გაიმართა პროექტით დაგეგმილი მეორე პრესკონფერენცია. ისიც - ონლაინ, თუმცა საკმაოდ ნაყოფიერად (ორგანიზატორი - იმერეთის მხარის მეცნიერთა კავშირი „სპექტრი“).

პრესკონფერენციაში მონაწილეობა მიიღეს იმერეთის, გურიის და რაჭა-ლეჩხუმის რეგიონებში მოქმედი მასმედიის, ასევე რეგიონული და ადგილობრივი ხელისუფლების წარმომადგენლებმა. მათ ინფორმაცია მიიღეს პროექტის ფარგლებში ჩატარებული ქვეგრანტების კონკურსის შესახებ, აგრეთვე იმ პროექტების მიზნებსა და მოსალოდნელ შედეგებზე, რომლებიც ადგილობრივი სამოქალაქო საზოგადოების ორგანიზაციებმა უნდა განახორციელონ იმერეთში, გურიასა და რაჭა-ლეჩხუმში.

პროექტის პარტნიორი ორგანიზაციების წარმომადგენლებმა უპასუხეს ჟურნალისტების შეკითხვებს. პრესკონფერენციის შემდეგ მასმედიაში გაჩნდა ინფორმაციები პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ახალი ეტაპის შესახებ.

პროექტი ხორციელდება ევროკავშირის მხარდაჭერით

უჩვეულო გადაცემა გაიმართა რეგიონული ტელეკომპანია „მეგა ტვ“-ს ეთერით. უჩვეულო იმიტომ, რომ საგანგებო ვითარებაში, კარანტინის პერიოდში მომზადდა.  მასში  ნაკლებადაა უშუალო ინტერვიუ და მეტი წილი ეთმობა ჩართვებს სახლებიდან, ფოტომასალას. გადაცემამ შეაჯამა ექვსთვიანი  მუშაობა პროექტის „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“ ფარგლებში.

პროექტის მონაწილე ორგანიზაციების წარმომადგენლები თავიანთ საქმიანობაზე საუბრობენ. მაყურებელი ნათლად ხედავს პროექტის მიზანს, მოსალოდნელ შედეგებს, რომელთა აქტუალობა ბოლო დროს განსაკუთრებით წარმოჩინდა.

გადაცემის ორგანიზატორია პროექტის ერთ-ერთი პარტნიორი ორგანიზაცია - მეწარმე ქალთა ფონდი. პროექტს ახორციელებენ ფონდი „სოხუმი“, მეწარმე ქალთა ფონდი და  იმერეთის მხარის მეცნიერთა კავშირი „სპექტრი“.

პროექტი ხორციელდება ევროკავშირის მხარდაჭერით

იმერეთის მხარის მეცნიერთა კავშირმა „სპექტრმა“ გამართა ონლაინ პრესკონფერენცია - გურიის, იმერეთის, რაჭა-ლეჩხუმის მასმედიის წარმომადგენლებმა მიიღეს ინფორმაცია საჯარო მმართველობის საგზაო რუკის განხორციელების მონიტორინგის შედეგების შესახებ.

პროექტი ხორციელდება ბაღდათში, ვანში, ხონში, თერჯოლაში (იმერეთი), ოზურგეთში, ლანჩხუთში (გურია), ამბროლაურში, ცაგერში (რაჭა-ლეჩხუმი).

პრესკონფერენციაში მონაწილეობა მიიღო ყველა სამიზნე მუნიციპალიტეტის ბეჭდვითი თუ ელექტრონული მედიის წარმომადგენელმა. ასევე წარმოდგენილი იყო ქუთაისსა და ოზურგეთში არსებული რეგიონული მედიასაშუალებები.

შეხვედრის დროს პროექტის პარტნიორი ორგანიზაციების წარმომადგენლებმა ისაუბრეს ადგილობრივ დონეზე მონიტორინგის ორგანიზების და მიღებული შედეგების შესახებ.  ჟურნალისტებმა დასვეს შეკითხვები მუნიციპალიტეტებში საჯარო მმართველობის საკითხებთან დაკავშირებით.

პრესკონფერენციამ დიდი გამოხმაურება ჰპოვა და მასმედიაში გაჩნდა მასალები პროექტზე „გურიის, იმერეთისა და რაჭა-ლეჩხუმის სამოქალაქო საზოგადოების ორგანიზაციების საერთო ფორუმი საჯარო მმართველობის რეფორმის საგზაო რუკის მონიტორინგის მიზნით“.   

http://firstnews.ge/index.php/2018-07-19-18-59-49/2018-07-19-19-15-51/sazogadoeba/item/5913-2020-05-01-17-26-35?fbclid=IwAR3i8ke1-_dvzlzaiZHAF9-E-k6h7I_Tk2KOhiNbx_6sdK0PMUTJ5ymLKTg

https://www.facebook.com/permalink.php?story_fbid=2621525841437515&id=1563317297258380&__tn__=K-R

https://www.facebook.com/rionitv/photos/a.10150869723229858/10157506538444858/?type=3&theate

პროექტი ხორციელდება ევროკავშირის მხარდაჭერით

„ადგილობრივ დონეზე გენდერული მეინსტრიმინგის გამოცდილება ჩეხეთის მაგალითზე“ - ამ სახელწოდების სტატია დაიბეჭდა საინფორმაციო ვებ-პორტალში kutaisipost. სტატიის ავტორია ეკატერინე გამახარია, ფონდი „სოხუმის“ წარმომადგენელი, ექსპერტი ქალთა უფლებების საკითხებში.

სტატიაში მიმოხილულია ჩეხეთის წამყვანი არასამთავრობო ორგანიზაცია „გენდერული კვლევების“ წარმომადგენლის, კლარა კოზლოვას ანალიტიკური ნაშრომი, რომელიც დაიწერა პროექტის „ვიშეგრადის ქვეყნების გამოცდილება ადგილობრივ დონეზე თანაბარი, ინკლუზიური და დემოკრატიული მმართველობისათვის“ ფარგლებში, ფონდი „სოხუმის“ დაკვეთით.

სტატია: http://www.kutaisipost.ge/reklama/article/12383-2018-07-11-11-30-35

პროექტი ხორციელდება ვიშეგრადის ფონდის მხარდაჭერით