ჩატარებული ანკეტირების შედეგები განიხილეს შეხვედრაზე წყალტუბოს თვითდახმარების ჯგუფის წევრებმა. თემში შევსებულია 126 ანკეტა.
მიღებული მონაცემები ასახავს დევნილი მოსახლეობის ყველაზე მწვავე საჭიროებებს 4 დასახლებაში (კოპიტნარი, ყოფილი სტატისტიკის სამმართველოს შენობა, 9 აპრილის და აფხაზეთის ქუჩები).
ჯგუფის წევრებმა მოსახლეობასთან შეხვედრების ჩატარება გადაწყვიტეს - ერთობლივად უკეთ განსაზღვრავენ პრიორიტეტულ პრობლემებს და შემდეგ მოამზადებენ სამოქალაქო ინიციატივებს.
შეხვედრის მეორე ნაწილში შეკრებილებმა ისაუბრეს სამოქალაქო ინიციატივების განაცხადების შევსების წესზე. ისინი ეცდებიან, სწორად ჩამოაყალიბონ თემის საჭიროებებზე დაფუძნებული იდეები, რომ დაფინანსება მოიპოვონ.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ისევ შეიკრიბა „ქალთა ხმა“ - ქუთაისის ქალთა თვითდახმარების ჯგუფი. ამჯერად კვლევაზე ისაუბრეს.
ქუთაისი ერთ-ერთია იმ მუნიციპალიტეტებიდან, სადაც ქალთა ფონდმა „სოხუმმა“ ჩაატარა დევნილთა სათემო საჭიროებების კვლევა შემდეგი მახასიათებლებით: ინფრასტრუქტურა, საზოგადოებრივი სივრცეები და სერვისებზე ხელმისაწვდომობა.
გამოკითხვაში მონაწილეობა მიიღო 103-მა რესპონდენტმა (69 ქალი და 34 კაცი).
ქალთა თვითდახმარების ჯგუფის წევრები დევნილებს გააცნობენ კვლევის შედეგებს.
კვლევის მთავარი მიზანია თემებში არსებული საჭიროებების იდენტიფიცირება და შემდეგში - ინიციატივების დაფინანსება კრიტიკული პრობლემების გადასაწყვეტად.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ანკეტირების პროცესის შეფასება, მიღწევები და გამოწვევები, საინიციატივო ფორმის ნიმუშის განხილვა - ეს იყო ხონის თვითდახმარების ჯგუფის „თემის ძალას“ შეხვედრის თემა და მიზანი.
108 დევნილი ადამიანი - 80 ქალი და 28 კაცი იქნა გამოკითხული დევნილთა დასახლებაში, აფხაზეთის ქუჩაზე სათემო საჭიროებების შემდეგი მახასიათებლებით: ინფრასტრუქტურა, საზოგადოებრივი სივრცეები და სერვისებზე ხელმისაწვდომობა.
სამივე მიმართულებით პირველადი მონაცემები ცნობილია. ჯგუფის წევრები დევნილებს გააცნობენ კვლევის შედეგებს. შემდეგ ერთმანეთთან შეთანხმებით, აარჩევენ პრიორიტეტულ პრობლემას და ინიციატივის დაფინანსებისთვის საჭირო სამზადისს შეუდგებიან.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
სენაკის თვითდახმარების ჯგუფის წევრები აქტიურად იყვნენ ჩართულები ანკეტირების პროცესში, რომელიც დევნილთა დასახლებაში ჩატარდა და 129 ადამიანი მოიცვა.
ჯგუფის წევრებთან გამართულ შეხვედრაზე ერთ-ერთი მთავარი საკითხი ანკეტური გამოკითხვით მიღებული შედეგების განხილვა იყო. კვლევამ გამოკვეთა დევნილთა თემის აქტუალური პრობლემები. მათ მოსაგვარებლად იგეგმება სამოქალაქო ინიციატივების მხარდაჭერა. მონაწილეებმა მიიღეს ინფორმაცია, როგორ უნდა მოხდეს პრობლემის ფორმულირება, მიზნების და ამოცანების განსაზღვრა და სამოქალაქო ინიციატივის შესაბამის ფორმაში მისი აღწერა.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ფოთის დევნილთა დასახლებაში ქალები თემის პრობლემების გამოსავლენად და გადასაჭრელად ერთიანდებიან.
თვითდახმარების ჯგუფის წევრებთან შეხვედრის მიზანი იყო ანკეტირების შედეგების განხილვა. თემის 100-მდე მცხoვრების ანკეტირება ჩაატარა ჯგუფის ხუთმა წევრმა. მიღებული მონაცემები ასახავს დევნილი მოსახლეობის ყველაზე მწვავე საჭიროებებს. შეხვედრაზე განიხილეს ეს საჭიროებები. ნახეს ადგილები, სადაც პრობლემები ყველაზე მეტად ფიქსირდება. შეთანხმდნენ, რომ დამატებით შეხვედრებს გამართავენ მოსახლეობასთან, რათა ერთობლივად განსაზღვრონ პრიორიტეტული პრობლემები და მოამზადონ სამოქალაქო ინიციატივები მათი გადაჭრის მიზნით.
