შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
სამუშაო ჯგუფის მე-4 შეხვედრა გაიმართა ხონის საკრებულოში.
წარმოდგენილი იყო ადგილობრივი თვითმმართველობისა და სამოქალაქო საზოგადოების ერთობლივი სამოქმედო გეგმის საბოლოო ვერსია. შეხვედრაზე განხილულ იქნა ყველა პუნქტი, თავისი ვადებით. უნდა აღინიშნოს, რომ მომავალი წლის სტრატეგიულ გეგმაში მოხვდა პანდუსების საკითხი.
საკრებულოს ერთ-ერთ სხდომაზე გაიმართა პარტნიორული პროექტის პრეზენტაცია. პროექტში ხონის სამოქალაქო საზოგადოების ორი ორგანიზაციაა ჩართული. მათ აქტიური მუშაობა გასწიეს ზაფხულში მინიპროექტების ფარგლებში. სამუშაო ჯგუფის შეხვედრაზე განსაკუთრებული ყურადღება დაეთმო ამ მუშაობას. ითქვა, რომ უკვე არის მუნიციპალიტეტის ვებგვერდის გამართული ვერსია, განახლდა ცხელი ხაზი და ცხელი ხაზის შესახებ ინფორმაცია მიიღო მუნიციპალიტეტის ყველა მცხოვრებმა.
ეს აქტიური მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ცაგერის საკრებულოში ფორუმზე შეიკრიბნენ რაჭა-ლეჩხუმის და ქვემო სვანეთის პედაგოგები. ფორუმს ესწრებოდნენ ადგილობრივი თვითმმართველობის და საგანმანათლებლო რესურსცენტრის წარმომადგენლები, ცნობილი ტრენერები: მანანა ჯინჭარაძე, ლადო აფხაზავა და თეა გალახვარიძე. პედაგოგებს გადაეცათ სერთიფიკატები აქტიური ჩართულობისა და მონაწილეობისათვის ვებინარში „ბავშვთა მიმართ ძალადობის წინააღმდეგ - ძალადობისგან თავისუფალი სკოლა“.
შეხვედრაზე აგრეთვე გაიმართა პუბლიკაციის „ბავშვთა მიმართ ძალადობა გზამკვლევი პედაგოგებისათვის“ პრეზენტაცია და დისკუსია აქტუალურ საკითხებზე.
ფორუმი გაიმართა ფონდ HumanDoc თან ერთობლივი თანამშრომლობით, პროექტის „საქართველოში ოჯახში ძალადობის პრევენციისა და მოძალადეთათვის თერაპიული დახმარების გაწევის" ფარგლებში.
ვანის საკრებულოს სხდომაზე გატანილ საკითხს „ადგილობრივი თვითმმართველობისა და სამოქალაქო საზოგადოების ერთობლივი სამოქმედო გეგმის ვანის მუნიციპალიტეტში საჯარო მმართველობის რეფორმის განხორციელების ხელშეწყობისათვის ელექტრონული სერვისების განვითარების მიმართულებით (2020 წლის ივნისი - 2021 წლის სექტემბერი) დამტკიცების შესახებ“ - დეპუტატებმა ერთხმად დაუჭირეს მხარი. გეგმა შეიმუშავა ვანის მუნიციპალიტეტის სამუშაო ჯგუფმა. ეს არის ნაწილი მუშაობისა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
თერჯოლის საკრებულოში სამუშაო ჯგუფის შეხვედრა გაიმართა. ჯგუფის წევრებმა განიხილეს სამოქმედო გეგმის საბოლოო ვერსია. ყურადღება გამახვილდა გარკვეულ ცვლილებებზე. იმსჯელეს სოციალურ პაკეტებზე, მონაწილეობით ბიუჯეტზე, ადგილობრივი თვითმმართველობის მეტ თანამშრომლობაზე საზოგადოების სხვადასხვა ჯგუფთან. საუბარი შეეხო ანტიკორუფციულ საკითხებს, თანამშრომელთა გადამზადებას... სამოქმედო გეგმის საბოლოო ვერსიაში ყველა ეს შენიშვნა შევიდა.
