ჩოხატაურის საგანმანათლებლო რესურს-ცენტრის საკონფერენციო დარბაზში ქალთა ფონდი „სოხუმის“ მიერ ორგანიზებული შეხვედრა ჩატარდა. მერიის ბავშვთა უფლებების დაცვის განყოფილების და საგანმანათლებლო სექტორის წარმომადგენლებმა გაცვალეს მნიშვნელოვანი ინფორმაციები, რაც ხელს შეუწყობს ბავშვებისა და მათი ოჯახების  სოციალურ დაცვას და გაძლიერებას.

საჯარო სკოლების წარმომადგენლებმა ასევე მიიღეს ინფორმაცია მერიის ქალთა მიმართ და ოჯახში ძალადობისგან დაცვის საკითხებში უწყებათაშორისი კომისიის თაობაზე.

მონაწილეებმა დაასახელეს არაერთი მწვავე პრობლემა, რომელიც დაუყოვნებელ რეაგირებას მოითხოვს. დაისახა მომავალი თანამშრომლობის კონტურებიც. 

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

• ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
• გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
• ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

„ადგილობრივი თანამშრომლობა ბავშვზე და ოჯახებზე ორიენტირებული სოციალური გარემოსთვის“ - ამ თემაზე გაიმართა შეხვედრა სოფელ ფახულანში (წალენჯიხის მუნიციპალიტეტი).

შეხვედრის მონაწილეებს მერიის სოციალური და ბავშვთა განყოფილების სამსახურის წარმომადგენლებმა მიაწოდეს ინფორმაცია სოციალურ და ჯანდაცვის პროგრამებზე და ბავშვთა განყოფილების მუშაობის სპეციფიკის შესახებ. ისინი ასევე გაეცნენ ბავშვთა უფლებების დაცვის და მხარდაჭერის განყოფილებების საქმიანობის შედეგებს, რაც ქალთა ფონდი „სოხუმის“ მიერ ჩატარებული მონიტორინგის შედეგად წარმოჩინდა. დაფიქსირდა რეკომენდაციები, რომლებიც გაზრდის ამ კუთხით მუშაობის ეფექტს.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ახალგაზრდობის გაძლიერების ცენტრებში წარმატებით გრძელდება სატრენინგო კურსის მეორე თვე.  პირველი შეხვედრები გაიმართა სამტრედიის, თერჯოლის, სენაკის, წალენჯიხის და ზუგდიდის მუნიციპალიტეტებში.

ტრენინგებს ესწრებოდნენ პედაგოგები, ახალგაზრდული სამსახურის წარმომადგენლები. და, რა თქმა უნდა, მთავარი ის აქტიური ახალგაზრდები არიან, რომლებიც არა მარტო ინტერესით ერთვებიან სატრენინგო მუშაობაში, არამედ შემდეგ დიდი პასუხისმგებლობით ეკიდებიან ინიცირებულ ღონისძიებებს. მისასალმებელია, რომ ყველგან იგრძნობა სკოლების ადმინისტრაციის და სამოქალაქო განათლების პედაგოგების მხარდაჭერა.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ყველამ უნდა აიღოს თავისი წილი პასუხისმგებლობა- დარგოს ხე, გაამწვანოს გარემო, მოუაროს ბუნებას - ეს იყო აქციის მიზანი,რომელიც დედამიწის დღის კვირეულს მიეძღვნა. ქალთა ფონდი „სოხუმის“ ქუთაისის ახალგაზრდულმა კლუბმა, ქუთაისის ავთანდილ დეკანოიძის სახელობის #32 და აფხაზეთის ავტონომიური რესპუბლიკის ჟიული შარტავას სახელობის #6 საჯარო სკოლებთან თანამშრომლობით, გამწვანების აქცია მოაწყო. მოსწავლეებმა პედაგოგ ლელა ბრეგაძესთან ერთად სკოლისა და ფონდ ,,სოხუმის,, სარეაბილიტაციო ცენტრის ეზოში ქართული კაკლის ნერგები დარგეს . ღონისძიებაში სარეაბილიტაციო ცენტრში მყოფი ოჯახებიც ჩაერთნენ .

