის საბაზო და მნიშვნელოვან ელემენტებს და დაწერის სტრუქტურას, ლოგიკური მატრიცის გამოყენებას.
ჯგუფური სამუშაოების დროს გენდერული საკონსულტაციო საბჭოს წევრებს ახალი საპროექტო იდეები გაუჩნდათ. მონაწილეები ცდილობდნენ, სწორად ჩამოეყალიბებინათ თავიანთი პროექტების მიზნები, ამოცანები და შედეგები.
მიღებული ცოდნა იმის გარანტია, რომ ისინი დამოუკიდებლად შეიმუშავებენ პროექტებს და შეძლებენ ფინანსური მხარდაჭერის მოძიებას არა მხოლოდ ადგილობრივ, არამედ საერთაშორისო დონეზე.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
ქუთაისის გენდერული საბჭოს პროექტი „გენდერული ასპექტების გაძლიერება ადგილობრივი გენდერული პოლიტიკის ფორმირებაში აქტიური ჩართვისათვის“ მომდევნო ეტაპზე გადავიდა (პროექტი ხორციელდება ქუთაისის მერიისა და ფონდი „სოხუმის“ თანადაფინანსებით).
აპრილში გაიმართა რეგიონალური კონფერენცია, 13 მაისს კი ჩატარდა ერთდღიანი ტრენინგი სტუდენტებთან. მონაწილეებმა მიიღეს ინფორმაციები გენდერული თანასწორობის საკითხებზე; გაეცნენ ადგილობრივი ბიუჯეტის სტრუქტურას, პრიორიტეტებს; გაიაზრეს, რამდენად ეფექტურია სტუდენტების ჩართულობა, რეკომენდაციების მომზადებაში ადგილობრივი ბიუჯეტის ფორმირებისას.
ტრენინგში სამი უნივერსიტეტის სტუდენტები მონაწილეობდნენ. პროექტის შესაბამისად, ისინი გააგრძელებენ ვორკშოპების ჩატარებას წერეთლის სახელმწიფო უნივერსიტეტში, ქუთაისის უნივერსიტეტში, თბილისის სახელმწიფო უნივერსიტეტის ქუთაისის კორპუსში.
ხონის საკრებულოს სხდომათა დარბაზში გაიმართა ტრენინგი პროექტის „თემთა მობილიზება ოჯახური ძალადობის პრევენციისთვის“ ფარგლებში. ესწრებოდნენ გამგებლის წარმომადგენლები მათხოჯის, კუხის, ნახახულევის, გოჩაჯიხაიშის ადმინისტრაციულ ერთეულებში და თვითმმართველობის თანამშრომლები.
ტრენინგი საინტერესოდ წარიმართა, განხილულ იქნა პრაქტიკული მაგალითები, სტატისტიკური მონაცემები. შეკრებილებმა ისაუბრეს ოჯახში ძალადობის მიზეზებსა და პრევენციაზე. აღინიშნა, რომ პროექტის ფარგლებში საინფორმაციო შეხვედრები ჩატარდება მათხოჯში, კუხში და ნახახულევში, რაც ხელს შეუწყობს თემის მობილიზებას ოჯახური ძალადობის პრევენციისთვის.