ხშირად ფიქრებით ჩვენ ვიმყოფებით ან წარსულში ან მომავალში, მაგრამ სინამდვილეში ყველაფერი ხდება მხოლოდ „აქ და ამჟამად“. მაინდფულ ადამიანი ყურადღებას აქცევს ამჟამინდელ მომენტს და სრულიად მინაწილეობს ცხოვრებაში.
მაინდფულნესი (Mindfulness) ნიშნავს ყურადღების სრულ კონცენტრაციას „აქ და ამაჟამად“.
სწორედ ამ მეთოდიკით გაიმართა ბათუმში ტრენინგი და მასში მონაწილეობის მისაღებად ჩვენი დახმარებით ქუთაისიდან 6 უკრაინელი ქალი გაემგზავრა.
ტრენინგის განმავლობაში მათ იმუშავეს საინტერესო საკითხებზე: როგორ დაძლიონ შფოთვა, როგორ დაიმშვიდონ და შეიყვარონ თავი და ა.შ. ქალებმა ისწავლეს არაერთი სავარჯიშო. ისინი კმაყოფილები დარჩნენ ტრენინგით, რადგან ეს ყველაფერი სჭირდება თითოეულ მათგანს და მათი ოჯახის წევრებს, სანამ საკუთარ სახლებში დაბრუნდებიან.
ასეთი ტიპის ტრენინგები კიდევ ჩატარდება სხვა ჯგუფებთან.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სექტემბერში აქტიურად მიმდინარეობდა უკრაინელი ლტოლვილების მხარდაჭერა. ორგანიზაციამ დახმარების ახლებური მეთოდი შეიმუშავა. გამზადებული პაკეტის (სურსათი, ჰიგიენის და საყოფაცხოვრებო ქიმიის საშუალებები) ნაცვლად შეისყიდა სუპერმარკეტის ვაუჩერები და სხვადასხვა ოდენობის ვაუჩერი დაურიგა ბენეფიციარებს.
ამ თვეში 8 ახალი ადამიანი დაემატა ჩვენს საინფორმაციო ბაზას (სულ 331 ადამიანია ბაზაში). მათთვის შეძენილ იქნა 180 ვაუჩერი და დახმარება გაეწია 110 ოჯახს (15 ოჯახს - ხელმეორედ).
უკრაინელ ლტოლვილებს, თავიანთი საჭიროებების მიხედვით სხვა დახმარებაც გაეწიათ: 6 ოჯახს გადავუხადეთ საცხოვრებლის ქირა; სამმა მიიღო თანხა კომუნალური გადასახადებისთვის; ერთ-ერთ ონკოპაციენტს დაუფინანსდა 647 ლარის ანალიზები მეორემ კი ჩვენი დახმარებით შეიძინა 286 ლარის წამლები.
ჩვენი მხარდაჭერის სამსახური ზრუნავს უკრაინელთა ფსიქოლოგიურ მდგომარეობაზეც: ერთ-ერთი ბენეფიციარი დღის სარეაბილიტაციო ცენტრში ესწრება პოლიმერულ თიხაზე მუშაობის კურსებს და ძალიან მოსწონს მეცადინეობების ფორმატი. 6 ქალი მონაწილეობდა ბათუმში გამართულ ფსიქოლოგიურ ტრენინგზე. ჩვენი ორგანიზაციის ფსიქოლოგი მანანა გოცირიძე კი თვის მანძილზე კვლავინდებურად უტარებდა მსურველებს ინდივიდუალურ კონსულტაციებს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ბავშვზე ძალადობა და ბავშვის იგნორირება“ - ამ თემაზე ჩაატარა შეხვედრები ქალთა ფონდი „სოხუმის“ ფსიქოლოგმა ეკა ხაინდრავამ სამტრედიის, ქობულეთის, სენაკის, წალენჯიხის და ზუგდიდის ქალთა მხარდაჭერის ცენტრებში. სამიზნე ჯგუფებში, ძირითადად, იყვნენ საბავშვო ბაღებისა და სკოლების პედაგოგები. მოსწავლეებთან გაიმართა ინდივიდუალური შეხვედრები.
