ქალთა მიმართ ოჯახში ძალადობა წარმოადგენს საკითხს, რომელიც პირდაპირ უკავშირდება უსაფრთხოების რისკებს და საზოგადოებაში არსებული ნებისმიერი სექტორის/სფეროს ფუნქციონირებაზე ზემოქმედებს... და სწორი ინდიკატორების შემუშავება უზრუნველყოფს ძალადობის შემთხვევების ადრეულ ეტაპზე იდენტიფიცირებას და ძალადობის პრევენციას, - აღნიშნულია ახალი პუბლიკაციის შესავალში.
პუბლიკაციის სახელწოდებაა „ქალთა მიმართ ოჯახში ძალადობის რისკების ინდიკატორები (ოფიციალური სტატისტიკის მიმოხილვა)“. აქ წარმოდგენილია გამოწვევები, რეკომენდაციები და ოფიციალური სტატისტიკური მონაცემების მიმოხილვა. ეს პუბლიკაცია განთავსდა ვებგვერდზე https://sosfsokhumi.ge/
პროექტი ხორციელდება გენდერული თანასწორობის ფონდის
მხარდაჭერით (კანადა)
დევნილ ქალთა და გოგონათა სამუშაო ჯგუფის შეხვედრაზე მონაწილეებმა კიდევ ერთხელ იმუშავეს ადვოკატირების გეგმებზე, პუნქტობრივად გაიარეს პრობლემის მოგვარების მისაღწევად გაწერილი აქტივობები, დახვეწეს გეგმა და გადაინაწილეს პასუხისმგებლობები. ჯგუფსი წევრები ამბობენ:
„თვითონაც ვგრძნობ, რომ ნელ-ნელა ჩემში განათლებული მოქალაქე იზრდება.“
„შეიცვალა ჩემი ხედვა პრობლემის მოგვარებასთნ დაკავშირებით. მანამდე მეგონა, ამას მხოლოდ სამოქალაქო მისაღებში განცხადების დაწერა ყოფნიდა და მერე უნდა მეცადა, თვითმმართველობა მოგვხედავდა თუ არა.“
„სწორად ინფორმირება აუცილებელია ჩვენი მიზნის მისაღწევად. მომწონს აქ მიღებული განათლება.“
სამუშაო ჯგუფის წევრები საკუთარი პრობლემების მაგალითზე, ჩვენი პროექტის ფარგლებში სწავლობენ მიზნის მიღწევის გზას და მეთოდებს.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
დევნილ ქალთა და გოგონათა სამუშაო ჯგუფის წევრებთან ჩატარდა შეხვედრა თემაზე „ადვოკატირების გეგმის დინამიკის განსაზღვრა.“
მონაწილეებს კიდევ ერთხელ მიეცათ საშუალება, გადაეხედათ ადვოკატირების გეგმის ნიმუშისთვის, დაეზუსტებინათ პასუხისმგებელი პირები, გაენაწილებინათ დაგეგმილი აქტივობები და დაეთქვათ გონივრული ვადები ადვოკატირების პროცესის დაწყებისთვის.
ჯგუფის წევრებმა აღნიშნეს, რომ პროექტის ფარგლებში მიღებულ თეორიულ ცოდნას აუცილებლად გამოიყენებენ ადვოკატირების ეფექტიანად განსახორციელებლად.
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
13 და 14 აპრილს დევნილ ქალთა და გოგონათა სამუშაო ჯგუფის წევრებს ჩაუტარდათ ტრენინგები თემაზე: „საბიუჯეტო ადვოკატირება და მოქალაქეთა მონაწილეობა თვითმმართველობაში“. ტრენინგში ჩაერთო ოთხივე ჯგუფი - 80 მონაწილე.
რა არის ბიუჯეტი, რას მოიაზრებს ადგილობრივი თვითმმართველობის პროგრამა, რა ბენეფიტები არსებობს, რა სერვისებით შეუძლიათ სარგებლობა ქუთაისში მცხოვრებ დევნილ ქალებს და გოგონებს თავიანთი საცხოვრებელი პირობების გასაუმჯობესებლად - ამ საკითხებზე მიეწოდათ ინფორმაცია ტრენინგის მონაწილეებს და მათაც გამოთქვეს თავიანთი მოსაზრებები.
