თერჯოლის მუნიციპალიტეტში ჩატარდა შეხვედრები, რომლებშიც მონაწილეობდნენ სამოქალაქო საზოგადოების ორგანიზაციები: ინვალიდთა ასოციაცია და საქართველოს ა(ა)იპ ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“.
ორივე შეხვედრა იყო ნაყოფიერი, რადგან საუბარი შეეხო სამომავლო გეგმებს, მონიტორინგში მონაწილე სამუშაო ჯგუფებს, მემორანდუმს. კარგი შეფასება მიეცა ტრენინგს, რომელიც ნოემბერში გაიმართა სამოქალაქო საზოგადოების ორგანიზაციების წარმომადგენლებისთვის: „ტრენინგი იყო საინტერესო, დინამიური და დახვეწილი. ყველა ინფორმაცია - საჭირო და გამოსადეგი“.
ახლო ხანებში დაიგეგმა თერჯოლის მერთან შეხვედრა - პროექტის გაცნობის მიზნით.
პროექტი ხორციელდება ევროკავშირის მხარდაჭერით
11დეკემბერს მეწარმე ქალთა ფონდმა ცაგერის მუნიციპალიტეტში მომუშავე პარტნიორ ორგანიზაციებთან „ა/აიპი ქალთა უფლებებისა და გენდერული თანასწორობის ცენტრი“ და „აქტიური მოქალაქე - ანგარიშვალდებული ხელისუფლება“ - პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში ყოველთვიური შეხვედრა ჩაატარა. განხილული იყო ტრენინგების შედეგად მიღებული ინფორმაციები, შემუშავებული დებულება და ურთიერთთანამშრომლობის მემორანდუმი. ორგანიზაციებს გაეწიათ კონსულტაცია პროექტის ფარგლებში.
იმერეთის სამხარეო ადმინისტრაციაში ჩატარდა საკოორდინაციო შეხვედრა იმერეთის სამხარეო ადმინისტრაციის, 12 მუნიციპალიტეტის მერიის სხვადასხვა სამსახურის წარმომადგენლების და გენდერული საბჭოს წევრების მონაწილეობით.
შეხვედრაზე განხილულ იქნა მუნიციპალური გენდერული თანასწორობის საბჭოების მიერ გენდერული პოლიტიკის დანერგვის, და ქალთა მიმართ ოჯახური ძალადობის პრევენციის და მსხვერპლთა დაცვის კუთხით განხორციელებული საქმიანობა. მუნიციპალიტეტის წარმომადგენლებმა ისაუბრეს მიღწევებსა და გამოწვევებზე. განსაკუთრებული ყურადღება გამახვილდა სამხარეო ადმინისტრაციის როლზე მუნიციპალური გენდერული საბჭოების საქმიანობის კოორდინაციის საქმეში. აღინიშნა, რომ სახელმწიფო რწმუნებულის ადმინისტრაცია უნდა გახდეს ხიდი, რომელიც აქტიურ დიალოგს უზრუნველყოფს ადგილობრივ და ცენტრალურ ხელისუფლებას შორის. ასევე ფასილიტაციას გაუწევს იმერეთის მუნიციპალური გენდერული საბჭოების შეხვედრებს და მათ შორის ინფორმაციის გაცვლას.
ხონის მუნიციპალიტეტში ჩატარდა შეხვედრა, რომელშიც მონაწილეობდნენ სამოქალაქო საზოგადოების ორგანიზაციები - ხონის ქალთა კლუბი და ხონის დევნილთა საინიციატივო ჯგუფი.
შეკრებილებმა მოისმინეს ნოემბერში ჩატარებული ტრენინგის უკუკავშირი. აღინიშნა, რომ მათ ბევრი რამ მისცა ტრენინგმა თემაზე „საჯარო მმართველობის რეფორმის საგზაო რუკა და საგზაო რუკის მონიტორინგში სამოქალაქო საზოგადოების ჩართვის შესაძლებლობები“.
შეხვედრაზე განხილულ იქნა დებულება, რომელიც შემდეგ შეხვედრაზე უნდა იყოს მიღებული. გაიმართა საუბარი სამუშაო ჯგუფებზე, მემორანდუმსა და სამომავლო გეგმებზე.
პროექტი ხორციელდება ევროკავშირის მხარდაჭერით
პროექტის პარტნიორთა მორიგი შეხვედრა გაიმართა 12 დეკემბერს ფონდი „სოხუმის“ ოფისში. შეხვედრა დადგენილი დღის წესრიგით წარიმართა.
პარტნიორული ორგანიზაციის ხელმძღვანელებმა ხელი მოაწერეს შემუშავებულ დებულებას „სამოქალაქო საზოგადოების ორგანიზაციის საერთო ფორუმის შესახებ“, ასევე განიხილეს საჯარო მმართველობის რეფორმის საგზაო რუკის განხორციელების მონიტორინგის მექანიზმის სამუშაო ვერსია.
პროექტი „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ დაფინანსებულია ევროკავშირის მიერ.
ტყიბულის მუნიციპალიტეტში ფონდი „სოხუმის“ თანამშრომლები ადგილობრივ სამედიცინო პერსონალს შეხვდნენ. შეხვედრის ინიციატორი იყო ტყიბულის გენდერული თანასწორობის საბჭო, რომელიც ცდილობს ეფექტიანი გენდერული პოლიტიკის დანერგვას და ამიტომაც პროდუქტიულად თანამშრომლობს ფონდ „სოხუმთან“.
