ოზურგეთის ახალგაზრდული საკრებულოს ორგანიზებით ქალაქის თეატრალურ მოედანზე გაიმართა აქცია „ერთად ვებრძოლოთ ტერორიზმს!“

ახალგაზრდული საკრებულოს თავმჯდომარის განცხადებით, აქცია არის პროტესტი ბოლო დროს გახშირებული ტერორისტული აქტების მიმართ.

აქციას შეუერთდნენ პარლამენტის დეპუტატი ზვიად კვაჭანტირაძე, გურიის გუბერნატორი გია სალუქვაძე, ოზურგეთის მერი ბეგლარ სიორიძე, მედიისა და არასამთავრობო ორგანიზაციის წარმომადგენლები. 

ახალგაზრდული ინიციატივებისთვის მნიშვნელოვანია მხარდაჭერა, რომელსაც ისინი სამთავრობო უწყებებიდან გრძნიბენ.

პროექტის „გაუმჯობესებული პირობები დევნილთა თემისათვის“ ფარგლებში ფონდმა „სოხუმმა“ წყალტუბოს №1 ბაღს გადასცა ინვენტარი: ტანსაცმლის კარადა - 7 ერთეული,  2 კარადა სათამაშოებისათვის, 3 მაგიდა პედაგოგებისათვის, წიგნების თარო - 2 ცალი, პედაგოგების სკამები - 12 ცალი და სასწავლო-სააღმზრდელო წიგნები.

ღონისძიებას ესწრებოდნენ წყალტუბოს მუნიციპალიტეტის გამგებელი, ადგილობრივი თვითმმართველობის წარმომადგენლები, აიპი წყალტუბოს საბავშვო ბაღების გაერთიანების ხელმძღვანელი და ადმინისტრაცია,  ბაღის  მენეჯერი და  პედაგოგები.

პროექტის ფარგლებში იგეგმება წყალტუბოს №2 ბაღის - №1 და კოპიტნარის ბაღის აღჭურვა ინვენტარით აპრილის დასაწყისში.

ადგილობრივი თვითმმართველობის წარმომადგენლებმა აღნიშნეს, რომ არასამთავრობო სექტორთან თანამშრომლობა და მსგავსი პროექტები ძალიან მნიშვნელოვანია მუნიციპალიტეტისთვის.

გადმოწერა

პროექტი ხორციელდება  ორგანიზაცია Brot für die Welt – Evangelischer

სტატისტიკა ასეთია: 12 შეხვედრა იურისტთან ქუთაისის კოლექტიურ ცენტრებში დევნილ და ადგილობრივ მოსახლეობასთან, ინფორმაციის მიწოდება ოჯახში ძალადობის შესახებ კანონის მექანიზმებთან დაკავშირებით. ამას გარდა - კონსულტაციები სხვადასხვა საკითხზე.

და კიდევ ერთი მნიშვნელოვანი ფაქტი: ქუთაისის თავშესაფრის იურისტის მეშვეობით ფონდი „სოხუმის“ იურისტს მომართა ბენეფიციარმა, რათა მას მიენიჭოს მსხვერპლის სტატუსი და მიეცეს თავშესაფარში დარჩენის და სარეაბილიტაციო კურსის დასრულების უფლება.  მან  წარმოადგინა ყველა საჭირო დოკუმენტი, რაც გაიგზავნა  თბილისში, მსხვერპლის სტატუსის მიმნიჭებელ კომისიაში. კომისიის გადაწყვეტილებით, ბენეფიციარს მიენიჭა მსხვერპლის სტატუსი და დარჩა თავშესაფარში.

ფონდი „სოხუმის“ იურისტებმა ქალთა მხარდაჭერის ცენტრებში ჩატარებული შეხვედრები მიუძღვნეს კანონს ოჯახში ძალადობის შესახებ. ადგილობრივმა და დევნილმა მოსახლეობამ მიიღო ინფორმაცია დაცვის სამართლებრივ მექანიზმებზე - შემაკავებელ და დამცავ ორდერზე. განსაკუთრებული აქცენტი გაკეთდა ადგილობრივი თვითმმართველობის ჩართვაზე ძალადობის პრევენციის პროცესში. ასევე გაიცა ინდივიდუალური იურიდიული კონსულტაციები კონკრეტული საკითხებზე.

ოზურგეთის გენდერული საკონსულტაციო საბჭოს სხდომა განსხვავებული ფორმატით შედგა. მეტი მედიარეზონანსისთვის შეხვედრაში მონაწილეობა მიიღეს ჟურნალისტებმა, ადგილობრივი თვითმმართველობის პრეს-სამსახურის სპეციალისტებმა.

საბჭოს თავმჯდომარემ ლელა ნაცვალაძემ წარმოადგინა ანგარიში მუნიციპალიტეტის „სოფლის მხარდაჭერის პროგრამის“ ფარგლებში მიმდინარე შეხვედრებზე. ხაზგასმულ იქნა, რომ ამ შეხვედრებში ქალთა ჩართულობა ძალიან დაბალია, შესაბამისად - გენდერული საჭიროებების წამოწევაც არ ხდება. დაფიქსირდა მოსაზრება, რომ აუცილებელია მსგავს შეხვედრებზე გენდერული ბალანსის დაცვა, რაც ხელს შეუწყობს გენდერული პროექტების განხორციელებას.

