- რა დროც არ უნდა გავიდეს, აფხაზეთიდან იძულებით გადაადგილებული ადამიანებისთვის ყოველთვის მტკივნეული იქნება კონფლიქტზე საუბარი, თუმცა მაინც საჭიროა ლაპარაკი.
- სამწუხაროდ, დღესაც ხდება საქართველოს საზღვრების გადაწევა, დღესაც იტაცებენ ადამიანებს საკუთარი ტერიტორიებიდან.
- საშინელებაა, როცა ახ;ობლების საფლავებს შორიდან უყურებ.
- ჩვენ არ გვინდა ომით დაბრუნებული აფხაზეთი.
- ბევრმა არც იცის ჟენევის მოლაპარაკებების ფორმატის შესახებ.
- ყველა სოციალური დახმარება გაიზარდა და დევნილის შემწეობა წლებია, ერთსა და იმავე ნიშნულზე დგას.
- რამდენი წელი გავიდა და კიდევ არიან ბინით დაუკმაყოფილებელი დევნილები.
ეს ორდღიანი ტრენინგის მონაწილეთა სიტყვებია. აქედანაც ჩანს, რა საკითხებზე იყო აქცენტები და მსჯელობა...
ტრენინგს ესწრებოდნენ პროექტის ასისტენტები და 5 მუნიციპალიტეტის (ქუთაისი, ხონი, წყალტუბო, ზუგდიდი, სენაკი) დევნილ ქალთა საინიციატივო ჯგუფის 50 წევრები.
პროექტი ხორციელდება
გაეროს ქალთა ორგანიზაციის მხარდაჭერით
ნაყოფიერი იყო ქალთა მხარდაჭერის ცენტრების მიერ გამართული შეხვედრები წალენჯიხის, ჩოხატაურის, ბაღდათის, ტყიბულის და სამტრედიის მუნიციპალიტებში.
სამოქალაქო ატივისტებმა, თვითმმართველობების და საზოგადოების სხვადასხვა სპექტრის წარმომადგენლებმა მსხვერპლთა დახმარების ეფექტიან მექანიზმებზე იმსჯელეს.
შეხვედრის მონაწილეებმა საკუთარ პასუხისმგებლობაზე გააკეთეს აქცენტი და ოჯახში ძალადობის პრევენციის ერთიანი მექანიზმის შექმნის აუცილებლობაზე ისაუბრეს. აღინიშნა, რომ დახმარების ერთიანი ჯაჭვი არ უნდა გაწყდეს, მხოლოდ მაშინ ექნება რეაგირებას ეფექტი.
ქალთა მხარდაჭერის ცენტრების მობილიზატორები შეხვედრებს მომავალშიც განაგრძობენ კოორდინაციის გაძლიერების კუთხით.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ოჯახური კონფლიქტები, ძალადობა ქალზე, მსხვერპლთა დაცვის მექანიზმები - ამ საკითხებზე გაიმართა საუბრები ვანის, სენაკის, ქობულეთის, თერჯოლის და ზუგდიდის ქალთა მხარდაჭერის ცენტრებში.
მონაწილეები აღნიშნავდნენ, რომ ოჯახური ძალადობის ფაქტებზე გახსნილობა გაზრდილია, თუმცა, ამავდროულად ჯერ კიდევ სამუშაოა მოსახლეობის ინფორმირების კუთხით, რადგან ბევრმა არ იცის, რა რეაგირება მოახდინოს ძალადობის შემთხვევაში, როგორია მისი პასუხისმგებლობა.
მონაწილეები მიიჩნევენ, რომ მსგავსი შინაარსის შეხვედრები აუცილებელია, რათა ინფორმაციული ვაკუუმი შეივსოს და საზოგადოება მზად იყოს, დაუპირისპირდეს ძალადობას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კომპლექსური ყოველდღიური ფსიქორეაბილიტაციური მუშაობა წარიმართა ქალთა ფონდი „სოხუმის“ სარებილიტაციო ცენტრში. აქ ათი დღის განმავლობაში იმყოფებოდა 8 ბენეფიციარი – ქალები და ბავშვები. ქალებთან აქტიურად მუშაობდნენ სოციალური მუშაკი, იურისტი და ფსიქოლოგი, ბავშვებთან კი პედაგოგი ატარებდა დღის დიდ ნაწილს.