მონაწილეები ასევე გაეცნენ სამოქალაქო ინიციატივების განაცხადების ფორმების შევსების წესს, რაც მათ დაეხმარებათ თემის საჭიროებებზე დაფუძნებული იდეების ფორმულირებაში.
ფოთის თვითდახმარების ჯგუფის აქტიურობა ნათლად აჩვენებს ერთობის, პასუხისმგებლობისა და ცვლილებებისკენ სწრაფვის ძლიერ სურვილს. ქალები ამტკიცებენ, რომ საერთო ძალისხმევით შესაძლებელია თემის კეთილდღეობა.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ქუთაისის თვითდახმარების ჯგუფი „ქალთა ხმა“ იწყებს კვლევას - გამოვლინდება დევნილთა თემის პრობლემები და საჭიროებები, შემდეგ კი მათ საფუძველზე შემუშავდება სამოქალაქო ინიციატივები (ეს ერთადერთი ჯგუფია, რომელმაც სახელი დაირქვა - „ქალთა ხმა“).
მორიგ შეხვედრაზე ჯგუფის წევრებმა განიხილეს ანკეტირების პროცესის დეტალები, გამოკითხვის ჩატარების ფორმები და მეთოდები. მათ უკვე იციან ჩატარების ვადები, სამიზნე ჯგუფები. ყოველივე ეს განაპირობებს ანკეტირების წარმატებას. შემდეგ ეტაპზე მოხდება გამოვლენილი საჭიროებების შესაბამისი ინიციატივების ფორმირება და მხარდაჭერა - დევნილთა თემის კეთილდღეობისთვის.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
ახალ ეტაპზე გადადის ფოთის ქალთა თვითდახმარების ჯგუფების საქმიანობა - დევნილთა თემში იწყება პრიორიტეტული პრობლემების იდენტიფიცირება, ანკეტირების პროცესი, რომლის მიზანია ქალების საჭიროებების შესწავლა.
შეხვედრაზე ჯგუფების წარმომადგენლებმა ისაუბრეს გამოკითხვის ჩატარების მეთოდებზე, ტექნიკაზე, ვადებზე, ეტაპებზე, სამიზნე ჯგუფების შერჩევასა და მონაწილეთა რაოდენობაზე.
პროექტის ფარგლებში შეძენილი ცოდნა/უნარები დაეხმარებათ ჯგუფის წევრებს ანკეტირების პროცესის ეფექტიანად ორგანიზებაში. საჭიროებების გამოვლენის შემდეგ დაგეგმილია სამოქალაქო ინიციატივების მხარდაჭერა, რაც გააუმჯობესებს დევნილთა თემის სოციალურ მდგომარეობას.
პროექტს ახორციელებს არასამთავრობო ორგანიზაციათა კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
სექტემბრის შეხვედრა ჩატარდა ხონის ქალთა თვითდახმარების ჯგუფში. ჯგუფის წევრებს მიეწოდათ ინფორმაცია გამოკითხვის შესახებ, რომელიც ჩატარდება თემში პრიორიტეტული პრობლემების გამოსავლენად. ანკეტირების შემდეგ მომზადდება სამოქალაქო ინიციატივა, რომელიც პროექტის ფარგლებში იქნება მხარდაჭერილი.
მონაწილეები გაეცნენ ანკეტის ფორმას, შევსების ტექნიკას, ვადებს, იმსჯელეს სამიზნე აუდიტორიაზე.
დაგეგმილია 100 რესპონდენტის გამოკითხვა. ანკეტების შევსებაზე თვითდახმარების ჯგუფის წევრები იმუშავებენ.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
დევნილთა თემში არსებული პრიორიტეტული პრობლემების გამოვლენის მიზნით წყალტუბოს მუნიციპალიტეტის დევნილთა ოთხ დასახლებაში ანკეტირების პროცესი დაიწყო. დაგეგმილია 120 ანკეტის შევსება.
თვითდახმარების ჯგუფის წევრებთან გამართულ შეხვედრაზე მონაწილეები გაეცნენ გამოკითხვის ჩატარების ფორმებს, მეთოდებსა და ტექნიკას, ასევე - რა ვადებში უნდა ჩატარდეს ანკეტირება, რამდენი ადამიანი იქნება ჩართული გამოკითხვაში, როგორ უნდა მოხდეს სქესობრივი და სოციალური გადანაწილება.
თითოეულ დასახლებაში მოპოვებული ინფორმაცია საფუძვლად დაედება სამოქალაქო ინიციატივებს, რომლის მხარდაჭერა კონკრეტულ საჭიროებას უზრუნველყოფს. ინიციატივების დაფინანსება დიდ სტიმულს მისცემს დასახლებაში მცხოვრებ ქალებს.
პროექტს ახორციელებს არასამთავრობო ორგანიზაციების კოალიცია: იგპ ქალთა ასოციაცია „თანხმობა“, ქალთა საინფორმაციო ცენტრი და საქველმოქმედო ჰუმანიტარული ქალთა ფონდი „სოხუმი“.
