გენდერული ძალადობა, ძალადობა ოჯახში - ეს საკითხები არ კარგავს აქტუალობას. ერთი ტრენინგი ამიტომაც მიეძღვნა ამ თემებს.
პროგრამა მოიცავდა თეორიულ მასალას, პრაქტიკულ სავარჯიშოებს, ანიმაციური ფილმის ჩვენებას. მონაწილეებს შესაძლებლობა ჰქონდათ, ჯგუფებში ემსჯელათ საზოგადოების როლსა და მიდგომებზე, ქალთა სოლიდარობაზე და სახელმწიფო სტრუქტურების ხარვეზებზე ძალადობის პრევენციის და აღმოფხვრისთვის მუშაობის კუთხით.
მონაწილეები - ქუთაისის, წყალტუბოს, ხონის, სენაკის და ზუგდიდის დევნილ ქალთა საინიციატივო ჯგუფების წევრები - აქტიურად ჩაერთნენ სატრენინგო პროცესში.
აღინიშნა, რომ არასამთავრობო სექტორის მუშაობა თვალსაჩინოა და აისახება ქალთა ინფორმირებულობასა და უნარ-ჩვევების განვითარებაზე.
პროექტი ხორციელდება გაეროს
ქალთა ორგანიზაციის მხარდაჭერით
„მტკიცებულებებზე დაფუძნებული ადვოკატირების პრაქტიკა GREWS სისტემის გამოყენებით“- ამ თემაზე 18-19 ივნისს ქობულეთში ქალთა მხარდაჭერის ცენტრების მობილიზატორებისთვის ტრენინგი ჩატარდა.
მონაწილეები გაეცნენ გენდერზე ორიენტირებული სისტემის (GREWS) მნიშვნელობას და შესაძლებლობებს; ჯგუფური სავარჯიშოების და იმიტირებული სცენების მეშვეობით წარმატებული და წარუმატებელი ქეისები გააანალიზეს; ადვოკატირების სტრატეგიულ ნაბიჯებზე ისაუბრეს; ერთმანეთს გაუზიარეს ძალადობის შემთხვევებზე რეაგირების კუთხით მიღებული შედეგები; დააფიქსირეს გამოწვევები და სამომავლო სტრატეგიებზე გააკეთეს აქცენტი.
უკუკავშირიდან:
„ჩემთვის ეს ტრენინგი მნიშვნელოვანი იყო, დამეხმარება მეტი შედეგის მიღწევაში.“
„ერთმანეთის მუშაობის სტილს და მეთოდებს გავეცანით, შევაფასეთ არსებული სიტუაცია.“
„მიგვაქვს სიახლეები და ერთმანეთის გამოცდილება, რასაც ადგილებზე დავნერგავთ.“
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
1ვანის საკრებულოში ქალთა ფონდი „სოხუმის“ ადვოკატირების ჯგუფმა ჩაატარა საინფორმაციო შეხვედრა, რომელსაც ესწრებოდნენ მუნიციპალიტეტში მცხოვრები ქალები, სკოლის პედაგოგები, სოციალური მუშაკი და მერიის ბავშვთა განყოფილების თანამშრომლები.
შეხვედრა დაეთმო ქალთა მიმართ და ოჯახში ძალადობის აღკვეთისა და მსხვერპლთა დახმარების საკითხებს. მონაწილეებმა მიიღეს ინფორმაცია კვლევაზე, რომელიც ჩატარდა ვანის მუნიციპალიტეტში და ეხებოდა ქალთა დასაქმების ხელშეწყობის საკითხს, თუ რა სერვისები არსებობს ბავშვთა მოვლის კუთხით და რა საჭიროებს დახვეწას. მონაწილეები ასევე გაეცნენ ადრეულ ეტაპზე მოძალადის ქცევის კორექციის მნიშვნელობას და არსებულ საუკეთესო გამოცდილებას.
მონაწილეთა მხრიდან დაფიქსირდა, რომ მსგავსი კვლევები მნიშვნელოვანია ამ საკითხების ადვოკატირებისათვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ეს მაცაცო ხახუბიაა, სენაკიდან.
ის ამბობს, რომ ნებისმიერი ადამიანი თავად ქმნის საკუთარი წარმატების ფორმულას. ეს ფორმულა ზუსტად იმდენივეა რამდენი წარმატებული ადამიანიც არსებობს. მისი წარმატებაც თავად შექმნა, თავად დაწერა მთელი განვლილი ცხოვრებით.
აინტერესებს ყველაფერი, რაც მის ირგვლივ და იმის იქითაც ხდება. ყოველთვის აქვს ერთი მიზანი: შეცვალოს ცხოვრება, შეცვალოს უკესობისკენ, სანამ შეუძლია!
ის ამბობს, რომ ყველას შეუძლია გახდეს წარმატებული. ამისთვის კი მთავარია ადამიანებმა დატოვონ კომფორტის ზონა და გაიარონ ის გზა, რომელიც წარმატებამდე მიიყვანს.
„ცხოვრება ველოსიპედით სიარულს ჰგავს. თუ გინდა ბალანსი შეინარჩუნო, არ გაჩერდე, შეცდომაც ძვირფასია, რადგან ის ახალ შესაძლებლობებს გიჩვენებს“.
უყვარს ხელსაქმე. აკეთებს ყელსაბამებს, ბროშებს, თექის ფერწერულ სურათებს და სხვა ლამაზ აქსესუარებს. ყველაფერს ამზადებს სიყვარულით, ამიტომაც გამოდის ექსკლუზიური და ორიგინალური. „როცა რამეს ვამზადებ, მთელ სულს ვდებ მასში. თავიდან არც კი მიფიქრია იმაზე, რომ გამეყიდა, უბრალოდ მსიამოვნებდა ეს საქმე.“
ივნისში, ტრადიციულად, 10 მუნიციპალიტეტის ახალგაზრდობის გაძლიერების ცენტრებში გაიმართება ტრენინგები. ამჯერად პირველ ოთხ შეხვედრაზე გიამბობთ: წალენჯიხის, ვანის და ბაღდათის მუნიციპალიტეტების ახალგაზრდებთან მუშაობა ონლაინ წარიმართა, ზუგდიდში კი ცოცხალი, აქტიური, სავარჯიშოებით დატვირთული ტრენინგი ჩატარდა.
ოთხივე შეხვედრის 72 მონაწილე ინტერესით ჩაერთო აქტუალური საკითხების - კონფლიქტის ესკალაცია და გენდერული ძალადობა - განხილვაში. მათი მუმეტესობისთვის „ესკალაცია“ უცხო სიტყვა იყო, თუმცა მაშინვე დაიმახსოვრეს.
გოგონები და ბიჭები მსჯელობდნენ, კამათობდნენ, გამოთქვამდნენ თავიანთ მოსაზრებებს. ტრენინგების შემდეგ კი მათ ე.წ. ინიცირებული ღონისძიებების ჩატარება დაიწყეს თავიანთ სკოლებში - ამით ისინი თანატოლებს უჩვენებენ, რა ისწავლეს, რა იციან და სწორედ ეს არის ახალგაზრდებთან მუშაობის საუკეთესო შედეგი.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
პატარა, თბილი სიუჟეტია - ქართულ სუფრაზე, მეგობრობაზე, თანადგომაზე.
ქალთა ფონდი „სოხუმის“ ერთი განსაკუთრებული დღის ასახვაა. იმ დღის, როცა უკრაინელი ქალები და ბავშვები მივიღეთ ჩვენს ოფისში, ქართული სუფრა გავუშალეთ, ჩვენი ხელით მომზადებული კერძები და სითბო და სიყვარული ვაგრძნობინეთ... ქალებმა რომ დიდი მადლობა გვითხრეს, ცრემლნარევი და გულითადი...
ამ ქალებთან აქტიურად მუშაობს ჩვენი ორგანიზაცია, ეხმარება და ზრუნავს მათზე...
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ძალადობის შემთხვევების განხილვა, კონკრეტული ქეისების გაანალიზება აქტუალობას სძენს სამობილიზაციო შეხვედრებს. ინფორმაციების გაცვლისას ახალი ქეისების იდენტიფიცირებაც ხდება.
აქტივისტი ქალები ქალთა მხარდაჭერის ცენტრების მობილიზატორებთან ერთად ცდილობენ, დაეხმარონ ყველას, ვისაც ჯერ კიდევ არ ჰყოფნის გაბედულება და ძალადობის გავლენის ქვეშ იმყოფება. ეძებენ გზებს მათთან თანამშრომლობის გასაგრძელებლად. ხოლო მათ, ვინც მობილიზატორებს დასახმარებლადმიმართავს, სხვადასხვა სახის სერვისებს სთავაზობენ.
