პატარა ბიჭუნა დედასთან ერთად შემოვიდა. აქ ხშირად მოჰყავთ ბავშვები, ამიტომ ფსიქოლოგ მანანა გოცირიძის ოთახში ბევრი სათამაშოა. თაროზე უწყინრად იდო კურდღელიც. უკრაინელმა ბიჭუნამ უცებ იყვირა: ბაჭია! მერე ფსიქოლოგს ჰკითხა: შეიძლება ხელში ავიყვანო? რა თქმა უნდა, მისცეს. ეხუტებოდა, ეფერებოდა... მიხვდა მანანა გოცირიძე - რატომაც და უთხრა, თუ გინდა, გაჩუქებო. დედა უხერხულ მდგომარეობაში ჩავარდა - ასეთი ჰქონდა სახლში და ძალიან უყვარდაო...
ბედნიერი წავიდა პატარა ბიჭუნა.
ყველა კმაყოფილი რჩება ქალთა ფონდი „სოხუმის“ ფსიქოლოგთან შეხვედრის შემდეგ. ზოგს ნაკლები პრობლემა აქვს და უფრო მალე სრულდება რეაბილიტაციის პროცესი, ზოგს მეტი ვიზიტი სჭირდება.
უკრაინელ ლტოლვილებთან შეხვედრები მანანა გოცირიძის მუშაობის ერთ-ერთი მნიშვნელოვანი მიმართულებაა. იანვარში ის 6 ოჯახს შეხვდა - 17 ადამიანს. ჩატარდა პირველადი კონსულტაცია, ანამნეზის შეგროვება და მათ შესთავაზეს უფასო ფსიქოთერაპიის გაგრძელება. ოჯახებს ასევე გადაეცათ საჭირო პროდუქტები, საყოფაცხოვრებო და ჰიგიენის საშუალებები, თბილი ტანსაცმელი.
ქალთა მხარდაჭერის ცენტრები აქტიურად განაგრძობენ მოსახლეობის ინფორმირებას მსხვერპლთა დახმარების და მხარდაჭერის სერვისებზე, ეხმარებიან ქალებს სხვადასხვა სახის სოციალური თუ ინფრასტრუქტურული პრობლემის ადვოკატირებაში.
იანვარში სამტრედიის, ტყიბულის, ზუგდიდის, ვანის და წალენჯიხის ქალთა მხარდაჭერის ცენტრებში ინფორმირების შედეგად უკვე გამოიკვეთა კრიზისული ოჯახები, მათთან მუშაობა ინტენსიურად გრძელდება.
საჭიროებიდან გამომდინარე, ყველა ქეისზე ინდივიდუალურად მუშაობს ფონდის ფსიქოლოგი. დახმარების პროცესში აქტიურად არიან ჩართულნი ბავშვთა მხარდაჭერის განყოფილებებიც.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოციალური სამართლიანობის ცენტრმა ორი კვლევის პრეზენტაცია გამართა: „ორმხრივი გამოტოვების ადგილები - უფლებრივი და სოციალური გამოწვევები გალსა და ახალგორში“ და „გამყოფი ხაზების მიმდებარედ მცხოვრები ქალების გამოწვევები და საჭიროებები“. ღონისძიებას საერთაშორისო, ადგილობრივი სამოქალაქო საზოგადოების ორგანიზაციებისა და სახელმწიფო უწყებების წარმომადგენლებთან ერთად, ფონდი „სოხუმის“ თბილისის წარმომადგენლობის ხელმძღვანელიც ესწრებოდა. ეკატერინე გამახარიამ თავის გამოსვლაში ყურადღება იმ გამოწვევებზე გაამახვილა, რომლებიც დღეს ყველაზე მეტად აწუხებთ კომფლიქტის გამყოფ ხაზთან მცხოვრებ ქალებს, მათ შორის მძიმე ეკონომიკურ-სოციალური მდგომარეობა, უმუშევრობა და ეკონომიკურ საქმიანობაზე ფინანსებზე ხელმისაწვდომობის ბარიერები, გამყოფი ხაზის გასწვრივ თავისუფალი გადაადგილების პრობლემები, ქალთა მიმართ ოჯახში ძალადობის საკითხები და ა.შ.
