წალენჯიხის მუნიციპალიტეტის სოფელ ფახულანის ქალთა საინიციატივო ჯგუფმა თემაზე: ,,მოსახლეობის ადამიანური უსაფრთხოების ხარისხის და გენდერული საჭიროებების შეფასება წალენჯიხის მუნიციპალიტეტში,, კვლევა ჩაატარა.
შედეგები უკვე ცნობილია. კვლევის საფუძველზე კი აქტუალური პრობლემები გამოიკვეთა.
გაეროს რეზოლუცია 1325-ის ადგილობრივ დონეზე განხორციელების ხელშეწყობის მიზნით აქტიურად მუშაობენ წყალტუბოს ქალთა საინიციატივო ჯგუფის წევრები.
სამუშაო ჯგუფები მოსახლეობასთან კომუნიკაციაში ადგენენ პრობლემების პრიორიტეტულობას.
მათ აქვთ წარმატებული ადვოკატირების მაგალითები. სამუშაო ჯგუფები ახლა ახალი პრობლემების იდენტიფიცირებას ახდენენ და მათი მოგვარების გზებზე მსჯელობენ.
ჯგუფის მორიგ შეხვედრაზე გაიმართა ქალთა ფონდი „სოხუმის“ საქმიანობის პრეზენტაცია. მონაწილეების აზრით, ფონდი წარმატებით ახორციელებს სხვადასხვა პროექტს.
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფის წევრები აქტიურად მუშაობენ ადგილობრივ დონეზე რეზოლუცია 1325-ის იმპლემენტაციისთვის. სამუშაო ჯგუფები მოსახლეობასთან მუდმივად თანამშრომლობენ და მათთან ერთად ადგენენ პრობლემების პრიორიტეტულობას.
სოციალური, ინფრასტრუქტურული პრობლემები კვლავაც სერიოზულ გამოწვევებს ქმნის და არღვევს სრულფასოვანი ცხოვრების რეჟიმს.
წარმატებული ადვოკატირების პარალელურად, ახალი პრობლემების იდენტიფიცირება მოხდა. სამუშაო ჯგუფები ეძებენ გზებს ამ გამოწვევების საპასუხოდ.
პროექტი ხორციელდება გაეროს ქალთა ორგანიზაციის
მხარდაჭერით
ხონის ქალთა საინიციატივო ჯგუფი განაგრძობს მუშაობას, რათა მნიშვნელოვნად გააუმჯობესოს დევნილთა დასახლების მცხოვრებთა პირობები.
ამ მიზნით ჯგუფი სისტემატურ კომუნიკაციაშია მოსახლეობასთან და ადგილობრივ თვითმართველობასთან, რათა გამოიკვეთოს პრიორიტეტული პრობლემები და მოხდეს მათი ადვოკატირება.
ჯგუფის წევრები ინიშნავენ პრობლემებს, რომლებიც ჯერ კიდევ არ არის მოგვარებული, მაგრამ უკვე დგას დღის წესრიგში და მათ გადაჭრაზე ფიქრობენ.
პროექტი ხორციელდება გაეროს ქალთა ორგანიზაციის
მხარდაჭერით
„ამ ტელეფონში არის სწრაფი მოხმობის ღილაკი SOS, რაც გამაბედინებს - საშველად მოვუხმო ადამიანებს და მე ისინი აუცილებლად მიშველიან.“
„მითხრეს, რომ ჩვენს ტელეფონს განსაკუთრებული ფუნქცია აქვს. მადლობა ამისთვის.“
„სამართლებრივი კონსულტაცია დამჭირდება, თქვენს ნაჩუქარ ტელეფონშია, ფსიქოლოგიური კონსულტაცია დამჭირდება, ისიც აქაა. მადლობა ამისთვის. იქნებ, მეტი ვისწავლოთ და შევიარაღდეთ ძალადობის წინააღმდეგ.“
ასეთი ემოციები წამოვიდა ბენეფიციარებისგან მორიგი აქციის დროს.
ქალთა ფონდი „სოხუმის“ წარმომადგენლებმა ქობულეთში, სენაკში, სამტრედიაში, ბაღდათში, თერჯოლასა და ვანში მოწყვლადი ჯგუფების ქალებს SOS-ღილაკიანი ტელეფონები თვითმმართველობის წარმომადგენლებთან ერთად გადასცეს.
მერის წარმომადგენლების, გენდერული თანასწორობის საბჭოს წევრების, მრჩევლების და ბავშვთა საკითხებზე მომუშავე სპეციალისტების ჩართვა ჩვენს აქტივობებში ტრადიციად იქცა. მისი მიზანია, ადგილობრივმა ხელისუფლებამ უფრო მეტად იზრუნოს მსხვერპლ ქალებზე, დაეხმაროს მათ პრობლემების მოგვარებაში.
პროექტი ხორციელდება გენდერული თანასწორობის ფონდის მხარდაჭერით (კანადა)
აპრილში 10 ადამიანი დაემატა ჩვენს სიას. ახლა უკრაინელთა ბაზაში 480 ადამიანია.
ამ თვეში მერიამ ჩვენს ახალ ბენეფიციარებს პერსონალური სამგზავრო ბარათები გადასცა. მათთან დარეგისტრირებულმა ყველა ოჯახმა მიიღო 100-ლარიანი კვების ვაუჩერი მაღაზია Carrefour-ისთვის.