მოკლედ ერთ-ერთი ქალის შესახებ:
ლ., 35 წლის - ფსიქოლოგიური, ფიზიკური, სექსუალური ძალადობის მსხვერპლი. სარეაბილიტაციო ცენტრში ქალთა მხარდაჭერის ერთ-ერთი ცენტრის მობილიზატორის რეკომენდაციით მოხვდა.
„ცუდი განწყობით მოვედი აქ, მძიმე ემოციებით, უიმედობით და დაძაბულობით. 10 წელი ველოდი, რომ ქმარი სასიკეთოდ შეიცვლებოდა, მაგრამ სულ უფრო გაუსაძლისი ხდებოდა ყველაფერი, მერე შემეშინდა ჩემი და შვილების სიცოცხლის გამო - და პოლიციაც გამოვიძახე. ახლა მარტო ვარ ბავშვებთან. სარებილიტაციო ცენტრში ყოფნისას კმაყოფილებას ვგრძნობდი, სიმშვიდეს, პოზიტიურ განწყობას. მივდივარ ბედნიერი, იმედებით და მიზნებით სავსე. მადლობა, ასეთი შესაძლებლობა რომ მომეცით“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
გრძელდება შეხვედრების ციკლი „ოჯახში ძალადობის აღკვეთაში საზოგადოების ჩართულობა“ პარტნიორ მუნიციპალიტეტებში. ფონდი „სოხუმის“ მონიტორინგის ჯგუფისა და ქალთა მხარდაჭერის ცენტრმა მორიგი შეხვედრა ჩოხატაურში ჩაატარეს. ღონისძიებას ესწრებოდნენ მერის წარმომადგენლები ადმინისტრაციულ ერთეულებში, მუნიციპალიტეტის სამსახურების, საზოგადოების სხვადასხვა ჯგუფის წარმომადგენლები.
შედგა დიალოგი ქალთა მიმართ და ოჯახში ძალადობის აღკვეთის და მსხვერპლთა დახმარების საკითხებში თვითმმართველობების როლის გაზრდაზე.
შეხვედრის მონაწილეებმა მიიღეს ინფორმაცია ქალთა ფონდი „სოხუმის“ კვლევებზე: მოძალადის ქცევის ნაადრევ სტადიაზე კორექციის პროგრამების საჭიროება; ქალთა გაძლიერება - ბავშვთა მოვლის სერვისები. წარმოდგენილი იყო ვებგვერდის „ძალადობის მსხვერპლთა სერვისების ციფრული რესურს-ცენტრი“ http://sosfsokhumi.ge/ პრეზენტაცია.
მერის წარმომადგენლებმა ისაუბრეს ოჯახებში ძალადობრივ კონფლიქტებზე, მომავალი თაობების აღზრდაზე და საზოგადოებაში არსებულ გამოწვევებზე.
ჩოხატაურის მუნიციპალიტეტში აქტიურ სტადიაშია ოჯახში ძალადობის საკითხებზე რეაგირების უწყებათაშორისი კომისიის შექმნა, რაც ქალთა ფონდ „სოხუმთან“ პარტნიორობის წარმატებული შედეგია.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ოჯახში ძალადობის აღკვეთაში საზოგადოების ჩართულობა“ - ამ თემაზე საინფორმაციო შეხვედრა გაიმართა სამტრედიაში (ორგანიზატორები: ქალთა ფონდი „სოხუმის“ მონიტორინგის ჯგუფი და სამტრედიის ქალთა მხარდაჭერის ცენტრი). შეხვედრას დაესწრნენ მერის წარმომადგენლები ადმინისტრაციულ ერთეულებში, მუნიციპალიტეტის სამსახურების და საზოგადოების სხვადასხვა ჯგუფის წარმომადგენლები.