პროექტი ხორციელდება ევროკავშირის მხარდაჭერით
საჯარო მმართველობის რეფორმის განხორციელების ხელშეწყობისათვის, ელექტრონული სერვისების განვითარების მიმართულებით ბაღდათის მუნიციპალიტეტის საკრებულოს სხდომაზე დამტკიცდა 2020-2021 წლის სამოქმედო გეგმა, რომელიც სამუშაო ჯგუფის წევრების მიერ არის შემუშავებული. გეგმა დამტკიცებამდე ჯგუფის წევრებმა განიხილეს სხვადასხვა სამსახურსა და კომისიაში.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
სამოქალაქო საზოგადოების ორგანიზაციების მორიგი ფორუმის მუშაობაში მონაწილეობა მიიღეს პროექტის პარტნიორი ორგანიზაციების და სამიზნე მუნიციპალიტეტების პარტნიორი ორგანიზაციების წარმომადგენლებმა.
განხილვის მთავარი თემა იყო - მცირე პროექტების განხორციელება ლანჩხუთის, ხონის, თერჯოლის, ამბროლაურის მუნიციპალიტეტებში. წარმოდგენილი იყო პრეზენტაციები საკრებულოების ანგარიშვალდებულებისა და გამჭვირვალობის ახალი ელექტრონული სისტემის, მოსახლეობის ინფორმირებულობის გაზრდისა და მონაწილეობითი ბიუჯეტის შესახებ. განსაკუთრებით საინტერესო იყო ოზურგეთის ადგილობრივი თვითმმართველობის გამოცდილება საჯარო მმართველობის საგზაო რუკის რეალიზების პროცესში.
ფორუმი გაიმართა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში იმერეთის მხარის მეცნიერთა კავშირ „სპექტრის“ ორგანიზებით.
პროექტი ხორციელდება ევროკავშირის მხარდაჭერით
ოზურგეთში გაიმართა პოლიტიკური პარტია „ჩვენი საქართველო - სოლიდარობის ალიანსის“ შეხვედრა ამომრჩევლებთან - მოხდა 2020 წლის საპარლამენტო არჩევნებში მონაწილე მაჟორიტარობის კანდიდატების წარდგენა.
ფონდი „სოხუმის“ წარმომადგენლებმა პოლიტიკური პარტიის წევრებს და შეხვედრაზე შეკრებილ მოქალაქეებს გააცნეს ინფორმაცია ვიშეგრადის საერთაშორისო ფონდის მხარდაჭერით შექმნილი „ონლაინ ხმის მრიცხველის“ შესახებ.
მუშაობა მიმდინარეობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
ფონდი „სოხუმის“ ოფისში ჩატარდა საჯარო დისკუსია, რომელზეც დამსწრეები გაეცნენ „ონლაინ ხმის ელექტრონული მრიცხველის“ არსს. მათ შესაძლებლობა მიეცათ, მოესმინათ კომპეტენტური პირების პასუხები ონლაინ პლატფორმაში წარმოდგენილ კითხვებზე, დაეფიქსირებინა საკუთარი აზრი და დაესვა შეკითხვები.
მუშაობა მიმდინარეობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში ვიშეგრადის საერთაშორისო ფონდის ფინანსური მხარდაჭერით.
პროექტი ხორციელდება ვიშეგრადის ფონდის მხარდაჭერით
ქობულეთში ჩატარდა პირველი შეხვედრა პოლიტიკური პარტიების წარმომადგენლებთან. მათ უპასუხეს ონლაინ პლატფორმაში წარმოდგენილ რამდენიმე კითხვას, ისაუბრეს თავიანთ პროგრამებზე. მონაწილეებმა მიიღეს ინფორმაცია ონლაინ ხმის ელექტრონული მრიცხველის შესახებ.
მუშაობა მიმდინარეობს პროექტის „ონლაინ ხმის ელექტრონული მრიცხველი 2020 წლის საპარლამენტო არჩევნებისთვის“ ფარგლებში.
პროექტი ხორციელდება ვიშეგრადის ფონდის მხარდაჭერით
სამუშაო ჯგუფის მორიგი შეხვედრა ჩატარდა თერჯოლის საკრებულოს სააქტო დარბაზში. ჯგუფის წევრებმა დეტალურად განიხილეს სამოქმედო გეგმის ყველა პუნქტი, შეიტანეს გარკვეული ცვლილებები და წარმოადგინეს საბოლოო ვერსია. შეხვედრა აქტიურად, მონაწილეთა მაქსიმალური ჩართულობით წარიმართა. დასასრულს მათ სამომავლო გეგმებზეც ისაუბრეს.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით