ოზურგეთში, სოფელ ცხემლისხიდის ისტორიულ სკოლაში ახალგაზრდების ჯგუფებთან ვორკშოპები გაიმართა. მონაწილეებმა დასაწყისშივე დააფიქსირეს, რომ კონფლიქტების თემაზე სხვა დროსაც უმუშავიათ, ჩართულნი იყვნენ სხვადასხვა პროექტში, ამიტომ დიდი ინტერესით ელოდებიან ამ საკითხზე დისკუსიის გაგრძელებას.

ფონდი „სოხუმი“ ასევე პირველად ესტუმრა წყალტუბოს მუნიციპალიტეტში, სოფელ ცხუნკურის საჯარო სკოლას. შეხვედრას სკოლის დირექტორიც დაესწრო, რომელმაც ხაზგასმით აღნიშნა, რომ მიესალმება არასამთავრობო სექტორის მუშაობას ძალადობის პრევენციის საქმეში.

სამივე ვორკშოპზე მონაწილეებმა იმსჯელეს, რამდენად მნიშვნელოვანია კონფლიქტების მართვისას მოლაპარაკება. რას ნიშნავს  ფასილიტაცია, მედიაცია, როგორი შეიძლება იყოს მესამე მხარე. ახალგაზრდები გეგმავენ, მიღებული ინფორმაციები პრაქტიკაში გამოიყენონ. გამოიმუშაონ ფასილიტაციისთვის საჭირო უნარ-ჩვევები და არ მისცენ კონფლიქტებს განვითარების საშუალება.

 პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

მარტის პირველი სამი შეხვედრა ახალ აუდიტორიებში მოეწყო. ფონდი „სოხუმის“ ახალგაზრდული კლუბი პირველად შეხვდა მოსწავლეებს სოფელ ცხემლისხიდის (ოზურგეთის მუნიციპალიტეტი), ქუთაისის მეორე და სოფელ ცხუნკურის (წყალტუბოს მუნიციპალიტეტი) საჯარო სკოლებში. დასაწყისში იყო გაცნობა, ინფორმაცია ფონდი „სოხუმის“ და ახალგაზრდული კლუბების მუშაობის შესახებ.

მარტი - ქალთა სოლიდარობის თვეა და საინფორმაციო შეხვედრები ამ თემას მიეძღვნა. შეხვედრების მონაწილეებმა ისაუბრეს ქალთა უფლებებზე, სტერეოტიპებზე. მოეწონათ რუბრიკა „წარმატებული ქალები“, სადაც ცნობილი ქალების ბიოგრაფიები.

შეხვედრების დასასრულს, ამ სკოლებშიც ჩამოყალიბდა ახალგაზრდული კლუბები, რომლებიც აქტიურად ჩაერთვებიან უკვე არსებული კლუბების ქსელის მუშაობაში.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

ტელეკომპანია „გურიამ“ სპეციალური რეპორტაჟი მოამზადა ფონდი „სოხუმის“ მიერ ორგანიზებული შეხვედრის შესახებ გურიის მუნიციპალიტეტებთან ინფორმაციისა და გამოცდილების გაცვლის თაობაზე.

რესპონდენტებმა პასუხი გასცეს კითხვებს: რას ითვალისწინებს პროექტი, რამდენად მნიშვნელოვანია მსგავსი შეხვედრები, რა საკითხებში უნდა შედგეს ადგილობრივი ხელისუფლების წარმომადგენლებისა და საზოგადოების სხვადასხვა ჯგუფის თანამშრომლობა ადგილობრივი გენდერული დღის წესრიგის დანერგვაში, რა საკითხებში უნდა გაღრმავდეს თანამშრომლობა ცენტრსა და რეგიონებს შორის.

პროექტი ხორციელდება ვიშეგრადის ფონდის მხარდაჭერით

ქუთაისში, პროფესიული სასწავლებლის სააქტო დარბაზში გაიმართა საინფორმაციო შეხვედრა თემაზე „დეცენტრალიზაცია - ადგილობრივი თვითმმართველობა - გენდერული პოლიტიკა, საქართველო“. ფონდი „სოხუმის“ წარმომადგენლებმა ისაუბრეს პროექტის მიმდინარეობაზე, ვიშეგრადის ქვეყნების გამოცდილებაზე, ფონდი „სოხუმის“ გენდერული საკონსულტაციო საბჭოების მუშაობით მიღებულ შედეგებზე.  

შეხვედრას ესწრებოდნენ ადგილობრივი თვითმმართველობის, მასმედიის, საზოგადოების წარმომადგენლები. დისკუსიისას მონაწილეებმა ხაზი გაუსვეს ადგილობრივი გენდერული პოლიტიკის ფორმირებაში სამოქალაქო სექტორის ჩართულობის აუცილებლობას.

შეხვედრა ჩატარდა პროექტის „ვიშეგრადის ქვეყნების გამოცდილების შესწავლა ადგილობრივ დონეზე, თანაბარი ინკლუზიური და დემოკრატიული მმართველობის ადვოკატირებისათვის“ ფარგლებში.

