შეხვედრები (638)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
ქუთაისის გენდერული საკონსულტაციო საბჭოს მორიგ სხდომაზე მონაწილეებმა მიიღეს ინფორმაცია ადგილობრივი გენდერული საჭიროებების კვლევის ჩატარების შესახებ. განისაზღვრა კვლევის სამიზნე ჯგუფები, განაწილდა ფუნქცია-მოვალეობები. ფოკუს-ჯგუფებით, ჩაღრმავებული ინტერვიუებით და გამოკითხვით მიღებული შედეგების გაანალიზების მიხედვით საბჭო შეიმუშავებს რეკომენდაციებს და ადგილობრივ ხელისუფლებას წარუდგენს მომავალი წლის ბიუჯეტში გასათვალისწინებლად.
სხდომის მომდევნო ნაწილში მონაწილეებმა შეაფასეს გენდერული საბჭოს პროექტის ფარგლებში გამართული კონფერენცია და ისაუბრეს იმ აქტივობებზე, რომლებიც პროექტის მეორე ეტაპზე უნდა ჩატარდეს.
შეხვედრის ბოლოს მერიის წარმომადგენელმა პაატა კლდიაშვილმა სხდომის მონაწილეებს წარუდგინა „ქუთაისის განვითარების სტრატეგია“. საბჭოს წევრებმა გადაწყვიტეს, უფრო აქტიურად ჩაერთონ ამ დოკუმენტის განხილვაში და გენდერული კომპონენტები შეიტანონ ცალკეულ აქტივობებში.
ქუთაისის გენდერულმა საკონსულტაციო საბჭომ სამწლიანი მუშაობის შედეგები შეაჯამა. კონფერენციას ესწრებოდნენ ქუთაისის მუნიციპალიტეტის 12 ადმინისტრაციული ერთეულის წარმომადგენლები, ქუთაისის, ოზურგეთის, სენაკის გენდერული საკონსულტაციო საბჭოს წევრები, არასამთავრობო ორგანიზაციებისა და მედიის წარმომადგენლები.
კონფერენციაზე მომხსენებლებმა იმ ძირითად შედეგებზე გააკეთეს აქცენტი, რომლებიც სამწლიანი მუშაობის შედეგად დაგროვდა. აღინიშნა, რომ საბჭომ მნიშვნელოვანი წვლილი შეიტანა ადგილობრივ დონეზე გენდერული პოლიტიკის შექმნაში - შედეგად 2016 წლის ბიუჯეტში აისახა გენდერული საკითხები.
შედეგებში მოხვდა გენდერული საკითხების აქტუალობა ადგილობრივ მედიაში, გენდერული ბიუჯეტირების მნიშვნელობა და პრიორიტეტულობა, საკონონმდებლო ცვლილებები, რაც მუნიციპალურ დონეზე გენდერული საბჭოების შექმნას გულისხმობს.
როგორც კონფერენციაზე ითქვა, საბჭოს გამოცდილება, მიღებული შედეგები კარგ საფუძველს შეუქმნის ქუთაისის მომავალ საბჭოს გენდერული მიმართულებით ეფექტური მუშაობისთვის.
25 აგვისტოს ქუთაისის გენდერული საბჭოს სხდომა გაიმართა. პროექტის თანახმად, ეს საბჭოს წევრთა ბოლო შეხვედრაა. მონაწილეებმა სამწლიანი მუშაობის შედეგებზე ისაუბრეს. მათი შეფასებით, გენდერულმა საბჭომ მნიშვნელოვანი წვლილი შეიტანა ადგილობრივი გენდერული პოლიტიკის ფორმირებაში. თუმცა, ქალთა მხარდაჭერა, მათი რიცხვის გაზრდა ადგილობრივ პოლიტიკურ დონეზე კვლავაც რჩება მთავარ გამოწვევად.
საბჭოს წევრები მიიჩნევენ, რომ ის რესურსი და გამოცდილება, რომელიც ამ ეტაპზე არსებობს, არ უნდა დაიკარგოს. გენდერული პოლიტიკის გაძლიერებაში მნიშვნელოვნად მიაჩნიათ საკრებულოსთან არსებული გენდერული საბჭოს ფორმირება და ამ მიმართულებით მუშაობის გაგრძელება.
ქუთაისის გენდერული საკონსულტაციო საბჭოს პროექტი „გენდერული ცნობიერების ფორმირება სკოლამდელი ასაკის ბავშვებში“ მორიგ ეტაპზეა. პროექტის მიზანია არაძალადობრივი, გენდერულად მგრძნობიარე თაობის აღზრდის ხელშეწყობა.
პროექტის ფარგლებში თოჯინების ჩრდილების თეატრის მიერ მომზადდა სპექტაკლი. სცენარად გამოყენებულია ნაწარმოები „გოგონა ზურმუხტის ქვეყნიდან“. სპექტაკლი სიყვარულს, მეგობრობას, თანასწორობას, პატრიოტიზმს ქადაგებს. მთავარი პერსონაჟი გოგონა - პირიმზე ცდილობს, დაბრუნდეს საკუთარ ქვეყანაში, სადაც ყველა ერთმანეთის თანასწორია, სადაც ადამიანები ერთმანეთის შესაძლებლობებს პატივს სცემენ.