შეხვედრებზე აღინიშნა, რომ ფიზიკური მანიშნებლების შემდეგ ძალადობის შემთხვევების მეორე მთავარი მანიშნებელია ბავშვის ქცევა. ძალადობის მსხვერპლი ბავშვების უმრავლესობა გამოირჩევა პასიურობით. მათ, შესაძლოა, დარღვეული ჰქონდეთ კვების რეჟიმი, ხშირ შემთხვევაში არ იციან თამაში, ვერ იკავებენ თავს, ზოგჯერ განვითარებაში ჩამორჩენასაც ამჟღავნებენ.
ეს ინფორმაცია მნიშვნელოვანია პედაგოგებისთვის, რათა შეძლონ ბავშვების დახმარება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ამ შეხვედრებზე ჩვენ ვისმენთ ინფორმაციებს, რომლებიც ყველას გვჭირდება! ვსაუბრობთ ჩვენს პრობლემებზე და გვაქვს შეგრძნება, რომ მარტო არა ვართ. ნებისმიერი პრობლემის მოგვარებისას ჩვენს გვერდით არიან ადამიანები, რომლებიც ჩვენზე ზრუნავენ, - ასეთი შეფასებები ჰქონდათ საინფორმაციო შეხვედრების მონაწილეებს ქალთა მხარდაჭერის ცენტრებში.
მონაწილეთა აზრით, ყველა არსებული სერვისი მნიშვნელოვანია, ამიტომ ამ სერვისებზე ინფორმაცია უნდა მისწვდეს ყველა ბენეფიციარს, რათა საჭიროებისამებრ გამოიყენონ.
ქალთა მხარდაჭერის ცენტრებში აქტიურად იმუშავეს ფონდი „სოხუმის“ ფსიქოლოგებმა, მათი მუშაობა მნიშვნელოვანია როგორც პრევენციის, ასევე მსხვერპლთა დახმარების კუთხით.
ინფორმირების პარალელურად ძალადობის 10 ახალი შემთხვევის იდენტიფიცირება მოხდა. აღნიშნულ ქეისებზე მუშაობა ჩვენი ორგანიზაციის რესურსებით მიმდინარეობს.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდი „სოხუმის“ კვლევის - „მუნიციპალიტეტების მიერ ქალთა მიმართ ოჯახში ძალადობის საკითხებზე პრევენციული ღონისძიებების განხორციელების ეფექტიანობის შეფასება“ - რეკომენდაციებში მნიშვნელოვანი ადგილი უჭირავს პასუხისმგებელი ადგილობრივი რგოლების კოორდინაციას და ინფორმაციის გაცვლას (კვლევის ბმული: https://fsokhumi.ge/.../item/13796-2023-07-13-20-36-14).
ამჯერად ინფორმაციის გაცვლის შეხვედრა გაიმართა ხობის მუნიციპალიტეტის საგანმანათლებლო რესურსცენტრში.
ფონდი „სოხუმის“ წარმომადგენლებმა საგანმანათლებლო დაწესებულებების, ბავშვთა უფლებების დაცვის და მხარდაჭერის განყოფილების თანამშრომლებთან და გენდერული თანასწორობის საბჭოს წევრებთან ერთად ისაუბრეს არაერთ საჭირბოროტო საკითხზე, რომლებიც ეხება ქალთა მიმართ/ოჯახში ძალადობას, ძალადობის პრევენციას, მოზარდების გარშემო არსებულ კლიმატს, მათი ოჯახების ფსიქოსოციალურ და სხვა საჭიროებებს.
შეხვედრამ ცხადი გახადა, რამდენად მნიშვნელოვანია უწყებათაშორისი თანამშრომლობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ჩვენ შეგიძლია ყველაფერი გავაკეთოთ საქართველოს განვითარებისთვის, ახლგაზრდული ძალა მნიშვნელოვანია!-ამ შემართებით შეუერთდნენ ახალგაზრდობის საერთაშორისო დღეს ზუგდიდის მუნიციპალიტეტის სოფელ კოკის ახალგაზრდული ჯგუფის წევრები. მათ ქვეყნის აღმშენებლობის საქმეში საკუთარ როლსა და ახალგაზრდულ ძალაზე ისაუბრეს.