შეხვედრაზე გამოიკვეთა მედიცინის მუშაკების მაღალი მოტივაცია ქალთა მიმართ/ოჯახში ძალადობის შემთხვევების იდენტიფიცირების და ადგილობრივ მულტიდისციპლინარულ თანამშრომლობაში მეტი მონაწილეობის კუთხით.
სამტრედიის მერიის სააქტო დარბაზში ადგილობრივი გენდერული თანასწორობის საბჭოსა და მუნიციპალიტეტის სამედიცინო პერსონალისთვის მრგვალი მაგიდის ფორმატის შეხვედრა გაიმართა. შეხვედრაზე კიდევ ერთხელ შედგა საუბარი ქალთა მიმართ/ოჯახში ძალადობის პრობლემაზე, აქცენტით - სამედიცინო პერსონალის ჩართულობა რეფერირების სისტემაში. გამოიკვეთა მედიცინის მუშაკების კვალიფიკაციის ამაღლების, ადგილობრივ მულტიდისციპლინარულ თანამშრომლობაში მეტი მონაწილეობის საკითხი.
ფონდი „სოხუმის“ ორგანიზებით წყალტუბოს მუნიციპალიტეტის მერიის სააქტო დარბაზში ადგილობრივი სამედიცინო პერსონალი, გენდერული თანასწორობის საბჭოს წარმომადგენლები შეიკრიბნენ. შეხვედრის მონაწილეები გაეცნენ ფონდის მიერ წარმოდგენილ პუბლიკაციებს, კვლევის შედეგებს, მოისმინეს იურისტის განმარტებები კანონით გათვალისწინებულ ვალდებულებებზე ქალთა მიმართ და ოჯახში ძალადობის შემთხვევებზე რეაგირებისათვის. დისკუსიებში გამოიკვეთა საინტერესო ინიციატივები სამომავლო თანამშრომლობისათვის, რომლის მიხედვით გენდერული თანასწორობის საბჭო გეგმავს სამედიცინო პერსონალის მონაწილეობის გაზრდას ძალადობის პრევენციის და ადგილობრივი მნიშვნელობის სხვა ღონისძიებებში.
ევროკავშირმა წამოიწყო ახალი ციკლი პრიორიტეტების განახლებული სიით გლობალური მასშტაბითა და რეგიონალურ დონეზე. ასევე გადახედა აღმოსავლური პარტნიორობის 6 ქვეყნის როლს. ძირითად პრობლემებს წარმოადგენს: კორუფციის მაღალი დონე, კანონის უზენაესობის არარსებობა, ეკონომიკის ცუდი მდგომარეობა, უსაფრთხოებისა და გამჭვირვალობის საკითხები. ეს და მრავალი სხვა საკითხი იქნება განხილული აღმოსავლეთ პარტნიორობის სამოქალაქო საზოგადოების ფორუმის რიგით მე-11 ყოველწლიურ ასამბლეაზე. ფორუმს ესწრება ფონდი „სოხუმის“ თავმჯდომარე ალლა გამახარია. ფორუმი ტარდება ბრიუსელში (ბელგია) 4-დან 6 დეკემბრამდე.
22 ნოემბერს სახალხო დამცველის ქუთაისის ოფისში გაიმართა სამოქალაქო საზოგადოების ორგანიზაციების (სსო) ფორუმის პირველი შეხვედრა და ტრენინგი თემაზე „საჯარო მმართველობის რეფორმის საგზაო რუკა და საგზაო რუკის მონიტორინგში სამოქალაქო საზოგადოების ჩართვის შესაძლებლობები“, რომელშიც მონაწილეობდნენ ფორუმის წევრი 16 ორგანიზაციის წარმომადგენლები გურიიდან, იმერეთიდან და რაჭა-ლეჩხუმიდან.
სამოქალაქო საზოგადოების ორგანიზაციების ფორუმის 44 წევრმა მიიღო ინფორმაცია პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგისათვის“ მიზნებზე, ამოცანებსა და აქტივობებზე.
ფორუმის ყველა წევრი მზადაა, ითანამშრომლოს პროექტის ფარგლებში და თავისი წვლილი შეიტანოს საგზაო რუკის მონიტორინგში რეფორმის განხორციელების გაუმჯობესებისათვის ადგილობრივ დონეზე.
პროექტის დირექტორმა ალლა გამახარიამ შეაჯამა ფორუმის პირველი შეხვედრისა და ტრენინგის შედეგები: „დღეს საკმაოდ მნიშვნელოვანი პირველი ნაბიჯი გადაიდგა პროექტისთვის. ჩვენ აქ შევკრიბეთ სამოქალაქო საზოგადოების სხვადასხვა ორგანიზაცია პროექტის სამიზნე რეგიონებიდან. დღევანდელი მუშაობის მთავარ შედეგად შეიძლება მივიჩნიოთ ის, რომ ფორუმის წევრები ინფორმირებულები არიან, რამდენად მნიშვნელოვანია რეფორმა მათი მუშაობისთვის და საერთოდ საზოგადოებისთვის. ჩვენ მოუთმენლად ველოდებით ახალ ტრენინგებს და საპროექტო აქტივობებს ჩვენს სამიზნე რვა მუნიციპალიტეტში“.
პროექტი ხორციელდება ევროკავშირის მხარდაჭერით