მრგვალი მაგიდები (54)
მრგვალი მაგიდა – შეხვედრები, შეკრებები გარკვეული პრობლემების განხილვისა და ადვოკატირებისათვის. მრგვალი მაგიდა საინფორმაციო-პროპაგანდისტულ როლსაც ასრულებს და კონკრეტული გადაწყვეტილებების შემუშავებას ემსახურება.
ფონდი „სოხუმის“ ორგანიზებით მრგვალი მაგიდა გაიმართა თემაზე „ოჯახური ძალადობის შემთხვევებზე რეაგირება და ძალადობის პრევენცია - საგანმანათლებლო სფეროს როლი და პრაქტიკა.“ შეხვედრას ესწრებოდნენ პედაგოგები და სკოლის დირექტორები ქუთაისის, წყალტუბოს, თერჯოლის, ზუგდიდის, წალენჯიხის, ლეჩხუმის, ცაგერის, ხონის, სამტრედიის მუნიციპალიტეტებიდან.
მონაწილეებმა მოისმინეს ფონდი „სოხუმის“ კვლევის შედეგები, რის შემდეგაც აუდიტორია დისკუსიის ფორმატზე გადაერთო. მონაწილეებმა საკუთარი პოზიციები გააჟღერეს: როგორ რეაგირებს სკოლა ძალადობის პრობლემაზე, როგორია არსებული პრაქტიკა და გამოცდილება, რა კეთდება უსაფრთხო სკოლის მოდელის შესაქმნელად, გადამზადების კუთხით რამდენად საჭიროა საგანმანათლებლო ტრენინგები. გამომსვლელებმა კოვიდპანდემიით შექმნილ პრობლემებზეც გაამახვილეს ყურადღება.
- სკოლა, მშობელი და საზოგადოება არასამთავრობო სექტორთან თანამშრომლობით შეძლებს არსებული გამოწვევების დაძლევას, - ასეთი იყო მონაწილეთა საერთო განწყობა.
სენაკის საკრებულოს სხდომათა დარბაზში ფონდმა ,,სოხუმმა“ ჩაატარა მრგვალი მაგიდა თემაზე „ძალადობის პრევენცია და მსხვერპლის დაცვა - სოციალური თანამშრომლობა და რეფერირება“.
შეხვედრას ესწრებოდნენ საკრებულოს გენდერული თანასწორობის საბჭოს წევრები და შინაგან საქმეთა სამინისტროს წარმომადგენლები. მონაწილეებმა სენაკის მუნიციპალიტეტის მაგალითზე ისაუბრეს მსხვერპლის დაცვის კუთხით არსებულ სიტუაციაზე და განსაზღვრეს სოციალური თანამშრომლობის პერსპექტივები. მათ გამოსვლებში არაერთხელ გაჟღერდა, რომ დღემდე გამოწვევად რჩება რეფერალურ სუბიექტებს შორის თანამშრომლობის და კოორდინაციის დაბალი ხარისხი.
ფონდი „სოხუმის“ ორგანიზებით თერჯოლის მუნიციპალიტეტის საკრებულოში მრგვალი მაგიდა გაიმართა რეფერალური სუბიექტების მონაწილეობით. მონაწილეებმა იმსჯელეს იმაზე, რამდენად ეფექტიანია ძალადობის მსხვერპლთა დახმარების კუთხით არსებული სერვისები, რა მიმართულებით უნდა გაძლიერდეს რეფერირების სუბიექტების მუშაობა.
მონაწილეთა გამოსვლებში არაერთხელ გაჟღერდა, რომ დღემდე გამოწვევად რჩება თანამშრომლობის და კოორდინაციის დაბალი ხარისხი რეფერალურ სუბიექტებს შორის.
შეხვედრას ესწრებოდნენ რეფერირების ადგილობრივი სუბიექტები: ადგილობრივი თვითმმართველობის საკანონმდებლო და აღმასრულებელი ხელისუფლების პირველი პირები და სხვადასხვა სამსახურის წარმომადგენლები, კრიმინალური პოლიციის თანამშრომლები, სკოლის პედაგოგები და სამედიცინო სფეროს წარმომადგენლები.
წყალტუბოს მუნიციპალიტის საკრებულოში ფონდმა „სოხუმმა“ მოაწყო მრგვალი მაგიდა თემაზე „რეფერალური სუბიექტების გაძლიერება ძალადობის პრევენციისა და მსხვერპლთა დახმარების საქმეში.“
შეხვედრას ესწრებოდნენ რეფერირების ადგილობრივი სუბიექტები: კრიმინალური და საპატრულო პოლიციის თანამშრომლები, სკოლის დირექტორები, პედაგოგები, ექიმები, სოციალური მომსახურების სააგენტოს და ადგილობრივი თვითმმართველობის წარმომადგენლები.
ჯგუფური მუშაობით განისაზღვრა მსხვერპლთა დახმარების კუთხით არსებული რესურსები, გამოწვევები, სამომავლო პერსპექტივები და შეიქმნა ერთობლივი, კოორდინირებული მუშაობის ერთიანი სტრატეგია ძალადობის პრევენციისა და მსხვერპლთა დახმარების კუთხით.
ფონდი „სოხუმის“ ორგანიზებით ხონის მუნიციპალიტეტის საკრებულოში მრგვალი მაგიდა გაიმართა რეფერალური სუბიექტების მონაწილეობით. მონაწილეებმა იმსჯელეს იმაზე, რამდენად ეფექტიანია ძალადობის მსხვერპლთა დახმარების კუთხით არსებული სერვისები, რა მიმართულებით უნდა გაძლიერდეს რეფერირების სუბიექტების მუშაობა.
