ქუთაისის ქალთა საინიციატივო ჯგუფს ზაფხულშიც არ შეუწყვეტია ადვოკატირების პროცესი. იდენტიფიცირებულ პრობლემებზე მომზადდა წერილები ქუთაისის მერის და ქუთაისის გენდერული თანასწორობის საბჭოს თავმჯდომარის სახელზე.
აგვისტოს მორიგ შეხვედრაზე ჯგუფის წევრებმა ისაუბრეს დაგეგმილ აქტივობებზე, რომლებიც სექტემბერში უნდა შეასრულონ. ჯგუფი ასევე აქტიურად მუშაობს იმ პრობლემების იდენტიფიცირებაზე, რომლებიც დევნილთა თემში წარმოიქმნება და შემდგომ გეგმებში ამ პრობლემების დაფიქსირებაც ხდება.
პროექტი ხორციელდება გაეროს ქალთა ორგანიზაციის
მხარდაჭერით
ხონის ქალთა სიანიციატივო ჯგუფის ადვოკატირებული პრობლემა ეხებოდა იმ შენობებს, სადაც ჯერ კიდევ არ არის გამოცვლილი საწვიმარი ღარები. უკვე მოხდა მათი გაწმენდა და პრობლემა ნაწილობრივ გადაიჭრა.
აქტიურად გრძელდება საინფორმაციო შეხვედრები მოსახლეობასთან. დასახლების მცხოვრებლები ეცნობიან ინფორმაციას, თუ რამდენად მნიშვნელოვანია, ადგილობრივ ბიუჯეტში არსებობდეს პროგრამა, რომლის ფარგლებში ბინათმესაკუთრეობის ამხანაგობები ადგილობრივ თვითმართველობასთან ერთად თანამონაწილეობით განახორციელებენ ინფრასტრუქტურულ პროექტებს. პეტიციის დარეგისტრირებით შესაძლებელი იქნება ცვლილების ინიცირება ადგილობრივ ბიუჯეტში.
პროექტი ხორციელდება გაეროს ქალთა ორგანიზაციის
მხარდაჭერით
დაიწყო ახალი პანელის შექმნა ვებგვერდზე „ძალადობის მსხვერპლთა სერვისების ციფრული რესურსცენტრი“ https://sosfsokhumi.ge/map
ეს ითვალისწინებს საპილოტე მუნიციპალიტეტებში ოჯახში და ქალთა მიმართ ძალადობისა და უსაფრთხოების რისკის ინდიკატორების განსაზღვრას, ქალთა წინაშე არსებულ საფრთხეებზე დროული რეაგირების მოხდენისა და შესაბამისი ადვოკატირების გაწევის მიზნით.
ოჯახში და ქალთა მიმართ ძალადობის რისკების შეფასება იგეგმება ფონდი „სოხუმის“ 10 სამიზნე მუნიციპალიტეტში: ზუგდიდი, წალენჯიხა, სენაკი, წყალტუბო, ხონი, ქუთაისი, ბაღდათი, ჩოხატაური, სამტრედია, ქობულეთი.
პროექტი ხორციელდება გენდერული თანასწორობის ფონდის მხარდაჭერით (კანადა)
ბაღების გაერთიანების ხელძღვანელობა, ადმინისტრაცია, ქალაქის ბაღების მენეჯერები, აღმზრდელები, ფსიქოლოგები, მეთოდისტები, გენდერული საბჭოს წევრები და მერიის წარმომადგენლები - 25 მონაწილე ესწრებოდა საინფორმაციო შეხვედრას ვანის მუნიციპალიტეტის საკრებულოს სააქტო დარბაზში.
მონაწილეები გაეცნენ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ https://wave-network. org/wp.../uploads/Toolkit-Georgian.pdf.
ეს სახელმძღვანელო ქალთა ევროპულმა ქსელმა WAVE-მა მოამზადა და მასში წარმოდგენილია ქალთა ორგანიზაციების მუშაობის წარმატებული პრაქტიკები. ამ პრაქტიკებს შორის ერთ-ერთია ქალთა ფონდი „სოხუმის“ წარმატებული მუშაობის შედეგები.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
ონლაინფორმატით ჩატარებულ საინფორმაციო შეხვედრას ესწრებოდნენ ქალთა საინიციატივო ჯგუფის წევრები ქუთაისის, ხონის, წყალტუბოს, სენაკის, ზუგდიდის მუნიციპალიტეტებიდან - სულ 45 ადამიანი.
