ააიპ-ის ბაღების გაერთიანების თანამშრომლებისთვის ფონდ „სოხუმში“ ჩატარდა ვორკშოპი თემაზე „გენდერი. გენდერული როლები. გენდერული აღზრდა სკოლამდელ დაწესებულებებში“. ვორკშოპმა დააინტერესა მონაწილეები და სამუშაო პროცესში კორექტივების შეტანის მოტივაცია გაუჩინა. სწორედ ამაზეა აგებული ტელეკომპანია „რიონის“ ჟურნალისტების მომზადებული სიუჟეტი.
პროექტი ხორციელდება ჩეხეთის არასამთავრობო ორგანიზაციის
„დამოუკიდებელი სოციალურ-ეკოლოგიური მოძრაობის“ მხარდაჭერით
18 გოგონა შეიკრიბა ქუთაისში, სასტუმრო „იმერში“დასავლეთ საქართველოს სხვადასხვა კუთხიდან (ქუთაისი, წყალტუბო, ხონი, ზუგდიდი, ხობი, გალი, ზუგდიდის მუნიციპალიტეტის სოფლები განმუხური და აბასთუმანი).
უფრო საინტერესოები, მოტივირებულები და კრეატიულები შეარჩია კომისიამ 23 მონაწილიდან - რადგან ასე მოითხოვდა ტრენინგის ფორმატი. გოგონები აქტიურად მუშაობდნენ თემაზე „ქართულ-აფხაზური კონფლიქტის ანალიზი, პოსტკონფლიქტური დარეგულირების გენდერული ასპექტები (კრეატიული მეთოდების ჩართვით)“.
ტრენინგი გაიმართა ერთობლივი ქართულ-აფხაზური პროექტის „ქალთა ხმის გაძლიერება გადაწყვეტილების მიღების დონეზე“ ფარგლებში (დონორი: შვეიცარიის საგარეო საქმეთა ფედერალური დეპარტამენტი).
4 დღის განმავლობაში უამრავ საინტერესო, ნაცნობ თუ უცნობ საკითხს შეეხნენ: ქართულ-აფხაზური კონფლიქტის მიზეზები, დარეგულირების გზები, გაეროს და სხვა საერთაშორისო ორგანიზაციების მისია, ჟენევის მოლაპარაკება, ქალთა ლიდერობა, სამშვიდობო ხედვის შემუშავება...
მონაწილეთა შორის იყვნენ გოგონები კონფლიქტის ზონიდან, რომელთაც ბევრი რამ საინტერესო შესძინეს ტრენინგს და მიიღეს მათთვის მნიშვნელოვანი ინფორმაციები.
ტრენინგზე მუშაობდნენ გამოცდილი მწვრთნელები, ექსპერტები ქართულ-აფხაზური კონფლიქტის საკითხებში - იულია ხარაშვილი, დალი ხომერიკი, ხათუნა გოგუა და ეკა გამახარია. სხვადასხვა ბლოკს დაესწრნენ პროექტის დირექტორი ალლა გამახარია და კოორდინატორი მერი გელაშვილი.
ბოლო ორმა დღემ ახალგაზრდები „მოწყვიტა“ რეალურ სამყაროს და შეაქმნევინა საკუთარი პლანეტები საკუთარი ლექსიკონით, მათ გამონახეს საკუთარი გზები ქართულ-აფხაზური კონფლიქტის დარეგულირებისთვის. ეს იყო ძალიან საინტერესო და განსხვავებული.
ტრენინგი განსაკუთრებული იყო აქტიური დისკუსიებით, ჯგუფური სამუშაოებითა და პრეზენტაციებით, არაფორმალური ურთიერთობებით, თეატრის წარმოდგენაზე დასწრებით. გაუთავებლად შეიძლება დაიწეროს გოგონების ემოციებზე, რომლებიც ტრენინგის ბოლოს გულწრფელად გაუზიარეს ერთმანეთს:
„ტრენინგმა მომცა ცოდნა, ფრთები და ენთუზიაზმი“.
„მივიღე ინფორმაცია კონფლიქტის სტადიების შესახებ, შევიტყვე ქართულ-აფხაზური კონფლიქტის დინამიკა“.
„მივხვდი, რომ ჩემს ფანტაზიასა და იდეებს საზღვარი არ გააჩნია“.
დასასრულს მიუახლოვდა პროექტი, რომელიც 1 მაისიდან დაიწყო ფონდმა „სოხუმმა“ შეზღუდული შესაძლებლობების მქონე პირებთან ძალადობისაგან დაცვის ეროვნულ ქსელთან პარტნიორობით.
24 ივლისს საინფორმაციო შეხვედრა განსხვავებულ ფორმატში ჩატარდა. მოეწყო გასვლითი ღონისძიება დავით კლდიაშვილის სახლ-მუზეუმში - სიმონეთში (თერჯოლის მუნიციპალიტეტი). ეს იყო საინფორმაციო შეხვედრაც, გაკეთებული სამუშაოს შეჯამებაც და ექსკურსიაც...
