შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ქალთა საინიციატივო ჯუფის წევრები ხონის საკრებულოს სხდომათა დარბაზში შეიკრიბნენ. მათ იმსჯელეს, რა მდგომარეობაა ადამიანური უსაფრთხოების თვალსაზრისით ლოკალურ თემებში და გამოყვეს საკითხები ადვოკატირებისათვის.
გამოიკვეთა, რომ პრობლემის მოგვარებისთვის აუცილებელია დონორი ორგანიზაციების მოძიება. იდეაზეც შეთანხმდნენ. დაიგეგმა დასახელებულ იდეას პროექტის სახე მისცენ და გაუგზავნონ დონორ ორგანიზაციას „ორბელიანი საქართველო“, რომელსაც გამოცხადებული აქვს კონკურსი.
ხონის მთავარ ბიბლიოთეკაში ქალთა საინიციატივო ჯგუფის ორგანიზებით საინფორმაციო შეხვედრა გაიმართა. შეხვედრას ესწრებოდნენ საზოგადოების სხვადასხვა სპექტრის წარმომადგენლები. მოწვეულნი იყვნენ ხონის მუნიციპალიტეტის გამგეობის წარმომადგენლები: ინფრასტრუქტურის სამსახურის განყოფილების უფროსი მაყვალა ბახტაძე და სოციალური სამსახურის უფროსი ლეილა კინწურაშვილი.
მონაწილეებმა მოისმინეს ინფორმაციები, რა პროგრამები არსებობს ხონის მუნიციპალიტეტში, რა სახის სამუშაოები შესრულდა და რა იგეგმება.
თვითმმართველობის წარმომადგენლებთან შეხვედრა მოსახლეობის ინფორმირებას ისახავდა მიზნად.
6 მარტს წყალტუბოში ქალთა საინიციატივო ჯუფის წევრები შეიკრიბნენ. მონაწილეებმა ადვოკატირების გეგმა განიხილეს და, შესაბამისად, ახალი აქტივობები დაგეგმეს.
ადვოკატირების პროცესის ეფექტურად გაგრძელებისათვის ჯგუფის წევრებმა დაგეგმეს შეხვედრები ადგილობრივ ხელისუფლებასთან, გენდერულ საბჭოსთან, ლობირების თვალსაზრისით პროცესში ჩართული იქნება წყალტუბოს მაჟორიტარი დეპუტატი და მასთან შეხვედრაც ჩაინიშნა.
ქუთაისში ქალთა საინიციატივო ჯგუფი შეიკრიბა. შეხვედრის მონაწილეებმა ინტერესით მოისმინეს ინფორმაციები წყალტუბოსა და ხონის ქალთა საინიციატივო ჯგუფების მუშაობის შესახებ.
ჯგუფის წევრების თქმით, მოსახლეობა არ არის ინფორმირებული, ვის მიმართოს, როგორ მოაგვაროს სხვადასხვა საკითხი, რა პროგრამები არსებობს ადგილობრივ დონეზე. ამის გათვალისწინებით საინიციატივო ჯგუფი ეხმარება ლოკალურ ჯგუფებს, შეამცირონ ის რისკები, რომლებიც ადამიანურ უსაფრთხოებას უკავშირდება.
ქუთაისის, ხონის, წყალტუბოს ქალთა საინიციატივო ჯგუფებმა საინფორმაციო შეხვედრები გამართეს მოსახლეობასთან ქალთა უსაფრთხოების საკითხებსა და ინკლუზიურ მიდგომებზე.
შეხვედრებზე გამოიკვეთა სხვადასხვა ტიპის პრობლემები, რომლებიც საფრთხეს უქმნის ქალებს, მათ ოჯახებს. მოდერატორების სამოქმედო გეგმაში ეს პრობლემები უკვე გაიწერა და ადგილობრივ სტრუქტურებთან თანამშრომლობით დაიწყება ადვოკატირების პროცესი.
23 მაისს წყალტუბოს მუნიციპალიტეტის სხდომათა დარბაზში ქალთა საინიციატივო ჯგუფის ორგანიზებით საინფორმაციო შეხვედრა გაიმართა. შეხვედრას ესწრებოდნენ სხვადასხვა კოლექტიური ცენტრის წარმომადგენლები, ფონდი „სოხუმის“ აქტივისტები.
შეხვედრაზე მოწვეული იყო წყალტუბოს მუნიციპალიტეტის გამგეობის ჯანმრთელობისა და სოციალური დაცვის სამსახურის მთავარი სპეციალისტი ნარგიზა აბესაძე, რომელმაც ადგილობრივ სოციალურ პროგრამებზე ისაუბრა.
მონაწილეთა მხრიდან არაერთი შეკითხვა დაისვა, როგორ იგეგმება ბიუჯეტში პროგრამები, რომელია პრიორიტეტული, როგორ ხდება მოქალაქეთა ინფორმირება ამ პროგრამებზე.
