- როგორია ადგილობრივი თვითმმართველობის გენდერული პოლიტიკა, მუნიციპალური პროგრამები რამდენად უწყობს ხელს ძალადობის პრევენციას, რა პროგრამები არსებობს ოჯახში ძალადობის მსხვერპლის მხარდასაჭერად. რა ფორმით ხდება კოორდინაცია რეფერირების სხვა სუბიექტებთან - ამ და სხვა საკითხებზე ჩატარდა გამოკითხვა ხონის, სამტრედიის, ლანჩხუთის, სენაკის მუნიციპალიტეტებში.
ფოკუს-ჯგუფისა და ჩაღრმავებული ინტერვიუს ფორმატით სულ 16 ადამიანი გამოიკითხა. კვლევა ჩატარდა კანონის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგის ფარგლებში.
20-21 ივნისს გამყოფი ხაზის მიმდებარე სოფლებში - ფახულანსა (წალენჯიხის მუნიციპალიტეტი) და ხურჩაში (ზუგდიდის მუნიციპალიტეტი) საინფორმაციო შეხვედრები გაიმართა ინციდენტების პრევენციისა და მათზე რეაგირების მექანიზმის მონაწილეებსა და სამოქალაქო საზოგადოების წარმომადგენლებს შორის. შეხვედრებში მონაწილეობდნენ შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და სახელმწიფო უსაფრთხოების სამსახურის წარმომადგენლები, ადგილობრივი არასამთავრობო ორგანიზაციები, ევროკავშირის სადამკვირვებლო მისია, გაეროს ქალთა ორგანიზაცია, დევნილი და კონფლიქტის შედეგად დაზარალებული მოსახლეობა, ადგილობრივი სახელისუფლებო სტრუქტურების წარმომადგენლები.
შეხვედრების ორგანიზება მოხდა ფონდი „სოხუმის“ მონაწილეობით.
რა გამოწვევების წინაშე დგას ადგილობრივი მოსახლეობა, როგორ შეიძლება ინციდენტების პრევენციისა და მათზე რეაგირების მექანიზმის გამოყენება, რამდენად მნიშვნელოვანია დიალოგი ადგილობრივ სამოქალაქო აქტორებსა და ხელისუფლებას შორის - შეხვედრებზე არაერთი აქტუალური საკითხი იქნა განხილული.
ფონდ „სოხუმში“ ხორციელდება პარტნიორული პროექტი „ოჯახში ძალადობის პრევენციის, მსხვერპლის მხარდაჭერის და მოძალადესთან თერაპიული მუშაობის სისტემის გაძლიერება“ - პოლონეთის ორგანიზაციის HumanDoc foundation-ის მხარდაჭერით.
მაისში დაიწყო პროფესიული კურსები სამი მიმართულებით: პოლიმერული თიხის ნაკეთობების დამზადება, ჭრა-კერვის და საბუღალტრო აღრიცხვის სწავლება. ქალები და გოგონები ეუფლებიან ახალ პროფესიებს, რაც მომავალში დაეხმარება მათ ოჯახის ეკონომიკური მდგომარეობის გაუმჯობესებაში.
- როგორია ადგილობრივი თვითმმართველობის როლი ძალადობის პრევენციაში, რა პროგრამები მუშაობს მსხვერპლთა მხარდასაჭერად - ამ საკითხებზე გაიმართა ფოკუს-ჯგუფები და ჩაღრმავებული ინტერვიუები ქუთაისის, თერჯოლის, წყალტუბოსა და ოზურგეთის მუნიციპალიტეტის წარმომადგენლებთან.
შეხვედრების მიზანია კანონის „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ მონიტორინგი.
როგორც მოსალოდნელი იყო, ადგილობრივი თვითმმართველობა ჯერ კიდევ ვერ უწევს ქმედით დახმარებას ძალადობის მსხვერპლს.
წყალტუბოს მუნიციპალიტეტის მერიაში შემაჯამებელი შეხვედრა გაიმართა პროექტის „რეგიონული და ადგილობრივი ადმინისტრაციების შესაძლებლობების გაძლიერება გაეროს უშიშროების საბჭოს რეზოლუცია 1325 ეროვნული სამოქმედო გეგმის ადგილობრივ დონეზე ლოკალიზაციის პროცესში და ამ პროცესებში დიალოგის აქტივიზაცია და ქალთა მონაწილეობის გაძლიერება“ ფარგლებში. შეხვედრას ესწრებოდნენ წყალტუბოს, ზუგდიდისა და წალენჯიხის თვითმმართველობის წარმომადგენლები.
სამუშაო ჯგუფების წევრებმა ერთმანეთს გაუზიარეს გამოცდილება, არსებული მიღწევები და გამოწვევები, იმსჯელეს სამომავლო სტრატეგიებზე.