ბენეფიციარებმა კმაყოფილება გამოთქვეს:
ლიანა კუხიანიძე: - ბევრი რამ გავიგე. მომეწონა თქვენი მუშაობა, ყურადღება... დღევანდელი დღე დიდხანს მემახსოვრება...
რობერტ წერეთელი: - კმაყოფილი ვარ ჩატარებული ტრენინგით, სადაც არასამთავრობო ორგანიზაციის მუშაობის შესახებ გავიგე ინფორმაცია. დავესწარი საკრებულოს სხდომებს, გავიგე ის, რომ ყველა მსურველს შეუძლია იქ დასწრება.
ნატო კუპატაძე: - განსაკუთრებული იყო იურისტისა და ფსიქოლოგის კონსულტაციები, ფონდი „სოხუმის“ თანამშრომლებთან ურთიერთობა. სამწუხაროა, რომ ეს პროექტი მთავრდება...
დემოკრატიული ჩართულობის ცენტრში გამართულ საინფორმაციო შეხვედრას ესწრებოდნენ გაზეთ „ბათუმელების“ და სატელევიზიო არხების „იმედისა“ და „მაესტროს“ ადგილობრივი წარმომადგენლები, რომლებიც ფონდი „სოხუმის“ საქმიანობით დაინტერესდნენ.
ფონდი „სოხუმის“ პროექტის ასისტენტი მათ ესაუბრა გენდერული კუთხით ჩატარებულ კვლევაზე, მის შედეგებზე და ბათუმში გამართულ გენდერული საკონსულტაციო საბჭოების ქსელურ შეხვედრაზე.
ჟურნალისტებთან შეხვედრა ადგილობრივ მედიაში გაშუქდება.
პროექტიხორციელდებააშშ სახელმწიფო დეპარტამენტის მხარდაჭერით
მორიგ სხდომაზე ბათუმის გენდერული საკონსულტაციოს საბჭოს წევრებმა ის საკითხები განიხილეს, რომლებიც, მათი აზრით, თვითმმართველობისთვის წარსადგენ წინადადებათა და რეკომენდაციათა პაკეტში უნდა აისახოს. დაითქვა ვადები - როდის უნდა მოხდეს დოკუმენტის წარდგენა, რათა დაემთხვას წინასაბიუჯეტო პროცესს.
სხდომაზე მოისმინეს ინფორმაცია მიმდინარე პროექტებზე, რომელთაგან ორი აქტიურ ფაზაშია. განხილული იყო ახალი საპროექტო იდეებიც. საბჭო უახლოეს პერიოდში აპირებს კიდევ ერთი პროექტის წარდგენას მერიის საკონკურსო პროგრამაში.
იმსჯელეს მოქალაქეთა სათხოვარზე, რომლებიც სხვადასხვა პრობლემით ხშირად მიმართავენ დახმარებისთვის საბჭოს.
საბჭოს წევრების ინიციატივით, დაიგეგმა ტრენინგი, რომლის მიზანია თვითმმართველობის პერსონალის გენდერული განათლება.
პროექტიხორციელდებააშშ სახელმწიფო დეპარტამენტის მხარდაჭერით
მორიგი საინფორმაციო შეხვედრა ჩოხატაურის ქუჩის მცხოვრებლებთან გაიმართა. ქუჩის 14 ნომერში მცხოვრებლები (მათ შორის ეთნიკური სომხები) ბუნებრივი აირის პრობლემაზე საუბრობენ. 86 წლის ეთერ მგალობლიშვილი ამბობს, რომ შენობიდან რამდენიმე მეტრში არის გაყვანილი ბუნებრივი აირი.
ჩოხატაურის ქუჩის მცხოვრებლებმა ფონდი „სოხუმის“ დახმარებით ქალაქის მერიაში არაერთხელ დასვეს დაზიანებული საწრეტების და ეზოს მოპირკეთების პრობლემა, მაგრამ ეს საკითხები ჯერაც არ არის მოგვარებული.
ფონდი „სოხუმის“ ქალთა მხარდაჭერის ცენტრებში იურისტებმა სხვადასხვა თემაზე ჩაატარეს საინფორმაციო შეხვედრები. ქუთაისში მთავარი თემა იყო საქართველოს კანონი შეზღუდული შესაძლებლობის მქონე პირთა დაცვის შესახებ და ქუთაისის მუნიციპალიტეტის 2015 წლის ბიუჯეტში გათვალისწინებული შშმ პირთა პროგრამები და პრიორიტეტები.
ქორწინება და მასთან დაკავშირებული საკითხები განიხილეს სენაკში. წყალტუბოში ადმინისტრაციულ კოდექსზე ისაუბრეს. მიწით სარგებლობის სამართლებრივ საკითხებს შეეხნენ ხურჩის ქალთა მხარდაჭერის ცენტრში, ფოთში ქალები დაინტერესდნენ ანდერძის პირობებით, ხონის ქალთა მხარდაჭერის ცენტრში კი იურისტის საინფორმაციო შეხვედრა მიეძღვნა ქალტა მიმართ ძალადობის თემას.
