ტელეკომპანია „რიონის“ ეთერში გავიდა გადაცემა, რომელიც  ადგილობრივ დონეზე გენდერული პოლიტიკის დანერგვის კუთხით არსებულ მდგომარეობას შეეხო.

გადაცემაში მონაწილეობდნენ წყალტუბოს საკრებულოს თავმჯდომარე, წყალტუბოს მუნიციპალიტეტის გენდერული თანასწორობის საბჭოს მდივანი, ქუთაისის გენდერული თანასწორობის საბჭოს წევრები, საზოგადოების წარმომადგენლები. გადაცემის მონაწილეები შეეხნენ ფონდი „სოხუმის“ მიერ ორგანიზებულ საქმიანობას გენდერული კვლევების, ადგილობრივი თვითმმართველობის გენდერული სტრატეგიის გზამკვლევის შემუშავების, მუნიციპალიტეტებში გენდერული თანასწორობის საბჭოების საკონსულტაციო სერვისის, გენდერულ სამოქმედო გეგმებზე მუშაობის კუთხით. ქუთაისისა და წყალტუბოს გენდერული თანასწორობის საბჭოების წარმომადგენლებმა ისაუბრეს მუნიციპალიტეტების გენდერულ პროგრამებზე, კვალიფიციურ არასამთავრობო სექტორთან თანამშრომლობის პრაქტიკაზე.  

გადაცემაში გასულმა სიუჟეტმა  წყალტუბოსა და ლანჩხუთის მუნიციპალიტეტებში ფონდი „სოხუმის“ მიერ ორგანიზებულ შეხვედრებზე და თბილისში გამართულ საერთაშორისო კონფერენციაზე მოგვითხრო.

გადაცემა მომზადდა პროექტის „ვიშეგრადის გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.

29 მაისს პრაღაში (ჩეხეთი) დაიბეჭდა ექსპერტ ეკატერინე გამახარიას სტატია „გენდერული თანასწორობის ხარისხის გაზომვა საქართველოში“.

სტატიაში აღწერილია გენდერული თანასწორობის მხრივ საქართველოში არსებული მდგომარეობა. არის აქცენტი იმაზე, რომ სიტუაციის გაუმჯობესება შესაძლებელია მხოლოდ ყველა დაინტერესებული მხარის კონსოლიდაციით. ამისთვის საჭიროა სახელისუფლებო სტრუქტურების, დონორი ორგანიზაციების, კერძო სექტორის და არასათავრობო ორგანიზაციების ჩართვა. მხოლოდ ამ შემთხვევაში იქნება ეფექტური გენდერული პოლიტიკა და პროგრამები, რომელთა მეშვეობითაც ქალებისთვის ხელმისაწვდომი გახდება პოლიტიკა, ხელმძღვანელი თანამდებობები შრომის ბაზარზე.

გადმოწერა

17 ივნისს რადიო „რიონის“ ეთერით გაიმართა გადაცემა საზოგადოებრივ ცხოვრებაში გენდერული მიდგომების დანერგვის მნიშვნელობის შესახებ. ფონდი „სოხუმის“ თავმჯდომარემ ალლა გამახარიამ - ექსპერტმა გენდერულ საკითხებში, ისაუბრა მუშაობაზე, რომელიც ფონდმა „სოხუმმა“ გასწია გენდერული მიდგომების დანერგვის კუთხით: ევროპული ქვეყნების (ჩეხეთი, სლოვაკეთი, პოლონეთი, უნგრეთი) გამოცდილების ამსახველ კვლევაზე, თბილისში ჩატარებულ კონფერენციაზე. რესპონდენტი შეჩერდა გენდერული საკითხების გათვალისწინების მნიშვნელობაზე ჩვენს ცხოვრებაში. თითქოსდა უბრალო და ჩვეულებრივი საკითხები საკმაოდ დიდ გავლენას ახდენენ ქალებისა და მამაკაცების ცხოვრებაზე. მაგალითად, რა დროს მოდის წყალი, როგორაა მოწყობილი პანდუსები, თუ საერთოდ არ არის ისინი, ბნელ ქუჩაზე რა ადგილას ანთია შუქი - ეს და უამრავი სხვა საკითხი აისახება ქალების ცხოვრებაზე, კიდევ უფრო ართულებს და საფრთხეს უქმნის მათ. მაგრამ შესაძლებელია ყველაფრის თავიდან აცილება, თუკი სწორად მივუდგებით გენდერული პრობლემების მოგვარებას.

პროექტი ხორციელდება ვიშეგრადის ფონდის მხარდაჭერით

ტელეკომპანია „რიონის“ ეთერით გავიდა სიუჟეტი, რომელიც 11 მაისს თბილისში გაიმართულ კონფერენციას „ვიშეგრადის „V4“ ქვეყნებისა და საქართველოს გამოცდილება ადგილობრივ დონეზე  თანაბარი, ინკლუზიური და დემოკრატიული მმართველობისათვის“ ეხებოდა. 

ექსპერტებმა, შეხვედრის ორგანიზატორებმა და სტუმრებმა სიუჟეტში ისაუბრეს გადაწყვეტილების მიღების დონეზე საზოგადოების ჩართულობის, გენდერული ბიუჯეტირების და სხვა მნიშვნელოვანი საკითხების შესახებ. გამოიკვეთა გამოცდილების გაზიარების მნიშვნელობაც.

სიუჟეტი მომზადდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისთვის“ ფარგლებში.