მონაწილეთა გამოსვლებში არაერთხელ გაჟღერდა, რომ დღემდე გამოწვევად რჩება თანამშრომლობის და კოორდინაციის დაბალი ხარისხი რეფერალურ სუბიექტებს შორის.
საერთო პოზიციით, აუცილებელია ადგილობრივი თვითმმართველობების გაძლიერება, ახალი ინიციატივების დანერგვა ოჯახში ძალადობის პრევენციისა და მსხვერპლთა დახმარების საქმეში.
პროექტის „GREWS - კონფლიქტის ადრეული გაფრთხილების გენდერულად ორიენტირებული სისტემის“ ფარგლებში სოფელ ფახულანში (წალენჯიხის მუნიციპალიტეტი) მრგვალი მაგიდა გაიმართა თემაზე: „ოჯახში ძალადობის მსხვერპლთა მხარდაჭერის სერვისები და მათი ეფექტიანობა“. მონაწილეებმა მიიღეს ინფორმაციები არსებულ სერვისებზე. დისკუსიისას იმსჯელეს, რამდენად ეფექტიანია არსებული სერვისები, რა ტიპის დახმარებები უნდა დაინერგოს, რომ მსხვერპლმა უსაფრთხოდ და დაცულად იგრძნოს თავი.
მონაწილეებმა ინფორმაციის დეფიციტზეც ისაუბრეს, მათი მოსაზრებით, სოფლებში მოსახლეობა უფრო მეტად იყოს ინფორმირებული არსებულ სერვისებზე, რათა საჭიროების დროს შეძლონ მათი გამოყენება.
-რამდენად არის ინფორმირებული საზოგადოება მსხვერპლთა მხარდაჭერის სერვისებზე, ძალადობის შემთხვევაში ვის უფრო მეტად მიმართავს, არსებული სერვისები რამდენად პასუხობს მსხვერპლის საჭიროებებს - ამ საკითხებზე გაიმართა მსჯელობა წყალტუბოში, მრგვალი მაგიდის ფორმატით გამართულ შეხვედრაზე. მონაწილეები გაეცნენ ფონდი „სოხუმის“ მიერ ძალადობის თემაზე ჩატარებული მონიტორინგის შედეგებს.
მრგვალი მაგიდა ჩატარდა ფონდი „სოხუმის“ პროექტის „გენდერზე ორიენტირებული კონფლიქტების ადრეული გაფრთხილების სისტემის“ ფარგლებში.
ფონდი „სოხუმის“ ოფისში ქუთაისის ქალთა საინიციატივო ჯგუფის ინიცირებული მრგვალი მაგიდა გაიმართა თემაზე: „მსხვერპლთა დახმარების სერვისები და მათი ეფექტიანობა.“
- რამდენად ინფორმირებულია მოსახლეობა არსებულ სერვისებზე, ვის მიმართავენ დახმარების მისაღებად, რა მექანიზმების დანერგვა იქნებოდა უფრო ეფექტიანი - ამ საკითხებზე გაკეთდა ფოკუსი დისკუსიისას.
მონაწილეებს მიეწოდათ ინფორმაცია ფონდი „სოხუმის“ მიერ ძალადობის თემაზე ჩატარებული მონიტორინგის შესახებ. შეხვედრაზე მოწვეულნი იყვნენ შსს-ს წარმომადგენლები, თავშესაფრის იურისტი, რომლებმაც მონაწილეებს გააცნეს სერვისების სტრუქტურა და გამოყენების გზები.
ფონდი „სოხუმის“ ქალთა საინიციატივო ჯგუფის მიერ სოფელ კოკში (ზუგდიდის მუნიციპალიტეტი) მრგვალი მაგიდა გაიმართა. მონაწილეებმა მოისმინეს ფონდი „სოხუმის“ მიერ ძალადობის თემაზე ჩატარებული გამოკითხვის შედეგები. იმსჯელეს, რამდენად მაღალია მოსახლეობის ინფორმირება ძალადობის მსხვერპლთა დახმარების სერვისებზე და როგორია ხელმისაწვდომობა.
შეხვედრაზე დაფიქსირდა, რომ ოჯახში ძალადობის პრობლემა კონფლიქტის გამყოფ ხაზთან განსაკუთრებით აქტუალურია. მნიშვნელოვანია ამ ზონაში მდებარე სოფლებში მსხვერპლთა საჭიროებების შესწავლა და შესაბამისი სახელმწიფო პროგრამების არსებობა.
შეხვედრა ჩატარდა პროექტის „GREWS - კონფლიქტის ადრეული გაფრთხილების გენდერულად ორიენტირებული სისტემის“ ფარგლებში.
ფონდი „სოხუმის“ ქალთა საინიციატივო ჯგუფის წევრებმა მრგვალი მაგიდის ფორმატით მოსახლეობასთან შეხვედრები ჩაატარეს. პირველი შეხვედრა სოფელ ხურჩის თემში (ზუგდიდის მუნიციპალიტეტი) გაიმართა. მონაწილეები გაეცნენ ოჯახში ძალადობის თემაზე ჩატარებული მონიტორინგის პირველად მონაცემებს.
- რამდენად აქტუალურია ძალადობის პრობლემა კონფლიქტის გამყოფ ხაზთან მდებარე სოფელში, რა სახის ინფორმაციებს ფლობს მოსახლეობა და ვის მიმართავს ძალადობის შემთხვევაში - დისკუსია, ძირითადად, ამ საკითხებზე გაიმართა.
მონაწილეთა მხრიდან დასახელდა, რომ არაინფორმირებულობა, ტერიტორიული სიშორე, ფინანსების სიმცირე სერიოზული შემაფერხებელი ფაქტორებია მიმართვიანობის თვალსაზრისით.