წყალტუბოს ქალთა საინიციატივო ჯგუფის შეხვედრაზე ისაუბრეს საპროექტო აქტივობებზე, ადვოკატირების შედეგებსა და გეგმებზე.
დამსწრეებმა მიიღეს ინფორმაცია ადგილობრივი სტრუქტურების მიერ შემუშავებულ სტრატეგიაზე - სტრატეგია რეზოლუცია 1325-ის ადგილზე იმპლემენტაციის მიზნით შემუშავდა ტრენინგზე.
სტრატეგიაში შეტანილი ამოცანების შესასრულებლად ქალთა ჯგუფი აქტიურად აგრძელებს თანამშრომლობას ადგილობრივ სტრუქტურებთან.
პროექტი ხორციელდება გაეროს ქალთა ორგანიზაციის
მხარდაჭერით
ხონის ახალგაზრდული კლუბის წევრებს, ფონდ „სოხუმის“ წარმომადგენლებმა ტრენინგი ჩაუტარეს თემაზე: „ქალები და ახალგაზრდები სამშვიდობო მოძრაობაში, გაეროს რეზოლუცია 1325 და 2250-ის იმპლემენტაციის ხელშეწყობა.“ ახალგაზრდებისთვის საინტერესო აღმოჩნდა საუბრები ისეთ საკითხებზე, როგორიცაა მშვიდობა და საერთაშორისო რეზოლუციები. როლურ თამაშებში ყველა მონაწილე აქტიურად ჩაერთო.
შეხვედრები გაიმართა ხონის ქალთა საინიციატივო ჯგუფებთანაც.ქალბატონებმა მოკლე ანგარიში წარადგინეს საერთაშორისო კამპანიის ფარგლებში ჩატარებული ღონისძიებების, მიღწევებისა და გამოწვევების შესახებ.
გამოწვევებისა და მიღწევების, ასევე ადვოკატირების პროცესის შესახებ ისაუბრა მორიგ შეხვედრაზე ხონის ქალთა საინიციატივო მეორე ჯგუფმაც. მიმოიხილეს ის აქტივობები, რომლებიც 16 დღიანი საერთაშორისო კამპანიის ფარგლებში ჩატარებულ ღონისძიებებებთან დაკავშირებით ქონდათ.
პროექტი ხორციელდება USAID-ის მხარდაჭერით
წყალტუბოს ახალგაზრდული საინიციატივო ჯგუფის წევრები ძალადობის წინააღმდეგ წარმოებულ კამპანიაში აქტიურად იყვნენ ჩართული. მათი ინიცირებით 12 სხვადასხვა ,მრავალფეროვანი აქტივობა ჩატარდა. ახალგზრდებმა აქციებით, ვორკშოფებით, დებატებით, ფილმების ჩვენებით, ძალადობის თემაზე შექმნილი ნახატების გამოფენით ძალადობის წინააღმდეგ საკუთარი პროტესტი დააფიქსირეს.
კამპანიაში ქალთა საინიციატივო ჯგუფის წევრებიც აქტიურად ჩაერთნენ. მათი ინიციატივით სოფლის სკოლებში გენდერული ძალადობის, ოჯახური კონფლიქტების, ნაადრევი ქორწინების საკითხებზე საინფორმაციო შეხვედრები ჩატარდა.
პროექტი ხორციელდება USAID-ის მხარდაჭერით
ქუთაისის ქალთა საინიციატივო ჯგუფის წევრებთან მორიგი სინფორმაციო შეხვედრა ჩატარდა. ქალბატონებმა საერთაშორისო კამპანიის ფარგლებში ჩატარებული ღონისძიებების შესახებ მოკლე ანგარიში წარადგინეს.
დეკემბრის საინფორმაციო შეხვედრა ქუთაისის ახალგაზრდული კლუბის წევრებთანაც გაიმართა ახალგაზრდებმა ისაუბრეს მათ მიერ ჩატარებულ მნიშვნელოვან ღონისძიებებზე,მათ შორის სამოქალაქო ფორუმზე შემუშავებული აქტივობიდან განხორციელებული ნახატების გამოფენის შესახებ, რომელიც მშვიდობის თემას მიეძღვნა .
