ადგილობრივი სამოქალაქო საზოგადოების ორგანიზაციები ვანის მუნიციპალიტეტში ივნის-აგვისტოში ორ პროექტს ახორციელებენ.
„თანადგომა - 2020“ ახალშექმნილი ორგანიზაციაა და მისი პროექტია ,,მოსახლეობის ინფორმირება ადგილობრივ დონეზე საჯარო მმართველობის რეფორმის დანერგვის პროცესში მათი მონაწილეობის მნიშვნელობის შესახებ“.
პროექტის დასრულების შედეგად მოქალაქეები აქტიურად ჩაერთვებიან გადაწყვეტილებების მიღებაში. თვითმმართველობა მზად იქნება, ყველა მნიშვნელოვანი საკითხის გადაწყვეტისას გაითვალისწინოს მათი მოსაზრებები და ალტერნატივები.
ორგანიზაცია ,,მოქალაქეთა აქტიურობა ეფექტიანი მმართველობისა და სამართლიანობისათვის“ კი ახორციელებს პროექტს „ვანის მუნიციპალიტეტის სალომინაოს თემის ადმინისტრაციულ ერთეულში ახალგაზრდებისა და შშმ პირების საჭიროებები და მოთხოვნილებები, ინფორმირებულობა და გაწყვეტილების მიღების პროცესში ჩართვის ხელშეწყობა“.
პროექტი მოაზრებს ახალგაზრდების ნიჭის განვითარებას, მათი პასუხისმგებლობის გაძლიერებას, ადგილობრივ თვითმმართველობასთან აქტიურ თანამშრომლობას.
საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ბაღდათის ადგილობრივი ორგანიზაციები სამთვიანი პროექტების განხორციელებას შეუდგნენ.
„სამოქალაქო სპექტრი თანასწორობა“ – ამ ორგანიზაციის პროექტია „მოქალაქეთა ინფორმირება საჯარო მმართველობის რეფორმის საგზაო რუკაზე“. ორგანიზაცია ცალკეულ ჯგუფებთან (შშმ პირები, სოციალურად დაუცველი მოსახლეობა, იძულებით გადაადგილებული პირები) ჩაატარებს შეხვედრებს, ვორკშოპებს, ტრენინგებს და გააცნობს მათ მნიშვნელოვან საკითხებს: როგორ გამოიყენონ ელექტრონული რესურსები ადგილობრივ თვითმმართველობასთან ურთიერთობისთვის, როგორ მიიღონ საჯარო ინფორმაცია, როგორია საკრებულოს სხდომაზე დასწრების წესები, როგორ წარადგინონ რეკომენდაციები...
„თანასწორობა ახლა“ - ამ ორგანიზაციის პროექტს ეწოდება „მოსახლეობის მონაწილეობა ადგილობრივ დონეზე საჯარო მმართველობის რეფორმის დანერგვის პროცესში“. მისი მიზანია მარტოხელა მშობლების, მრავალშვილიანი დედების და პენსიონერების ინფორმირება იმის თაობაზე, თუ რა გავლენას მოახდენს მათზე საჯარო მმართველობის რეფორმა.
საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტი ხორციელდება ევროკავშირის მხარდაჭერით
ცაგერის მუნიციპალიტეტის საკრებულოში ჩატარდა საინფორმაციო-გაცნობითი შეხვედრა გენდერული თანასწორობის საბჭოს წევრებთან. შეხვედრის თემა, ძირითადად, ქალთა მიმართ და ოჯახში ძალადობის წინააღმდეგ ბრძოლის კუთხით თვითმმართველობის როლი, პრაქტიკა და გამოწვევები იყო. თუმცა საუბარი შეეხო ზოგადად გენდერული თანასწორობის პოლიტიკას.
ადგილობრივი თვითმმართველობის ხელმძღვანელობა მიესალმება ფონდ „სოხუმთან“ უფრო მჭიდრო თანამშრომლობის პერსპექტივას. მათ ისაუბრეს მუშაობაზე ოჯახში ძალადობის მსხვერპლთა დაცვის და ძალადობის პრევენციის მიმართულებით. რეგიონში შემთხვევების სტატისტიკა მაღალი არ არის, მაგრამ პრობლემა ხშირად დაფარულია და ამიტომაც კიდევ უფრო რთულია მისი მართვა. როგორც შეხვედრის მონაწილეებმა აღნიშნეს, ეს განსაკუთრებით გამოჩნდა კოვიდ-19-ის პირობებში.
