ზუგდიდის მუნიციპალიტეტის სოფელ კოკის ახალგაზრდულ ჯგუფში ფორუმ-თეატრზე მუშაობა გრძელდება.ახალგაზრდებმა ბულინგის თემაზე სცენარი დაწერეს . ეს მათთვის პირველი, დამოუკიდებელი მუშაობაა ფორუმ-თეატრის პრაქტიკაში.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
რაც შეეხება ქალთა საინიციატივო ჯგუფს, მათ ამჯერად ქალურ სოლიდარობასა და მის მნიშვნელობაზე , ასევე მშვიდობასა და კეთილდღეობაზე ისაუბრეს.
ზუგდიდის მუნიციპალიტეტის სოფელ დიდინეძის ქალთა საინიციატივო ჯგუფთან გამართულ მორიგ შეხვედრაზე ქალთა სოლიდარობის საკითხზე იმსჯელეს. დამსწრეთა განცხადებით, სოლიდარობასა და ურთიერთთანადგომას დიდი ძალა აქვს.
შეხვედრა გაიმართა ახალგაზრდულ ჯგუფშიც, სადაც ფორუმ -თეატრის მეთოდით დადგმულ სცენებზე მუშაობა გრძელდება.
ახალგაზრდებმა სცენარი დაწერეს, თემად კი მოზარდებში ბულინგი აირჩიეს.
ზუგდიდის ქალთა საინიციატივო ჯგუფთან მორიგი შეხვედრა ჩატარდა. ჯგუფის წევრები გაეცნენ სამოქალაქო ფორუმზე შემუშავებულ ამოცანებს და იმსჯელეს აქტივობებზე, რომელთა განხორციელება ხელს შეუწყობს გაეროს რეზოლუცია 1325-ის ლოკალიზაციას ადგილობრივ დონეზე.
ამას გარდა, მათ ნახეს სიუჟეტი, რომელიც ქალთა ქსელის მუშაობას ასახავს. ჯგუფის წევრებმა პროექტის ასისტენტთან ერთად სამომავლო გეგმაზეც იმუშავეს.
პროექტი ხორციელდება
გაეროს ქალთა ორგანიზაციის მხარდაჭერით
სენაკის ქალთა სამუშაო ჯგუფის წევრებთან ონლაინ ფორმატის შეხვედრა გაიმართა. მონაწილეებმა მოისმინეს ისტორიები ფონდი „სოხუმის“ საქმიანობის საუკეთესო პრაქტიკაზე, გაეცნენ სხვადასხვა მიმართულებით მიღწეულ შედეგებს და გაკვეთილებს.
შეხვედრის მონაწილეებმა შეაჯამეს მიღწევები რეზოლუცია 1325-ის იმპლემენტაციის კუთხით. ნახეს ვიდეოსიუჟეტი, რომელიც ქუთაისში გამართული სამოქალაქო ფორუმს აღწერდა. გაეცნენ ამ ფორუმზე სამუშაო ჯგუფების მიერ შემუშავებულ იდეებს, რომელთა ინტეგრირება ადგილობრივ პროგრამებში უნდა მოხდეს.
პროექტი ხორციელდება
გაეროს ქალთა ორგანიზაციის მხარდაჭერით
ხონის ქალთა საინიციატივო ჯგუფი აქტიურად განაგრძობს ადვოკატირების პროცესს, გარდა იმისა, რომ ჯგუფის წევრები თვალს ადევნებენ ჯერ კიდევ მოუგვარებელი პრობლემების ადვოკატირებას, მათ ასევე აირჩიეს ახალი პრობლემები, რომელთა მოგვარებასაც აპრილიდან შეუდგებიან.
მორიგ შეხვედრაზე ჯგუფი გაეცნო სამოქალაქო ფორუმზე ხონის ჯგუფის მიერ გაწერილ აქტივობებს, რომლებიც რეზოლუცია 1325-ის სამოქმედო გეგმის იმპლემენტაციას შეუწყობს ხელს. მათ საშუალება ჰქონდათ, ენახათ პროექტის ფარგლებში გადაღებული ორი კლიპი, რომლებიც მათი მუშაობის შედეგებს ასახავს.
პროექტი ხორციელდება
გაეროს ქალთა ორგანიზაციის მხარდაჭერით
ქობულეთის, ტყიბულის, ჩოხატაურის, კოკის (ზუგდიდის მუნიციპალიტეტი), სენაკის, ვანის და თერჯოლის ქალთა მხარდაჭერის ცენტრების ორგანიზებით თებერვალში ჩატარდა ჯგუფური ფსიქოლოგიური შეხვედრები, რომლებმაც 53 ბენეფიციარი მოიცვა. მოთხოვნის საფუძველზე ინდივიდუალური შეხვედრებიც გაიმართა, მათ შორის ონლაინ - მესენჯერისა და სკაიპის საშუალებით. ქუთაისში ქალთა ფონდი „სოხუმის“ ოფისში 12 ბენეფიციართან ფსიქოთერაპიული სამუშაოები ჩატარდა.