შეხვედრაზე მიმოიხილეს ის გამოწვევები და მიღწევები, რომლებსაც წააწყდნენ 16 დღიანი საერთაშორისო კამპანიის ფარგლებში, ღონისძიებების ჩატარების დროს წააწყდნენ.
პროექტი ხორციელდება USAID-ის მხარდაჭერით
„ქალები და ახალგაზრდები სამშვიდობო მოძრაობაში, გაეროს რეზოლუცია 1325 და 2250-ის იმპლემენტაციის ხელშეწყობა“-ამ თემაზე ჩატარდა ტრენინგი წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებთან . მონაწილეებმა ისაუბრეს ისეთ თემებზე,როგორიცაა სამშვიდობო ინიციატივები და ქალის როლი.
ტრენინგის მეორე ნაწილი 1325 რეზოლუციის განხილვას დაეთმო.
მონაწილეებმა იმუშავეს და იმსჯელეს იმ საკითხებზე, რომელიც მუნიციპალურ დონეზე 1325 რეზოლუციის დანერგვას შეუწყობს ხელს.
შეხვედრა გაიმართა წალენჯიხის მუნიციპალიტეტის სოფელ ფახულანის მეორე საჯარო სკოლაშიც. მოსწავლეებმა ისაუბრეს ბულინგზე, კონფლიქტსა და მის პრევენციაზე, გადაჭრის გზებზე.
პროექტი ხორციელდება USAID-ის მხარდაჭერით
ფემიციდი, ოჯახში ძალადობა, სტერეოტიპების მსხვრევის აუცილებლობა-ამ თემებზე იმსჯელეს სენაკში , ქალთა საინიციატივო ჯგუფის წევრებთან გამართულ შეხვედრაზე . მონაწილეებმა ოჯახური ძალადობის თემაზე შექმნილი ფილმი ნახეს და შემდეგ დისკუსია მოაწყვეს. ქალთა ჯგუფის წევრების ინიციატივით, სხვადასხვა ჯგუფთან სამი საინფორმაციო შეხვედრა ჩატარდა.
ძალადობის წინააღმდეგ კამპანიაში აქტიურად იყვნენ ჩართული სენაკის ახალგაზრდული ჯგუფის წევრებიც. მონაწილეებმა ძალადობის პრევენციის საქმესა და ცნობიერების ამაღლებაში ახალგაზრდების ჩართულობის შესახებ ისაუბრეს.აღნიშნა, რომ მოსახლეობის ინფორმირება ამ კუთხით გადამწყვეტია.
პროექტი ხორციელდება USAID-ის მხარდაჭერით
„არ ველოდი, რომ ჩემი ოჯახი ფონდიდან ამდენ პროდუქტს მიიღებდა. ძალიან ამაღელვებელია ეს საჩუქარი. ასეთი მასშტაბის დახმარება საქართველოში პირველად მივიღე. და, რაც მთავარია, დახმარებას ადამიანური სახე აქვს. ეს არ არის ფორმალიზებული, არ არის მშრალი, არ არის „საჩვენებლად“ გაკეთებული. სითბოს ვგრძნობდი ყველასგან, ვისთანაც ვურთიერთობდი. ამასთან ერთად გაჩნდა განცდა, რომ ყველაფერი კარგად იქნება.“
„დიდი მადლობა თქვენს ფონდს ჩემი ოჯახის დახმარებისთვის. ღმერთმა ყველა დაგიფაროთ და ასჯერ მეტი სიკეთე და სიუხვე მოგცეთ.“
„გულითად მადლობას ვუხდი დახმარებისთვის ყველას, ვინც მონაწილეობდა. დაე, ჯანმრთელობად და კეთილდღეობად დაგიბრუნდეთ.“
ეს არის იმ უკრაინელი ქალების გამოძახილი, ვინც მხარდაჭერა მიიღო ჩვენი ორგანიზაციისგან.
ყველაფერი თებერვალში დაიწყო.
ომის პირველ დღეს, 24 თებერვალს, ჩვენ უკრაინელი ქალებისადმი სოლიდარობის მიმართვა გავავრცელეთ.
შევაგროვეთ 10 000 ლარი და 28 თებერვალს ამანათები გავაგზავნეთ.