- რა დროც არ უნდა გავიდეს, აფხაზეთიდან იძულებით გადაადგილებული ადამიანებისთვის ყოველთვის მტკივნეული იქნება კონფლიქტზე საუბარი, თუმცა მაინც საჭიროა ლაპარაკი.

- სამწუხაროდ, დღესაც ხდება საქართველოს საზღვრების გადაწევა, დღესაც იტაცებენ ადამიანებს საკუთარი ტერიტორიებიდან.

- საშინელებაა, როცა ახ;ობლების საფლავებს შორიდან უყურებ.

- ჩვენ არ გვინდა ომით დაბრუნებული აფხაზეთი.

- ბევრმა არც იცის ჟენევის მოლაპარაკებების ფორმატის შესახებ.

- ყველა სოციალური დახმარება გაიზარდა და დევნილის შემწეობა წლებია, ერთსა და იმავე ნიშნულზე დგას.

- რამდენი წელი გავიდა და კიდევ არიან ბინით დაუკმაყოფილებელი დევნილები.

ეს ორდღიანი ტრენინგის მონაწილეთა სიტყვებია. აქედანაც ჩანს, რა საკითხებზე იყო აქცენტები და მსჯელობა...

ტრენინგს ესწრებოდნენ პროექტის ასისტენტები და 5 მუნიციპალიტეტის (ქუთაისი, ხონი, წყალტუბო, ზუგდიდი, სენაკი) დევნილ ქალთა საინიციატივო ჯგუფის 50 წევრები.

 

პროექტი ხორციელდება

გაეროს ქალთა ორგანიზაციის მხარდაჭერით

„გავაანალიზე, რომ თანამშრომლობისა და მოქალაქეების ფართო ჩართულობის გზით შესაძლებელია ისეთი სამოქალაქო ინიციატივების განხორციელება და შედეგების მიღწევა, რომლებიც ცალკეული ორგანიზაციებისა და ჯგუფებისათვის რთული მისაღწევია“.

„რისი გვჯერა? რა ცვლილებების მიღწევა გვინდა? როგორ მოვიქცეთ ამ ცვლილებების განსახორციელებლად? მივხვდი, რომ თუ ამაზე პასუხი არ გვექნა, ერთობლივად ვერ ვიმოქმედებთ“.

„გავიაზრე, რომ გუნდურ მუშაობას მეტის მოტანა შეუძლია. ბევრად უფრო მიმზიდველია, როცა ერთი მიზნის მისაღწევად სხვადასხვა ჯგუფი ერთიანდება და ეს დიდი ძალაა“.

ეს არის  ტრენინგის მონაწილეთა შეფასებები.  დევნილ ქალთა საინიციატივო ჯგუფის წევრებისთვის მორიგი მე-6 ტრენინგი 13-14 მაისს ჩატარდა თემაზე „კოალიცია და ქსელები“.  

მონაწილეები გაეცნენ სამოქალაქო აქტივისტების გაერთიანების ფორმებს, გუნდური მუშაობის დაგეგმვას და რესურსების სწორად განაწილებას.

ინფორმაცია რეალურ მაგალითებზე და პრაქტიკულ სავარჯიშოებზე დაყრდნობით იქნა მიწოდებული. ინტერაქტიულმა მუშაობამ კი მონაწილეებს უშუალო გარემო შეუქმნა საკითხის უფრო კარგად გააზრებისთვის.

  

პროექტი ხორციელდება გაეროს ქალთა ორგანიზაციის  

მხარდაჭერით

ქუთაისის, ხონის, წყალტუბოს, სენაკის და ზუგდიდის დევნილ ქალთა საინიციატივო ჯგუფის წევრებისთვის ონლაინ ჩატარდა მეხუთე ტრენინგი თემაზე: „ადგილობრივი თვითმმართველობა და სამოქალაქო ჩართულობის ფორმები“.

მონაწილეები გაეცნენ ადგილობრივი თვითმმართველობის სტრუქტურას, უფლებამოსილებას, პასუხისმგებლობებს, სამოქალაქო ჩართულობის ფორმებს. მათ შესაძლებლობა ჰქონდათ, ჯგუფებში ემუშავათ საკითხებზე: რა უშლის ხელს სამოქალაქო ჩართულობას ადგილობრივ დონეზე; როგორ უნდა ამაღლდეს მოქალაქეთა მოტივაცია, რათა უფრო მეტად იყვნენ ჩართულნი ადგილობრივი პოლიტიკის ფორმირებაში. დისკუსიის დროს მონაწილეებმა საკუთარი გამოცდილება გაუზიარეს ერთმანეთს.