პროექტი ხორციელდება ვიშეგრადის ფონდის მხარდაჭერით

WAVE - ეს არის ქალთა და გოგონათა მიმართ ძალადობის აღმოფხვრის მიზნით მომუშავე ქალთა არასამთავრობო ორგანიზაციების ქსელი ევროპაში. ფონდი „სოხუმი“ ამ ქსელის აქტიური წევრია. WAVE პერიოდულად უშევებს ბიულეტენს, რომელშიც ბეჭდავს ინფორმაციებს ქსელის წევრი ორგანიზაციების შესახებ. ამჯერად ბიულეტენში მოხვდა ინფორმაცია ფონდი „სოხუმის“ მუშაობის შესახებ ბიჭებთან.

www.wave-network.org/index.php?option=com_acymailing&ctrl=archive&task=view&mailid=66&key=FUDmtqvW&subid=779-iljCMAAC09lkWV&tmpl=component

პროექტი ხორციელდება  ორგანიზაცია BrotfürdieWelt – Evangelischer

Entwicklunsdienstმხარდაჭერით (გერმანია)

თებერვალში კიდევ ორი შეხვედრა გაიმართა ვაჟებთან. ლანჩხუთისა და სენაკის პირველ საჯარო სკოლებში შეკრებილ მოსაწავლეებთან განხილულ იქნა ძალადობის სახეები და მათი მოგვარების გზები. შეხვედრების მონაწილეებმა გამოიჩინეს განსაკუთრებული აქტიურობა, დააფიქსირეს საკუთარი მოსაზრებები ოჯახში ძალადობის პრობლემის მოგვარებასთან დაკავშირებით. შეხვედრების გარკვეული ნაწილი დაეთმო ჯგუფურ მუშაობას.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

გურიის სამხარეო ადმინისტრაციის სააქტო დარბაზში, ფონდი „სოხუმის“ ორგანიზებით, ჩატარდა შეხვედრა თემაზე „ადგილობრივი გენდერული პოლიტიკა - პერსპექტივები და გამოწვევები“.

შეხვედრას ესწრებოდნენ გურიის მუნიციპალიტეტების გენდერული თანასწორობის საბჭოს წევრები, თვითმმართველობის პასუხისმგებელი პირები, იმერეთიდან მოწვეული კოლეგები,  მედიის და სამოქალაქო სექტორის წარმომადგენლები.

მუნიციპალიტეტებში გენდერული პოლიტიკის დანერგვის პოზიტიური პრაქტიკის შესახებ ინფორმაციისა და გამოცდილების გაცვლა, ადგილობრივი გენდერული თანასწორობის საბჭოების მუშაობაში არსებული გამოწვევების შეფასება იყო ის ძირითადი საკითხები, რომლებზედაც შეხვედრაზე ისაუბრეს.

„ჩვენი დიდი სურვილია, გავიზიაროთ სხვა ადგილობრივი საბჭოების,  განსაკუთრებით ფონდი „სოხუმის“ პილოტური გენდერული საკონსულტაციო საბჭოების (ერთ-ერთი მათგანი სამი წელი მოქმედებდა ოზურგეთში)  პოზიტიური გამოცდილება. ვფიქრობთ, ინფორმაციის გაცვლის ასეთი სისტემა ყველასთვის ძალიან სასარგებლო იქნება,“ - ითქვა შეხვედრაზე.

საინფორმაციო შეხვედრა გაიმართა პროექტის  „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში.  მომდევნო  ეტაპზე მოხდება  სტრატეგიის შემუშავება და ადვოკატირება ადგილობრივ დონეზე გენდერული მეინსტრიმინგის დანერგვისთვის. 

პროექტი ხორციელდება ვიშეგრადის ფონდის მხარდაჭერით

27 თებერვალს რადიო „რიონის“ ეთერში გავიდა მეორე გადაცემა პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში. ეს იყო წინა გადაცემაში დაწყებული საუბრის გაგრძელება. გადაცემაში განხილული იყო „მონაწილეობითი ბიუჯეტირების“ საკითხი, რაც გულისხმობს მოქალაქეთა მონაწილეობას თვითმმართველობის ბიუჯეტის შედგენაში. აგრეთვე წარმოდგენილი იყო ტექნოლოგიები, თუ როგორ ხდება „მონაწილეობითი ბიუჯეტირების“ ფორმირება.

პროექტი ხორციელდება ვიშეგრადის ფონდის მხარდაჭერით

პროექტის „ვიშეგრადის ქვეყნების გამოცდილების შესწავლა ადგილობრივ დონეზე თანაბარი, ინკლუზიური და დემოკრატიული მმართველობის ადვოკატირებისათვის“ ფარგლებში ჩატარდა კვლევა. მისი ერთ-ერთი თემაა „დეცენტრალიზაცია - ადგილობრივი თვითმმართველობა - გენდერული პოლიტიკა, საქართველო“.

ამ საკითხს მიეძღვნა გადაცემა რადიო „რიონის“ ეთერში. საუბარი შეეხო ფონდი „სოხუმის“ მიერ განხორციელებულ პროექტებს, კვლევის მასალებს, გენდერული თანასწორობის პოლიტიკას, შედეგებსა და გამოწვევებს, არასამთავრობო ორგანიზაციების როლსა და მნიშვნელობას.

პროექტი ხორციელდება ვიშეგრადის ფონდის მხარდაჭერით

თებერვალში ჯგუფური იურიდიული კონსულტაციები ჩატარდა ქუთაისში დევნილებთან. 9 კოლექტიურ ცენტრში შეხვედრებს 54 ბენეფიციარი დაესწრო. გაიცა 2 ინდივიდუალური კონსულტაცია და გამოვლინდა ძალადობის რისკ ჯგუფის მატარებელი ბენეფიციარები. ასევე კონსულტაცია გაეწია 2 კრიზისულ ოჯახს და ერთ ოჯახურ წყვილს.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)