„არაერთი ჩვენი ახლობელი გამხდარა ამ დაავადების მსხვერპლი. ქალბატონი ლალისგან წამოსული პოზიტივი არის პირდაპირი გზავნილი მათთვის, ვისაც განკურნების რწმენა დაკარგული აქვს. მივესალმები იმ დიდ საქმეს, რასაც გენდერული საკონსულტაციო საბჭო აკეთებს. მუნიციპალიტეტი მათი მხარდაჭერის საკითხში სხვებისთვის სამაგალითო იქნება“, - აღნიშნა ოზურგეთის მუნიციპალიტეტის გამგებელმა მერაბ ჭანუყვაძემ.

მსგავსი ემოციური გამოსვლების ფონზე ჩატარდა პროექტის „კიბო განაჩენი არ არის“ პრეზენტაცია საკრებულოს სხდომათა დარბაზში. პრეზენტაციას მუნიციპალიტეტის და მხარის ხელმძღვანელი პირები და საბჭოს წევრები დაესწრნენ.  

პროექტი კიბოთი დაავადებული პაციენტების ფსიქოლოგიურ კონსულტირებას ითვალისწინებს. 
იდეა საკრებულოს დეპუტატს, გენდერული საკონსულტაციო საბჭოს თავმჯდომარის მოადგილეს ლალი სიჭინავას ეკუთვნის. 

„კიბო არ არის საბოლოო განაჩენი, მისი დამარცხება შესაძლებელია და ამის ცოცხალი მაგალითი ვარ. მთავარი - ადამიანის შინაგანი განწყობა, ოჯახის და საზოგადოების მხარდაჭერაა“, - აღნიშნა ქალბატონმა ლალიმ.

პროექტს ოზურგეთის მუნიციპალიტეტის საკრებულოს მხარდაჭერით მუნიციპალიტეტის გამგეობა აფინანსებს.  პროექტში ოზურგეთის მუნიციპალიტეტის 12 სოფლის 50 ბენეფიციარი ჩაერთვება. 

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

 

ზაფხულის მიუხედავად, ქალთა მხარდაჭერის ცენტრების მობილიზატორების მიერ ჩატარებულ სამობილიზაციო შეხვედრებზე ხალხის ნაკლებობა არ იგრძნობოდა.

შეხვედრები ჩატარდა კოლექტიურ ცენტრებში, სოფლებსა და  კერძო სახლებში.

შეხვედრების თემა შერჩეული იყო დევნილთა და ლტოლვილთა საერთაშორისო დღის აღსანიშნავად და შეეხებოდა დევნილთა პრობლემებს და მათ მოგვარებას, განსაკუთრებით განსახლებასთან და რეაბილიტაციასთან დაკავშირებით.

შეხვედრებზე, ძირითადად, დაფიქსირდა საყოფაცხოვრებო და სოციალური პრობლემები. აქტუალურია უმუშევრობის მაღალი მაჩვენებელი დევნილ საზოგადოებაში. მობილიზატორებმა მონაწილეებს გააცნეს კანონი დევნილთა შესახებ  და სამოქმედო გეგმა.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

15 ივლისს ტელეკომპანია „რიონის“ საინფორმაციო გამოშვებაში გასულმა სიუჟეტმა ქუთაისის  გენდერული საკონსულტაციო საბჭოს მორიგი შეხვედრის   თემები გაგვაცნო: საბჭოს წევრებმა საჭიროებათა კვლევის შედეგები განიხილეს და გაკეთებული დასკვნების საფუძველზე თვითმმართველობისათვის წარსადგენი წინადადებებისა და რეკომენდაციების პაკეტზე დაიწყეს მუშაობა.

საბჭოს თავმჯდომარემ თავის ინტერვიუში ყველაზე პრაქტიკული საკითხები გააჟღერა, რომლებიც კვლევის ჯგუფებმა წამოსწიეს, პასუხობს მოქალაქეების საჭიროებებს და, რაც მთავარია, შედის ადგილობრივი ხელისუფლების კომპეტენციაში - გაჩერებებზე მისათითებელი ნიშნების დამონტაჟება, ხანდაზმულებისათვის შემეცნებით-გასართობი ცენტრის შექმნა და სხვა.

ფონდი „სოხუმის“ წარმომადგენლებმა ისაუბრეს ჩატარებული კვლევის  მიზანზე. ითქვა, რომ ჩატარებულმა საქმიანობამ გამოავლინა ქალების, ახალგაზრდების, სოციალურად დაუცველების, შშმ ჯგუფების არაერთი სასიცოცხლი საჭიროება. საბჭოს წევრები იმედოვნებენ, რომ მოხდება ყველაზე საშური საკითხების ამორჩევა და თვითმმართველობისთვის შეთავაზება 2016 წლის ბიუჯეტში გასათვალისწინებლად.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

ქუთაისის, წყალტუბოს, ხონის, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრები აქტიურად თანამშრომლობენ ადგილობრივ თვითმმართველობებთან.

