ეს ხმოვანი წიგნი კურსების საჯარო სკოლის მოსწავლეებმა შექმნეს. ორიგინალური და საინტერესო, აქტუალური და უჩვეულო.

თემა: გენდერული თანასწორობა

ხელმძღვანელი: პედაგოგი თამარ აბესაძე-მემარნე

ტექსტის ავტორები: თაია ჭეიშვილი, მართა მაღლაქველიძე, მარიამ კევლიშვილი, ნინი კევლიშვილი, მარიამ აფრიდონიძე, თეკლა ბეროძე, თამთა სვანიძე.

გახმოვანება: ანა-მარია მემარნე

კურსების (ტყიბულის მუნიციპალიტეტი) საჯარო სკოლაში ქალთა ფონდმა „სოხუმმა“ ჩამოაყალიბა ახალგაზრდების გაძლიერების ცენტრი. წიგნის შემქმნელები ამ ცენტრის აქტიური წევრები არიან. მათ გაიარეს ექვსთვიანი სატრენინგო კურსი კონფლიქტების მართვის, ძალადობის პრევენციის და გენდერული თანასწორობის საკითხებზე.

ქალთა ფონდი „სოხუმის“ სარეაბილიტაციო ცენტრის ბენეფიციარებს დედის დღე McDonald's Georgia ქუთაისის ფილიალმა მიულოცა.

საჩუქრები, გართობა, მაკდონალდსის ფერადი გარემო, სამახსოვრო ფოტოები - ეს იყო ბავშვების მხიარული დღესასწაული დედებთან ერთად, რაც ყველაზე ლამაზ მოგონებად დარჩებათ.

ქალთა ფონდ „სოხუმს“ ქველმოქმედების სოლიდური ისტორია აქვს. რამდენიმე სიკეთის აქცია McDonald's Georgia-ს ქუთაისის ფილიალთან ერთად ადრეც განხორციელდა და ეს ტრადიციად იქცა.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ეს ფოტო საბერიო-ფახულანის გამყოფ ხაზთანაა გადაღებული - უკრაინის სოლიდარობის ნიშნად.

ეს სიმბოლური აქცია ტრენინგის მონაწილეებმა ჩაატარეს. ფახულანის (წალენჯიხის მუნიციპალიტეტი) დღის სარეაბილიტაციო ცენტრში წარმატებით დასრულდა ჭრა-კერვის სწავლება. ქალთა ფონდი „სოხუმის“ ხელშეწყობით ქალებმა შეიძინეს საჭირო ცოდნა და უნარები. პირველმა კურსდამთავრებულებმა მონაწილეობა მიიღეს ორდღიან ტრენინგში, რომელზეც განხილული იყო ბიზნესის დაგეგმვის და ბიზნესპროექტის დაწერის საკითხები. საუკეთესო ბიზნესიდეების ავტორებისთვის ორგანიზაცია მცირე გრანტებს გასცემს, რათა ქალებმა შეძლონ თავიანთი საქმის წამოწყება.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

- 33 წლის ვარ. მთელი ცხოვრების მანძილზე, არასოდეს მიგრძვნია თავი ასე ბედნიერად და კომფორტულად. ყოველდღიურად მხრებიდან მეხსნება სიმძიმე, უკვე უფრო მსუბუქად ვსუნთქავ, - გვითხრა ქალთა ფონდი „სოხუმის“ სარეაბილიტაციო ცენტრის ერთ-ერთმა ბენეფიციარმა.

ამჟამად ცენტრში იმყოფება 8 ადამიანი – ქალები და ბავშვები, დასავლეთ საქართველოს სხვადასხვა რეგიონიდან.

