ახალგაზრდა ლიდერთა სკოლა (203)
ახალგაზრდა ლიდერთა სკოლა – გულისხმობს საქმიანობას ახალგაზრდობასთან მათი გაძლიერებისა და ლიდერული თვისებების ჩამოყალიბებისთვის. მუშაობა მიმდინარეობს დასავლეთ საქართველოს 9 მუნიციპალიტეტში - ქუთაისი, წყალტუბო, ხონი, თერჯოლა, სენაკი, ფოთი, ხურჩა/კოკი (ზუგდიდის მუნიციპალიტეტი), ლანჩხუთი, ოზურგეთი. ტარდება საინფორმაციო შეხვედრები გენდერულ და ოჯახში ძალადობის თემაზე ახალგაზრდულ კლუბებში, კონფლიქტოლოგის ვორკშოპები ახალგაზრდებთან, ეწყობა შეხვედრები ვაჟებთან, ჩამოყალიბდა ახალგაზრდა ტრენერთა ჯგუფი, იმართება ტრენინგები და სხვადასხვა სახის შეხვედრები ახალგაზრდების მონაწილეობით.
ივლისის პირველ ნახევარში გაიმართა ახალგაზრდული კლუბების სამი საინფორმაციო შეხვედრა წყალტუბოში, ფოთსა და კოკში (ზუგდიდის მუნიციპალიტეტი).
გენდერული ძალადობის მიზეზებისა და დაცვის მექანიზმების განხილვისას ახალგაზრდები საუბრობდნენ ქალთა უფლებების დარღვევაზე, ძალადობის ფაქტებზე, მოჰყავდათ მაგალითები.
დისკუსიამ დაგვანახა, რომ ახალგაზრდებს, რომლებიც აქტიურად თანამშრომლობენ არასამთავრობო ორგანიზაციებთან, შეუძლიათდიდი როლი შეასრულონ გენდერულად დაბალანსებული საზოგადოების შექმნაში.
მარიამ ჩერქეზია ახალგაზრდა ფასილიტატორია. მან გაიარა ფონდი „სოხუმის“ ორგანიზებული სამდღიანი ტრენინგი ქართულ-აფხაზური კონფლიქტის ტრანსფორმაციის საკითხებზე და მიიღო ვორკშოპის ჩატარების დავალება.
ვორკშოპი ჩატარდა ფონდი „სოხუმის“ ოფისში. ახალგაზრდებმა ისაუბრეს კონფლიქტის ტრანსფორმაციაზე, მოგვარების გზებზე, სამშვიდობო ინიციატივებზე. ვორკშოპის შესახებ სიუჟეტი მოამზადეს ტელეკომპანია „რიონის“ ჟურნალისტებმა.
მუშაობა წარიმართა პროექტის „ქალთა შესაძლებლობების განვითარება კონფლიქტის ტრანსფორმაციაში ახალი მიდგომების გამოსამუშავებლად“ ფარგლებში.
პროექტი ხორციელდება შვეიცარიის საგარეო საქმეთა ფედერალური დეპარტამენტის მხარდაჭერით
ფონდი „სოხუმის“ ახალგაზრდული კლუბების მოხალისეები აქტიურად ჩაერთნენ საზაფხულო ბანაკების ორგანიზებაში. 11 აქტივისტი ფასილიტატორად მუშაობდა ან ახლაც მუშაობს ბანაკებში - სხვადასხვა თემაზე ატარებს საინფორმაციო შეხვედრებს.
წყალტუბოში კლუბის წევრები ჩაერთნენ ინტელექტუალური ვიქტორინების და სპორტული შეჯიბრებების მომზადებაში. ფოთელმა ახალგაზრდებმა სხვადასხვა გამოფენის მოწყობას შეუწყვეს ხელი.
კოკის ახალგაზრდული კლუბი საინფორმაციო შეხვედრებს ატარებს ორსანტიაში (ზუგდიდის მუნიციპალიტეტი) და აქტიურად ავრცელებს ინფორმაციებს ახალგაზრდებისთვის აქტუალურ თემებზე.
პროექტიხორციელდება ორგანიზაციაBrotfürdieWelt – Evangelischer
Entwicklunsdienstმხარდაჭერით (გერმანია)
ეთიკის და ესთეტიკის ნორმები, სქესობრივი აღზრდა და შინაგანი კულტურის ფორმირება ძალადობის პრევენციისთვის - ამ თემას მიეძღვნა ახალგაზრდული კლუბის საინფორმაციო შეხვედრები ქუთაისის, ხონის, სენაკის, ფოთის და წყალტუბოს ქალთა მხარდაჭერის ცენტრებში და ზუგდიდის მუნიციპალიტეტის კოკის საჯარო სკოლაში (ხურჩა/კოკის ქალთა მხარდაჭერის ცენტრი).
თემის მიმართ ინტერესი დიდი იყო, მონაწილეები აქტიურად ჩაერთნენ დისკუსიაში. მოიყვანეს ცხოვრებისეული მაგალითები, ისაუბრეს ტრადიციებზე. ბევრმა მათგანმა აღნიშნა, რომ მოსწონს ტაბუდადებულ თემაზე საუბარი, იღებს საჭირო ინფორმაციას და მერე ავრცელებს თანატოლებში.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქართულ-აფხაზური კონფლიქტის ტრანსფორმაცია, ქალთა ჩართულობა მოლაპარაკების პროცესში - ამ თემებზე ჩაატარეს ვორკშოპი კოკის (ზუგდიდის მუნიციპალიტეტი) საჯარო სკოლაში ტატა ნარმანიამ და ნინო მორგოშიამ, რომლებმაც ტრენინგი გაიარეს ფონდ „სოხუმში“. 16 ახალგაზრდამ (მათ შორის იყვნენ აფხაზეთიდან დევნილები) მიიღო საინტერესო ინფორმაცია ქართულ-აფხაზური კონფლიქტის მიზეზების შესახებ. იყო ისტორიული მიმოხილვა, ჯგუფური მუშაობა და პრეზენტაციები. მონაწილეებმა დააფიქსირეს სამშვიდობო ინიციატივები. მათგან წამოსულმა პოზიტივმა და აქტიურობამ ვორკშოპი ნაყოფიერი გახადა.
პროექტი ხორციელდება შვეიცარიის საგარეო საქმეთა ფედერალური
დეპარტამენტის მხარდაჭერით
სექტემბერში გაიმართა ახალგაზრდული კლუბების ექვსი საინფორმაციო შეხვედრა.
3 სექტემბერს წყალტუბოში, კოლექტიურ ცენტრ „მედეაში“ შეხვედრას ესწრებოდნენ იქ მცხოვრები გოგონები. 5 სექტემბერს ახალგაზრდები ქუთაისის ქალთა მხარდაჭერის ცენტრში შეიკრიბნენ. მესამე შეხვედრა ფოთის მე-7 სკოლაში ჩატარდა 11 სექტემბერს. 12 სექტემბერს შეხვედრა შედგა ხონის მხარდაჭერის ცენტრში, 13-ში - კოკის (ზუგდიდის მუნიციპალიტეტი) საჯარო სკოლაში და ბოლოს, 14-ში - სენაკის ქალთა მხარდაჭერის ცენტრში.
შეხვედრებისთვის შეირჩა დღეისათვის და განსაკუთრებით ახალგაზრდებში საკმაოდ აქტუალური თემა: აზარტული თამაშები, მიზეზები, შედეგები და გადაჭრის გზები ძალადობის პრევენციისთვის.
იყო გულახდილი, გულშემატკივრული საუბრები, აზრთა სხვადასხვაობა და კამათი. მონაწილეებმა აღნიშნეს, რომ ეს სერიოზული პრობლემა ხშირად ძალადობას იწვევს. მათი აზრით, სახელმწიფომ უნდა აიღოს პასუხისმგებლობის დიდი წილი - დაცვის მექანიზმების შემუშავება, დასაქმების პროგრამები, ჯანსაღი ცხოვრების წესის პროპაგანდა, ახალგაზრდების დასაქმების ხელშეწყობა.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
WAVE #StepUp - საერთაშორისო კამპანია „ძალადობის მსხვერპლ ქალთა და მათი შვილების მხარდაჭერა და დაცვა“
21 სექტემბერს ფონდი „სოხუმი“ და ახალგაზრდული ჯგუფები შეუერთდნენ WAVE #StepUp-ის საერთაშორისო კამპანიას „ძალადობის მსხვერპლ ქალთა და მათი შვილების მხარდაჭერა და დაცვა“.
21-24 სექტემბერს ფონდი „სოხუმის“ ორგანიზებით ჩატარდა ოთხდღიანი ტრენინგი თემაზე „კონფლიქტოლოგიის საფუძვლების კურსი“. მუშაობაში მონაწილეობდნენ ახალგაზრდები დასავლეთ საქართველოს 8 მუნიციპალიტეტიდან (ქუთაისი, ხონი, წყალტუბო, სენაკი, ფოთი, ზუგდიდი, ოზურგეთი, ბათუმი).
ტრენინგზე განხილული იყო შემდეგი თემები: კონფლიქტის ფორმები, სახეები, ანალიზი და მოგვარების მეთოდები, ინფორმირების როლი კონფლიქტის მოგვარებაში, ქალის როლი და გენდერული ასპექტები კონფლიქტის დარეგულირებაში, მასკულინურობის და ფემინურობის კონცეფციები, მასკულინურობა და ნაციონალიზმი კონფლიქტის გაღვივებაში.
ტრენინგის ერთ-ერთი ბლოკის შემდეგ გაიმართა ფონდი „სოხუმის“ ფორემ-თეატრის წარმოდგენები და დისკუსია - მონაწილეებმა პრაქტიკულად დაინახეს, როგორ ვითარდება კონფლიქტი, რა როლი აქვს ინფორმაციას და შესაძლებელია თუ არა კონფლიქტის პრევენცია.
ოქტომბერში ამ ჯგუფისთვის ჩატარდება მეორე ტრენინგი და შემდეგ ისინი თვითონ დაიწყებენ ვორკშოპების ჩატარებას თავიანთ თანატოლებთან.
პროექტი ხორციელდება კანადის ადგილობრივი ინიციატივების ფონდის -CFLI (კანადის საელჩო თურქეთში) მხარდაჭერით
ტოლერანტობის აღქმა ახალგაზრდებში ძალადობის პრევენციისთვის - ამ აქტუალურ საკითხზე გაიმართა დისკუსიები ფონდი „სოხუმის“ ახალგაზრდული კლუბების საინფორმაციო შეხვედრებზე - გეგუთის 1-ლ საჯარო სკოლაში, ქუთაისის ახალგაზრდულ ცენტრში, მენჯის (სენაკის მუნიციპალიტეტი) საჯარო სკოლაში, ფოთის 21 საჯარო სკოლაში, ხონის ბიბლიოთეკაში, კოკის (ზუგდიდის მუნიციპალიტეტი) საჯარო სკოლაში.
მონაწილეებმა შეაფასეს ტოლერანტობის პრობლემა საზოგადოებაში, ისაუბრეს დამოკიდებულებაზე ტრადიციების, რელიგიურ უმცირესობათა წარმომადგენლების, უცხოელი სტუდენტების მიმართ...
მათი მოსაზრებები ასეთია:
„ახალგაზრდებში არსებობს აგრესია და მის წინააღმდეგ მეტი ინფორმირებაა საჭირო“.
„თავისუფალ სივრცეში მსგავსი თემების განხილვა ბევრად შედეგიანია, ვიდრე სამოქალაქო გაკვეთილებზე.“
„ამ თემებზე საუბარი მნიშვნელოვანია პიროვნული ჩამოყალიბებისთვის. თავისუფალი გარემო, საკუთარი შესაძლებლობების გამოვლინება და საკუთარ თავზე მუშაობა - ეს არის კლუბის დამსახურება.“
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
ქუთაისში ოთხი დღის განმავლობაში მიმდინარეობდა მეორე ეტაპი ტრენინგისა „კონფლიქტოლოგიის საფუძვლების კურსი“. 18 მონაწილე - ახალგაზრდები დასავლეთ საქართველოს 8 მუნიციპალიტეტიდან (ქუთაისი, ხონი, წყალტუბო, სენაკი, ფოთი, ზუგდიდი, ოზურგეთი, ბათუმი) - ამჯერად ტრენინგის ჩატარების ტექნიკას დაეუფლა - ყველა მათგანმა თეორიულ ცოდნასთან ერთად პრაქტიკული უნარ-ჩვევებიც მიიღო და მოდელირებული ვორკშოპიც ჩაატარა.
პროექტი ხორციელდება კანადის ადგილობრივი ინიციატივების ფონდის -CFLI (კანადის საელჩო თურქეთში) მხარდაჭერით