ივლისში შეხვედრები ჩატარდა საკრებულოში, გამგეობაში და მერიის სხვადასხვა სამსახურში. იყო ინფორმაციების გაცვლა, ხშირად კი საუბარი ეხებოდა კონკრეტული ბენეფიციარების პრობლემებს და მათ მოგვარებას.

მობილიზატორები და ქალთა მხარდაჭერის ცენტრების აქტივისტები აქტიურად ესწრებიან საკრებულოს სხდომებს და მიღებულ ინფორმაციებს აწვდიან სამობილიზაციო შეხვედრების მონაწილეებს.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

   

სენაკის, ქუთაისის და ხურჩის (ზუგდიდის მუნიციპალიტეტი) ქალთა მხარდაჭერის ცენტრებში ფსიქოლოგის კონსულტაციებს ესწრებოდა 31 ქალბატონი.

„ემოციების მორევი ოჯახში“ - ასეთი იყო შეხვედრების თემა. ემოციური და შთამბეჭდავი თემა. ცენტრები მართლაც ჩაითრია ემოციების მორევმა!

სინამდვილეში ცხოვრებისეული „ემოციების მორევი“ უფრო რთულია, ვიდრე წყლისა...

რა გავაკეთოთ, რომ ერთმანეთს ცუდი განწყობის ვირუსი არ გადავდოთ? როგორ გავიგოთ, რომ დროა, გავაჩეროთ უსარგებლო მორევი, ნეგატიურ ემოციებს ავუკრძალოთ, იტრიალონ ჩვენს ცხოვრებაში.

-აავსეთ თქვენი ცხოვრება დადებითი შთაბეჭდილებებით, მეტი გაიღიმეთ, შეიყვარეთ თქვენი თავი. დაე, ცხოვრებაში მხოლოდ პოზიტიურმა ემოციებმა ჩაგითრიონ მორევში, - ასეთი იყო ქალებისკენ მიმართული მესიჯი.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

15 ივლისს ქუთაისის დემოკრატიული ჩართულობის ცენტრში მიგრაციის საერთაშორისო ორგანიზაციამ და ასოციაცია „დეამ“ ჩაატარეს შეხვედრა თემაზე: „შეზღუდული შესაძლებლობების მქონე პირთა დასაქმება და ადვოკატირება“.      ფონდმა „სოხუმმა“ შეხვედრაზე მოიწვია ამ კატეგორიის ადამიანები, რომელთანაც მუშაობს ამჟამად ძალადობისაგან დაცვის ეროვნულ ქსელთან პარტნიორობით. მათ მოისმინეს დასაქმების ხელშეწყობის საერთაშორისო გამოცდილებისა და საქართველოში არსებული გამოწვევების შესახებ.

უნდა აღინიშნოს, რომ შშმ პირები უკვე აქტიურად არიან ჩართულნი ქალაქში  მიმდინარე პროცესებში.

 

15 ივლისს ქუთაისის გენდერული საკონსულტაციო საბჭოს მორიგი შეხვედრა გაიმართა. როგორ აფასებენ მონაწილეები 29-30 ივნისს ბათუმში ფონდი „სოხუმის“ მიერ ჩატარებული ქუთაისის, ბათუმის, ოზურგეთის, სენაკის გენდერული საბჭოების ქსელურ შეხვედრას? ვინ რა შეიძინა, რაში გამოიყენებს მიღებულ გამოცდილებას, - ამ საკითხზე საკუთარი მოსაზრებები გამოთქვეს საბჭოს წევრებმა.

მონაწილეების აზრით, ყველაზე დიდი შედეგი გენდერული საჭოების ქსელის შექმნაა, რომელიც ხელს შეუწყობს საბჭოებს შორის კოორდინაცის ხარისხის ამაღლებას საერთო მიზნის მისაღწევად.  შეხვედრა კარგი საშუალება იყო ერთმანეთის გასაცნობად, გამოცდილების გასაზიარებლად, რაც მომავალში ოთხივე ქალაქის ადგილობრივ ბიუჯეტში გენდერული მიმართულებით ჰპოვებს ასახვას.