3 ბენეფიციარმა შეძენილი უნარების მეშვეობით შეძლო განცდების ფოკუსირება პოზიტიურ პოზიციაზე, გაუმკლავდა პირად პრობლემებს, ტრავმებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
აქტიურად გრძელდება შემაჯამებელი შეხვედრები ახალგაზრდობის გაძლიერების ცენტრებში. უკვე დასრულდა ფინალური დღეები სამეგრელოს რეგიონის სამ მუნიციპალიტეტში. შეხვედრები გაიმართა გურიასა და აჭარაში - ჩოხატაურის და ქობულეთის მუნიციპალიტეტებში. დასწრეთა შორის იყვნენ გენდერული თანასწორობის საბჭოების წევრები, ახალგაზრდული სამსახურის წარმომადგენლები.
კურსდამთავრებულთა ერთმა ნაწილმა საინტერესო პრეზენტაციები წარმოადგინა. შეხვედრების მონაწილეებმა, ძირითადად, მიღწეულ შედეგებზე ისაუბრეს. ხუთთვიან კურსს მაღალი შეფასება მისცეს პედაგოგებმა და მშობლებმა. კურსის ყველა მონაწილემ მიიღო სერტიფიკატი, ხოლო ყველაზე აქტიურებმა - ახალგაზრდა ტრენერების სერტიფიკატები.
მომავალი თვიდან მუნიციპალიტეტებში ახალი ჯგუფების ფორმირების პროცესი იწყება.
შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.
- ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
- გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
- ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.
(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდ „სოხუმში“ უკრაინელი ქალებისთვის უკრაინელმა ფსიქოლოგებმა მარინა სტეპანენკომ და ანა შალიმოვამ ჩაატარეს ტრენინგი თემაზე „როგორ ამოვიცნოთ ძალადობა“.
ტრენინგზე განიხილეს შემდეგი თემები: ძალადობრივი ურთიერთობის გამოვლინება და უნარები ძალადობის წინააღმდეგ. ტრენერებმა ისაუბრეს სახელმწიფოს და ფონდი „სოხუმის“ მხარდაჭერაზე საგანგებო სიტუაციების დროს.
მონაწილეების თქმით, განსაკუთრებული იყო ტრენინგის მშობლიურ ენაზე ჩატარება. თემებიც სწორად იყო შერჩეული და ეს კარგი შესაძლებლობაა ქალების გაძლიერებისათვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
უკრაინის ომმა კიდევ უფრო გაურთულა დაავადება პოლინა მინულინას. ჩვენი ორგანიზაცია ჩამოსვლის დღიდან ეხმარებოდა ონკოპაციენტს - ექიმებთან ურთიერთობასა თუ სამკურნალო კურსისთვის საჭირო თანხის დაფარვაში. მადლიერიც იყო, მაგრამ, სამწუხაროდ, მარტში გარდაიცვალა. ოჯახი კიდევ უფრო დიდი პრობლემის წინაშე დადგა და ქალთა ფონდი „სოხუმი“ დაეხმარა კრემაციისთვის საჭირო თანხის ანაზღაურებაში.
ეს ჩვენი მხარდაჭერის ერთ-ერთი მაგალითია.
უკრაინიდან ლტოლვილი 470 ადამიანის სახელი და გვარია უკვე ჩვენს საინფორმაციო ბაზაში. ეს იმას ნიშნავს, რომ ყველა მათგანს მისწვდა ქალთა ფონდი „სოხუმის“ გაცემული სიკეთე.
მარტში 35 ოჯახს - 78 ადამიანს - გაეწია დახმარება (სურსათი, ჰიგიენის საშუალებები), გადავიხადეთ 6 ოჯახის კომუნალური გადასახადები.
მარტის რამდენიმე ღონისძიებაზე უკრაინელებიც აქტიურად მონაწილეობდნენ.
„ფონდი „სოხუმი“ არის ორგანიზაცია, რომელმაც იცის მშვიდობის ფასი და ომის სახე. ადამიანებს, რომლებიც აქ მუშაობენ, შეუძლიათ თანადგომა, თანაგრძნობა, ესმით ჩვენი ტკივილი და საჭიროებები, ჩვენი ტრავმები, ტრაგედიები. მადლობელი ვარ სიკეთისთვის, თანაგრძნობისა და უფასო ფსიქოლოგიური მხარდაჭერისთვის“, - ამბობს ქალთა ფონდი „სოხუმის“ ფსიქოლოგების მიერ გამართული სარეაბილიტაციო შეხვედრების ერთ-ერთი მონაწილე.
როგორც ადრე, მარტში უკრაინელ ლტოლვილებთან მუშაობდნენ მანანა გოცირიძე და უკრაინელი ფსიქოლოგები მარინა სტეპანენკო და ანა შალიმოვა.
ჩატარდა პირველადი კონსულტაციები, ფსიქოთერაპიის კურსები. ზოგიერთი ინდივიდუალური კონსულტაცია ფინალური იყო და შეაჯამა კლიენტისა და ფსიქოლოგის ერთობლივი მუშაობა.
უკრაინელმა ფსიქოლოგებმა ასევე გამართეს ჯგუფური შეხვედრა თემაზე „როგორ ამოვიცნოთ ძალადობა“.
ფსიქოლოგები აწვდიან კლიენტებს ისეთ ინფორმაციას, რომელსაც ისინი თამამად გამოიყენებენ ცხოვრებაში, რათა შემდგომში საკუთარ თავს დაეხმარონ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)