ქალთა საინიციატივო ჯგუფები (114)
ქალთა საინიციატივო ჯგუფი – ქალთა ჯგუფი, რომელიც შეიქმნა 2016 წელს. მისი მიზანია: ადამიანურ უსაფრთხოებასთან დაკავშირებული კრიზისებისა და კონფლიქტური სიტუაციების პრევენცია, ადგილობრივი სოციალური პრობლემების ადვოკატირება და მოგვარება. ჯგუფები ჩამოყალიბდა ხონში, ქუთაისში, წყალტუბოში, ხურჩაში (ზუგდიდის მუნიციპალიტეტი).
კონფლიქტური და კრიზისული სიტუაციების იდენტიფიცირების მიზნით ქალთა საინიციატივო ჯგუფებმა ანკეტირება ჩაატარეს ქუთაისში, წყალტუბოსა და ზუგდიდის მუნიციპალიტეტის ორ სოფელში: ხურჩასა და კოკში.
სულ გამოიკითხა 18-დან 68 წლამდე ასაკის 90 ბენეფიციარი ქალი. ანკეტირებით გამოიკვეთა, რომ მათ თემებში განსაკუთრებით აქტუალურია სოციალური კონფლიქტები, რომელთა მიზეზებიც არის მოუწესრიგებელი ინფრასტრუქტურა, გზები.
კონფლიქტის მიზეზებში მაღალი მაჩვენებელი აქვს სოციალური სტატუსის შეწყვეტას, სადაო ხელშეკრულებებს და ზეპირ გარიგებებს.
რაც შეეხება შეკითხვას, როგორ რეაგირებთ და რა საშუალებებს მიმართავთ თქვენს თემში შექმნილი კონფლიქტური სიტუაციების დროს? პასუხებში ფიქსირდება, რომ ყველაზე ხშირად თვითონ ეძებენ გამოსავლს, ან მიმართავენ იურისტებს, არასამთავრობო ორგანიზაციებს. რამდენიმე რესპონდენტი პასუხობს, რომ ურეკავს ჟურნალისტებს.
ანკეტების ანალიზის შედეგად მოხერხდა ხუთი სხვადასხვა პრობლემის იდენტიფიცირება. პროცესში ქალთა საინიციატივო ჯგუფის წევრები ჩაერთვებიან და კონფლიქტების პრევენციას შეეცდებიან.
ანკეტირებით მიღებული მონაცემებით მოხდა კონფლიქტური სიტუაციების იდენტიფიცირება. იდენტიფიცირებული პრობლემებიდან სამი კრიზისული სიტუაცია შეირჩა და ანალიზი გაკეთდა კონფლიქტურ მგრძნობელობაზე.
კონფლიქტების ანალიზი საშუალებას იძლევა გაირკვეს, რა არის კონფლიქტის ობიექტი, ვინ არიან დაპირისპირებული მხარეები, რა ინტერესები გააჩნიათ, რა ფაქტორებმა შეიძლება გამოიწვიოს კონფლიქტის განვითარება და, რეალობიდან გამომდინარე, რა ალტერნატიული ვერსიები არსებობს პრობლემის დასაძლევად.
კონფლიქტური სიტუაციების ანალიზი ქუთაისის, წყალტუბოს, ზუგდიდის ქალთა საინიციატივო ჯგუფებს შესაძლებლობას მისცემს, ადვოკატირების გეგმა შეადგინონ და ეფექტურად იმუშაონ კონფლიქტების ადრეულ პრევენციაზე.
ფონდი „სოხუმის“ ხონის ქალთა საინიციატივო ჯგუფმა დონორი ორგანიზაცია „ორბელიანი საქართველოს“ მხარდაჭერით პლაზმური ტელევიზორი მიიღო. პროექტიდან გამომდინარე, ხონის საბავშვო ბიბლიოთეკის ბაზაზე შეიქმნა მოზარდთა კლუბი „გენდერული სათვალე“. კლუბის წევრები ყოველთვიურად შეიკრიბებიან, მოეწყობა ფილმების ჩვენება და დისკუსიები გენდერული რაკურსით. იგეგმება წარმატებული ქალების მოწვევა და სხვა სახის აქტივობები.
ეს იდეა ქალთა საინიციატივო ჯგუფის ერთ-ერთ შეხვედრაზე გაჩნდა, რაც შემდგომში დონორის მოძიებით და პროექტის მომზადებით გაგრძელდა. ჯგუფის წევრების აზრით, მოზარდთა ინფორმირება გენდერულ საკითხებზე ამ ფორმატით, მნიშვნელოვნად შეამცირებს საზოგადოებაში ქალთა მიმართ ძალადობის საფრთხეს და ხელს შეუწყობს გენდერული თანასწორობის დამკვიდრებას.
ხონის ქალთა საინიციატივო ჯგუფის წევრებმა იმსჯელეს, რა მიღწევები აქვთ პრობლემათა ადვოკატირების და ადგილობრივ ხელისუფლებასთან თანამშრომლობის კუთხით. მონაწილეებმა გამგეობიდან მიღებული წერილების ანალიზის შემდეგ მიმდინარე პრობლემის ადვოკატირების გეგმას გადახედეს.
ჯგუფის მოდერატორმა ანგარიში წარმოადგინა, როგორ მუშაობს საინიციატივო ჯგუფის პროექტის ფარგლებში შექმნილი ახალგაზრდული კლუბი „გენდერული სათვალე“. მათი მოსაზრებით, მსგავსი ფორმატი ხონელი მოზარდებისთვის ახალია და შესაბამისად შეხვედრები საინტერესოდ მიდის.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
ფონდი „სოხუმის“ ხონის ქალთა საინიციატივო ჯგუფი აქტიურად არის ჩართული ქალთა მიმართ ძალადობის წინააღმდეგ მიმდინარე კამპანიაში. გაიმართა საინფორმაციო შეხვედრები ადგილობრივი მუნიციპალიტეტის სხვადასხვა სტრუქტურის წარმომადგენლებთან. დარიგდა საინფორმაციო ფურცლები. ადგილობრივი მთავრობა პროტესტს უცხადებს ქალთა მიმართ ძალადობას და მზადყოფნას გამოთქვამს, აქტიურად ითანამშრომლოს ფონდ „სოხუმთან“ ძალადობის პრევენციულ ღონისძიებებში.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
წყალტუბოში ქალთა საინიციატივო ჯგუფი შეიკრიბა. შეხვედრის მონაწილეებმა კიდევ ერთხელ გადახედეს იმ პრობლემებს, რომელთა მოგვარებაც მათი ჩართულობით და ძალისხმევით უკვე მოხერხდა. საერთო შეფასებით, ჯგუფის წევრებს დაუგროვდათ ადვოკატირების კამპანიის ეფექტური წარმოების გამოცდილება, რაც მათ მუშაობაშიც კარგად აისახა.
ადვოკატირების გეგმიდან გამომდინარე, საინიციატივო ჯგუფი აპირებს მონიტორინგის განხორციელებას, რათა ადგილზე გაეცნოს სიტუაციას და ინფორმაცია მოაგროვოს, როგორ მიდის პროცესი და რა ვადებში შეიძლება დასრულდეს ადვოკატირება.
მონაწილეებმა სხვადასხვა ინსტანციაში გაგზავნილი წერილების პასუხებიც განიხილეს და, შესაბამისად, ადვოკატირების გეგმაში ცვლილებები შეიტანეს.
წყალტუბოს ქალთა საინიციატივო ჯგუფი აქტიურად ჩაერთო საერთაშორისო კამპანიაში „16 აქტიური დღე ქალთა მიმართ ძალადობის წინააღმდეგ“. ჩატარდა საინფორმაციო შეხვედრები წყალტუბოს მუნიციპალიტეტის სოფლებში: ცხუნკური, გუმბრინი, ქვილიშორი.