მათი შეფასებით, სატრენინგო თემები მნიშვნელოვანი იყო:

„გავეცანი მოქალაქეთა ჩართულობის ფორმებს. მსგავს ინფორმაციას ბევრი ადამიანი უნდა ფლობდეს.“

„ამ ცოდნას აუცილებლად გამოვიყენებ პრაქტიკაში. ვიგრძენი პასუხისმგებლობა, რომ უფრო მეტად ჩავერთო მუნიციპალიტეტში მიმდინარე პროცესებში.“

 

პროექტი ხორციელდება გაეროს ქალთა ორგანიზაციის  

მხარდაჭერით

მაისში დაიგეგმა ტრენინგები სხვადასხვა აქტუალურ თემაზე. სწორედ ამის შესახებ მიეწოდა ინფორმაცია ხონის დევნილ ქალთა საინიციატივო ჯგუფის წევრებს. საინფორმაციო შეხვედრა ონლაინ ფორმატში ჩატარდა.

პროექტის ასისტენტმა ჯგუფს გააცნო ტრენინგების თემები, დაიგეგმა ჩატარების დრო. ჯგუფის წევრებმა აღნიშნეს, რომ ისინი დიდი ინტერესით დაესწრნენ აპრილში ჩატარებულ ოთხ ტრენინგს, ახალი ციკლიც საინტერესო და პრაქტიკულ თემებს მოიცავს და ისინი აქტიურად ჩაერთვებიან სატრენინგო მუშაობაში.

 

პროექტი ხორციელდება

გაეროს ქალთა ორგანიზაციის მხარდაჭერით

ზუგდიდის დევნილ ქალთა საინიციატივო ჯგუფის წევრებთან ონლაინ ჩატარდა საინფორმაციო შეხვედრა. მონაწილეებმა ისაუბრეს აპრილში ჩატარებულ ტრენინგებზე. მიუხედავად იმისა, რომ ჯგუფის წევრები სხვადასხვა ასაკის, პროფესიის და გამოცდილების ქალები არიან, ტრენინგზე განხილული თემები ყველასთვის ერთნაირად საინტერესო აღმოჩნდა. მათთვის სასიხარული იყო ინფორმაცია სატრენინგო ციკლის გაგრძელების შესახებ. როგორც შეხვედრაზე აღინიშნა, ტრენინგები მაისშიც ჩატარდება სამიზნე მუნიციპალიტეტების 50 აქტიური წარმომადგენლის მონაწილეობით.

პროექტი ხორციელდება გაეროს ქალთა ორგანიზაციის  

მხარდაჭერით

სენაკის დევნილ ქალთა საინიციატივო ჯგუფის წევრებთან ონლაინ შეხვედრაზე მონაწილეებმა აპრილში გამართული ტრენინგები შეაფასეს და მიღებული ინფორმაციების მნიშვნელობაზე ისაუბრეს:

„მე არ მაქვს შესაძლებლობა, ასეთი თემატური ტრენინგები მოვისმინო. ამიტომ ეს ჩემთვის არის კარგი შანსი, უფრო მეტად ვიყო ინფორმირებული“.

„ტრენინგების ციკლი დაგვეხმარება, რომ უფრო მეტად გავაქტიურდეთ და პრობლემების ადვოკატირებაში პრაქტიკულად ჩავერთოთ“.

შეხვედრის დასასრულს მონაწილეებს მიეწოდა ინფორმაცია ახალ სატრენინგო თემებზე. მათი თქმით, ტრენინგების დასრულების შემდეგ გაიზრდება მათი მოტივაცია, აქტიურად ჩაერთონ ადგილობრივი პრობლემების მოგვარებაში.

 

პროექტი ხორციელდება გაეროს ქალთა ორგანიზაციის  

მხარდაჭერით

მორიგი შეხვედრა გაიმართა წყალტუბოს დევნილ ქალთა საინიციატივო ჯგუფთან. ყურადღება გამახვილდა აპრილში გამართული ტრენინგების ციკლზე. მონაწილეთა შეფასებით, ტრენინგები იყო ინფორმაციული, მარტივად აღსაქმელი და პრაქტიკული.

- ჩემთვის მნიშვნელოვანია ასეთი ტიპის ტრენინგებში მონაწილეობა, ყოველი ახალი თემა ახალი შესაძლებლობების მომცემია, მიხარია, რომ ამ პროექტში მოვხვდი, - აღნიშნა ერთ-ერთმა მონაწილემ.

შეხვედრის დასასრულს მონაწილეებს მიეწოდათ ინფორმაცია მაისის სატრენინგო თემებზე. მათი თქმით, ტრენინგების ციკლის დასრულების შემდეგ ყოველი მათგანი შეიძენს იმ უნარ-ჩვევებს, რომლებიც ხელს შეუწყობს აქტიურ მოქალაქეებად მათ ჩამოყალიბებას.