შეხვედრის მონაწილეები გაეცნენ WAVE-ის მიერ მომზადებულ გზამკვლევს: „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ - https://wave-network.org/wp.../uploads/Toolkit-Georgian.pdf
მონაწილეებს მიეწოდათ ინფორმაციები გზამკვლევში წარმოდგენილი ქალთა ორგანიზაციების მუშაობის პერსპექტიულ პრაქტიკებზე, მათ მიერ გამოყენებულ სტრატეგიებზე ომის და ომის შემდგომ პერიოდში. ყურადღება გამახვილდა ფონდი „სოხუმის“ პრაქტიკაზე, რომელიც აღნიშნულ გზამკვლევში მნიშვნელოვან ადგილს იკავებს.
შეხვედრის მონაწილეთა შეფასებით, სახელმძღვანელო მნიშვნელოვნად დაეხმარება იმ ძირითად აქტორებს, რომლებიც ქალებისათვის უსაფრთხოების გარანტიების შექმნაზე არიან პასუხისმგებლები.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
აგვისტოში ქალთა მხარდაჭერის ცენტრების ორგანიზებით 15 შეხვედრა ჩატარდა და 150-ზე მეტ ადამიანს მიეწოდა ინფორმაცია მსხვერპლთა დახმარების კუთხით არსებულ სერვისებზე.
მუშაობა აქტიურად მიმდინარეობდა ათივე ცენტრში: ბაღდათის, ვანის, თერჯოლის, სამტრედიის, სენაკის, ხურჩის (ზუგდიდის მუნიციპალიტეტი), წალენჯიხის, ხობის, ქობულეთის და ჩოხატაურის ცენტრებში.
შეხვედრების მონაწილეებმა ისაუბრეს იმაზე, ძალადობის პრობლემის პრევენციისთვის რა მიმართულებით არის მუშაობა გასაძლიერებელი. გამოიკვეთა, რომ პერიფერიებში უნდა გაფართოვდეს მოსახლეობის ინფორმირების არეალი და გაიზარდოს არასამთავრობო ორგანიზაციების როლი ამ მხრივ.
გამოწვევებში გამოჩნდა ისიც, რომ მნიშვნელოვანია ქალთა მომზადება და ჩართვა ეკონომიკური გაძლიერების პროგრამებში.
ქალთა მხარდაჭერის ცენტრებში აღნიშნული გამოწვევების გათვალისწინებით გაგრძელდება მუშაობა. თვის განმავლობაში ოთხი ახალი შემთხვევის იდენტიფიცირება მოხდა. ქეისების ანალიზის შემდეგ პროცესში ფსიქოლოგი და იურისტი ჩაერთვებიან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფონდი „სოხუმის“ ფსიქოლოგი ვანის, ქობულეთის და ფახულანის (წალენჯიხის მუნიციპალიტეტი) ქალთა მხარდაჭერის ცენტრებს სტუმრობდა. შეხვედრის სამიზნე ჯგუფებს წარმოადგენდა სხვადასხვა კატეგორიის ქალები. სამი შეხვედრა ჩატარდა ჯგუფური ფორმატით თემაზე „აგრესია და ოჯახური ძალადობა“. შეკრებილებმა ისაუბრეს ოჯახში აგრესიის გამომწვევ მიზეზებზე და შედეგებზე. ასევე იმაზე, რა განაპირობებს აგრესიის შემცირებას.
ორ შეხვედრას ინდივიდუალური ხასიათი ჰქონდა და ეხებოდა შიშებს და ფობიებს. მონაწილეებს მიეცა რეკომენდაციები, როგორ დაძლიონ შიშები.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კონფლიქტის მართვის სწავლების და ძალადობის პრევენციის ციკლის მეხუთე ტრენინგი აგვისტოში ონლაინ ფორმატით ჩატარდა.
ტრენინგებს დაესწრო დასავლეთ საქართველოს ათი სამიზნე მუნიციპალიტეტის ორასამდე ახალგაზრდა - ახალგაზრდობის გაძლიერების ცენტრების წევრები. ტრენინგების მონაწილეები საკუთარ ცვლილებებზე საუბრობდნენ - როგორები იყვნენ ტრენინგების დაწყებამდე და როგორები არიან ახლა.