ორი პროექტის განხორციელება დაიწყო ხონის მუნიციპალიტეტში. განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.
პროექტების სათაურიდან და მიზნებიდან ჩანს მათი მნიშვნელობა და აქტუალობა:
ა(ა)იპ ხონის განათლებისა და განვითარების ცენტრმა „ედელვაისმა“ მოამზადა ორთვიანი პროექტი „საზოგადოების ხმა თვითმმართველობაში“. პროექტი ინფორმაციას მისცემს მოსახლეობას იმის შესახებ, რა ხდება ადგილობრივ ხელისუფლებაში. იგეგმება ხონის მუნიციპალიტეტის „ცხელი ხაზის“ ამოქმედება, 12-ვე ადმინისტრაციულ ერთეულში განთავსდება საკონტაქტო ინფორმაციის შემცველი ბანერები (ვებგვერდი, ფეისბუქგვერდი, ელფოსტა, ცხელი ხაზის ნომერი).
ხონის დევნილთა საინიციატივო ჯგუფი ახორციელებს სამთვიან პროექტს „მეტი ჩართულობის უზრუნველსაყოფად ხელმისაწვდომობის გაზრდა მოქალაქეებისთვის“. პროექტის მიხედვით, განახლდება მუნიციპალიტეტის ვებგვერდი, მუნიციპალიტეტის საქმიანობა გახდება უფრო გამჭვირვალე, მოსახლეობა აქტიურად ისარგებლებს მუნიციპალიტეტის ელექტრონული პლატფორმით, გაეცნობა ადგილობრივ პროგრამებს და გამოიყენებს მათ თავისი პრობლემების მოგვარებისთვის.
პროექტი ხორციელდება ევროკავშირის მხარდაჭერით
ნინო ჯანელიძე თერჯოლის საკრებულოს თავმჯდომარეა. სწორედ ის აირჩიეს სამუშაო ჯგუფის ხელმძღვანელად. თერჯოლის მუნიციპალიტეტის მერიის სააქტო დარბაზში ჩატარდა სამუშაო ჯგუფის პირველი შეხვედრა, რომელსაც ესწრებოდნენ მერიისა და საკრებულოს წარმომადგენლები, სამოქალაქო საზოგადოების ორგანიზაციების წევრები, ჟურნალისტი და პიარსპეციალისტი.
შეხვედრის მთავარი მიზანი იყო სამოქმედო გეგმის შემუშავება, საჯარო მმართველობის რეფორმის მონიტორინგის პროცესში გამოვლენილი პრობლემების შეფასება და ანალიზი.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ფონდმა „სოხუმმა“ შეისწავლა მის სამუშაო არეალში COVID-19 ვირუსით გამოწვეული პრობლემები და საჭიროებები. შემდეგ დაგეგმა შესაბამისი სტრატეგია მათი დროული გადაჭრისათვის და მონაცემები გაეგზავნა მუნიციპალიტეტებს.
ფონდის ფეისბუქგვერდზე მაისში განთავსდა მუნიციპალიტეტების წარმომადგენლების გამოხმაურებები. წარმოდგენილია ვიდეომიმართვები - ქუთაისის, ხონის, სენაკის და ზუგდიდის ადგილობრივი თვითმმართველობის წარმომადგენელთა მონაწილეობით. ისინი საუბრობენ შესრულებულ სამუშაოზე - მათ შორის, COVID-19 ვირუსის შედეგად წარმოქმნილი საჭიროებების ფონზე.
https://www.facebook.com/fsokhumi/photos/a.1420370111528637/2661623037403332/?type=3&theater
https://www.facebook.com/watch/?v=273960523635207
https://www.facebook.com/watch/?v=236795314276282
https://www.facebook.com/watch/?v=921422101611260
https://www.facebook.com/watch/?v=637125786882275
ივნის-აგვისტოში ორი პროექტი განხორციელდება ლანჩხუთის მუნიციპალიტეტში. ეს მუშაობა არის ნაწილი პროექტისა „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“.