პროექტი ხორციელდება გაეროს ქალთა ორგანიზაციის  

მხარდაჭერით

28-29 აპრილს ონლაინ შეიკრიბნენ ხონის, წყალტუბოს, ქუთაისის, სენაკის და ზუგდიდის დევნილ ქალთა საინიციატივო ჯგუფის წევრები. მათთვის ჩატარდა ორდღიანი  ტრენინგი თემაზე „ადგილობრივი ბიუჯეტი, სამოქალაქო ბიუჯეტირება.“  

სატრენინგო თემის განხილვა ინტერაქტიული ჩართულობით გაგრძელდა. ჯგუფურმა მუშაობამ და დისკუსიებმა მონაწილეებს ერთმანეთისთვის გამოცდილების გაზიარების შესაძლებლობა მისცა. უკუკავშირით დაფიქსირდა, რომ მონაწილეები პრაქტიკულად გამოიყენებენ მიღებულ ინფორმაციებს და აქტიურად ჩაერთვებიან მუნიციპალიტეტში მიმდინარე საბიუჯეტო პროცესებში.

ამ ტრენინგით დასრულდა ერთთვიანი სატრენინგო ციკლი (4 ტრენინგი), რომელმაც ქალთა საინიციატივო ჯგუფის წევრები სათანადო უნარებით მოამზადა. ისინი აქტიურად იმუშავებენ სამიზნე მუნიციპალიტეტებთან ადგილობრივ დონეზე გაეროს უშიშროების საბჭოს 1325 რეზოლუციის სამოქმედო გეგმის დანერგვისთვის.

 

პროექტი ხორციელდება გაეროს ქალთა ორგანიზაციის  

მხარდაჭერით

ონლაინ სივრცეში ჩატარებულ ტრენინგს ესწრებოდნენ დევნილ ქალთა საინიციატივო ჯგუფის წევრები 5 სამიზნე მუნიციპალიტეტიდან (ხონი, წყალტუბო, ქუთაისი, სენაკი, ზუგდიდი). მუშაობა მიეძღვნა თემას: „ადვოკატირება მტკიცებულებების საფუძველზე“.

ტრენინგის მიზანი იყო ქალთა ჯგუფების უნარების ამაღლება წარმატებული ადვოკატირებისთვის. მონაწილეებმა განიხილეს ადგილობრივ დონეზე ადვოკატირების ჩატარების შემაფერხებელი ფაქტორები, განსაზღვრეს სამიზნე ჯგუფები და დაინტერესებული მხარეები, შეიმუშავეს თვითმმართველობებში არსებული საჭიროებების ადვოკატირების ჩარჩო გეგმის სამუშაო დოკუმენტი.

ტრენინგში მონაწილეობა სასარგებლო აღმოჩნდა დევნილ საინიციატივო ჯგუფების წევრებისთვის, რომლებიც პროექტის ფარგლებში თვითონაც ჩაერთვებიან ადვოკატირების პროცესში.

 

პროექტი ხორციელდება გაეროს ქალთა ორგანიზაციის  

მხარდაჭერით

ორდღიან ტრენინგს „მშვიდობის მშენებლობა და ნდობის გამყარება“ 50 მონაწილე ესწრებოდა ონლაინ. იყო წარსულის გახსენება, მსჯელობა სამშვიდობო მოლაპარაკებების და ნდობის აღდგენის მექანიზმებზე.

ქუთაისის, წყალტუბოს, სენაკის, ხონის და ზუგდიდის მუნიციპალიტეტების დევნილ ქალთა საინიციატივო ჯგუფის წევრებმა ინტერაქტიული და ჯგუფური მუშაობით გამოავლინეს კონფლიქტების მოგვარების და ნდობის შენების უნარი.

ტრენინგის მონაწილეებმა აღნიშნეს:

„მშვიდობის შენება ომგამოვლილი საზოგადოებისთვის რთული და მტკივნეული პროცესია, თუმცა შესაძლებელია და აუცილებელიც“.

„ქალები ომის მსხვერპლნი ან შეურაცხყოფის პასიური ობიექტები კი არ უნდა ვიყოთ, არამედ მშვიდობის მშენებლობის მნიშვნელოვანი აქტორები უნდა გავხდეთ“.

„ასეთი ტიპის პროექტები ხელს უწყობს იმას, რომ საზოგადოება მომზადდეს კონფლიქტების მოგვარებისთვის - ინფორმაციულად, საჭირო უნარ-ჩვევების შეძენით, განსაკუთრებით ეფექტიანი კომუნიკაციის მხრივ“.

პროექტი ხორციელდება გაეროს ქალთა  ორგანიზაციის  

მხარდაჭერით

დონორი ორგანიზაციები

Image
Image
Image
Image
Image