ფონდმა „სოხუმმა“ დაიწყო პროექტი „გაუმჯობესებული პირობები დევნილთა თემისათვის“. პროექტის არეალია წყალტუბოს მუნიციპალიტეტი.

წყალტუბოს საკრებულოს სხდომათა დარბაზში ჩატარდა საინფორმაციო შეხვედრა -პროექტის პრეზენტაცია. 

პროექტის ფარგლებში დაგეგმილია:

- წყალტუბოს მუნიციპალიტეტის 3 საბავშვო ბაღის (#1, #2 და კოპიტნარის) აღჭურვა ინვენტარით

- არაფორმალური განათლება დევნილთა თემისათვის

- დევნილთა რესურს-ცენტრის ჩამოყალიბება

- დევნილთა პრობლემების წამოწევა ადგილობრივ თვითმმართველობაში

მონაწილეები - ადგილობრივი თვითმმართველობის წარმომადგენლები დაინტერესდნენ პროექტით და გამოხატეს მზადყოფნა მომავალი თანამშრომლობისთვის.

პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)

წყალტუბოს საკრებულოს სხდომათა დარბაზში საზოგადოების სხვადასხვა სპექტრის წარმომადგენლები შეიკრიბნენ. მათთვის გაიმართა ფონდი „სოხუმის“  პუბლიკაციის „ქალთა ადამიანური უსაფრთხოების ხარისხის შეფასება დასავლეთ საქართველოში“ პრეზენტაცია. 

დისკუსიისას მონაწილეებმა სხვადასხვა პოზიციიდან ისაუბრეს ადამიანურ საფრთხეებზე და გამოსავალზეც იფიქრეს. რეკომენდაციების დიდი ნაწილი შეეხებოდა საფრთხეებს სკოლებში, სკოლამდელი აღზრდის დაწესებულებებში, აგრეთვე - ჯანმრთელობის სფეროს, ქალთა უფლებებს, სასურსათო უსაფრთხოებას.

შეხვედრის მონაწილენი მიიჩნევენ, რომ საკითხის აქტუალურობა ნებისმიერ ადამიანს დააინტერესებს. მსჯელობა და რეკომენდაციების შემუშავება საზოგადოების წარმომადგენლებთან ერთად უნდა გაგრძელდეს, სახელისუფლებო რგოლები კი მეტი აქტიურობით ჩაერთონ უსაფრთხოების ხარისხის ამაღლებაში.   

მარტში ფონდი „სოხუმის“ ფსიქოლოგმა ჯგუფური კონსულტაცია ჩაატარა ხონის ქალთა მხარდაჭერის ცენტრში. შეხვედრის თემა იყო ტრადიციული კულტურის გავლენა ქალის ფსიქო-სექსუალურ ჯანმრთელობაზე.

პატრიარქალურ-ტრადიციული კულტურის ძლიერი ზეგავლენის ქვეშ მყოფი ქალები ხშირ შემთხვევებში ხდებიან ფსიქო-სექსუალური პრობლებემის მსხვერპლნი, რაც საფრთხეს უქმნის წყვილთა შორის ჯანსაღ ურთიერთობებს.

დამსწრეთათვის თემა საინტერესო აღმოჩნდა და შეხვედრაც ინტერაქტიულად წარიმართა.

ფოთისა და წყალტუბოს ქალთა მხარდაჭერის ცენტრებში, ძირითადად, ინდივიდუალური შეხვედრები გაიმართა. ზოგი ქალბატონი საჭიროებდა ერთჯერად კონსულტაციას, ზოგთან კი დაიგეგმა განმეორებითი ვიზიტი.

მრგვალი მაგიდა თემაზე „ქალთა სოლიდარობა - უკეთესი მომავლისათვის“ ჩატარდა ქუთაისის საკრებულოშიც. ღონისძიება ქალთა მხარდაჭერის ცენტრის მობილიზატორის ორგანიზებით გაიმართა ქალთა სოლიდარობის კვირეულის ფარგლებში.

ადგილობრივი თვითმმართველობის წარმომადგენლებმა - საკრებულოს დეპუტატებმა, ქალაქის მერიის და  საკრებულოს აპარატის თანამშრომლებმა მიიღეს ინფორმაცია ქალთა მხარდაჭერის ცენტრის მუშაობის შესახებ. ითქვა ცენტრის სერვისებზე, მიღწეულ შედეგებზე ქალთა უფლებების გაძლიერების კუთხით.

მონაწილეებმა აღნიშნეს, რომ ქალს მეტი ყურადღება სჭირდება და მის საჭიროებებზე მეტი აქცენტი უნდა გაკეთდეს.

წყალტუბოს საკრებულოს სხდომათა დარბაზში შეიკრიბნენ ადგილობრივი თვითმმართველობის წარმომადგენლები და ქალთა მხარდაჭერის ცენტრის აქტივისტები.

მრგვალი მაგიდა თემაზე „ქალთა სოლიდარობა - უკეთესი მომავლისათვის“ მიეძღვნა ქალთა სოლიდარობის კვირეულს.