ისინი სიღარიბის ზღვარს მყოფი ოჯახის წევრები არიან. ყველა მათგანი ოჯახში ძალადობის მსხვერპლია, განსაცდელი და ტრავმა გამოიარეს. ჩვენს ცენტრში მათთვის ყველა პირობაა შექმნილი მშვიდი ცხოვრებისთვის. მათთან მუშაობენ სოციალური მუშაკი, იურისტი და ფსიქოლოგი. ქალები ბავშვებთან ერთად გადიან კომპლექსურ ყოველდღიურ ინტენსიურ ფსიქორეაბილიტაციურ თერაპიას. ყველაფერი ეს ხელს უწყობს მათ, მოიხსნან სტრესი, გაძლიერდნენ და გაერკვნენ სამომავლო პერსპექტივაში...

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

ეს არის ფრაგმენტები ბავშვების წერილებიდან.

მშობლებს მიმართავენ.  სიყვარულს გამოხატავენ და პრობლემებზე საუბრობენ.

ქალთა ფონდი „სოხუმის“ ახალგაზრდობის გაძლიერების ცენტრებისთვის  ჩატარებული ერთ-ერთი შეხვედრის ნაწილი შვილებისა და მშობლების ურთერთობას მიეძღვნა. მაშინ გაჩნდა იდეა, ბავშვებს მესიჯები გაეგზავნათ დედებისთვის და მამებისთვის...

დანარჩენს თვითონ წაიკითხავთ:

• მინახავს დედა, ჩემი ან ჩემი ძმის სიტყვების გამო აცრემლებული. როცა მას ვუყურებ, მეც გული მტკივა, ვუფიქრდები ჩემს დანაშაულს... მისი ცრემლი ჩემთვის დიდი ტკივილია. ბოდიშს ვუხდი და ვეუბნები, რომ ძალიან მიყვარს...
• დარწმუნებული ვარ, როდესაც  შვილი მეყოლება ისიც ისევე მომექცევა, როგორც მე ვექცეოდი ჩემს მშობლებს, ამიტომ ვცდილობ, გული არ ვატკინო მათ.

ქალთა ფონდი „სოხუმის“ ფსიქოლოგის მანანა გოცირიძის დღიურიდან:

ხ., 28 წლის: „განქორწინების შემდეგ ჩემთვის ცხოვრება გაჩერდა. ყველაფერი განაცრისფრდა. მოსაწყენი, უინტერესო გახდა. ხშირად ვფიქრობდი, რატომ უნდა მეცოცხლა ასეთი სირცხვილის შემდეგ. ჩემთან ერთად ტიროდა დედაც. ერთხელ ასე აცრემლებულებს მოგვისწრო დედაჩემის მეგობარმა ქალმა და გვირჩია, დახმარებისთვის მიგვემართა ფონდი „სოხუმის“ ფსიქოლოგისთვის. თითქმის რვა თვე ხელახლა ვსწავლობდი სამყაროს დანახვას. არ ვიცი, როგორ გამოვხატო მადლიერება ჩემს სახეზე დაბრუნებული ღიმილისა და დედიკოს თვალებში ჩამდგარი სხივისთვის. ბედნიერები ვართ.“

ასეთი ისტორიები ბევრი აქვს ფსიქოლოგს. ეს თანმიმდევრული ხანგრძლივი მუშაობის შედეგებია. ასეთი ინტენსიური მუშაობა ჩატარდა თებერვალშიც:

- ტყიბულის, ხურჩის (ზუგდიდის მუნიციპალიტეტი), ქობულეთის, თერჯოლის, სენაკის, წალენჯიხის ქალთა მხარდაჭერის ცენტრების ორგანიზებული ონლაინ ჯგუფური შეხვედრები –  48 ბენეფიციარის მონაწილეობით;

უფასო იურიდიული კონსულტაციები, დახმარება საბუთების მომზადებაში – ეს სერვისი ძალიან მნიშვნელოვანია იმ ათი მუნიციპალიტეტის ბენეფიციარებისთვის, სადაც მუშაობს ქალთა ფონდი „სოხუმი“ პროექტის „ქალთა უფლებების გაძლიერება დასავლეთ საქართველოში“ ფარლებში.

თებერვალში თერჯოლის, ტყიბულის, წალენჯიხის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებმა მოაწყვეს ონლაინ ჯგუფური შეხვედრები იურისტთან. ქობულეთის და ჩოხატაურის ქალთა მხარდაჭერის ცენტრების ბენეფიციარებისთვის კი გაიცა ინდივიდუალური იურიდიული კონსულტაციები.