აღინიშნა, რომ მსგავსი ტიპის საინფორმაციო შეხვედრები მომდევნო თვეებშიც დაიგეგმოს, რაც გაზრდის კომუნიკაციის ხარისხს მოსახლეობასა და ადგილობრივ ხელისუფლებას შორის.
ფონდი „სოხუმის“ ხონის ქალთა საინიციატივო ჯგუფის წევრებმა ექვსთვიანი მუშაობის შედეგების შეფასება-ანალიზი გააკეთეს.
- ყოველთვიური შეხვედრები საზოგადოების სხვადასხვა ჯგუფის წევრებთან, თანამშრომლობა ადგილობრივ ხელისუფლებასთან, პრობლემების ადვოკატირება - შეკრებილებმა ამ მიმართულებით შესრულებული აქტივობები შეაფასეს.
ჯგუფის წევრების შეფასებით, გაიზარდა იმ მოქალაქეთა მომართვიანობა, რომლებიც საინიციატივო ჯგუფის დახმარებით ცდილობენ ინდივიდუალური თუ კოლექტიური პრობლემების მოგვარებას. ხაზგასმით აღინიშნა, რომ ნებისმიერი მოგვარებული საკითხის უკან დგას ადგილობრივი მთავრობა, რომლის მხარდაჭერითაც მოხდა საზოგადოების ლოკალური თემების ინტერესთა გათვალისწინება.
დადგა პროექტის „ქალები იმპლემენტაციას უწევენ ინკლუზიურ მიდგომებს ადამიანური უსაფრთხოების სფეროში მდგრადი მშვიდობის დამყარებისათვის“ მომდევნო ეტაპი. უსაფრთხოების თემაზე ვორკშოპების ჩატარების შემდეგ წყალტუბოში, ქუთაისში, ხონში ქალთა საინიციატივო ჯგუფები იქმნება.
წყალტუბოში საინიციატივო ჯგუფი 6 ქალისაგან შედგება. თითოეული მათგანი საგანგებოდ შედგენილი ანკეტებით შეირჩა. ერთ-ერთ პუნქტში, რატომ გსურთ გახდეთ საინიციატივო ჯგუფის წევრი, აქტივისტები წერენ, რომ მათ ირგვლივ ბევრი მოუგვარებელი პრობლემაა, რომელთა გადაჭრა შესაძლებელია ადგილობრივ დონეზე, ამიტომ სურთ აქტიურად ჩაერთონ პრობლემების ადვოკატირების პროცესში.
საინიციატივო ჯგუფის წევრები სპეციალურ ტრენინგს გაივლიან, რის შემდეგაც პრობლემათა ადვოკატირების პროცესებში ჩაერთვებიან.
13 იანვარს ფონდ „სოხუმში“ ქალთა საინიციატივო ჯგუფის წევრები შეიკრიბნენ.
-როგორ უნდა გაგრძელდეს მუშაობა, რა შეიძლება გაკეთდეს, რა მეთოდები უნდა დაინერგოს ქალთა უსაფრთხოების ხარისხის ასამაღლებლად. - მსჯელობა ამ საკითხებზე გაიმართა. გამოიკვეთა გარკვეული სტრატეგია:
- ჩვენს ირგვლივ ბევრი ისეთი პრობლემაა, რომელიც საფრთხეს უქმნის ქალებს. მათი მოგვარება შესაძლებელია ქალთა ჩართულობითა და აქტიურობით.
- უნდა გაგრძელდეს თანამშრომლობა ადგილობრივ თვითმმართველობებთან, ჩვენს საქმიანობაში ეს მნიშვნელოვანი საკითხია.
-აუცილებელია საზოგადოების ინფორმირება ადგილობრივ ბიუჯეტზე და სხვადასხვა სოციალური პროგრამის შესახებ.
საინიციატივო ჯგუფი მუშაობას გააგრძელებს ადამიანური უსაფრთხოების პრობლემების ადვოკატირების გეგმის შესაბამისად.
ქუთაისში ქალთა საინიციატივო ჯგუფი ჩამოყალიბდა. მის შემადგენლობაში აქტიური, ლიდერული თვისებების მქონე შვიდი ქალი მოხვდა. მათ შორის ერთი ორგანიზატორია, რომელიც ჯგუფის მუშაობას უხელმძღვანელებს.
ჯგუფის წევრები არიან ფონდი „სოხუმის“ აქტივისტები, რომლებიც სხვადასხვა ფორმატის ღონისძიებებში მონაწილეობდნენ. გავლილი აქვთ ასევე ვორკშოპები ადამიანური უსაფრთხოების საკითხებზე.
ჯგუფის წევრებს პრობლემების ადვოკატირების გამოცდილება გააჩნიათ, დიდი სურვილი აქვთ, მომავალში უფრო მეტად იაქტიურონ ამ მიმართულებით, დაეხმარონ საკუთარ თავს და სხვებსაც თემში არსებული პრობლემების მოგვარებაში.