საბჭოს იურისტმა სხდომაზე წარმოადგინა ჩატარებული საქმიანობის ანგარიში.  ყურადღება გამახვილდა ისეთ პრობლემებზე, რომელთა ადვოკატირებაც რთულად მიმდინარეობს. გადაწყდა, რომ ამ საკითხებზე რეაგირებისთვის პროცესში აქტიურად ჩაერთვებიან გენდერული საკონსულტაციო საბჭოს წევრები და ჟურნალისტები.

ქუთაისის კოლექტიურ ცენტრებში თვის განმავლობაში გაიმართა 12 ჯგუფური შეხვედრა ქალთა სოლიდარობისა და მეგობრობის თემაზე. სულ ესწრებოდა 85 ქალი 18-დან 66 წლამდე. მსურველებმა მიიღეს ინდივიდუალური კონსულტაციები ღალატის, ერთობლივი ცხოვრების, დაბალი თვითშეფასების და მშობლებსა და შვილებს შორის კონფლიქტის თაობაზე.

საინფორმაციო შეხვედრას ოზურგეთის №1 საბავშვო ბაღში ფონდი „სოხუმის“ წარმომადგენელთან ესწრებოდა საკრებულოს დეპუტატი, გენდერული საკონსულტაციო საბჭოს წევრი  ირინა საჯაია.

ბაღის თანამშრომლებმა აღნიშნეს, რომ აღსაზრდელები უზრუნველყოფილნი არიან კარგი პირობებით, აქვთ სათამაშოები, თბილი და მზრუნველი გარემო,  გულისტკივილი გამოთქვეს თავიანთი დაბალი ანაზღაურების გამო და ასევე ისაუბრეს იმაზე, რომ დიდი ინტერესით დაესწრებოდნენ ტრენინგებს  გენდერულ თუ სხვა მათთვის საინტერესო თემაზე.

აქტიური ქალბატონები მოწვეულ იქნენ ამომრჩეველ ქალთა კლუბის სხდომაზე, რომელიც ჩანიშნულია აპრილში. ხოლო შეხვედრაზე დასმული საკითხი იმავე დღეს განხილული იყო გენდერული საკონსულტაციო საბჭოს სხდომაზე. დაფიქსირდა, რომ უახლოეს თვეებში შეიმუშაონ სატრენინგო პროგრამა საბავშვო ბაღებისთვის.

იურისტმა ჩაატარა შეხვედრა ოზურგეთის მუნიციპალიტეტის სოფელ  მაკვანეთის მცხოვრებლებთან. გაირკვა, რომ მაკვანეთშიც იგივე პრობლემა აწუხებთ, რაც კვირიკეთში - ერთ-ერთ კომპანიას მდინარიდან ქვა-ღორღი ამოაქვს. მოსახლეობა აღნიშნავს, რომ კალაპოტის 6 მეტრით დაღრმავება ჭებში წყლის დაშრობას გამოიწვევს.

სოფელ მაკვანეთში გამოვლენილი პრობლემის გადაჭრა ბუნებრივი რესურსების დაცვის სამინისტროს პრეროგატივაა. მინისტრის სახელზე მომზადდება წერილი, დაიგეგმება ადვოკატირების კამპანია პრობლემის მოსაგვარებლად.

ქუთაისის საკრებულოს სხდომათა დარბაზში ფონდი „სოხუმის“ მიერ ჩატარებული კვლევის „ქალთა ადამიანური უსაფრთხოების ხარისხის კვლევა დასავლეთ საქართველოში“ - პრეზენტაცია გაიმართა. ღონისძიებას ესწრებოდა საზოგადოების ფართო სპექტრი, ასევე შვედეთის ორგანიზაცია Kvinna till Kvinna-ს წარმომადგენლები სამხრეთ კავკასიაში. შეხვედრის მონაწილეები ინტერესით გაეცნენ კვლევის შედეგებს, რომელიც ერთობლივი ქართულ-აფხაზური პროექტის ფარგლებში ჩატარდა. დაისვა ბევრი შეკითხვა, რომელთაც კიდევ ერთხელ გამოკვეთეს რისკის ფაქტორრბი, რომლებიც საერთოა ქართველი და აფხაზი ქალებისათვის. ასევე - განსხვავებული ხარისხი ჯანმრთელობისა და სოციალური დაცვის, ოჯახში ძალადობისაგან დაცვის  და სხვა საკითხებში. 

მონაწილეთა მიერ გაკეთდა შეფასებები,  რომ აშკარაა  კვალიფიკაცია და შრომა, რომელიც გასწია ფონდმა „სოხუმმა“ კვლევაზე მუშაობისას. მათ გამოკვეთეს საკითხები, რომლებიც სერიოზულ ზიანს აყენებს კონფლიქტის ზონაში მცხოვრები ადამიანების უსაფრთხოებას, მათ შორის  მშობლიურ ენაზე განათლების მიღების  შეზღუდვა.