წარმატებული ქეისები და ახალი საკითხები
წყალტუბოს ქალთა საინიციატივო ჯგუფის წევრები კვლავ შეიკრიბნენ სექტემბრის თვეში საკუთარი პრობლემების იდენტიფიცირებისა და ადვოკატირებისთვის. შეხვედრაზე განიხილეს წარმატებული ქეისები და აღნიშნეს, რა დიდი მნიშვნელობა აქვს მუშაობის პროცესში მიღებულ თეორიულ ცოდნას პრაქტიკული საქმიანობის დროს.
შეხვედრაზე ისაუბრეს დევნილთა დასახლების პრიორიტეტულ პრობლემებზე. წარმოჩინდა ახალი საკითხები: დასახლების მიმდებარე ტერიტორიაზე რეკრეაციული ზონის შექმნა, საგზაო მოძრაობის უსაფრთხოების მიზნით „მწოლიარე პოლიციელის“ მოწყობა. გაიწერა სამოქმედო გეგმა პრობლემების დროულად მოგვარებისთვის. ეფექტიანი ადვოკატირებისათვის ოქტომბერში დაიგეგმა „ერთი ფანჯრის“ პრინციპით შეხვედრა.
პროექტი ხორციელდება გაეროს ქალთა ორგანიზაციის
მხარდაჭერით