მაისში საინფორმაციო შეხვედრები გაიმართა პედაგოგებთან და სამედიცინო სფეროს წარმომადგენლებთან თერჯოლის, წყალტუბოს, ხონის, სამტრედიის, ბაღდათის და ვანის მუნიციპალიტეტებში.
მონაწილეებს მიეწოდათ ინფორმაცია ფონდი „სოხუმის“ ახალ პროექტზე„ოჯახში ძალადობის პრევენციის, მსხვერპლის მხარდაჭერის და მოძალადესთან თერაპიული მუშაობის სისტემის გაძლიერება“.
პროექტის ფარგლებში ფონდი „სოხუმი“ ქალთა მიმართ და ოჯახში ძალადობის გამოვლენის, მასზე რეაგირების და რეფერირების საკითხებზე მოამზადებს 50 პედაგოგს, 40 სამედიცინო მუშაკს და 50 პოლიციელს.
პედაგოგებმა და სამედიცინო სფეროს წარმომადგენლებმა შეავსეს ტრენინგის მონაწილის შესარჩევი ანკეტები და გამოხატეს მზადყოფნა თანამშრომლობისთვის.
ფონდ „სოხუმში“ ხორციელდება პარტნიორული პროექტი „ოჯახში ძალადობის პრევენციის, მსხვერპლის მხარდაჭერის და მოძალადესთან თერაპიული მუშაობის სისტემის გაძლიერება“ - პოლონეთის ორგანიზაციის HumanDoc foundation-ის მხარდაჭერით.
მაისში დაიწყო პროფესიული კურსები სამი მიმართულებით: პოლიმერული თიხის ნაკეთობების დამზადება, ჭრა-კერვის და საბუღალტრო აღრიცხვის სწავლება. ქალები და გოგონები ეუფლებიან ახალ პროფესიებს, რაც მომავალში დაეხმარება მათ ოჯახის ეკონომიკური მდგომარეობის გაუმჯობესებაში.
წალენჯიხის მუნიციპალიტეტში გაეროს რეზოლუცია 1325-ის ლოკალიზაციის სამუშაო ჯგუფმა საინფორმაციო შეხვედრები დაასრულა. სამიზნე ჯგუფებს წარმოადგენდნენ: დევნილი ქალები და გოგონები, ახალგაზრდები, კონფლიქტით დაზარალებული მოქალაქეები. წალენჯიხის გარდა, შეხვედრების ციკლი გაიმართა სოფლებში: ლია, ჯგალი, ფახულანი, წყოუში.
მონაწილეებმა მიიღეს ინფორმაცია პროექტზე, რომელიც ემსახურება სამიზნე ჯგუფის საჭიროებების გამოვლენას და მათზე დაფუძნებული ინიციატივების ადვოკატირებას; ისაუბრეს საკუთარ პრობლემებზე.
სამუშაო ჯგუფის ინიციატივით განხორციელდა შემეცნებითი, სპორტული და კულტურული ღონისძიებები ახალგაზრდებისათვის, რომელიც მათ ინფორმირებას და სოციალურ ინტეგრაციას შეუწყობს ხელს. საინტერესოდ წარიმართა დიალოგი თვითმმართველობასთან, შეხვედრები პრობლემათა ადვოკატირების მიზნით.
14-17 მაისს ფონდი „სოხუმის“ თბილისის ოფისის წარმომადგენელმა, ეკატერინე გამახარიამ მონაწილეობა მიიღო ევროპისა და ევრაზიის რეგიონში პროექტების განმახორციელებელთა შეხვედრაში, რომელიც ჩატარდა სარაევოში, ბოსნიასა და ჰერცეგოვინაში. სამუშაო შეხვედრას ორგანიზება გაუწიეს და ჩაატარეს აშშ-ის სახელმწიფო დეპარტამენტის, Vital Voice-ის გლობალური პარტნიორობის და GuideHouse წარმომადგენლებმა. აშშ-ს სახელმწიფო დეპარტამენტის ხელშეწყობით განხორციელებული პროექტების შემსრულებელმა, სხვადასხვა ქვეყნის პარტნიორებმა ერთმანეთს გაუზიარეს სამუშაო გამოცდილება, მიღწევები და გამოწვევები. მათ განიხილეს აქტუალური საკითხები: გენდერული ძალადობის რეგიონალური ტენდენციები - გამოწვევები და შესაძლებლობები პოსტკონფლიქტურ სივრცეში, მარგინალური თემების ეკონომიკური გაძლიერება და ჩართულობის ხელშეწყობა, საპროექტო წინადადებების შემუშავების საუკეთესო პრაქტიკები და ფონდების მოძიების ინოვაციური მიდგომები, ციფრული უსაფრთხოება და პრაქტიკული აპლიკაციები და ა.შ. სამუშაო შეხვედრისას შეიქმნა პარტნიორებთან სოციალიზაციის, ინფორმაციის გაცვლის, სამომავლო თანამშრომლობის დასახვის შესაძლებლობები.