შეხვედრებში მონაწილეობდა 38 ბენეფიციარი 25-დან 68 წლამდე. მათთვის მსგავს შეხვედრებს დიდი მნიშვნელობა და სარგებელი აქვს, რადგან ამ გზით აგვარებენ თავიანთ პრობლემებს.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

მონიტორინგისა და ადვოკატირების ჯგუფმა იანვარ-თებერვალში ჩაატარა მერის წარმომადგენლების საჭიროებების სწრაფი მოკვლევა სამიზნე მუნიციპალიტეტებში (სამტრედია, ვანი, თერჯოლა, ბაღდათი, ტყიბული, წალენჯიხა, ზუგდიდი, სენაკი, ქობულეთი, ჩოხატაური).

სწრაფი მოკვლევა მიზნად ისახავდა საჭიროებების გამოვლენას საგანმანათლებლო ტრენინგების დასაგეგმად სამი მიმართულებით: სამოქალაქო მონაწილეობა, სოციალური მუშაობა, ელექტრონული მომსახურება.

მერიის პასუხისმგებელმა პირებმა მხარი დაუჭირეს ქალთა ფონდი „სოხუმის“ ინიციატივას. რესპონდენტებთან მუშაობისთვის გამოყენებულია ონლაინ/სატელეფონო გამოკითხვის მეთოდი. შემუშავდა  მარტივი ონლაინ კითხვარი, რომელიც შეავსო 184-მა რესპონდენტმა.

სწრაფმა მოკვლევამ თვალსაჩინო გახადა ის საკითხები, რომლებზეც მერის წარმომადგენლები საჭიროებენ მეტ ინფორმაციას, კვალიფიკაციას და უნარ-ჩვევებს.

ქობულეთის, ზუგდიდის, ჩოხატაურის, წალენჯიხის და სენაკის ახალგაზრდულ ცენტრებში დასასრულს მიუახლოვდა ექვსთვიანი სატრენინგო კურსი. ბოლო შეხვედრაზე მონაწილეებმა განიხილეს თემები: „კონფლიქტის მოგვარების გზები. ეთიკისა და ესთეტიკის ნორმები. მშობლებისა და შვილების ურთიერთობა, პრობლემები და მიზეზები“. ახლა ისინი ემზადებიან შემაჯამებელი ღონისძიებისთვის, რომელიც მარტის დასაწყისში გაიმართება. ხუთი ჯგუფიდან შერჩეულია 20 პრეზენტატორი, რომლებიც პროექტის გავლენაზე ისაუბრებენ.

თებერვალში დასავლეთ საქართველოს ათ მუნიციპალიტეტში 10 ტრენინგი ჩატარდა. ტრენინგებში ჩართული იყო 196 მონაწილე.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

საინფორმაციო შეხვედრების და ადგილობრივ თვითმმართველობებთან თანამშრომლობის შედეგად გაიზარდა ძალადობის შემთხვევების იდენტიფიცირება და მომართვიანობა. შემდეგ იწყება რეაგირება, რაც ბენეფიციარებთან ნდობის მაჩვენებელს აუმჯობესებს. 

საინფორმაციო შეხვედრები ჩატარდა ვანის, წალენჯიხის, ჩოხატაურის და თერჯოლის ქალთა მხარდაჭერის ცენტრებში. ქალთა პრობლემებზე რეაგირებისთვის აქტიურად გამოიყენება ფონდი „სოხუმის“  სერვისები - ფსიქოლოგის და იურისტის კონსულტაციები, საჭიროების შემთხვევაში კი - სრული სარეაბილიტაციო კურსი.

მობილიზატორების შეფასებით, მომართვიანობის გაზრდას ხელი შეუწყო საინფორმაციო შეხვედრებმა, რაშიც სხვადასხვა თემის წარმომადგენლები მონაწილეობდნენ.

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)