ასევე გაიცა ინდივიდუალური კონსულტაციები (მაგ. მარტოხელა მშობლის სტატუსის მისანიჭებელად თუ განქორწინებისთვის საჭირო დოკუმენტები და პროცედურები).
პროექტიხორციელდებაორგანიზაცია Brot für die Welt – Evangelischer
ოზურგეთის გენდერული საკონსულტაციო საბჭოს მორიგ სხდომაზე შეჯამდა გენდერული საკონსულტაციო საბჭოების შეხვედრა, რომელიც ჩატარდა ბათუმში 30 ივნისს და დასრულდა გენდერული საკონსულტაციო საბჭოების ქსელის შექმნით.
ოზურგეთში შეკრებილებმა ისაუბრეს ქსელის მნიშვნელობაზე. მათი აზრით, ეს კარგი საშუალებაა იმისთვის, რომ საფუძველი ჩაეყაროს ერთობლივ და კოორდინირებულ მუშაობას, აქტიურად ხდებოდეს გამოცდილების გაზიარება.
შეხვედრაზე ასევე განხილულ იქნა ადგილობრივი საჭიროებების კვლევის ანალიზი. საბჭომ იმუშავა იმ რეკომენდაციებზე, რომლებიც უნდა წარუდგინოს ადგილობრივ თვითმმართველობას 2016 წლის ბიუჯეტში გასათვალისწინებლად.
სანატორიუმ „მენჯში“ მცხოვრები აფხაზეთიდან დევნილები მათ ირგვლივ არსებულ უმთავრეს პრობლემებზე საუბრობენ.
ანტისანიტარია ნომერ პირველი პრობლემაა. გრუნტის წყლებით სავსეა შენობის სარდაფი. რაც მომწამვლელ სუნს იწვევს. ამორტიზებულია საკანალიზაციო სისტემა, დაბზარულია კედლები. შენობის ვარგისიანობაზე ექსპერტიზის დასკვნია მცხოვრებლებმა დღემდე ვერ მიიღეს.
ნანული მაისაიას თქმით, ახლახან ჩამოინგრა მე-7 სართულის ჭერი. არსებული პრობლემების მოგვარების მიზნით მათ არაერთხელ მიმართეს დევნილთა სამინისტროს, მაგრამ პრობლემები კვლავაც აქტუალური და გადაუჭრელია. პრობლემის მოგვარებაში აქტიურად ჩაერთვება სენაკის გენდერული საკონსულტაციო საბჭო.
ტელეკომპანია „ეგრისის“ ეთერში გასული სიუჟეტი სენაკის გენდერული საკონსულტაციო საბჭოს საქმიანობის შესახებ მოგვითხრობს. როგორც პროექტის ასისტენტი თავის ინტერვიუში აღნიშნავს, საბჭოს მორიგ სხდომაზე კიდევ ერთხელ განიხილეს ჩატარებულ გენდერულ საჭიროებათა კვლევის შედეგები და მუშაობა დაიწყეს თვითმმართველობისათვის წარსადგენ სარეკომენდაციო წინადადებებზე. იყო საუბარი ახალ გენდერულ საპროექტო იდეებზეც.
საბჭოს წევრებმა პოზიტიურად შეაფასეს საქართველოს გენდერული საბჭოების ქსელის შექმნა, რომელსაც სენაკის საბჭოც შეუერთდა.
როგორც ითქვა, ყოველ საბჭოს აქვს თავისი გამოცდილება და ქსელი საშუალებას იძლევა, ეს ფართოდ იქნეს გაზიარებული. დაანონსდა ფორუმი, რომელიც სენაკის საბჭოს ეგიდით ჩატარდება და მასზე ქსელის ოზურგეთის, ბათუმის და ქუთაისის წარმომადგენლებიც იქნებიან მოწვეული.
სხდომას ფონდი „სოხუმის“ ხელმძღვანელებიც ესწრებოდნენ, რომელთაც მაღალი შეფასება მისცეს სენაკში გენდერული საკონსულტაციო საბჭოსა და ადგილობრივი თვითმმართველობის მჭიდრო თნამშრომლობით მიმდინარე საქმიანობას. ეს ეხებოდა ქალთა მონაწილეობის გაზრდას, საბიუჯეტო პრიორიტეტების შერჩევას, გენდერული ბიუჯეტის პრაქტიკის დანერგვას, დონორების მოძიებას. დადებითად შეფასდა 2015 წლის ბიუჯეტში დანერგილი ახალი პროგრამები, რომლებიც პასუხობს მოქალაქეთა სხვადასხვა ჯგუფის საჭიროებებს. გამოითქვა იმედი, რომ ამ მიმართულებით ჩატარებული საქმიანობა კიდევ უფრო გაიზრდება 2016 წლისათვის.