სპექტაკლი ამსხვრევს საზოგადოებრივ სტერეოტიპებს თანასწორობასთან მიმართებაში. პირველ ჩვენებას დაესწრნენ ფონდი „სოხუმის“ წარმომადგენლები, გენდერული საბჭოს წევრები.
პროექტიდან გამომდინარე, სპექტაკლის ჩვენებები დაგეგმილია ქუთაისში, ხონსა და წყალტუბოში.
15 ივლისს ქუთაისის გენდერული საკონსულტაციო საბჭოს მორიგი შეხვედრა გაიმართა. როგორ აფასებენ მონაწილეები 29-30 ივნისს ბათუმში ფონდი „სოხუმის“ მიერ ჩატარებული ქუთაისის, ბათუმის, ოზურგეთის, სენაკის გენდერული საბჭოების ქსელურ შეხვედრას? ვინ რა შეიძინა, რაში გამოიყენებს მიღებულ გამოცდილებას, - ამ საკითხზე საკუთარი მოსაზრებები გამოთქვეს საბჭოს წევრებმა.
ქუთაისის გენდერულმა საბჭომ დაიწყო ახალი პროექტი „გენდერული ასპექტების გაძლიერება ადგილობრივი გენდერული პოლიტიკის ფორმირებაში აქტიური ჩართვისათვის“. პროექტი ხორციელდება ქუთაისის მერიისა და ფონდი „სოხუმის“ თანადაფინანსებით.
21 აპრილს პროექტის ფარგლებში „გრანდ პალასში“ რეგიონალური კონფერენცია გაიმართა თემაზე „გენდერული კომპონენტები ადგილობრივ ბიუჯეტში - არსებული რეალობა, პოზიტიური ცვლილებები, მომავლის პერსპექტივები“.
კონფერენციაში მონაწილეობდნენ დასავლეთ საქართველოს 17 მუნიციპალიტეტის - ქუთაისის, ბათუმის, ოზურგეთის, სენაკის, ზუგდიდის, ფოთის, წყალტუბოს, ხონის, ვანის, სამტრედიის, ხარაგაულის, ზესტაფონის, თერჯოლის, ტყიბულის, ქობულეთის, ჩოხატაურის, ლანჩხუთის ადგილობრივი თვითმმართველობის წარმომადგენლები, გენდერული საკონსულტაციო საბჭოს წევრები, უნივერსიტეტების რექტორები, პროფესორები, სტუდენტები, არასამთავრობო ორგანიზაციების, მედიის წარმომადგენლები.
კონფერენციის პირველ ნაწილში ქუთაისის, ბათუმის, ოზურგეთის და სენაკის გენდერული საკონსულტაციო საბჭოების წარმომადგენლებმა ადგილობრივ თვითმმართველობებთან თანამშრომლობით გენდერული მიმართულებით მიღებულ შედეგებზე ისაუბრეს.
კონფერენციის მეორე ნაწილში მომხსენებლებმა თანასწორობის თემა სხვადასხვა კონტექსში განიხილეს. კონფერენცია დასრულდა მოხსენებით: სტუდენტთა გენდერული საჭიროებები და მათი ჩართულობა ადგილობრივი ბიუჯეტის ფორმირებაში.
პროექტის პირველი ეტაპი დასრულდა. კონფერენციაზე განხილულ საკითხებზე დისკუსიები ქუთაისის უნივერსიტეტებში გაგრძელდება.
პროექტი ხორციელდება გაეროს ქალთა ორგანიზაციის
ქუთაისის გენდერული საბჭო სამწლიანი მუშაობის შედეგებს აჯამებს: ამ მიზნით ტარდება საკმაოდ მასშტაბური კონფერენცია. სხდომაზე იმსჯელეს საორგანიზაციო საკითხებზე. შეადგინეს მონაწილეთა სია. კონფერენციაზე მოწვეულნი იქნებიან ქუთაისის 12 ადმინისტრაციული ერთეულის, ადგილობრივი ხელისუფლების და მედიის წარმომადგენლები.
საბჭოს წევრების აზრით, კონფერენცია კარგი არენაა გამოცდილების გაზიარებისთვის. ეს იქნება ანგარიში, შეფასება და გენდერული მიმართულებით მიღწეული პოზიტიური შედეგების წარმოჩენა.
- ადგილობრივ ხელისუფლებასთან თანამშრომლობით განხორციელებული ორი პროექტი, მონაწილეობა სხვადასხვა თემატიკის ტრენინგებში, საზოგადოების ინფორმირება საბჭოს მუშაობაზე ტელე და რადიო გადაცემებში მონაწილეობით, გენდერული საჭიროებების კვლევა და კვლევის შედეგების გათვალისწინებით რეკომენდაციების შემუშავება. გენდერული პოლიტიკის გეგმის წარდგენა ადგილობრივ ბიუჯეტში გენდერული კომპონენტების დასამკვიდრებლად და ადგილობრივი ხელისუფლებისგან მიღებული მხარდაჭერა - ქუთაისის გენდერულმა საკონსულტაციო საბჭომ ამ შედეგებით ერთწლიანი მუშაობა შეაჯამა.
მრგვალი მაგიდის ფორმატით გამართულ სხდომას ესწრებოდნენ ქუთაისის საკრებულოს წევრები, მერიის სხვადასხვა სამსახურის და არასამთავრობო ორგანიზაციების წარმომადგენლები. იყო საუბარი პრობლემებზე, ხარვეზებზე, სამომავლო გეგმებზე.