ფსიქოლოგმა მანანა გოცირიძემ აპრილში სამ ოჯახთან - უკრაინიდან ჩამოსულ 7 ადამიანთან - ჩაატარა მუშაობა. გაარკვია მათი მდგომარეობა და უფასო ფსიქოთერაპიის კურსი დაიწყო.

დახმარება ყველას სჭირდება, რადგან რთული დღეები გამოიარეს.

41 წლის ოლენა ოჯახთან ერთად მარიუპოლიდან შარშან აგვისტოში ჩამოვიდა. მთელი თვე იყვნენ ჯოჯოხეთში, ყოველდღიურად იღუპებოდნენ მეზობლები. შიში და უიმედობა ჰქონდათ. შემზარავი სანახავი იყო გადაბუგული სახლები, დამწვარი ცხოველები, დანგრეული ქუჩები... იქიდან უკრაინის სხვა ქალაქში გადაიყვანეს, მაგრამ არც იქ იყო სიმშვიდე, საკვები... წამოსვლა გადაწყვიტეს და საქართველო აირჩიეს: ნაცნობი, თბილი, ახლო. ოლენას თქმით, ძალიან კარგია ქალთა ფონდი „სოხუმის“ დახმარება პროდუქტებით, მაგრამ არანაკლებ მნიშვნელოვანია ფსიქოლოგის რჩევები, მხარდაჭერა. ასე უფრო მარტივდება პრობლემების მოგვარება... 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

აქტიურად გაგრძელდა სატრენინგო კურსები. კიდევ ხუთი შეხვედრა გაიმართა ბაღდათის, ვანის, სამტრედიის, ჩოხატაურის და სენაკის ახალგაზრდობის გაძლიერების ცენტრებში.

ტრენინგებში ჩაერთნენ სკოლების ხელმძღვანელები, პედაგოგები, ახალგაზრდული სამსახურების წარმომადგენლები. ყველა მუნიციპალიტეტში საინტერესო და ნაყოფიერი პროცესი წარიმართა.

შეხვედრაზე, მონაწილეებს ასევე მიეწოდათ ინფრომაცია პრაქტიკულ გზამკვლევზე: "გენდერული ნიშნით ძალადობის პრევენცია და მასზე რეაგირება საომარ და ომის შემდგომ პერიოდში - ქალთა ორგანიზაციების გამოცდილებები და რეკომენდაციები", რომელიც ეუთოს (OSCE) მხარდაჭერით, ქსელი WAVE-ისა და მისი ოთხი წევრის მიერ 2022 წელს შემუშავდა. აღნიშნული გზამკვლევი ეყრდნობა საომარი და პოსკონფლიქტური მდგომარეობის სხვადასხვა ეტაპზე ქალთა ორგანიზაციების სპეციფიკურ ცოდნასა და გამოცდილებას და მასში დეტალურად არის აღწერილი სტრატეგიები კონფლიქტის სხვადასხვა ფაზაში გენდერული ძალადობის პრევენციისა და რეაგირებისთვის.

• ომის დროსა და საგანგებო სიტუაციებზე რეაგირების პერიოდი, რომელსაც უკრაინელი და სომეხი პარტნიორები აზიარებენ (სექსუალური ძალადობის კრიზისული ცენტრი (ერევანი, სომხეთი), ცენტრი „ქალთა პერსპექტივები“ (ლვოვი, უკრაინა)
• გაჭიანურებული კონფლიქტი, რომელიც აღწერილია ქართველი პარტნიორის - ქალთა ფონდი „სოხუმის“ მიერ;
• ომის შემდგომი და გრძელვადიანი პერსპექტივა - წარმოდგენილი ბოსნია-ჰერცოგოვინელი პარტნიორის გამოცდილებაზე დაყრდნობით.

