ლენტეხის, ცაგერის და ამბროლაურის მუნიციპალიტეტებში ჩატარდა საინფორმაციო შეხვედრები სამედიცინო პერსონალთან თემაზე „ქალთა მიმართ და ოჯახში ძალადობა - ექიმების როლი ძალადობის პრევენციასა და მსხვერპლთა დახმარების კუთხით“. მონაწილეებს მიეწოდათ ინფორმაცია პროექტის ფარგლებში დაგეგმილი ტრენინგის შესახებ - რაჭა-ლეჩხუმის და ქვემო სვანეთის რეგიონის სამედიცინო პერსონალისთვის.

გაიმართა აგრეთვე საინფორმაციო შეხვედრა ლენტეხის მუნიციპალიტეტის მერთან ბადრი ლიპარტელიანთან. საუბარი შეეხო საპროექტო აქტივობებს. ადგილობრივი თვითმმართველობის მხრიდან გამოიკვეთა თანამშრომლობის სურვილი.

რა არის პიარი? რაში გვჭირდება? რა მეთოდებით და ინსტრუმენტებით გავაპიაროთ ორგანიზაციის  საქმიანობა? როგორ გავავრცელოთ ინფორმაცია, რომ მეტი აუდიტორია მოვიცვათ?

ამ თემებზე ჩატარდა ონლაინ ტრენინგი პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში. ტრენინგს ესწრებოდნენ პროექტის განმახორციელებელი სამი პარტნიორი ორგანიზაციის: ფონდი „სოხუმის“, მეწარმე ქალთა ფონდის, იმერეთის მეცნიერთა კავშირ „სპექტრისა“ და 16 სამოქალაქო საზოგადოების ორგანიზაციის წარმომადგენლები. ონლაინ შეხვედრა ინტერაქციულ რეჟიმში გაიმართა - მონაწილეებმა დასვეს კითხვები, გამოთქვეს მოსაზრებები, განიხილეს კონკრეტული მაგალითები.

პროექტი ხორციელდება ევროკავშირის მხარდაჭერით

ფორუმ-თეატრი ერთ-ერთი პოპულარული კომპონენტია პროექტში „ქალთა უფლებების გაძლიერება დასავლეთ საქართველოში“.

ივნისში განახლდა რეპეტიციები ოფისში, დაიდგა ახალი სცენები. ჯერ კიდევ არ შეიძლება დაგეგმილი წარმოდგენების ჩატარება ღია ცის ქვეშ, ამიტომ ისევ გაგრძელდა აქტიური მუშაობა სოციალურ ქსელში. წარმოდგენილი იყო: პერსონალური ვიდეოები, მონოლოგები, ძალადობის მსხვერპლთა ისტორიები - ფონდი „სოხუმის“ ფეისბუქგვერდზე თვის განმავლობაში 32 აქტივობაა წარმოდგენილი.

ცაგერის მუნიციპალიტეტის საკრებულოში ჩატარდა საინფორმაციო-გაცნობითი შეხვედრა გენდერული თანასწორობის საბჭოს წევრებთან. შეხვედრის თემა, ძირითადად, ქალთა მიმართ და ოჯახში ძალადობის წინააღმდეგ ბრძოლის კუთხით თვითმმართველობის როლი, პრაქტიკა და გამოწვევები იყო. თუმცა საუბარი შეეხო ზოგადად გენდერული თანასწორობის პოლიტიკას.

ადგილობრივი თვითმმართველობის ხელმძღვანელობა მიესალმება ფონდ „სოხუმთან“ უფრო მჭიდრო თანამშრომლობის პერსპექტივას. მათ ისაუბრეს მუშაობაზე ოჯახში ძალადობის მსხვერპლთა დაცვის და ძალადობის პრევენციის მიმართულებით. რეგიონში შემთხვევების სტატისტიკა მაღალი არ არის, მაგრამ პრობლემა ხშირად დაფარულია და ამიტომაც კიდევ უფრო რთულია მისი მართვა. როგორც შეხვედრის მონაწილეებმა აღნიშნეს, ეს განსაკუთრებით გამოჩნდა კოვიდ-19-ის პირობებში.  

ნინო ჯანელიძე თერჯოლის საკრებულოს თავმჯდომარეა. სწორედ ის აირჩიეს სამუშაო ჯგუფის ხელმძღვანელად. თერჯოლის მუნიციპალიტეტის მერიის სააქტო დარბაზში ჩატარდა სამუშაო ჯგუფის პირველი შეხვედრა, რომელსაც ესწრებოდნენ მერიისა და საკრებულოს წარმომადგენლები, სამოქალაქო საზოგადოების ორგანიზაციების წევრები, ჟურნალისტი და პიარსპეციალისტი.

შეხვედრის მთავარი მიზანი იყო სამოქმედო გეგმის შემუშავება, საჯარო მმართველობის რეფორმის მონიტორინგის პროცესში გამოვლენილი პრობლემების შეფასება და ანალიზი.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

კონფლიქტოლოგმა რამდენიმე ონლაინ შეხვედრა ჩაატარა პროექტის მონაწილეების დედებთან. გაირკვა, რომ მათ მოსწონთ პროექტი „კონფლიქტების მართვის სწავლება სკოლებში“. აღნიშნავენ პრობლემის აქტუალობას. მიაჩნიათ, რომ აქტუალურ თემებზე საუბარი აუცილებელია ყველა კლასის მოსწავლესთან, რათა მათ იცოდნენ კონფლიქტების მშვიდობიანად მოგვარების გზები.

