შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
7 და 11 აპრილს ორი ონლაინ საკონსულტაციო შეხვედრა გაიმართა ხონში მოქმედი სამოქალაქო საზოგადოების ორგანიზაციების წარმომადგენლებთან.
პირველი შეხვედრა ჩატარდა დევნილთა საინიციატივო ჯგუფის წევრებთან ზაზა კალანდიასა და ბაჩანა ბასილაიასთან. მეორეში კი მონაწილეობდნენ ხონის განათლებისა და განვითარების ცენტრის „ედელვაისის“ თავმჯდომარე ნაზი ჯიქია და ორგანიზაციის წევრი თამარ გენძეხაძე.
განხილული იყო ანკეტირებასთან დაკავშირებული სამუშაო პროცესი, სამომავლო გეგმები სამუშაო ჯგუფების შექმნის კუთხით, რომლებშიც გენდერული საბჭოს წევრებიც მოიაზრებიან.
პროექტი ხორციელდება ევროკავშირის მხარდაჭერით
15 აპრილს ონლაინ შეხვედრა ჩატარდა ბაღდათის მუნიციპალიტეტის სამოქალაქო საზოგადოების ორგანიზაციებთან: „თანადგომა ახლა“ და შშმ პირთა კავშირი „რწმენა და იმედი“. შეხვედრაზე შეჯამდა ანკეტირების პროცესი, რომლის ფარგლებშიც უნდა მოხდეს ადგილობრივ დონეზე საგზაო რუკის რეალიზაციისთვის რეგიონალური საჭიროებების შეფასება. ასევე განხილულ იქნა ჩაღრმავებული ინტერვიუს კითხვარი და დაიგეგმა ინტერვიუების ჩატარების პროცესი, რათა არსებულ სიტუაციაში მაქსიმალურად განხორციელდეს პროექტის აქტივობები.
ფონდი „სოხუმის“ ორგანიზებით კონფლიქტის გამყოფ ხაზთან, სოფელ ფახულანში მცხოვრებ ქალებთან (წალენჯიხის მუნიციპალიტეტი) ონლაინ შეხვედრა გაიმართა.
- თემებში არსებული პრობლემები, საფრთხეები, რომელსაც ქალები გრძნობენ საგანგებო სიტუაციის პირობებში - ამ საკითხებზე გაიმართა მსჯელობა.
შეკრებილებმა აღნიშნეს, რომ აფხაზეთის გამყოფ ხაზთან მდებარე სოფლებში ამ დღეებში რთული ემოციური ფონია. განსაკუთრებული მღელვარება ეტყობა დევნილ ოჯახებს, რომელთა ახლობლები გალის ტერიტორიაზე ცხოვრობენ. სერიოზული პრობლემები აქვთ სკოლის მოსწავლეებს ინტერნეტთან დაკავშირებით.
პრობლემებზე რეაგირება ასევე დისტანციურად გაგრძელდება.
შექმნილი საკარანტინო მდგომარეობის შესაბამისად, პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ პარტნიორთა (ფონდი „სოხუმი“, სპექტრი, მეწარმე ქალთა ფონდი) მორიგი შეხვედრა შედგა - ოღონდ ონლაინ რეჟიმში.
განხილულ იქნა შექმნილი ინფორმაცია ჯანმრთელობის მდგომარეობის შესახებ ფორს-მაჟორულ ვითარებაში - როგორც პროექტის პარტნიორ, ასევე რეგიონალურ პარტნიორ ორგანიზაციებთან. გაკეთდა მიმოხილვა ჩატარებულ საპროექტო მუშაობასა და მიღებულ შედეგებზე, გამოწვევებსა და საჭიროებებზე. ისაუბრეს ასევე ნარატიულ და ფინანსურ ანგარიშებზე, სხვა საორგანიზაციო საკითხებზე.
შეხვედრის ბოლოს დაიგეგმა სამომავლო აქტივობები: საპროექტო მუნიციპალიტეტებში საჭიროებების შესწავლის, მათი სისტემატიზაციის და შედეგებზე ორიენტირებული რეკომენდაციების შემუშავების კუთხით. დეტალურად იქნა განხილული გეგმების შესრულების მექანიზმები, არსებული რეალობიდან გამომდინარე.
პროექტი ხორციელდება ევროკავშირის მხარდაჭერით
იმერეთის მხარის მეცნიერთა კავშირ „სპექტრის“ წარმომადგენლებმა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში პირველი ინტერნეტშეხვედრა ჩაატარეს ახალგაზრდა პედაგოგთა კავშირის წარმომადგენელთან თამარ ონიანთან.
შეხვედრის დროს განიხილეს ოზურგეთის მუნიციპალიტეტში საჯარო მმართველობის რეფორმის საგზაო რუკის რეალიზაციისათვის საჭიროებების კვლევის მიზნით რაოდენობრივი გამოკითხვის ორგანიზების საკითხები. უნდა აღინიშნოს, რომ პროექტით გათვალისწინებულია არანაკლებ 150 რესპონდენტის გამოკითხვა. ქვეყანაში COVID-19 დაკავშირებით არსებული მდგომარეობიდან გამომდინარე, პარტნიორი ორგანიზაცია ოზურგეთში, ძირითადად, გამოიყენებს Google Drive შესაძლებლობებს, თუმცა აუცილებლობის შემთხვევაში იქნება სატელეფონო ზარებიც. საგანგებო მდგომარეობის მოთხოვნების შესაბამისად, პროექტის პარტნიორები რჩებიან სახლებში და სხვადასხვა საკომუნიკაციო საშუალების გამოყენებით აგრძელებენ საქმიანობას მიზნების მისაღწევად.