საინტერესო შეხვედრა ჩატარეს სოფელ კოკის ქალთა საინიციატივო ჯგუფის წევრებმა .მონაწილეებმა შეაფასეს წლიური მუშაობა, შესაძლებლობები, თავიათი რესურსები და სამომავლო პერსპექტივებზეც ისაუბრეს.
სამომავლო გეგმები, წლიური მუშაობის შეფასება, ქალთა როლი ქვეყნის განვითარების საქმეში-ამ საკითხებზე ისაუბრეს ზუგდიდის მუნიციპალიტეტის სოფელ დიდინეძის ქალთა საინიციატივო ჯგუფის წევრებმა.ჩატრებულ შეხვედრაზე მონაწილეებმა საკუთარი შესაძლებლობებიც შეაფასეს.
ახალგაზრდობის საერთაშორისო დღის აღნიშვნას სოფელ დიდინეძის ახალგაზრდული საინიციატივო ჯგუფიც შეუერთდა.ახალგაზრდებმა სპეციალური პრეზენტაცია მოამზადეს დაკიდევ ერთხელ ისაუბრეს საკუთარ როლზე ქვეყნის წინსვლის საქმეში.
ახალგაზრდობის საერთაშორისო დღე პირველად 2000 წლის 12 აგვისტოს აღინიშნა.
ონლაინ ფორმატში გაიმართა შეხვედრა, რომელსაც ვანის მუნიციპალიტეტის გენდერული თანასწორობის საბჭოს წევრები და მერიის წარმომადგენლები ესწრებოდნენ.
ქალთა ფონდი „სოხუმის“ წარმომადგენელმა შეხვედრის მონაწილეებს გააცნო გზამკვლევი- „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“, რომელიც მოამზადა ქალთა ევროპულმა ქსელმა WAVE-მა. მათთვის მნიშვნელოავნი აღმოჩნდა გზამკვლევის ის ნაწილი, სადაც ფონდი „სოხუმის“ წარმატებულ პრაქტიკაზე არის საუბარი. აღინიშნა, რომ ორგანიზაცია დამსახურებულად მოხვდა გამოცემაში, რადგან ამ მიმართულებით მუშაობის დიდი პრაქტიკა აქვს.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
წყალტუბოში გამართულ შეხვედრას ესწრებოდნენ საკრებულოსა და მერიის წარმომადგენლები. „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციებიმონაწილეებს საშუალება ქონდათ გაცნობოდნენ გზამკვლევს“ - შეკრებილები გაეცნენ ამ პუბლიკაციას, რომელიც გამოსცა ევროპულმა ქსელმა WAVE.
მონაწილეები ინტერესით გაეცნენ ქალთა ორგანიზაციების მუშაობას ბოსნია- ჰერცოგოვინაში, უკრაინაში, სომხეთში, საქართველოში. მათთვის განსაკუთრებით მნიშვნელოვანი იყო ის, რომ საქართველო ქალთა ფონდი „სოხუმის“ წარმატებული პრაქტიკითაა წარმოდგენილი.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით
სოფელ ძველ სენაკში (სენაკის მუნიციპალიტეტი) და სამტრედიის საკრებულოს სხდომათა დარბაზში ადგილობრივი რეფერირების სუბიექტების მონაწილეობით ჩატარდა საინფორმაციო შეხვედრები.
მონაწილეები გაეცნენ გზამკვლევს „გენდერული ნიშნით ძალადობის პრევენცია და მასზე რეაგირება საომარ და ომის შემდგომ გარემოში - ქალთა არასამთავრობო ორგანიზაციების გამოცდილება და რეკომენდაციები“ - https://wave-network. org/wp.../uploads/Toolkit-Georgian.pdf.
ეს სახელმძღვანელო ქალთა ევროპულმა ქსელმა WAVE-მა მოამზადა და მასში წარმოდგენილია ქალთა ორგანიზაციების გამოცდილება. მათს შორის ერთ-ერთია ქალთა ფონდი „სოხუმის“ წარმატებული მუშაობის შედეგები გაჭიანურებული კონფლიქტის პირობებში.
პროექტი ხორციელდება ქალთა უფლებების დაცვის სწრაფი რეაგირების ფონდის მხარდაჭერით