დედების თქმით, ფონდი „სოხუმი“ სერიოზული, კვალიფიციური არასამთავრობო ორგანიზაციაა და დარწმუნებულები არიან, რომ ფონდთან თანამშრომლობა ბევრს აძლევს მოზარდებს - საჭირო ინფორმაციას, განვითარებას, კარგ უნარ-ჩვევებს, თავდაჯერებულობას...

ადგილობრივი სამოქალაქო საზოგადოების ორგანიზაციები ვანის მუნიციპალიტეტში ივნის-აგვისტოში ორ პროექტს ახორციელებენ.

„თანადგომა - 2020“ ახალშექმნილი ორგანიზაციაა და მისი პროექტია ,,მოსახლეობის ინფორმირება ადგილობრივ დონეზე საჯარო მმართველობის რეფორმის დანერგვის პროცესში მათი მონაწილეობის მნიშვნელობის შესახებ“.

პროექტის დასრულების შედეგად მოქალაქეები აქტიურად ჩაერთვებიან გადაწყვეტილებების მიღებაში. თვითმმართველობა მზად იქნება, ყველა მნიშვნელოვანი საკითხის გადაწყვეტისას გაითვალისწინოს მათი მოსაზრებები და ალტერნატივები.

ორგანიზაცია ,,მოქალაქეთა აქტიურობა ეფექტიანი მმართველობისა და სამართლიანობისათვის“  კი ახორციელებს პროექტს „ვანის მუნიციპალიტეტის სალომინაოს თემის ადმინისტრაციულ ერთეულში ახალგაზრდებისა და შშმ პირების საჭიროებები და მოთხოვნილებები, ინფორმირებულობა და გაწყვეტილების მიღების პროცესში ჩართვის ხელშეწყობა“.

პროექტი მოაზრებს ახალგაზრდების ნიჭის განვითარებას, მათი პასუხისმგებლობის გაძლიერებას, ადგილობრივ თვითმმართველობასთან აქტიურ  თანამშრომლობას.

საპროექტო განაცხადები მომზადდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგისთვის“ ფარგლებში.

პროექტი ხორციელდება ევროკავშირის მხარდაჭერით

ვანის მუნიციპალიტეტში შეიქმნა სამუშაო ჯგუფი, რომლის შემადგენლობაშიც შედიან მერიის, საკრებულოს, სამოქალაქო საზოგადოების ორგანიზაციების წარმომადგენლები. პირველ შეხვედრაზე ჯგუფის ხელმძღვანელი აირჩიეს, განხილულ იქნა ჯგუფის დებულება, ადვოკატირების გეგმის სამუშაო ვერსია და რეკომენდაციები.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება ევროკავშირის მხარდაჭერით

16 მცირე პროექტი დაფინანსდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

დასავლეთ საქართველოს 8 მუნიციპალიტეტში უკვე შეუდგნენ პროექტების განხორციელებას.

სამოქალაქო საზოგადოების ფორუმის წევრი ორგანიზაციების წარმომადგენლებს ჩაუტარდათ დამატებითი ონლაინ ტრენინგი ფინანსური ანგარიშგებისა და ბუღალტრული აღრიცხვის საკითხებზე. ტრენინგი დაეხმარება სამოქალაქო ორგანიზაციებს ფონდი „სოხუმის“ მიერ დაფინანსებული პროექტების ფინანსების სწორად წარმართვაში.

პროექტი ხორციელდება ევროკავშირის მხარდაჭერით

„რაჭა-ლეჩხუმის და ქვემო სვანეთის თვითმმართველობის რესურს ცენტრი“ და „რაჭა-ლეჩხუმისა და ქვემო სვანეთის რეგიონალური ჰაბი - „აფხაზინტერკონტი“ მეწარმე ქალთა ფონდის პარტნიორი ორგანიზაციებია ამბროლაურში. შეიქმნა სამუშაო ჯგუფი, რომელშიც 12 წევრია: მერიის, საკრებულოს, ადგილობრივი სამოქალაქო საზოგადოების და მასმედიის წარმომადგენლები.

18 ივნისს ამბროლაურში მეწარმე ქალთა ფონდის მონაწილეობით გაიმართა სამუშაო ჯგუფის პირველი შეხვედრა, სადაც დამტკიცდა ჯგუფის შემადგენლობა. შეხვედრაზე სამუშაო ჯგუფის წევრები გაეცნენ დებულებას, სამუშაო სტრატეგიას და სამოქმედო გეგმა-გრაფიკს. სამუშაო ჯგუფი ხელს შეუწყობს საჯარო მმართველობის რეფორმის წარმატებით რეალიზებას ამბროლაურის მუნიციპალიტეტში.

მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტი ხორციელდება კულტურულ ჰუმანიტარული ფონდი „სოხუმის“ (წამყვანი ორგანიზაცია), იმერეთის მეცნიერთა კავშირი „სპექტრის“ და მეწარმე ქალთა ფონდის მიერ.