წერილი მელიტოპოლიდან

ჩვენ ძალიან კარგად ვცხოვრობდით, წინ მივდიოდით, ვურთიერთობდით, ვიცინოდით, ვსწავლობდით, ვხარობდით, ვგიჟდებოდით ჩვენს ქალაქზე და ჩვენს ქვეყანაზე! „რუსკი მირის“ მოსვლამდე...

24 თებერვალმა სამუდამოდ ამოატრიალა ჩვენი ცხოვრება და გადაგვიხაზა ყველა გეგმა. მიუხედავად იმისა, რომ ჩვენი რეგიონი რუსულად მოლაპარაკეა, ჩვენ არასოდეს გვითხოვია გათავისუფლება ან დაცვა!

25 თებერვლიდან მოყოლებული, მთელი მელიტოპოლის რაიონი ოკუპაციაშია. ოკუპაციაში ცხოვრება... ცხოვრება არ არის, ეს თავის გადარჩენაა მხოლოდ.

ახლა მოსახლეობის დაუცველ ფენებზე მინდა ლაპარაკი, განსაკუთრებით სოფლებში და ქალაქის შემოგარენში... რამდენიმე თვეა, ადამიანებს პენსია არ აუღიათ, საკვების მარაგი ამოწურულია, მედიკამენტები გაუთავდათ, სოციალური შემწეობებიც არ არის, მესამე თვეა...

 

მ ა გ რ ა მ გამოჩნდა ქართული ორგანიზაცია - ქალთა ფონდი „სოხუმი“ და  მისი წყალობით ჩვენ შევძელით ოკუპირებულ ტერიტორიებზე მცხოვრები ადამიანების მხარდაჭერა - შევიძინეთ 50 სასურსათო ნაკრები, მედიკამენტები და გადავეცით მათ, ვისაც სჭირდებოდა. 1890 დოლარით ჩვენ 250-ზე მეტ ადამიანს დავეხმარეთ! ეს კი ძალიან ბევრია! სოფლებში ადამიანებს განსაკუთრებული მედიკამენტები სჭირდებოდათ, რაც ძნელად იშოვება, განსაკუთრებით ასეთ დროს. მაგრამ ჩვენ მოვინდომეთ და გამოგვივიდა! მართლაც, გამოგვივიდა - რადგან მაშინ, როცა დაკეტილია შემოსასვლელები და გასასვლელები, როცა 150 კილომეტრის გავლას ადრე რომ 2 საათიც არ უნდოდა, ახლა ორი-სამი დღე სჭირდება - სროლების და საომარი მოქმედებების ზონაში. ჩვენ შევეჭიდეთ რთულ საქმეს და მივუტანეთ ადამიანებს საჭირო პრეპარატები! ქალთა ფონდი „სოხუმის“ დახმარებით  შევძელით. შეძლებს უკრაინაც! ჩვენ გვჯერა, რომ მშვიდობა იზეიმებს და ყველანი დავუბრუნდებით ძველებურ ცხოვრებას!

მთელი გულით ვუხდით მადლობას ქალთა ფონდ „სოხუმს“ უკრაინის მხარდაჭერისათვის!

Все буде УКРАЇНА!

 

პროექტი ხორციელდება  ორგანიზაცია Brot für die Welt - Evangelischer

Entwicklungsdienst მხარდაჭერით (გერმანია)

გამოქვეყნებულია წარმატების ისტორია

დონორი ორგანიზაციები

Image
Image
Image
Image
Image