ინფორმაცია კვირეულთან დაკავშირებით, ქალთა მხარდაჭერის ცენტრის მუშაობის ანალიზი და გეგმების გაცნობა - ყოველივე ეს საინტერესო აღმოჩნდა მონაწილეებისთვის. მათ ბოლოს ერთად გადაიღეს ფოტო და აღნიშნეს, რომ ქალთა სოლიდარობა ძალიან მნიშვნელოვანია, რადგან მას შეუძლია შეცვალოს მომავალი.

ჩეხურმა ორგანიზაციამ „ადამიანი გაჭირვებაში“ დააფინანსა ფონდი „სოხუმის“ პროექტი „ახალგაზრდების განვითარება ახალ საფეხურზე“. პროექტში ჩართულნი არიან ახალგაზრდები სოციალურად დაუცველი ოჯახებიდან და ის ხელმისაწვდომს ხდის მათთვის პროფესიული გადამზადების კურსებს: ბუღალტერია, კომპიუტერული უნარ-ჩვევები, მცირე ბიზნესის მართვა.

ეს ხელს შეუწყობს დასაქმების მეტ შესაძლებლობას და ოჯახების სოციალური ფონის გაუმჯობესებას. პროექტი ხორციელდება თერჯოლის მოსწავლე ახალგაზრდობის სახლში.

10 მარტს დაიწყო კომპიუტერული კლასის პირველი გაკვეთილი. კურსს გაივლის ორი 15-კაციანი ჯგუფი.

პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)

ფონდი „სოხუმის“ ასისტენტმა საინფორმაციო შეხვედრა ქუთაისის ერთ-ერთ კოლექტიურ ცენტრში ჩაატარა. შეკრებილებმა გაიგეს სიახლეებზე ქალაქის სოციალურ პროგრამებში, რაც ყოველი მათგანისთვის საინტერესო და სასარგებლო აღმოჩნდა. ისაუბრეს თავიანთი პრობლემების მოგვარების შესახებ.

ასისტენტი ასევე დაესწრო ებრაელ ქალთა კლუბის შეხვედრას. ამ კლუბის  მთავარი მიზანია ერთმანეთთან ურთიერთობა, ინფორმაციების გაზიარება, თანადგომა. ფონდი „სოხუმის“ ასისტენტმა გააცნო ქალბატონებს ფონდის მუშაობის შესახებ და ზოგიერთი მათგანი მოიწვია ამომრჩეველ ქალთა კლუბის სხდომაზე, რათა თვითონაც ჩაერთონ მუშაობაში  და პრობლემების ადვოკატირებაში.

ადამიანური საფრთხეები განსხვავებულად აღიქმება სოფელ ხურჩაში (ზუგიდიდის მუნიციპალიტეტი), აფხაზეთის საზღვრისპირა ზონაში. ეს მოსაზრება კიდევ უფრო განმტკიცდა მრგვალ მაგიდასთან, რომელსაც ესწრებოდნენ აქტივისტი ქალები კოკიდან, ხურჩიდან (ზუგიდიდის მუნიციპალიტეტი) და ნაბაკევიდან (გალის მუნიციპალიტეტი).  

შეხვედრა დაიწყო ფონდი „სოხუმის“ მიერ ჩატარებული კვლევის პრეზენტაციით, რომელიც სპეციალურ პუბლიკაციაში გაერთიანდა.

შემდეგ მონაწილეებმა მოისმინეს ცალკეულ ქალაქებში შემუშავებული რეკომენდაციები. ქალებმა განსაკუთრებული ემოციით ისაუბრეს სოციალურ პრობლემებზე, ჯანმრთელობასთან დაკავშირებულ საკითხებზე.

მათი აზრით, ადამიანური საფრთხეები კონფლიქტის ზონის სოფლებში უფრო გამძაფრებულია და საზოგადოების ყველა რგოლი უნდა იყოს მობილიზებული, რათა უსაფრთხოების ხარისხი გაუმჯობესდეს.

ქალთა სოლიდარობის კვირეულისადმი მიძღვნილი მრგვალი მაგიდა ჩატარდა ზუგდიდის მუნიციპალიტეტის სოფელ კოკში. შეხვედრას ესწრებოდნენ ადგილობრივი თვითმმართველობის წარმომადგენლები, მასწავლებლები, სკოლის დირექტორი, ხურჩა/კოკის ქალთა მხარდაჭერის ცენტრის აქტივისტი ქალბატონები.

მრგვალი მაგიდის დროს მონაწილეებმა ბევრი რამ გაიგეს: ინფორმაცია ქალთა სოლიდარობის კვირეულის შესახებ, სოლიდარობის წარმატებული მაგალითები, ქალთა მხარდაჭერის ცენტრის მუშაობის შედეგები და გეგმები.

9 მარტს შედგა იურისტის შეხვედრა ქუთაისში, მუსიკალური სკოლის კოლექტიურ ცენტრში მცხოვრებ დევნილებთან. შეხვედრაზე გაიცა ჯგუფური იურიდიული კონსულტაცია იმ საერთო პრობლემასთან დაკავშირებით, რაც საცხოვრებელი ბინების პირად საკუთრებაში დაკანონებას გულისხმობს.

მოქალაქეებმა ასევე მიიღეს ინდივიდუალური კონსულტაციები ჯანმრთელობის საყოველთაო დაცვის სახელმწიფო პროგრამის  სარგებლობის წესებსა და პროცედურებზე.