ასეთი შეხვედრები უკვე ჩაატარეს სენაკის, წალენჯიხის, ხურჩის (ზუგდიდის მუნიციპალიტეტი) ქალთა მხარდაჭერის ცენტრებში. იდენტიფიცირებული შემთხვევების საპასუხოდ ფსიქოლოგი სამ ქალთან სისტემატურად მუშაობს. ორი ოჯახი გადამისამართდა ქალთა ფონდი „სოხუმის“ სარეაბილიტაციო ცენტრში, სადაც ქალები რეაბილიტაციას შვილებთან ერთად გაივლიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
რატომ ჩავერთე პროექტში? რა გამოცდილების გაზიარება შემიძლია დევნილი ქალებისა და გოგონებისთვის? რას მივიღებ პროექტში მონაწილეობით?
ამ შეკითხვებზე იძლევიან პასუხს სიუჟეტის გმირი ქალები - ქუთაისის, წყალტუბოს, ხონის, სენაკის და ზუგდიდის დევნილ ქალთა საინიციატივო ჯგუფების ლიდერები. ისინი თავად სვამენ აქცენტებს, თუ რატომ არის მნიშვნელოვანი მათი ჩართვა საპროექტო მუშაობაში. ყურადღებას ამახვილებენ იმაზე, რომ აქტივისტი ქალები დაინტერესებულნი არიან დევნილი გოგონების და ქალების პრობლემების მოგვარებით, მათი საცხოვრებელი პირობების გაუმჯობესებით. ტრენინგები, რომლებიც პროექტის ფარგლებში ტარდება, ხელს შეუწყობს მათი ცოდნის და კომპეტენციის ამაღლებას.
პროექტი ხორციელდება
გაეროს ქალთა ორგანიზაციის მხარდაჭერით
რას მოიაზრებს გაეროს უშიშროების საბჭოს რეზოლუცია 1325? რატომ არის მნიშვნელოვანი ეროვნული სამოქმედო გეგმის ადგილობრივ დონეზე ლოკალიზაცია?
ეს საკითხები განიხილეს ონლაინ ფორმატში ორგანიზებულ ტრენინგზე, რომელსაც ესწრებოდნენ ქუთაისის, წყალტუბოს, ხონის, სენაკის და ზუგდიდის დევნილ ქალთა საინიციატივო ჯგუფების წევრები.
მონაწილეები ჩაუღრმავდნენ რეზოლუციის და სამოქმედო გეგმის შინაარსს. ჯგუფური მუშაობის დროს კი იმსჯელეს იმაზე, ამ მიმართულებით ადგილობრივი მუნიციპალიტეტის დონეზე რა ამოცანები და აქტივობები შეიძლება დაიგეგმოს. ტრენინგის შემდეგ მონაწილეები აქტიურად ჩაერთვებიან ეროვნული სამოქმედო გეგმის ლოკალიზაციის პროცესში.
პროექტი ხორციელდება გაეროს ქალთა ორგანიზაციის
მხარდაჭერით
სენაკის ქალთა საინიციატივო ჯგუფის წევრებთან ტრენინგი გაიმართა „ერთი ფანჯრის“ პრინციპზე, მეთოდოლოგიაზე, გამოყენების შესაძლებლობებსა და პერსპექტივებზე.
მონაწილეებმა პრეზენტაციის მეშვეობით მოისმინეს, რას გულისხმობს „ერთი ფანჯრის პრინციპი“, გაეცნენ ამ მეთოდის უპირატესობებს: ვის რა ინტერესები აქვს ამ პროცესში და რამდენად ეფექტურია პრობლემათა მოსაგვარებლად, რატომ არის ის საინტერესო დევნილებისთვის, სხვადასხვა სტრუქტურისთვის, ვის რა მოტივი ამოძრავებს და ა.შ.
ტრენინგის მსვლელობისას გამოყენებული იყო პრაქტიკული სავარჯიშოები, რამაც უზრუნველყო მონაწილეთა მაქსიმალური ჩართულობა.
დისკუსიამ აჩვენა, რომ მონაწილეები პრაქტიკულად შეძლებენ ამ მეთოდით მუშაობას, აიცილებენ კაბინეტიდან კაბინეტში საბუთებით სიარულს და არ მოუწევთ ხელისუფლების წარმომადგენლებისთვის იმის მტკიცება, რამდენად აქტუალურია მათი პრობლემა.
პროექტი ხორციელდება გაეროს ქალთა ორგანიზაციის
მხარდაჭერით