შეხვედრაზე ისაუბრეს თვითმმართველობის როლის გაზრდაზე ქალთა მიმართ და ოჯახში ძალადობის აღკვეთის და მსხვერპლთა დახმარების კუთხით. მონაწილეებმა მოისმინეს ინფორმაცია კვლევებზე, რომლების 10 მუნიციპალიტეტში ჩაატარა ქალთა ფონდმა „სოხუმმა“ ძალადობის საკითხებზე, გაეცნენ ვებგვერდს „ძალადობის მსხვერპლთა სერვისების ციფრული რესურსცენტრი“ - http://sosfsokhumi.ge/.
შეხვედრის შემდეგ შეკრებილებს გაუჩნდათ მოტივაცია, უფრო აქტიურად ჩაერთონ ძალადობის პრევენციის და მსხვერპლთა დახმარების საქმეში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ მონიტორინგის ჯგუფის ინიციატივას პირველმა ბაღდათის მუნიციპალიტეტმა დაუჭირა მხარი - ძალადობის საკითხებზე დროული რეაგირების მიზნით მერიაში შეიქმნა ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების, უწყებათაშორისი კომისია.
კომისიას მერის მოადგილე მერაბ ზირაქაძე უხელმძღვანელებს. კომისია ითანამშრომლებს ბაღდათის მუნიციპალიტეტის გენდერული თანასწორობის საკითხებზე მომუშავე მრჩეველთა საბჭოსა და საქართველოს მთავრობის გენდერული თანასწორობის, ქალთა მიმართ ძალადობისა და ოჯახში ძალადობის საკითხზე მომუშავე უწყებათაშორის კომისიასთან; პერიოდულად მიაწვდის მათ ინფორმაციას და რეკომენდაციებს მუნიციპალიტეტის ტერიტორიაზე არსებული მდგომარეობის, ძალადობის აღკვეთის, ძალადობის მსხვერპლთა დაცვისა და დახმარების მიზნით გასატარებელ ღონისძიებათა შესახებ; კოორდინაციას გაუწევს საქართველოს მთავრობის უწყებათაშორის კომისიისა და ბაღდათის მუნიციპალიტეტის გენდერული თანასწორობის საბჭოს მიერ დაგეგმილ ღონისძიებებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„მოქალაქეთა მონაწილეობა ადგილობრივი თვითმმართველობის განხორციელებაში“ –ტრენინგი ხონის ქალთა საინიციატივო ჯგუფის წევრებთან.
სამართლებრივი აქტები,
თვითმმართველობის ფინანსური უზრუნველყოფის პრინციპები ევროპული ქარტიის მიხედვით,
თვითმმართველი ერთეული და მისი უფლებამოსილებები.
ამ და მრავალ სხვა საკითხსზე ისაუბრა იურისტმა Tamuna Fachulia (თამარ ფაჩულიამ).
პროექტი ხორციელდება USAID-ის მხარდაჭერით
ქალთა ფონდი „სოხუმის“ თბილისის ოფისის წარმომადგენელმა - ეკატერინე გამახარიამ მონაწილეობა მიიღო WAVE ქსელის მიერ ორგანიზებულ სამუშაო შეხვედრაში - ვენაში კონფლიქტურ და პოსტკონფლიქტურ ზონებში ძალადობის მსხვერპლი ქალების მხარდასაჭერად ეუთოს მიერ დაფინანსებული ახალი პროექტის დაწყებისთვის. პროექტის მიზანია, შეიმუშაოს ის ინსტრუმენტები, რომლებიც ასახავს ქალთა არასამთავრობო ორგანიზაციების საუკეთესო პრაქტიკებს ომის დროს და ომის შემდეგ გენდერულ ძალადობაზე რეაგირების და პრევენციის საკითხებზე. პროექტის მონაწილეებმა ერთმანეთს გაუზიარეს მოსაზრებები სახელმძღვანელო ინსტრუმენტების მნიშვნელობაზე, განსაზღვრეს მიზანი და პოტენციური სამიზნე აუდიტორია, სტრუქტურა და პრაქტიკები, რომელთაც უნდა შეიცავდეს საბოლოო დოკუმენტი.