„საჯარო მოხელეთა კვალიფიკაციის ზრდის ხელშეწყობა საშუალო ვადიან პერსპექტივაში“ - ასე ეწოდება ლანჩხუთის საინფორმაციო ცენტრის პროექტს. მისი მიზანია საჯარო მოხელეთა ცოდნისა და უნარების ამაღლება საჯარო მმართველობის რეფორმის, კომუნიკაციის, პრეზენტაციის და ფასილიტაციის საკითხებში, საჯარო მოხელეების ტრენინგსაჭიროებათა კვლევა, აგრეთვე საშუალოვადიანი ტრენინგსტრატეგიის შემუშავება და ინსტიტუციონალიზაცია.
„საკრებულოს ანგარიშვალდებულებისა და გამჭვირვალეობის ელექტრონული კომუნიკატორი“ - ეს საქართველოს სასოფლო დარბაზის პროექტია. მისი რეალიზების შედეგად ლანჩხუთის მუნიციპალიტეტის საკრებულოს ექნება თანამედროვე ტექნოლოგიებთან შესაბამისი, ადვილად გასაგები ელექტრონული კომუნიკატორის ვებაპლიკაცია, რაც გაზრდის საკრებულოს გამჭვირვალეობას და ანგარიშვალდებულებას.
პროექტი ხორციელდება ევროკავშირის მხარდაჭერით
ვანის მუნიციპალიტეტში შეიქმნა სამუშაო ჯგუფი, რომლის შემადგენლობაშიც შედიან მერიის, საკრებულოს, სამოქალაქო საზოგადოების ორგანიზაციების წარმომადგენლები. პირველ შეხვედრაზე ჯგუფის ხელმძღვანელი აირჩიეს, განხილულ იქნა ჯგუფის დებულება, ადვოკატირების გეგმის სამუშაო ვერსია და რეკომენდაციები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
„რაჭა-ლეჩხუმის და ქვემო სვანეთის თვითმმართველობის რესურს ცენტრი“ და „რაჭა-ლეჩხუმისა და ქვემო სვანეთის რეგიონალური ჰაბი - „აფხაზინტერკონტი“ მეწარმე ქალთა ფონდის პარტნიორი ორგანიზაციებია ამბროლაურში. შეიქმნა სამუშაო ჯგუფი, რომელშიც 12 წევრია: მერიის, საკრებულოს, ადგილობრივი სამოქალაქო საზოგადოების და მასმედიის წარმომადგენლები.
18 ივნისს ამბროლაურში მეწარმე ქალთა ფონდის მონაწილეობით გაიმართა სამუშაო ჯგუფის პირველი შეხვედრა, სადაც დამტკიცდა ჯგუფის შემადგენლობა. შეხვედრაზე სამუშაო ჯგუფის წევრები გაეცნენ დებულებას, სამუშაო სტრატეგიას და სამოქმედო გეგმა-გრაფიკს. სამუშაო ჯგუფი ხელს შეუწყობს საჯარო მმართველობის რეფორმის წარმატებით რეალიზებას ამბროლაურის მუნიციპალიტეტში.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება კულტურულ ჰუმანიტარული ფონდი „სოხუმის“ (წამყვანი ორგანიზაცია), იმერეთის მეცნიერთა კავშირი „სპექტრის“ და მეწარმე ქალთა ფონდის მიერ.
მეწარმე ქალთა ფონდის პარტნიორი ორგანიზაციების „ცაგერის ქალთა უფლებებისა და თანასწორობის ცენტრის“ და „აქტიური მოქალაქე - ანგარიშვალდებული ხელისუფლების“ წარმომადგენლების მიერ ცაგერში შეირჩა 14-კაციანი სამუშაო ჯგუფი, რომელშიც შედიან მუნიციპალიტეტის მერიის, საკრებულოს, ადგილობრივი სამოქალაქო საზოგადოების ირგანიზაციების, მასმედიის აქტიური სამოქალაქო პასუხისმგებლობის მქონე პირები.
17 ივნისს ცაგერის მუნიციპალიტეტში პირველი სამუშაო შეხვედრა გაიმართა მეწარმე ქალთა ფონდის თანამშრომელთა ჩართულობით. დამტკიცდა სამუშაო ჯგუფის შემადგენლობა. ჯგუფის წევრები გაეცნენ დებულებას, სამუშაო სტრატეგიას და სამოქმედო გეგმა-გრაფიკს.
პროექტი ხორციელდება კულტურულ ჰუმანიტარული ფონდი „სოხუმის“ (წამყვანი ორგანიზაცია), იმერეთის მეცნიერთა კავშირი „სპექტრის“ და მეწარმე ქალთა ფონდის მიერ.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.