ჩვენ 6 ოჯახს გავუწიეთ დახმარება. საცხოვრებლის ქირა გადავუხადეთ მძიმე მდგომარეობაში მყოფ ერთ ოჯახს - ქუთაისში ცხოვრობს ქალი სამი შვილით, ქმარი ბახმუტთან იბრძვის და თვეზე მეტია, არ გამოსულა კავშირზე.
ჩვენი ორგანიზაციის წარმომადგენლებმა, რომლებიც უკრაინელებთან მუშაობენ, აქტიური მონაწილეობა მიიღეს UNHCR-ის მიერ ორგანიზებულ შეხვედრაში, სადაც უკრაინელი ლტოლვილების პრობლემები განიხილეს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
მარი ბედნიერი წავიდა ქალთა ფონდი „სოხუმის“ სარეაბილიტაციო ცენტრიდან. არასოდეს დაავიწყდება ფსიქოლოგის გაკვეთილები, ბავშვების გართობა პედაგოგთან ერთად, სოციალური მუშაკის და იურისტის რჩევები. და, რა თქმა უნდა, ურთიერთობა სხვა ქალებთან... ზღვა სიყვარული და სითბო მიმაქვსო, თქვა წასვლის წინ.
ლიკაც კმაყოფილია ფონდი „სოხუმის“ თანამშრომლებთან ურთიერთობით. ყველა, ვინც აქ ხვდება, სხვანაირი მიდის აქედან - უფრო ძლიერი, უფრო იმედიანი და ხალისიანი. ჰყავს ახალი მეგობრები, მხარდამჭერები...
ყველაზე მეტ დროს ქალებთან ია იაშვილი ატარებს, სარეაბილიტაციო ცენტრის ასისტენტი, ამ მყუდრო სახლის მთავარი დიასახლისი. საინტერესოა მისი დაკვირვებები:
„ყველაზე მეტად არაჰარმონიული ოჯახური ურთიერთობებით შვილები ზარალდებიან. ზოგს მამა საერთოდ არ ჰყავს, ან ჰყავს და მასთან უჭირს ურთიერთობა, სხვადასხვა ენაზე ლაპარაკობენ, ერთმანეთის არ ესმით. ზოგჯერ ვამჩნევ, რომ ბავშვი არ ჭამს, იმიტომ კი არა, რომ არ შია, არამედ არაფერი უნდა, სურვილები არ აქვს, სიხარული არ აქვს, არ ოცნებობს“.
7 გასვლითი შეხვედრა გამართა ფსიქოლოგმა თერჯოლის, ფახულანის (წალენჯიხის მუნიციპალიტეტი), ხურჩის (ზუგდიდის მუნიციპალიტეტი), სენაკის, ქობულეთის, ტყიბულისა და ჩოხატაურის ქალთა მხარდაჭერის ცენტრებში. ჩატარდა 4 ჯგუფური და 11 ინდივიდუალური კონსულტაცია და 12 ონლაინ შეხვედრა. ქუთაისში 11 ფსიქოთერაპიული სესია გაიმართა.
ყველა კმაყოფილია მუშაობის შედეგებით, მაგრამ განსაკუთრებით შეიძლება აღინიშნოს, რომ ორმა ბენეფიციარმა ახალი უნარების გამომუშავებით შეძლო საკუთარი პრობლემების გადაჭრა და ისწავლა ემოციების კონტროლი, ხოლო სამი მოზარდი გაუმკლავდა ბულინგს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ვანის მუნიციპალიტეტის მერიის სხდომათა დარბაზში შეიკრიბნენ ადგილობრივი რეფერირების სუბიექტები: საკრებულოს გენდერული თანასწორობის საბჭოს წევრები, ადგილობრივი თვითმმართველობის, პოლიციის და საგანმანათლებლო რესურსცენტრის წარმომადგენლები, სკოლის პედაგოგები, სამედიცინო პერსონალი.
შეხვედრაზე გაკეთდა პრეზენტაცია „ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურები (ეროვნული რეფერალური მექანიზმი)“.
საუბარი შეეხო მნიშვნელოვან საკითხებს: მუნიციპალიტეტის მასშტაბით არსებული სტატისტიკა შემაკავებელი ორდერების, პრობლემების იდენტიფიკაციის და მსხვერპლის დახმარების კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრი ახალ ეტაპზე გადავიდა. განახლდა გუნდი. დაიდგა ახალი სცენები, სადაც ყველა მსახიობი მთავარ როლს ასრულებს.
ფორუმ-თეატრის ბოლო ორი გამოსვლა განსაკუთრებული იყო. ერთი ქალთა ფონდი „სოხუმის“ ეზოში გაიმართა, დონორი ორგანიზაციის - USAID-ის წარმომადგენლების წინაშე. ჩატარდა ხუთი სცენა. ახალგაზრდა მსახიობების გამოსვლამ მაღალი შეფასება მიიღო. ფორუმ-თეატრის გუნდი USAID-ის დაფინანსებული პროექტის ფარგლებში სხვადასხვა რეგიონში ახალგაზრდებს აცნობს ფორუმ-თეატრის სპეციფიკას და აყალიბებს ახალ გუნდებს.
მეორე გამოსვლა ფორუმ-თეატრს ჰქონდა გეგუთის #14 პენიტენციურ დაწესებულებაში. მსჯავრდებულები აქტიურად ჩაერთნენ დისკუსიაში. დაწესებულების ხელმძღვანელმა პირებმა, სოციალურმა მუშაკმა და ფსიქოლოგმა ფორუმ-თეატრის წარმოდგენებს აქტუალური და მნიშვნელოვანი აქტივობა უწოდეს.