„ეს იყო საჭირო და სასარგებლო ტრენინგი, რომელმაც ბევრ საკითხში გაგვარკვია.“
„გავიგეთ, რა ვალდებულება აქვს ადგილობრივ თვითმმართველობას, რისი მოთხოვნის უფლება გვაქვს და რისი გაკეთება არ შეუძლია ადგილობრივ ხელისუფლებას.“
„თურმე განცხადების რიგითობის დაცვა ხდება და ამიტომ საჭიროა განაცხადის დროულად შეტანა და დარეგისტრირება.“
„გავარკვიეთ, რომ ერთხელ შეტანილი განცხადება საკმარისი არ არის თხოვნა-მოთხოვნის დასაკმაყოფილებლად.“
„ტრენინგზე გავიგეთ, რომ საჭიროა, ფლობდე სწორ ინფორმაციას.“
პროექტი ხორციელდება USAID-ის ადგილობრივი თვითმმართველობის პროგრამის ფარგლებში
- ქალებს სჭირდებათ დახმარება, სჭირდებათ გაძლიერება, ამ ყველაფრის საწყისი ინფორმირებაა, რომელსაც ქალთა ფონდი „სოხუმი“ უზრუნველყოფს. ჩვენ ყოველთვის ვგრძნობთ მხარდაჭერას, რაც ძალიან მნიშვნელოვანია, - ასეთი შეფასებები ჰქონდათ საინფორმაციო შეხვედრების მონაწილეებს ქალთა მხარდაჭერის ცენტრებში.
შეხვედრები ახალი პროექტის ფარგლებში ჩატარდა, რაც იმას ნიშნავს, რომ ქალთა ინფორმირება, მათი მხარდაჭერა სამი წლის განმავლობაში ისევ გაგრძელდება. ბენეფიციარები ისევ მიიღებენ ქალთა ფონდი „სოხუმის“ სხვადასხვა სერვისებს - გაგრძელდება ფსიქოლოგის და იურისტის კონსულტაციები იდენტიფიცირებულ პრობლემებზე რეაგირებისთვის.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა ფონდმა „სოხუმმა“ შეიმუშავა „პრაქტიკული ინსტრუქციები ქალთა მიმართ ოჯახში ძალადობის წინააღმდეგ მუნიციპალური საკოორდინაციო მექანიზის ეფექტიანი ფუნქციონირებისთვის“.
ქალთა მიმართ ძალადობასთან ეფექტიანი ბრძოლა მოითხოვს ყველა პასუხისმგებელი დარგობრივი უწყების სისტემურ, თანმიმდევრულ და კოორდინირებულ მოქმედებას ცენტრალურ და ადგილობრივ დონეზე.
პრაქტიკული ინსტრუქციების მიზანია მუნიციპალიტეტებში ადგილობრივი უწყებათაშორისი კომისიებისთვის პრაქტიკული რჩევების შეთავაზება, ადგილობრივ დონეზე ოჯახში ძალადობაზე ეფექტიანი და კოორდინირებული რეაგირების განსახორციელებლად. დოკუმენტი ეფუძნება საერთაშორისო და ადგილობრივ საუკეთესო პრაქტიკას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ოჯახში ძალადობის ფენომენი“ - ეს იყო ფსიქოლოგ ეკატერინე ქვაჩაკიძის შეხვედრების ძირითადი თემა. ოჯახში ძალადობა ძალადობის ყველაზე გავრცელებული ფორმაა. მკვლევართა ნაწილი ამტკიცებს, რომ მოძალადე ბავშვობაში თავად იყო ძალადობის მოწმე. ეს არის „შესწავლილი ქცევის“ თეორია. ძალადობას ხელს უწყობს მავნე ჩვევები, ნარკოტიკები, ალკოჰოლი და ა.შ. სწორედ ეს საკითხები განვიხილეთ ჯგუფური შეხვედრის დროს პედაგოგებთან, სადაც თითოეულმა დააფიქსირა საკუთარი შეხედულება.