მიუხედავად Covid-19 ვირუსით ქვეყანაში შექმნილი საგანგებო ვითარებისა, ფონდი „სოხუმი“ აგრძელებს ვიშეგრადის საერთაშორისო ფონდის მიერ მხარდაჭერილი პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ განხორციელებას. პროექტის გუნდი დისტანციურ მუშაობის რეჟიმზე გადავიდა. შემუშავდა ადვოკატირების სტრატეგია, რომელშიც აღწერილია, როგორც პოლიტიკურ პარტიებთან თანამშრომლობის და მუშაობის დეტალური გზები და მიდგომები, ასევე მოქალაქეების „ონლაინ ხმის ელექტრონული მრიცხველის“ შესახებ ინფორმირების, მათი საარჩევნო აქტიურობის გაზრდის კონკრეტული სამოქმედო გეგმა. არსებული გამოწვევების საპასუხოდ, ადვოკატირების სტრატეგიაში გათვალისწინებულია პოლიტიკურ პარტიებთან და მოქალაქეებთან დისტანციური თანამშრომლობის სამოქმედო გეგმა, განისაზღვრა კონკრეტული სახელმწიფო ინსტიტუტები, გადაწყვეტილების მიმღებნი, სამოქალაქო საზოგადოების წარმომადგენლები, რომლებთანაც აქტიური კომუნიკაციის გზით, ფონდი „სოხუმი“ დასახული მიზნების მიღწევას შეეცდება და უზრუნველყოფს მოქალაქეების მაქსიმალურ ინფორმირებას და ჩართვას 2020 წლის საპარლამენტო არჩევნებში.
პროექტი ხორციელდება ვიშეგრადის ფონდის მხარდაჭერით
ფონდი „სოხუმი“ აქტიურ ონლაინ მუშაობაზე გადავიდა. თანამშრომლებს მუდმივი კავშირი აქვთ ერთმანეთთან, შექმნილია საერთო ჩათები. უფრო ხშირად ტარდება საერთო თათბირიც. ინტერნეტპლატფორმაზე შეკრებილები ერთმანეთს უზიარებენ, როგორ მუშაობენ ბენეფიციარებთან. საუბრობენ გეგმებზე, საპროექტო საქმიანობის გააქტიურებაზე.
ორგანიზაცია 16 მარტიდან დისტანციურ რეჟიმზეა და საკმაოდ ეფექტიანად შეძლო გადართვა ახალ ონლაინ მეთოდებზე. ორგანიზაციის ყველა რგოლის აქტიური მუშაობა აისახება ფეისბუქ-გვერდზე და ვებგვერდზე.
ფონდი „სოხუმის“ ყველა ტიპის სერვისი დისტანციურად ხორციელდება. ასევე ტარდება ჩართვები ონლაინ ოჯახურ წყვილებთან. მონაწილები მიიჩნევენ, რომ ქვეყანაში არსებული ემოციური ფონი ხელსაყრელ პირობებს ქმნის ოჯახური კონფლიქტების განვითარებისთვის.
- როგორ ვმართოთ ნეგატიური ემოციები, როგორ გავაუმჯობესოთ კომუნიკაცია ერთმანეთთან, როგორ ავიცილოთ თავიდან ოჯახური კონფლიქტები - კონსულტაციები, ძირითადად, ამ საკითხებს შეეხებოდა.
11 მარტს ვანის მუნიციპალიტეტში ჩატარდა სამუშაო შეხვედრა სამოქალაქო საზოგადოების ადგილობრივ ორგანიზაციებთან. შეხვედრაზე განხილულ იქნა სახელმწიფო მმართველობის რეფორმის საგზაო რუკა PAR-ის ადგილობრივ დონეზე რეალიზების მონიტორინგის შედეგები და გამოკვეთილი რეკომენდაციები.
დაიგეგმა ანკეტირების პროცესი, რომლის ფარგლებშიც უნდა მოხდეს ადგილობრივ დონეზე საგზაო რუკის PAR რეალიზაციისთვის რეგიონალური საჭიროებების შეფასება.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ხონში ადგილობრივი საჭიროებების შეფასებაზე მუშაობას შეუდგნენ. სწორედ ამას მიეძღვნა სამუშაო შეხვედრა, რომელშიც მონაწილეობდნენ სამოქალაქო საზოგადოების ორგანიზაციები - ხონის ააიპ განათლებისა და განვითარების ცენტრი „ედელვაისი“ და ხონის დევნილთა საინიციატივო ჯგუფი.
განხილული იყო რაოდენობრივი მონაცემების შეგროვების, კერძოდ ანკეტირების ჩატარებასთან დაკავშირებული საკითხები. საქმე განაწილდა ორივე ორგანიზაციაზე: „ედელვაისსა“ და დევნილთა საინიციატივო ჯგუფზე.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით