ვებგვერდის განახლებასა და მონაწილეობით ბიუჯეტზე მსჯელობდნენ თერჯოლაში, სამუშაო ჯგუფის შეხვედრაზე. საკრებულოში გამართულ შეხვედრას ესწრებოდნენ ჯგუფის ახალი წევრები, საკრებულოს კომისიის ხელმძღვანელი და ფინანსური სამსახურის წარმომადგენელი.
სამომავლო გეგმების განხილვისას დაისვა მუნიციპალიტეტის ვებგვერდის განახლების საკითხი, რადგან ეს ელექტრონული სერვისი აუცილებელია. ასევე გაკეთდა აქცენტი მონაწილეობით ბიუჯეტზე, რომ რაც შეიძლება მეტი მოქალაქე ჩაერთოს ახალი ბიუჯეტის განხილვაში და შეძლოს თავისი კონკრეტული საჭიროებების მოგვარება.
ეს ორი ძირითადი კომპონენტი ფინანსურ მხარდაჭერას მოითხოვს, ამიტომაც დაიგეგმა საკონსულტაციო შეხვედრა ფინანსური განყოფილების წევრებთან.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ეთიკის კოდექსის სამუშაო ვარიანტის განხილვას დაეთმო სამუშაო ჯგუფის მორიგი შეხვედრა ბაღდათის მუნიციპალიტეტის მერიაში. ჯგუფის წევრებს შორის განაწილდა მოვალეობები, რაც ხელს შეუწყობს კოდექსის დროულად შემუშავებას და შემდგომში მის მიღებას იურიდიულ დოკუმენტად. პარტნიორმა სამოქალაქო საზოგადოების ორგანიზაციებმა ჯგუფის წევრებს წარუდგინეს საჯარო მმართველობის რეფორმის საგზაო რუკის განხორციელების მონიტორინგის ფარგლებში შემუშავებული რეკომენდაციები, რომლებიც სამოქმედო გეგმაში უნდა აისახოს.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ოჯახის ექიმები, სასწრაფო დახმარების ექიმები, პოლიკლინიკებსა და სოფლის ამბულატორიებში მომუშავე მედპერსონალი შეიკრიბა საინფორმაციო შეხვედრაზე ცაგერის მუნიციპალიტეტის სამედიცინო კლინიკაში.
ისაუბრეს აქტუალურ საკითხებზე: კანონი ქალთა მიმართ/ოჯახში ძალადობის აღკვეთის შესახებ, რეფერირება და კონკრეტულად - სამედიცინო პერსონალის როლი ძალადობის მსხვერპლთა იდენტიფიკაციისა და დახმარების კუთხით. ასევე გაიმართა ამ საკითხებზე სპეციალურად მედპერსონალისთვის გამოცემული პუბლიკაციის პრეზენტაცია. შეკრებილებმა გამოხატეს თავიანთი მოსაზრებები და მზადყოფნა, უფრო აქტიურად ჩაერთონ ძალადობის პრევენციის პროცესში.
თერჯოლის მუნიციპალიტეტში დამტკიცდა 2020-2021 წლების სამოქმედო გეგმა, რომელიც საჯარო მმართველობის რეფორმის განხორციელების ხელშეწყობას ითვალისწინებს - ელექტრონული სერვისების განვითარების მიმართულებით. ეს ერთ-ერთი საკითხი იყო საკრებულოს მორიგ სხდომაზე, რომელიც საკრებულოს თავმჯდომარის ნინო ჯანელიძის ხელმძღვანელობით გაიმართა.
გეგმა შემუშავდა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
ხონის საკრებულოს სხდომაზე მალე უნდა გაიტანონ დასამტკიცებლად სამუშაო ჯგუფის მომზადებული სამოქმედო გეგმა. უკვე არსებობს გეგმის საბოლოო ვერსია, თუმცა საკრებულოს სააქტო დარბაზში კიდევ ერთხელ შეიკრიბნენ სამუშაო ჯგუფის წევრები. შეხვედრაზე დაიგეგმა წინა სამუშაო პროცესი, რომელიც მოამზადებს ნიადაგს სამოქმედო გეგმის დამტკიცებისთვის. შეხვედრას ესწრებოდნენ მერიის, საკრებულოს და სამოქალაქო საზოგადოების ორგანიზაციების წარმომადგენლები.
პროექტი ხორციელდება ევროკავშირის მხარდაჭერით
ახალი ამბავი ინტერნეტში, ნიუსის სტრუქტურა, ფოტოების სწორად შერჩევა, მკითხველთა აუდიტორიის გაფართოება - ეს არის ფონდი „სოხუმის“ ორგანიზებულ ტრენინგზე განხილული საკითხების ერთი ნაწილი. განსაკუთრებული აქცენტი გაკეთდა იმაზე, როგორ აისახოს ნიუსში საქმიანობის შედეგები, მიღებული გაკვეთილები და წარმატების ისტორია.