საბჭოს წევრებმა იმსჯელეს რეკომენდაციებზე, რაც მათ მიერ გენდერულ საჭიროებებზე ჩატარებული კვლევის შედეგად უნდა მომზადდეს. გადაწყდა, შეირჩეს  ჯგუფი, რომელიც  გააგრძელებს რეკომენდაციებზე მუშაობას. საბოლოო ვარიანტი ქუთაისის საკრებულოს წარედგინება, რათა მომავალი წლის ბიუჯეტში მოხდეს მათი გათვალისწინება.

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

 

8-15 ივლისს ქუთაისის, წყალტუბოს, ხონის, სენაკის, ფოთის და ხურჩის (ზუგდიდის მუნიციპალიტეტი) ქალთა მხარდაჭერის ცენტრების ინიციატივით ცენტრების მიმდინარე სოფლებში ჩატარდა ვორკშოპების ციკლი თემაზე „გენდერი და გენდერული ძალადობა“.

ვორკშოპების 73 მონაწილემ მიიღო ინფორმაციები გენდერის არსზე, ისაუბრეს ქალთა უფლებებზე, გენდერულ ძალადობაზე, მოიყვანეს კონკრეტული მაგალითები და იმსჯელეს პრევენციულ ზომებზე.

მონაწილეებმა ვორკშოპები დადებითად შეაფასეს და აღნიშნეს, რომ სოფლებში ნაკლებად არიან ქალები ინფორმირებულნი თავიანთ უფლებებზე და მსგავსი შეხვედრები  მნიშვნელოვანი მათთვის.

შეხვედრებს ესწრებოდნენ სოფლის გამგეობის წარმომადგენლები, საბავშვო ბაღების და სკოლების პედაგოგები. ვორკშოპებზე განხილულმა თემებმა დააინტერესა მონაწილე მამაკაცები და ვაჟებიც.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

სენაკის გენდერული საკონსულტაციო საბჭოს მე-18 სხდომას დაესწრნენ ფონდი „სოხუმის“ ხელმძღვანელები, რომლებმაც, საბჭოს წევრებთან ერთად, იმსჯელეს მომავალ თანამშრომლობაზე სენაკის ადგილობრივ თვითმმართველობასთან.

ეს იყო პირველი სხდომა მას შემდეგ, რაც 30 ივნისს ბათუმში გაიმართა საერთო შეკრება, რომელზეც გაფორმდა სენაკის, ქუთაისის, ოზურგეთისა და ბათუმის გენდერული საკონსულტაციო საბჭოების ქსელი.

სენაკის გენდერული საკონსულტაციო საბჭოს წევრებმა მაღალი შეფასება მისცეს ამ ფაქტს: - საქართველოს გენდერული საკონსულტაციო საბჭოების ქსელის შექმნის შესახებ მემორანდუმის ხელმოწერა არის ფონდი „სოხუმის“ მიერ დასავლეთ საქართველოს ოთხ რეგიონში დაწყებული საქმიანობის ლოგიკური გაგრძელება. ეს კიდევ ერთი ნაბიჯია წინ, რაც გააფართოებს საბჭოს წევრების შესაძლებლობას გამოცდილებისა და ინფორმაციის გაცვლის კუთხით.

სხდომაზე ასევე განიხილეს სენაკის საზოგადოებრივი ჯგუფების გენდერული საჭიროებების კვლევის შედეგები და დასკვნები. საბჭოს წევრები შეუდგნენ აქტიურ მუშაობას 2016 წლის ბიუჯეტისათვის კონკრეტული რეკომენდაციების შესამუშავებლად.

 

    

 

პროექტი ხორციელდება გაეროს  ქალთა  ორგანიზაციის

გენდერული  თანასწორობის ფონდის მხარდაჭერით

  

13 ივლისს ფონდ „სოხუმში“ ჩატარდა მრგვალი მაგიდა შეზღუდული შესაძლებლობის მქონე პირთათვის. მათთვის სპეციალურად იყვნენ მოწვეული ექიმები, ფსიქოლოგი, არასამთავრობო ორგანიზაციის წარმომადგენლები, ხონის  ა(ა)იპ „ნაბიჯი ხონის“ წარმომადგენელი, რომელიც მუშაობს ასეთი კატეგორიის ადამიანებთან. მრგვალ მაგიდას ესწრებოდნენ ქუთაისის ქალთა მხარდაჭერის აქტივისტი ქალბატონები.

გაიმართა საინტერესო დიალოგი. სტუმრებმა მათ მიაწოდეს ინფორმაცია, რათა ისინი უკეთ გაერკვნენ თავიანთ უფლებებში - განსაკუთრებით ჯანმრთელობის დაცვისა და სოციალური საკითხების კუთხით, რაც ბენეფიციარებს ყველაზე მეტად სჭირდებათ.