აღნიშნეს, რომ გახდნენ მეტად თავისუფლები, თავდაჯერებულები, კომუნიკაბელურები, ტოლერანტულები, აქტიურები. ისწავლეს პრობლემების დანახვა, იდენტიფიცირება, ადვოკატირება.
უკვე მაღალია მათი ინტელექტუალური რესურსი კონფლიქტების დარეგულირების და ძალადობის პრევენციის ხელშეწყობის კუთხით.
კონფლიქტის პრევენცია კონფლიქტის გადაწყვეტის უპირველესი მიზანია და გულისხმობს ადგილობრივი ახალგაზრდული სამშვიდობო რესურსის გაძლიერებას. ხუთთვიანმა სატრენინგო კურსმა გამოავლინა ახალი სახეები, ახალი ლიდერები, რომლებიც სექტემბრის შემაჯამებელ შეხვედრებზე წარადგენენ პრეზენტაციებს და ისაუბრებენ ქალთა ფონდი „სოხუმის“ პროექტის ფარგლებში მიღებულ ცვლილებებსა და შედეგებზე.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
წყალტუბოში American Spaces-ის საზაფხულო ბანაკს ქუთაისში მცხოვრები უკრაინელი მოზარდებიც შეუერთდნენ ჩვენი დახმარებით. „სონიაშნიკის“ პროგრამის ფარგლებში, აშშ-ის საელჩოს დაფინანსებით, მათ ბანაკში ოთხი დღე გაატარეს მხიარულად და საინტერესოდ. ბავშვებმა ქართველი მეგობრები გაიცნეს და დაუმეგობრდნენ. მშობლებმა მადლობა გადაგვიხადეს, რადგან ჩვენ ყოველთვის ვუზიარებთ მათ სასარგებლო ინფორმაციებს.
სასიხარულოა, რომ ჩვენმა ერთ-ერთმა ბენეფიციარმა ვიქტორია კრავჩენკომ დაასრულა მანიკურის კურსი. ერთ-ერთი ორგანიზაციისგან კი სამმა ქალმა გრანტი მიიღო: იულია რეზვანმა - საცხობის აღჭურვილობისთვის, ეკატერინა მირნაიამ - ავტოსამრეცხაოსთვის და ირინა კოზაკმა - აფრო-ნაწნავების გასაკეთებლად. ყოველივე ეს ხელს შეუწყობს მათი ოჯახების ეკონომიკური მდგომარეობის გაუმჯობესებას.
უკრაინიდან ლტოლვილებისთვის არცთუ მცირე მნიშვნელობა აქვს ფსიქოლოგიურ მხარდაჭერას, რომელსაც ისინი იღებენ ფონდ „სოხუმში“. ჩვენ ვაცნობეთ, რომ ფსიქოლოგიურ კონსულტაციებს მათთვის ასევე ახორციელებს გერმანული ორგანიზაცია CRISP. მსურველებმა შეავსეს კითხვარი და მიიღებენ მათთვის საჭირო სერვისს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
-უსაფრთხო, მშვიდობიან ქვეყანაში ცხოვრება, ხარისხიან განათლებაზე ხელმისაწვდომობა, დასაქმების დაბალი პერსპექტივები, ახალგაზრდული პროგრამების სიმცირე, სტიგმატური აზროვნება გენდერულ საკითხებთან დაკავშირებით- წყალტუბოს ახალგაზრდული ჯგუფის წევრები ამ გამოწვევებს ყველაზე აქტუალურად მიიჩნევენ და გამოსავლად ახალგაზრდებში სამოქალაქო აქტივიზმის გაძლიერებას მიიჩნევენ.
წყალტუბოს ქალთა საინიციატივო ჯგუფის წევრებმა ბოლო ერთი წლის შედეგები შეაჯამეს. წარმატებულ ქალთა ისტორიების პოპულარიზება, პრობლემათა ადვოკატირება, ქალთა ინფორმირება და ეკონომიკურ პროგრამებში ჩართვა -ეს საკითხები შედეგების ჩამონათვალში დასახელდა.