კამპანიაში აქტიურად ჩაერთნენ ადგილობრივი თვითმმართველობის წარმომადგენლები. როგორც მოდერატორი აღნიშნავს, საზოგადოების დამოკიდებულება წინა წლებთან შედარებით შეცვლილია, სხვადასხვა ასაკის ადამიანები აღნიშნავენ, რომ ქალი ოჯახის ხერხემალია, საზოგადოება და სახელმწიფო მას განსაკუთრებით უნდა უფრთხილდებოდეს. ძალადობა ქალზე ბოროტებაა და ეს არ უნდა ხდებოდეს.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
მალე წყალტუბოში ახალი მოწვევის საკრებულო შეიკრიბება. სასიხარულოა, რომ ქალთა საინიციატივო ჯგუფის მოდერატორი ლატავრა ბენდელიანი საკრებულოს წევრი გახდა. ჯგუფის წევრების თქმით, კარგი გარემოა საიმისოდ, რომ ქალთა პრობლემები გაიტანონ და მიიღონ საკრებულოს მხარდაჭერა.
წყალტუბოს ქალთა საინიციატივო ჯგუფის შეხვედრაზე აღინიშნა, რომ პროექტი მთავრდება, მაგრამ ჯგუფის წევრები მუშაობას გააგრძელებენ, რადგან ჯერ კიდევ ბევრია პრობლემა, რომლის მოგვარება შესაძლებელია ადგილობრივ დონეზე.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
წყალტუბოში ფონდი „სოხუმის“ ორგანიზებით გამართულ მრგვალ მაგიდას ადამიანური უსაფრთხოების თემაზე ესწრებოდნენ მუნიციპალიტეტის გამგეობის სხვადასხვა სტრუქტურის წარმომადგენლები და სამოქალაქო სექტორის აქტივისტები.
შეხვედრის მონაწილეებმა მოისმინეს ინფორმაციები პროექტზე და ქალთა საინიციატივო ჯგუფების მუშაობაზე. დეტალურად განიხილეს ადამიანური უსაფრთხოების კომპონენტები, ისაუბრეს წყალტუბოში არსებულ საფრთხეებზე.
- უმუშევრობა, გაუმართავი შიდა საქალაქო ტრანსპორტი, გარე ვაჭრობა, სოციალურად დაუცველი ადამიანების სტატუსების შეჩერება, გენდერული დისბალანსი საარჩევნო სიებში - ეს საკითხები გამოიკვეთა დისკუსიისას.
მონაწილეები მიიჩნევენ, რომ უსაფრთხოების ხარისხის გაუმჯობესება შესაძლებელია სამოქალაქო აქტივიზმის გაძლიერებით და ადგილობრივ სახელმწიფო სტრუქტურებთან თანამშრომლობით.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)
შიდა მონიტორინგმა აჩვენა, რომ ქუთაისში ქალთა საინიციატივო ჯგუფის ორგანიზებით იანვრიდან დღემდე 5 სხვადასხვა ტიპის პრობლემათა ადვოკატირება მოხერხდა.
დადებითად გადაჭრილი პრობლემები ადამიანური უსაფრთხოების საკითხების ხარისხის ამაღლებას გულისხმობს. ადვოკატირების პროცესში აქტიურ რეჟიმში მიმდინარეობდა თანამშრომლობა ადგილობრივ ხელისუფლებასთან.
საინიციატივო ჯგუფმა მოახერხა ასევე სხვადასხვა თემში მცხოვრებ მოქალაქეთა გაქტიურება, მათი ჩართვა ადვოკატირების პროცესში. მონიტორინგმა აჩვენა ასევე, რომ გრძელვადიანი პრობლემების მოგვარება გადასულია მომდევნო ეტაპზეა და პროცესს საინიციატივო ჯგუფის წევრები მუდმივად აკონტროლებენ.
პროექტიხორციელდებაორგანიზაცია „ქალებიქალებისათვის“
(Kvinna till Kvinna) მხარდაჭერით (შვედეთი)