პროექტში ჩართულნი არიან WAVE წევრი ორგანიზაციები - სექსუალური ძალადობის მსხვერპლთა კრიზისული ცენტრი (ერევანი, სომხეთი), ქალთა ფონდი „სოხუმი“ (ქუთაისი, საქართველო), გაერთიანებულ ქალთა ფონდი Banja Luka (ბანა ლუკა, ბოსნია და ჰერცეგოვინა) და ცენტრი „ქალთა პერსპექტივები“ (ლვოვი, უკრაინა). დამატებითი ინფორმაცია პროექტის შესახებ შეგიძლიათ იხილოთ შემდეგ ბმულზე - https://wave-network.org/new-project-supporting-women-survivors-of-violence-in-conflict-and-post-conflict-areas/
ეკატერინე გამახარია დაესწრო WAVE-ის მრჩეველთა საბჭოს წევრების სხდომის ბოლო სესიას (11 მაისი), სადაც მას შესაძლებლობა ჰქონდა, გაეზიარებინა თავისი იდეები იმის შესახებ, თუ როგორ განახორციელონ WAVE-ის პროექტები და ქსელის წევრ ორგანიზაციებში დაგროვილი ფართო ექსპერტიზა გახადონ უფრო ხელმისაწვდომი და მომგებიანი ქალთა ორგანიზაციებისათვის.
ტყიბულში ჩატარდა ფონდი „სოხუმის“ მონიტორინგის ჯგუფისა და ქალთა მხარდაჭერის ცენტრის მიერ ორგანიზებული შეხვედრა, რომელსაც მუნიციპალიტეტის სამსახურების და საზოგადოების სხვადასხვა ჯგუფის წარმომადგენლები დაესწრნენ.
შეხვედრების ციკლი „ოჯახში ძალადობის აღკვეთაში საზოგადოების ჩართულობა“ პარტნიორ მუნიციპალიტეტებში ქალთა მიმართ და ოჯახში ძალადობის აღკვეთისა და მსხვერპლთა დახმარების საკითხებში თვითმმართველობების როლის გაზრდას ისახავს მიზნად.
შეხვედრაზე წარმოდგენილი იყო ქალთა ფონდი „სოხუმის“ მიერ ჩატარებული კვლევების მიგნებები: მოძალადის ქცევის ნაადრევ სტადიაზე კორექციის პროგრამების რეალიზაციის საჭიროება; ქალთა გაძლიერება - ბავშვთა მოვლის სერვისები. გაკეთდა ძალადობის მსხვერპლთა სერვისების ციფრული რესურს-ცენტრის პრეზენტაცია (http://sosfsokhumi.ge/).
უშუალო დიალოგის დროს ითქვა, რომ საზოგადოებამ უნდა იფიქროს, რა ღონისძიებებით დაუპირისპირდეს ძალადობას. მნიშვნელოვნად იქნა მიჩნეული ქალთა ეკონომიკური გაძლიერების პროგრამები. პოზიტიური შეფასება მიეცა სოციალური მუშაობის დეცენტრალიზაციას, რისი შედეგიც იყო ბავშვთა უფლებების განყოფილება. მუნიციპალიტეტში რეორგანიზაციის შედეგად მოხდა მისი სამსახურად ჩამოყალიბება, რაც თვალსაჩინოს ხდის მოცემული რგოლის მნიშვნელობას ოჯახების გაძლიერების საკითხში.
აღინიშნა, რომ ქალთა ფონდი „სოხუმისა“ და ტყიბულის მუნიციპალიტეტის თანამშრომლობა პოზიტიური დინამიკით მიმდინარეობს, გამოიკვეთა სამომავლო პარტნიორობის კონტურები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)