ბოლო დროს ჩატარებულმა კვლევებმა აჩვენა, რომ მრავალი მოძალადე უკეთესად აკონტროლებს თავს, ხოლო ქალები ურიგდებიან ბედს, პასიურები ხდებიან და არ ეძებენ გამოსავალს.
ფსიქოლოგთან შეხვედრის მიზანია, ქალებმა დაამარცხონ საკუთარ თავში „სუსტი ქალი“ და გააგრძელონ ცხოვრება ახალი ხედვით და ძალით.
ინდივიდუალური და ჯგუფური შეხვედრები გაიმართა ქობულეთის, ვანის, ზუგდიდის (კოკი, დიდინეძი) წალენჯიხის (ფახულანი) ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სენაკში წარმატებით დასრულდა ჭრა-კერვის სასწავლო კურსი და ბენეფიციარებს ქალთა ფონდი „სოხუმის“ სერტიფიკატები საზეიმოდ გადასცეს წარმატებულმა ქალებმა: ინგა ქარდავამ (საკრებულოს სოციალურ საკითხთა კომისიის თავმჯდომარე), მანანა გვიჩიამ (საკრებულოს ფრაქცია „ქართული ოცნება - დემოკრატიული საქართველოს“ თავმჯდომარის მოადგილე), მარინე ნანეიშვილმა (საკრებულოს წევრი).
ახალბედა მკერავები ახალ ეტაპზე გადადიან - პროფესიული უნარების შეძენასთან ერთად მათ ეძლევათ მცირე ბიზნესის დაწყების შესაძლებლობა.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
„ბავშვის მიმართ ძალადობის გამოვლენის და მასზე რეაგირების პრაქტიკული გზამკვლევი პედაგოგებისთვის“ - ასე ეწოდება ქალთა ფონდი „სოხუმის“ ახალ პუბლიკაციას. ის განკუთვნილია სასწავლო დაწესებულებების წარმომადგენლებისთვის, კერძოდ, სკოლების, საბავშვო ბაღების, ბაგა-ბაღების პედაგოგებისა და აღმზრდელებისთვის, რომელთაც ყოველდღიურად უწევთ ბავშვებთან ინტერაქცია და მნიშვნელოვან რგოლს წარმოადგენენ ბავშვთა მიმართ განხორციელებული ძალადობის გამოვლენისა და მასზე რეაგირების საქმეში.
გზამკვლევი მიზნად ისახავს სასწავლო დაწესებულების წარმომადგენლებისთვის ისეთი ინფორმაციისა და ინსტრუმენტების მიწოდებას, რაც ხელს შეუწყობს მათი მხრიდან ბავშვთა მიმართ სკოლასა და ოჯახში განხორციელებული ძალადობის დროულ გამოვლენას და ყოვლისმომცველ, მრავალსექტორულ რეაგირებას.
პროექტი ხორციელდება გენდერული თანასწორობის ფონდის
მხარდაჭერით (კანადა)
„ბავშვის მიმართ ძალადობის გამოვლენის და მასზე რეაგირების პრაქტიკული გზამკვლევი პედაგოგებისთვის“ - ამ პუბლიკაციის პრეზენტაცია გაიმართა პედაგოგებთან გამართულ შეხვედრებზე.
საინფორმაციო შეხვედრები ეხებოდა პედაგოგების როლს ქალთა მიმართ/ოჯახში ძალადობის პრევენციასა და მსხვერპლთა დახმარების კუთხით. ასევე იყო საუბარი კანონზე ძალადობის აღკვეთის და მსხვერპლთა დახმარების შესახებ, რეფერირების საკითხზე და კონკრეტულად - საგანმანათლებლო დაწესებულებების როლზე ძალადობის მსხვერპლთა იდენტიფიკაციის და დახმარების კუთხით.
საინფორმაციო შეხვედრები ჩატარდა პედაგოგებთან ჩატარდა წყალტუბოს, წალენჯიხის, სენაკის, ხონის, ქუთაისი, ზუგდიდის და ხობის მუნიციპალიტეტებში.
პროექტი ხორციელდება გენდერული თანასწორობის ფონდის მხარდაჭერით (კანადა)