ონლაინ ტრენინგში მონაწილეობდნენ 8 მუნიციპალიტეტის 16 სამოქალაქო საზოგადოების ორგანიზაციის, ფონდი „სოხუმის“, მეწარმე ქალთა ფონდის და იმერეთის მეცნიერთა კავშირ „სპექტრის“ წარმომადგენლები.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
იმერეთის მხარის მეცნიერთა კავშირი „სპექტრის“ მონაწილეობით განხორციელდა მესამე შეხვედრა ოზურგეთის მუნიციპალიტეტში პროექტის განმახორციელებელ გუნდსა („განათლებისა და თანასწორობის ცენტრი“ და „ახალგაზრდა პედაგოგთა კავშირი“) და ადგილობრივი სამუშაო ჯგუფის წევრებს შორის.
შეხვედრაზე ისაუბრეს სამუშაო ჯგუფის მიერ შემუშვებული სტრატეგიული გეგმის დეტალების, ოზურგეთის საკრებულოში აღნიშნული გეგმის წარდგენისა და დამტკიცების შესახებ. ჯგუფის წევრებმა სურვილი გამოთქვეს, მიიღონ ინფორმაცია პროექტის ფარგლებში სხვა მუნიციპალიტეტებში შექმნილი სამუშაო ჯგუფების საქმიანობის შესახებ.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.
პროექტი ხორციელდება ევროკავშირის მხარდაჭერით
კოვიდ-19-ის გამწვავებამ ისევ შეცვალა სიტუაცია, ამიტომაც თერჯოლის სამოქალაქო საზოგადოების ორგანიზაციებთან შეხვედრა ონლაინ ჩატარდა.
შეხვედრაში მონაწილეობდა ორი ორგანიზაცია: ბავშვთა უფლებების დაცვისა და მოქალაქეობრივი აღზრდის კავშირი „ბავშვები - საქართველოს მომავალი“ და „ქალები საქართველოს მომავლისთვის“. სსო-ების წევრებმა ისაუბრეს მუნიციპალიტეტში განხორციელებულ მინიპროექტებზე, მათ ეფექტიანობაზე, თვითმმართველობის მაქსიმალურ ჩართულობზე სხვადასხვა აქტივობაში.
განხილულ იქნა ახალი ორგანიზაციის შექმნის საკითხიც. წარმოდგენილი იყო რამდენიმე ვერსია.
პროექტი ხორციელდება ევროკავშირის მხარდაჭერით
COVID-19 პირობებში როგორ მიმდინარეობს პროექტი? როგორ უპასუხებენ ახალ გამოწვევებს პროექტის მონაწილეები? რა არის დაგეგმილი სამომავლოდ? ამ და სხვა საკითხებზე ისაუბრეს ოზურგეთში გამართულ საკონსულტაციო შეხვედრაზე პროექტში ჩართული ორგანიზაციების წევრებმა.
პროექტის ერთ-ერთი პარტნიორი ორგანიზაციაა იმერეთის მხარის მეცნიერთა კავშირი „სპექტრი“, ოზურგეთში კი პროექტს ახორციელებს სამოქალაქო საზოგადოების ორი ორგანიზაცია - „განათლებისა და თანასწორობის ცენტრი“ და „ახალგაზრდა პედაგოგთა კავშირი“.
მუშაობა მიმდინარეობს პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი სახელმწიფო მმართველობის რეფორმის საგზაო რუკის მონიტორინგის მიზნით“.
ხონის დევნილთა საინიციატივო ჯგუფი და განვითარებისა და განათლების ცენტრი „ედელვაისი“ – ხონის სამოქალაქო საზოგადოების ამ ორი ორგანიზაციის მონაწილეობით გაიმართა საკონსულტაციო ონლაინ ჩართვა. შეხვედრაზე წარმოდგენილი იყო საბოლოო ანგარიში ჩატარებული სამუშაოების და ორგანიზაციების მინი პროექტების შესახებ.
ორგანიზაციები აქტიურად არიან ჩართულები სამუშაო ჯგუფების მუშაობაში, ხვდებიან ადგილობრივი თვითმმართველობის წარმომადგენლებს.
შეხვედრაზე ისაუბრეს ახალი ორგანიზაციის შექმნაზეც - ეს პროექტის ახალი ინიციატივაა. არის შემოთავაზება, ახალგაზრდული საინიციატივო ჯგუფი დარეგისტრირდეს ახალ სსო-დ.