(პრაქტიკული სახელმძღანელო ხელმისაწვდომია აქ https://wave-network.org/.../uploads/Toolkit-Georgian.pdf...3IA)

აპრილში ჩატარებული 10 ტრენინგის მონაწილეთა საერთო რაოდენობაა 266 ადამიანი. ყველამ დიდი ინტერესი გამოავლინა სასწავლო კურსის მიმართ. ეს ძალიან მნიშვნელოვანია ჩვენთვის და  ყოველთვის მეტ ეფექტს სძენს ჩვენს მუშაობას.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

წყალტუბოს პირველ და მეოთხე საჯარო სკოლების ბაზაზე არსებულ ახალგაზრდულ ჯგუფებში ფორუმ-თეატრის ახალი სცენები შეიქმნა. სცენები ოჯახურ ძალადობას, ბულინგს, მსხვერპლის განცდებს და ემოციებს ეხება. ორივე ჯგუფი ამ სცენების დახმარებით  დისკუსიებს  წყალტუბოს სხვადასხვა სკოლაში გამართავს

ქალთა საინიციატივო ჯგუფის წევრებმა კი კვლევის შედეგები მოისმინეს და რეკომენდაციებს გაეცნენ.  კვლევამ წარმოაჩინა ის საფრთხეები, რომელიც უსაფრთხოების თვალსაზრისით ქალებს განსაკუთრებით აღელვებთ.  გამოკვეთილი რეკმენდაციების გათვალისწინებას ჯგუფის წევრები ადვოკატირებით შეეცდებიან.

სენაკის ქალთა საინიციატივო ჯგუფის წევრები პროექტის ფარგლებში ჩატარებული კვლევის შედეგებს გაეცნენ.  გაუმართავი ინფრასტრუქტურა, უმუშევრობა, გახშირებული ოჯახური ძალადობა, სწავლების დაბალი ხარისხი - კვლევამ ის ძირითადი საფრთხეები გამოკვეთა, რომელიც ადამიანური უსაფრთხოების ძირითად სტანდარტებს არღვევს. მომდევნო თვიდან ჯგუფის წევრები გამოვლენილი პრობლემების ადვოკატირებას შეეცდებიან.

ახალგაზრდული ჯგუფის წევრებმა კი ფორუმ-თეატრის ფორმატით ახალი სცენა შექმნეს, რომელიც ოჯახში ძალადობის ძირითად მიზეზებს წარმოაჩენს. ახალგაზრდა მსახიობები ამ სცენებით სხვადახვა აუდიტორიის წინაშე წარსდგებიან და დისკუსიებს გამართავენ.

რუსული კანონპროექტის ინიცირების დღიდან წამოვიწყეთ სოციალური კამპანია „არა რუსულ კანონს“. კამპანიაში მოხალისებრივად აქტიურად ჩაგვერთნენ საზოგადოების სხვადასხვა სფეროს წარმომადგენლები და ჩვენი ლიდერი ქალები.

აღნიშნულ წინააღმდეგობრივ პროცესში გაერთიანდა სრულიად ქართველი ხალხი, რამაც განაპირობა კანონპროექტის გაწვევა.

ჩვენმა მონიტორინგისა და ადვოკატირების ჯგუფმა მუშაობა დაიწყო ახალ კვლევაზე „ქალთა მიმართ ძალადობის ან/და ოჯახში ძალადობის საკითხებზე პრევენციული ინსტრუმენტების ეფექტიანობის შეფასება მუნიციპალურ დონეზე“.

ამჟამად მონიტორინგი მიმდინარეობს შემდეგ სამიზნე მუნიციპალიტეტებში: ტყიბული, ბაღდათი, თერჯოლა, ვანი, სამტრედია, ჩოხატაური, წალენჯიხა, ზუგდიდი, სენაკი, ქობულეთი.